吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 請問你地甘唔甘心做全職媽媽?

在職全職今日: 144|主題: 48014

收藏本版

發帖

返回列表

跳至頁

查看: 4159 | 回覆: 47

[全職媽媽] 請問你地甘唔甘心做全職媽媽? [複製鏈接]

12 3

JessieLee

民房

積分: 18

1^#

發表於 06-9-18 17:06 |只看該作者

請問你地甘唔甘心做全職媽媽?

我個女現在2歲.我個女出世以後我就做全職媽媽. 可能因為是意外懷孕, 在豪無心理準備下便要辭職. 本來覺得唔洗做,又可以全力湊女是一件好事. 但我老公要求好高. 成日嫌屋企唔夠乾淨, 個女食得差d又會話我煮得唔好食, 個女有咩頭暈身熱都會算到我頭上. 有時買了些玩具比個女玩又會話我花錢, 倒不如比多d心機湊... 我自問都好比心機落頭家度, 但就換來一面屁...
有時, 會約舊同事出來食飯, 聽見佢地講公司/同行嘅事而興高彩列, 自己則成個師奶咁研究今日邊隻菜平, 覺得自己好out, 好想出番來做嘢,請番個工人算了
有冇人可以發表吓意見?

私人傳訊

memecat

別墅

積分: 901

2^#

發表於 06-9-18 18:07 |只看該作者

Re: 請問你地甘唔甘心做全職媽媽?

唔好淨係想唔好的一面啦，係，我都明白會同的fd or舊同事無咩傾咁，但想深一曾，我有d朋友都好羨慕我可以自己湊bb，知道佢幾時的需要，到你返工時，到時又會掛住bb，放左工又會想快d番屋企見個女。
請工人，請著好的就好囉，請左個會扼人or湊得唔好的仲煩，到時bb的壞習慣要改又會好煩，可能仲會跟工人多過跟你tim!
我都係做左全職媽媽11個月多，我開始時都有唔慣，不過依家真的好enjoy可以自己湊大bb，見佢比其他的bb開心時，呢個已經係回報了。我老公對於我湊bb，佢一路都覺得我湊得好好，打理家佢都覺好好，我間唔中都有問佢啦，佢又無話我唔好湊得，佢仲好欣賞我為個家付出的一切!
試下同老公講多d自己的感受，讓佢明白你更多，你已經好努力付出了，願佢明白啦!

有唔開心的除時上來啦!

可愛囡囡"教養孩童,使他走當行的道, 就是到老, 他也不偏離"。箴言22:6 我的寶貝囡囡最喜歡笑! :-D :-P 孩子若生活於... 接納中, 他學會愛分享中, 他學會慷慨讚美中, 他學會感激鼓勵中, 他學會充滿信心誠實中, 他學會什麼是真理公平中, 他學會什麼是正義 :-P :-P :-P :-P :-P :-P

私人傳訊

JessieLee

民房

積分: 18

3^#

發表於 06-9-18 18:31 |只看該作者

Re: 請問你地甘唔甘心做全職媽媽?

memecat, thanks for your support!!
我會努力!!

私人傳訊

lau

子爵府

積分: 11754

4^#

發表於 06-9-18 22:10 |只看該作者

Re: 請問你地甘唔甘心做全職媽媽?

我由結婚開始無做野, 一心諗住做全職媽媽, 湊到個大女幾歲, 細女而家幾個月大, 湊她們就是我的工作, 因為我好憎日日迫車返工日子, 又要睇老闆面色, 同事唔好就日子更難捱, 老公知我憎返工, 經濟訐可下我寧願留在家湊女, 湊到佢地精靈活潑, 同人講野話題都多d, 以前我係唔鐘意講野既人, 而家同人講野開口埋口都講子女, 其實都幾好, 起碼唔會圍繞自己私人野來講, 又睇到她們長大, 最緊要老公知屋企多野做, 你老公唔體諒你, 咪日日同他洗腦, 屋企事實做極都唔完, 乾淨一陣, 第二日咪又污糟, 點做得完.

私人傳訊

alicemun

子爵府

積分: 11631

畀面勳章

5^#

發表於 06-9-18 23:43 |只看該作者

Re: 請問你地甘唔甘心做全職媽媽?

我已經做咗全職媽媽14年半,都幾開心,而家對仔女讀中學比較輕鬆,只是買餸煮飯,打掃屋企,我一日都要煮兩餐,中午送飯去學校,唔同返工,總有一啲時間,可以做一啲自己鐘意嘅嘢.例如上網,編織,整吓餅,有時仔女會要求食啲乜嘢,食飯時見佢地食得開心,自己都會開心,乜都抵啦

私人傳訊

Barbie媽媽

洋房

積分: 397

6^#

發表於 06-9-22 00:15 |只看該作者

Re: 請問你地甘唔甘心做全職媽媽?

