吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 我個仔好難湊........

懷孕前後今日: 0|主題: 330516

收藏本版

發帖

返回列表

跳至頁

查看: 1093 | 回覆: 16

我個仔好難湊........ [複製鏈接]

phoebechan2

複式洋房

積分: 376

1^#

發表於 06-9-23 18:28 |只看該作者

我個仔好難湊........

我餵人奶,個仔差不多每個鐘都要餵,餵完又扭抱,每晚起六七次身,換完片又要餵奶,出院後至今未試過連續瞓到三個鐘頭,真係攞命!
加埋比業主收樓,個單位漏水,比樓下單位告,所以我要搬!出院後個多星期就跑去搵樓,一家三口每個週未節目就係睇樓. :-上星期終於搬左屋,bb才剛滿月,搬屋加上湊b,我辛苦到唔知點講.
餵人奶我都算失敗,上唔到奶,b仔食唔飽就要餵,餵得越密,我就越累,越累就越冇奶,b仔就勁喊, :-(
我媽潑冷水話我冇奶水就唔好餵人奶啦.我奶奶就話我奶唔夠杰,太水,所以唔飽肚,叫我飲多些牛奶,吃多些飯...
醫生唔建議補奶粉,所以最初我都冇補,後來頂唔順,b仔餓過頭,勁喊,最后都係要補奶粉.
今日終於抽到時間上網,老公幫手湊仔,已經五個星期冇上網啦,
唔知我重要挨幾耐呢?

私人傳訊

貓姐

禁止訪問

積分: 33575

2^#

發表於 06-9-23 18:34 |只看該作者

Re: 我個仔好難湊........

提示: 作者被禁止或刪除內容自動屏蔽

私人傳訊

BBrianma

大宅

積分: 1535

3^#

發表於 06-9-23 18:36 |只看該作者

Re: 我個仔好難湊........

BB出世無耐,咁多事發生,你真係好辛苦呀!
如果bb唔飽,唯有加奶粉,你唔夠休息湊bb好辛苦,
唔好唔開心啦!

私人傳訊

MissMaMa

水晶宮

積分: 55414

母親節2025勳章 2025勳章蛇年勳章

4^#

發表於 06-9-23 23:43 |只看該作者

Re: 我個仔好難湊........

初生bb一日要食成10餐人奶, 係辛苦d嫁喇, 如果你休息唔夠, 仲會唔上奶添.

如果你真係覺得好大好大壓力, 唯有餵bb食奶粉. 我諗你要多d為自己著想, 唔好捱得咁辛苦, 因為坐月好緊要, 一定要調理好身子.

其實我都試過餵人奶失敗, 當時我仲好內疚......後尾我決定泵奶出來比bb飲, 再加埋奶粉, bb都食左4個月人奶.

生bb係開心o既事, 湊bb雖然係辛苦, 但亦有好大樂趣, 目前你最緊要先調理好身子, 好好 enjoy 一下初為人母的感覺. :-P

私人傳訊

fannylie

大宅

積分: 1448

好媽媽勳章醒目開學勳章

5^#

發表於 06-9-23 23:59 |只看該作者

Re: 我個仔好難湊........

當初我都係因為唔夠人奶掙扎左好耐
到底應唔應該比奶粉bb食，
有一班人見我好疲累都好贊成我補奶粉，
但另一邊又有一班人叫我堅持餵人奶
同埋要密密比bb啜吸。結果個排心情好差，
休息又唔夠，身體都唔係咁好。
後來想通啦，我覺得bb需要飲奶係佢既原始要求，
既然我唔夠奶，補奶粉去滿足佢
係我應該做媽媽要做既事，
而且我怕bb唔夠營養會影響佢各方面既發展。
到而家我仍然人奶同奶粉一齊供給bb食，
已經盡左力啦！
所以你也不要給自己壓力呀，餵到就餵，
唔得補奶粉唔係罪嘛！加油！ :-P

[url=

]

私人傳訊

LovelyBB06

大宅

積分: 4355

6^#

發表於 06-9-24 09:07 |只看該作者

Re: 我個仔好難湊........

餵人奶是辛苦d啊, 我也是餵人奶的, 都是成日要餵, 其實都幾煩, 不過, 人奶真是對小b有益呀, 我之前聽了一個講座, 話只要餵多d, 就會愈來愈多奶了, 努力呀!

