自由講場今日: 140|主題: 1359753

收藏本版

發帖

返回列表

跳至頁

查看: 4105 | 回覆: 130

好長篇。點解要搞到一家人唔開心？ [複製鏈接]

12 3 4 5...7

小涼粉

別墅

積分: 982

1^#

發表於 13-5-8 20:14 |只看該作者 |倒序瀏覽 |打印

話說，我女女四月十五號出世。所以要同老公諗女女個名，同埋擺滿月酒定係百日宴。因為同老爺奶奶一齊住，所以都要專重一下佢地既意見。由於我爸爸識得改名夾八字，所以我問老爺想改乜野名，睇下夾唔夾女女八字。之後老爺奶奶都話無所謂，叫我地兩公婆話事。跟住我叫爸爸幫我夾左女女既八字，睇下有乜野字可以用，再決定改乜野名。後來我爸爸搵左 d字比我地選擇，事後我亦都即刻問老爺奶奶鍾意邊一個，佢地同之前一樣咁講無所謂！咁最後都係我老公決定，而呢一個名我亦都鍾意，最後同老爺奶奶講，決定改呢一個名！老爺奶奶亦無反對，而且仲不停叫我女女個名。咁我地亦都好開心，因為無因為改名既事而嘈交。
之後我同老公想擺百日宴，原因係老公好多既親戚都係大陸住，到時佢地亦會黎，但始終大陸依加有好多病菌，H7N9 真係好得人驚！所以我地唔打算擺滿月，因bb太細個，打算擺百日宴。但我都叫老公尊重老爺奶奶既意思，所以連續一星期已經問左五六次確定，問老爺想擺滿月定係擺百日宴。到最後老爺都叫我地決定！五月一號個一日，我老公幾個親戚係大陸過黎食薑醋。個幾個大陸親戚就講起，bb滿月既時候要剃鬚毛，仲要剃光頭，最離譜係要剃眼眉…… 我聽到當堂O哂咀！我就即刻話，邊有人剃眼眉架？佢地就答我：大陸果 d 個個都係咁架啦…… 我就心諗：呢度係香港呀！之後我就答：下？！然後佢地又答我：以前果d個個都係咁架啦！之後我就扮聽唔到。
到到夜晚，我老爺既家姐（我同老公叫佢做大姑）係大陸打電話落黎同我老爺傾電話。而我就一直聽住佢地傾電話。大姑問係咪擺滿月，我老爺答：吾係，佢地兩公婆話擺百日宴喎！大姑就話佢地個邊冇咁既例規，我老爺就答：下，冇咁既例規架？我乜都吾知架，佢地兩個話事既！我冇講過嘢架！我聽到老爺咁講就已經知道，我同老公又比人擺上枱。大姑又問bb改左咩名，我老爺講比佢知，佢又問：邊個改架……我老爺就話我爸爸識改，咪比佢改囉！我聽到佢咁講，我真係好無奈，佢講到自己咩話事決都冇咁！但事實我地係每件事都先問佢，佢話冇所謂，我地先決定。佢地收線之後，老爺就大罵奶奶乜都吾識，乜都吾做！老爺：叫x左您去擇日睇下幾時擺滿月架啦，叫x左您去黃大仙比錢人改名架啦！乜都吾x做！奶奶：您有時間返大陸，又吾見您攞d時間去搞？！您又冇叫！我點知您想點呀？您仔女又冇剃鬚毛，又冇擺滿月，我緊係吾識啦！我就即刻幫住奶奶：奶奶邊度得閒吖，日日返工，又要買嘢煮晚飯，又要煲薑醋……之後我老爺就吾出聲。（其實我老爺好大男人，日日放工返黎就乜都吾洗做，水都有人拎埋比佢飲，差再未餵埋！佢話要食乜，奶奶就即刻煮比佢食，但煮得吾好食又鬧到我奶奶狗血淋頭……d菜少d油又鬧，d湯淡左少少又鬧！而我奶奶就成日比佢鬧都吾出聲，有時見佢委屈我都會出聲幫佢！）言歸正傳，我老爺就問我係咪聽日（2/5)攞出世紙，我話係！心知佢係想我個女改過個名。但我就扮傻……之後佢仲話返大陸擺滿月，我就話：下？擺滿月？乜吾係話擺百日宴咩？我老爺吾出聲，吾應我，我就再問：仲要返大陸擺？依加大陸咁多菌，仲話返去擺？就算係，bb啲證件都整吾切啦！佢又吾出聲。咁我老公返到黎我就將所有嘢講哂比我老公聽，開頭我都擔心老公贊成返大陸擺滿月，但好彩老公企係我個邊。我老公聽完我講勁嬲，就係度鬧！佢地都onX9既，一早問左佢（老爺）擺咩架啦，佢又吾答，問佢鍾吾鍾意個名架啦，佢又話冇所謂，依加又乜乜乜乜乜……聽哂佢個家姐講，自己咁大個人冇主見架咩？我地係佢老豆老母，我地點解吾可以一家人話事？又要啲外人理？真係好x煩……到左尋日老爺堅持要剃呀b個頭，我真係勁嬲，我話可吾可以剪，佢就死都話吾得，點解我係佢媽咪反而冇得話事？

我依加都好煩呀！我真係好吾想同佢一齊住！