吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 用咩心態去面對偏心既媽咪(有啲長)

婆媳關係今日: 0|主題: 27781

收藏本版

發帖

返回列表

跳至頁

查看: 1881 | 回覆: 17

用咩心態去面對偏心既媽咪(有啲長) [複製鏈接]

puitung

大宅

積分: 1218

1^#

發表於 13-5-20 10:37 |只看該作者 |倒序瀏覽 |打印

我家兩姊弟，我從來都唔敢對自己媽咪大聲或發脾氣，超級尊重佢，但我細佬會，有時仲會鬧佢，但當我鬧細佬既時候，我媽處處幫住佢，頂到我行，我係好心痛我媽比佢鬧，我細佬唔會點理佢，咩都係我理，有時唔想理又唔得，媽咪最近整親，連落街都唔得，我照顧佢三餐又要照顧自己屋企，煮飯比佢食又要煮埋比我細佬同佢女友，我講過唔想，但佢寧願扶住啲野單腳咁去煮比我細佬食，咁咪即係又迫我煮，因我唔想媽咪辛苦，但好唔甘心，我錫佢錫到膿，但話親細佬既不是就下下頂住我，又唔想同老公呻，因佢同媽咪關係都好好，怕老公知道會唔鐘意我媽，因佢好錫我，唔想我辛苦，各位jm有冇啲類似咁既問題，我想請教下用咩心態面對會令自己舒服啲，面對自己好錫既媽咪，但處處只會幫細佬口，揾藉口去幫佢蓋過哂所有既不是，我睇到佢咁我好心痛，但佢就係唔會幫我諗下

0 0 0

私人傳訊

方方媽媽

水晶宮

積分: 74328

2^#

發表於 13-5-20 12:21 |只看該作者

每個人都有自己選擇生活方式既權利.
你媽選擇左縱仔,
你就選擇左縱媽.
你縱你媽咪,同你媽咪縱自己個仔,基本上係同出一徹.
老人家,基本上係唔會再改架啦.
你都無得怪責別人(弟弟)啦,因為係你自願架麻,
你有份參與縱你弟弟架.
你唔抵得頸,係要幫手做,只好繼續間接服侍你弟弟同佢女友囉.
如果係我,我唔會再咁做,
同埋同媽媽講清楚,佢咁做,係自己攞來.
但我會比媽媽選擇搬來同我住囉.

點評

koko2000 100% 同意, 樓主協助佢阿媽縱仔! 發表於 13-5-20 15:33

私人傳訊

carrina

伯爵府

積分: 15754

熱血勳章好媽媽勳章

3^#

發表於 13-5-20 12:28 |只看該作者

唔做多唔做少, 做好自己本份算

私人傳訊

puitung

大宅

積分: 1218

4^#

發表於 13-5-20 12:36 |只看該作者

引用：每個人都有自己選擇生活方式既權利.你媽選

原帖由 方方媽媽 於 13-05-20 發表
每個人都有自己選擇生活方式既權利.
你媽選擇左縱仔,
你就選擇左縱媽.

佢整到之後我都叫佢去我度住，因為我自己有頭家，每日都要湊小朋友返學放學仲要去買餸，但我媽唔肯，第一驚陌生床訓唔到，第二係佢唔係屋企，驚佢個仔冇衫著(冇人幫佢洗衫)，冇飯食，但佢最終都選擇左辛苦我，舒服佢個仔，我又唔可以唔理佢，因佢落唔到街，我唔理佢佢飯都冇得食，有時就係依啲位好難做，我辛苦佢唔體諒當然唔想幫唔想理，但我唔理佢會餓死=_=

私人傳訊

puitung

大宅

積分: 1218

5^#

發表於 13-5-20 12:43 |只看該作者

引用：每個人都有自己選擇生活方式既權利.你媽選

原帖由 方方媽媽 於 13-05-20 發表
每個人都有自己選擇生活方式既權利.
你媽選擇左縱仔,
你就選擇左縱媽.