為仔女放棄工作係好值得架．我做咗全職媽咪五年了，起初是請家傭，但個個唔係做得唔好就同你講條件，於是等到囡囡小一就遲咗份工．

講真初初真係唔慣，我舊老板都話咁後生就唔做嘢湊女，以前日日打扮得靚靚，又有老公車我返工不知幾happy，突然變咗做師奶，初初頭一年間中會內心爭扎，好想揾番嘢做，但記得囡囡三歲肺炎入院時講的話．．．當時她說”好辛苦呀媽咪，為何要生我出來？”我倒不懂得答她，冇錯，是我把她帶到這世界，我是有責任令她健康快樂，為何假手他人呢！

冇錯真係要比老公知你喺屋企有幾忙，因佢哋好粗心大意架，經常以為ｄ老婆喺屋企冇嘢做好得閒，好彩我老公現在明白我有幾辛苦，仲時常同囡囡講要鍚媽咪，因媽咪為你做了許多．每晚晚飯後已好疲累，仲要洗碗碟抹廚房，但當聽到囡囡同老公的對話和他們快樂的笑聲，自己獨個兒喺廚房也會笑出來，這刻我覺得自己好幸福！

Barbie媽媽

私人傳訊

小茂

男爵府

積分: 6846

7^#

發表於 06-9-24 11:22 |只看該作者

Re: 請問你地甘唔甘心做全職媽媽?

我做全職媽媽未夠一年,但咁辛苦讀完大學,做野未夠四年就有份近二萬的工,當初都幾大掙扎。但有什麼東西比家人重要,錢多有多用,少有少用,最重要係開心

私人傳訊

wendy_

別墅

積分: 796

8^#

發表於 06-9-24 23:02 |只看該作者

Re: 請問你地甘唔甘心做全職媽媽?

[size=medium]我覺得為仔女放棄工作係好值得ga!講真D有什麼東西比家人重要呀!最重要係家人開心!

☆★☆★◇◆◇☆^o^☆★☆◇◆◇☆★☆◆◇☆

私人傳訊

SteffiGraf

洋房

積分: 186

9^#

發表於 06-9-25 11:03 |只看該作者

Re: 請問你地甘唔甘心做全職媽媽?

其實我諗好多媽咪為咗自己仔女, 如果經濟情況OK, 都會願意放棄工作, 就算揍仔女辛苦過返工都覺得值得. 但我覺得最忍受唔到既就係有D男人以為唔使返工, 係屋企就一定好歎, 唔知其實你付出咗好多, 工作時間差唔多係朝六晚十一. 但係如果你要返工, 佢地反而會覺得放咗工返到屋企仲要揍仔女, 會好辛苦喎, 識得關心同體諒吓你, 係咪有D唔工平呢? 我兩樣都試過, 而家出呢做返野, 但係遲D仔女要升小學, 我都會再做返全職媽咪. 到時真係要同husband傾傾呢個問題.

私人傳訊

keykey77

複式洋房

積分: 429

10^#

發表於 06-9-25 13:11 |只看該作者

Re: 請問你地甘唔甘心做全職媽媽?

我17歲就生bb啦~到依家28歲，剛剛又生左個女，個女依家個幾月，一直都係全職媽媽。其實做全職媽媽無話甘唔甘心的，你試想想，可以一直睇到個bb長大，每日成長的趣事，你就會覺得做全職媽媽好啦！^o^如果你工作的話，bb好多既第一次你可能就咁錯失左，想追都追唔番ka la！但做全職媽媽既壓力唔會比做野少的，所以要做一個全職媽媽要好用心機好有耐性，有問題就要搵人傾下，唔好收收埋埋啊

Emily Blog 請你也來分享小雪的生活點滴出售bb衫&口水肩，請按網址進入

私人傳訊

girahei

大宅

積分: 4072

11^#

發表於 06-9-25 20:45 |只看該作者

Re: 請問你地甘唔甘心做全職媽媽?

我生大仔嗰時因經濟問題唔可以自己湊, 都錯過好多佢嘅成長經歷, 例如第一次笑, 第一次識轉身, 第一次叫媽媽......都係湊佢嘅姨婆話比我知, 每次湊佢返去, 我未行到門口就已經聽到佢喊, 自己都喊埋, 好唔開心好似對佢唔住, 但係無辦法la......後來佢2歲我先湊返佢做全職媽媽, 但係始終佢都係錫姨婆多d :-(
依家細女我自己湊, 雖然係好辛苦, 但係感覺好唔同, 每日睇住佢就好開心, 點辛苦都直得, 我好樂意做全職媽媽

私人傳訊

leeyin

男爵府

積分: 8164

12^#

發表於 06-9-27 02:14 |只看該作者

Re: 請問你地甘唔甘心做全職媽媽?

無話甘唔甘心既, 你見個bb一日一日成長, 好開心架, 呢d係錢買唔到

私人傳訊

Cathy2002

大宅

積分: 2743

13^#

發表於 06-9-27 11:26 |只看該作者

Re: 請問你地甘唔甘心做全職媽媽?

自己湊,開心好多架,bb都叻d.

私人傳訊

lo8189

子爵府

積分: 12454

14^#

發表於 06-9-27 11:52 |只看該作者

Re: 請問你地甘唔甘心做全職媽媽?

無事咪甘心lor,吃力不討好咪傷心lor

私人傳訊

悠悠媽咪

複式洋房

積分: 476

15^#

發表於 06-9-27 13:53 |只看該作者

Re: 請問你地甘唔甘心做全職媽媽?

唉 ! 我想做全職媽媽好耐, 得個"恨"字 ,現在囡囡已讀小二了, 她成日叫我去接佢放學 ... 可惜我都未可以做到 .
全家的開支好大, 又要供樓, 供保險 .....樣樣都係錢, 點可以唔做吖 !
今時今日, 返工都唔係好, 受氣加班不在話, 放工仲要忘命飛番屋企, CHECK 功課, 預默 ....... 一D 都唔簡單 !

我真係好想做全職媽媽 ......

:-( :-(

悠悠媽咪

私人傳訊