私人傳訊

hinhei

男爵府

積分: 9835

7^#

發表於 06-9-24 10:59 |只看該作者

Re: 我個仔好難湊........

嘩!! 你好勁呀!! 出院一個星期就要四周找樓........必要時補D奶粉比自己休息吓啦!!

私人傳訊

等待BB的小貓

大宅

積分: 1628

8^#

發表於 06-9-24 16:48 |只看該作者

Re: 我個仔好難湊........

我都係餵人奶+奶粉, 可惜人奶唔夠, 一日只儲(泵)到一/二餐人奶比bb, bb飲人奶真係超快, 個零月bb, 4安可以7mins飲清(奶粉同等份量飲15-20mins), 但我都好滿足餵到bb二個月, 不過而家返工冇餵喇, 都叫儘左力喇, 所以bb出世體重2.53, 到兩個月就已經5kgs喇, 增長得好理想, 我覺得少少人奶都一定既幫助, 少都好過冇丫.

私人傳訊

phoebechan2

複式洋房

積分: 376

9^#

發表於 06-9-24 17:21 |只看該作者

Re: 我個仔好難湊........

等待bb的小貓,

請問你用邊個牌子奶泵呀?我用pigeon電動奶泵,泵好耐都泵唔到一安士,所以我冇再佢,我用手擠半個鐘先得兩安士,太累了,沒有再泵啦!只有埋身餵,其實我唔知b仔吃到幾多,我只能夠佢喊就餵,每天餵十幾次......,試過好幾次半夜餵奶,餵到一半我瞓著左!又或者抱佢抱抱下我又瞓著!我最怕鬆手趺親佢呀!

私人傳訊

JaniceCheung

複式洋房

積分: 391

10^#

發表於 06-9-24 18:40 |只看該作者

Re: 我個仔好難湊........

其實餵人奶, 已經已偉大,
我未生前, 都話一定要餵人奶,
但係由於開刀後好辛苦,
所以一次都冇餵過,
你地已經好叻呀!!

私人傳訊

joesimage

男爵府

積分: 5015

11^#

發表於 06-9-24 23:55 |只看該作者

Re: 我個仔好難湊........

drink more papaya fish soup la!!! :lol: and u can share at 母乳餵哺 forum.....
relax!!!

★louis日記

私人傳訊

JINGJINGMAK

大宅

積分: 1084

12^#

發表於 06-9-25 10:12 |只看該作者

Re: 我個仔好難湊........

如果你真係想有多 d 奶俾 bb 食同休息多 d, 咁你最好夜晚補奶粉俾佢, 咁佢食得飽就會訓多1 or 2hrs. o家啦. 日頭至俾全人奶啦, 我o個時都係咁o家, but 我個女夜晚補o左奶粉都唔會訓多過2 or 3hrs., 係頭o個 1/ 2 個辛苦 d, 時間好快過o家

要辛苦個人至瘦得快, 到時你就會多謝個 b o家啦 :lol:

私人傳訊

carjimlam

男爵府

積分: 7249

13^#

發表於 06-9-25 11:14 |只看該作者

Re: 我個仔好難湊........

phoebechan2 寫道:
我餵人奶,個仔差不多每個鐘都要餵,餵完又扭抱,每晚起六七次身,換完片又要餵奶,出院後至今未試過連續瞓到三個鐘頭,真係攞命!
加埋比業主收樓,個單位漏水,比樓下單位告,所以我要搬!出院後個多星期就跑去搵樓,一家三口每個週未節目就係睇樓. :-上星期終於搬左屋,bb才剛滿月,搬屋加上湊b,我辛苦到唔知點講.
餵人奶我都算失敗,上唔到奶,b仔食唔飽就要餵,餵得越密,我就越累,越累就越冇奶,b仔就勁喊, :-(
我媽潑冷水話我冇奶水就唔好餵人奶啦.我奶奶就話我奶唔夠杰,太水,所以唔飽肚,叫我飲多些牛奶,吃多些飯...
醫生唔建議補奶粉,所以最初我都冇補,後來頂唔順,b仔餓過頭,勁喊,最后都係要補奶粉.
今日終於抽到時間上網,老公幫手湊仔,已經五個星期冇上網啦,
唔知我重要挨幾耐呢?