好多謝你意見

私人傳訊

mrschocolate

珍珠宮

積分: 31074

6^#

發表於 13-5-20 12:48 |只看該作者

回覆：puitung 的帖子

香港地，叫外賣都得啦，唔會餓死。你話你細佬，分分鐘比人窒:依家又無人叫你做，你自己鍾意做之嘛。

私人傳訊

cnynicole

珍珠宮

積分: 33519

育兒性格勳章 DHA勳章畀面勳章 BK Milk勳章 hashtag影視迷勳章

7^#

發表於 13-5-20 16:43 |只看該作者

我覺得樓主媽咪同細佬都依賴左你
因為佢地知道你會睇唔過眼去幫手..
唔係話你唔岩,, 你對自己屋企人好係值得一讚
但係好到over 左.. 佢地既要求就令到你做女既好辛苦!
搵返個平衡點, 大家都可以舒服, 自在吧~!

私人傳訊

方方媽媽

水晶宮

積分: 74328

8^#

發表於 13-5-20 17:03 |只看該作者

puitung 發表於 13-5-20 12:36
佢整到之後我都叫佢去我度住，因為我自己有頭家，每日都要湊小朋友返學放學仲要去買餸，但我媽唔肯，第一驚 ...

你媽媽無選擇辛苦你,係你自己攞來.
佢唔會無你煮飯比佢食就餓死,佢可以叫外賣.
正如,佢唔幫個仔洗衫,個仔都唔會無衫著.
佢搵藉口縱仔,你就搵藉口縱媽.
你媽縱完個仔又要呻辛苦,
你縱完阿媽都一樣呻辛苦.

點評

luckybaby2011 講得好發表於 13-5-21 18:11

私人傳訊

littlefafa

大宅

積分: 2619

9^#

發表於 13-5-20 23:28 |只看該作者

回覆：用咩心態去面對偏心既媽咪(有啲長)

無野既，你自己揀縱媽，係會辛苦啲
香港地唔會餓死人，識打電話就ok
你細佬比人縱慣，話都無用，呢件係伯母同佢之間既事黎
你搞唔惦，咪老實同伯母講，睇下之以情得唔得。咁如果佢都係要辛苦自己咪由佢囉，佢心甘情願嘛

私人傳訊

kalonice

伯爵府

積分: 18300

10^#

發表於 13-5-21 00:15 |只看該作者

puitung 發表於 13-5-20 12:36
佢整到之後我都叫佢去我度住，因為我自己有頭家，每日都要湊小朋友返學放學仲要去買餸，但我媽唔肯，第一驚 ...

老實講, 如果妳細佬真係寧願個媽媽餓死, 都唔會去照顧下個媽媽既, 妳媽媽都仲唔醒既, 甘妳都冇辦法架! 一係妳就繼續幫, 一係妳就狠心d, 同妳細佬 & 妳媽媽講, 要細佬分擔返d責任, 妳一個禮拜只有一半既時間會過去, 其餘既佢地自己搞掂~

其實妳細佬幾大啦, 仲要人好似小朋友甘照顧既?

私人傳訊

nfever

大宅

積分: 2967

11^#

發表於 13-5-21 17:45 |只看該作者

puitung 發表於 13-5-20 10:37
我家兩姊弟，我從來都唔敢對自己媽咪大聲或發脾氣，超級尊重佢，但我細佬會，有時仲會鬧佢，但當我鬧細佬既 ...

我阿媽都縱我阿哥同阿嫂. 一齊住埋一間屋, TISSUE又唔買, 家務完全唔做, 飯又唔煮一餐 (佢地無返屋企食飯, 日日出街食).
我阿媽呻左好多次....次次我都叫佢辛苦咪唔好做囉... 一係掃佢出去住囉, 間屋你兩老辛苦買落仲要俾人嘆, 俾人整污糟......你後生果時又返工又湊仔邊個黎幫你呀, 咪又係你自己做. 做家務打理屋企做得死人架.

次次叫佢叫阿嫂做, 佢就話阿嫂俾佢屋企人縱慣, 唔識做, 係咁架喇佢, 無辦法架喇. 我聽到厭晒. 根本係藉口! 連勸佢我都SIDE氣, 覺得講到口臭唔再俾佢申.

總之我唔會幫阿媽做呢D野, 淨係做好自己本份. 阿媽鐘意服侍佢地, 咪自己做飽佢囉. 我自己有頭家都一腳踢自己搞掂啦. 你要做工人, 係你既選擇, 唔好同我申喇.我只會愈聽愈唔開心.