你好叻架啦...

我個case同你都幾似呀..不過我唔使搬屋..你真係好叻架啦..
我個仔幾大食..亞媽見佢成日喊"哦我..話我唔夠奶..比奶粉.."
一個鐘比一次自己都係辛苦架...最後我仲發燒冇冇得餵..
同埋日日咁比人話..自己又剛生完個心情真係好差..成日偷偷喊..又唔可以比亞媽知..知佢都係為我好..唔想咁辛苦..自己又內疚好似唔比個仔食人奶唔知點 ...自己好唔開心..當你越唔開心..奶就越少..我唔知幾怕自己係咁下去唔depress 都會變係囉..試過係返健康院睇黃見醫生...醫生一問你餵成點呀?即刻係咁喊..醫生即刻同我傾計...坐左一陣先咁出去見亞媽費時見到眼紅紅..醫生仲好好叫個姑娘睇我餵同輔導我...係我自己唔爭氣
所以自己同自己講比得幾多就幾多...end up 3個星期咋..一發完燒d奶仲drop得勁d..亞仔又知奶樽唔使"do"得咁辛苦唔係埋身食

亞仔你真係懶
之後就食和光堂...我又心情好左..時間多左..做其他野同更有精神去take care佢...
所以唔好唔開心唔好內疚..你係有比佢食....
我支持你呀!

私人傳訊

等待BB的小貓

大宅

積分: 1628

14^#

發表於 06-9-25 12:54 |只看該作者

Re: 我個仔好難湊........

phoebechan2 寫道:
等待bb的小貓,

請問你用邊個牌子奶泵呀?我用pigeon電動奶泵,泵好耐都泵唔到一安士,所以我冇再佢,我用手擠半個鐘先得兩安士,太累了,沒有再泵啦!只有埋身餵,其實我唔知b仔吃到幾多,我只能夠佢喊就餵,每天餵十幾次......,試過好幾次半夜餵奶,餵到一半我瞓著左!又或者抱佢抱抱下我又瞓著!我最怕鬆手趺親佢呀!

phoebechan2：

我用 NUK(電動), 都OK架, 可惜我冇咩奶, 泵15mins都係得1-1.5 oz, 我bb出世時埋身餵凈係可以瞓係到餵, 坐係度餵佢唔肯飲, 我又怕壓親佢所以泵出黎, 我會每次泵到1-1.5安, 每隔3-4 hrs泵一次, 泵完放雪柜, 儲夠4安比佢食一餐.

其實, 泵奶係會比埋身餵少好多奶, 我就算飲魚湯+木瓜, 多奶茶都冇幫助, 仲越來越少, 到第二個月尾每次都泵得半安渣, 但試下抱BB埋身, 未吸都湧出黎.

私人傳訊

SandyHung

子爵府

積分: 13830

15^#

發表於 06-9-25 14:00 |只看該作者

Re: 我個仔好難湊........

phoebechan2~

你生咗喇，恭喜恭喜！
我都生咗喇，我可能飲好多魚湯同埋木瓜雞腳湯，所以 d 奶好杰，你有冇去健康院呀？ d 姑娘會教你一路餵人奶俾BB 一路揸d 奶出嚟，咁BB先至可以食到後奶，吸收多d protein，咁BB會易飽肚d ga。依家我全人奶，每1.5小時餵BB，每次餵20-30分鐘，11:00pm 餵完BB後，BB半夜只起床一次。你可以試吓！

而我係用 Avent 手動 pump奶器，very good！不費催夫之力！

私人傳訊

bebee0526

大宅

積分: 2817

16^#

發表於 06-9-25 14:11 |只看該作者

Re: 我個仔好難湊........

我同你差唔多,只係我唔洗睇樓,,,,,,,因為我係自己坐月,唔知係咪辛苦得濟,我最多只有3安人奶可以比到bb,1日只得1餐= =但係佢出院冇耐已經要飲4安,同埋我坐月時好唔開心...搞到本來係醫院d奶多到滴落地,到到一滴都冇,我都好唔開心,不過....我覺得既然冇人奶,bb又一定要飲,只好比奶粉佢...好過佢餐餐都唔飽,我仲心痛.....好彩,到而家bb食奶粉健康都好好...都重得好好...唯有係其他方面比最好ge野佢...

<b><font color="orange">我的腥架