吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 想"呻"就入黎傾下啦!

夫婦情感今日: 6|主題: 42715

收藏本版

發帖

返回列表

跳至頁

查看: 982 | 回覆: 7

想"呻"就入黎傾下啦! [複製鏈接]

bunnymami

別墅

積分: 711

1^#

發表於 06-10-21 11:34 |只看該作者

想"呻"就入黎傾下啦!

我都唔知到底我老公係米好老公？話佢對我唔好又唔係，之但係總係覺得同佢溝通唔到。嗨.....都結左婚成7年多，我老公係孝順仔，又無嫖無睹，唔飲酒又唔食煙，放工馬上翻屋企，放假都唔出街，朋友都唔多個，在其他人眼中係正牌好老公；不過相處左咁多年，我到現在都仲覺得我一D都唔了解佢，唔係我唔去了解，而係佢從來都唔會同我講心事，佢有乜諗法都唔會同我傾，就係乜都唔出聲個種，佢LIKE唔LIKE都唔知，我都要估，一係就無喇喇發脾氣。我份人就好直接既，鍾唔鍾意都一定會講出黎，兩公婆有乜唔講得先？! 我試過同佢傾，但係就對牛彈琴，佢米哦哦哦囉，之後米又係照舊，徙氣! 我地兩公婆住，平日就好似兩個同屋住咁囉，食晚飯米講兩句囉，之後，我有我洗碗，佢有佢係書房對住部電腦，佢咁就可以成晚架喇，我洗完碗米自己一個係廳睇電視囉，各有各架喇，之後米佢會問，"訓覺未呀？" 係咁多。

我地今年仲生左個BB，係意外黎，本來無打算要BB，因為我倆都唔多鍾意細路，但上天安排，都有左米生出黎囉，宜家BB成3個月，我仲做埋家庭主婦添，最初諗住生左BB佢會成熟D啦，點知米又係自己天真囉。由於BB鍾意喊，其實係要扭抱，佢就好唔鍾意個仔喊，禽晚仲衰，佢索性刪埋個房門，由得個仔係房喊，我又洗緊碗，大佬呀，我攪左個仔成日，諗住你放工會想同個仔玩下啦，你唔"騷"佢不特止仲刪埋個房門理都唔理佢，細路仔喊你米錫下佢囉，我知你做野辛苦，宜家有邊個香港人唔辛苦得架?！　我米慶囉，佢跟住就成晚無理我同個仔，野都無講過句。　

我覺得好辛苦呀，以前還好係有工番，宜架做埋黃面湊仔婆，悶都悶死，想"呻"都唔知穩便個。　你地幫下我啦，我真係好無助呀 :-(

私人傳訊

kammy2005

大宅

積分: 1332

2^#

發表於 06-10-21 13:35 |只看該作者

Re: 想"呻"就入黎傾下啦!

我老公都係咁架我個女而家8個月由佢出世到而家佢都係一喊就唔理佢，我而家都係全職媽咪，我以前都係有返工，有時都覺得好悶，如果你真係好悶多啲推bb落街行下,同埋個你個bb仲細遲啲位佢開始越大越多表情就咩唔開心既野都忘記哂,而家你最應該將所以有時間心機放哂係bb同自己度,唔好再理個死老度,希望你可以開心啲同bb身體健康肥肥白白

私人傳訊

bunnymami

別墅

積分: 711

3^#

發表於 06-10-21 16:54 |只看該作者

Re: 想"呻"就入黎傾下啦!

多謝你支持我呀，估唔到都有人同我咁相似，真痛苦:-(

咁你平日點過呢？我有時都好悶架，米好似你所講帶BB出街囉，但總覺得日子太慢長喇.........

ANYWAY，大家一齊努力呀，多D入黎交流下啊。

私人傳訊

elainebb

別墅

積分: 984

4^#

發表於 06-10-21 17:11 |只看該作者

Re: 想"呻"就入黎傾下啦!

bunnymami 寫道:
多謝你支持我呀，估唔到都有人同我咁相似，真痛苦:-(

咁你平日點過呢？我有時都好悶架，米好似你所講帶BB出街囉，但總覺得日子太慢長喇.........

ANYWAY，大家一齊努力呀，多D入黎交流下啊。

我地case好似,我老公仲衰過你隻佬....

燒暈小臭b

私人傳訊

sarahleema

複式洋房

積分: 144

5^#

發表於 06-10-22 00:12 |只看該作者

Re: 想"呻"就入黎傾下啦!

bunnymami
我又加入先, bunnymami唔好唔開心, d男人十個有九個都係咁, 好自私, 成日話自己辛苦, 女人要tall仔生仔湊仔唔辛苦咩, 返工都有時間呀, tall仔湊仔係24小時o家! 而家阿仔咁仔, 萬事以阿仔為先, 好似bunnymami話, 等阿仔大個d, 唔會喊咁多,又好玩d多d表情, 你老公可能會轉變呢? 到時你開心d, bb開心d, 老公又會開心d!!!
我老公都好衰o家, 同佢結婚年幾咋, 感情都好淡la,同未結婚時爭十倍, 結婚冇耐,佢仲暗示想離婚tim!! 我而家成日都開玩笑咁話, 同佢只係同屋共主, 冇其他"關係", 佢成日話自己好辛苦好大壓力, 我咪同佢做差唔多嘢, 話我坐月係屋企冇嘢做! 佢又驚阿女半夜喊, 寧可出廳瞓, 阿女平日唔喊由自可, 一喊佢就好唔耐煩, 有次我同佢講我要係廚房做嘢, 叫佢留意阿女, 點知我係廚房關上門都聽到阿女喊, 走出嚟佢仲係打緊機, 冇理阿女! 屋企事務全部唔做, 有咩事發生只係用把口鬧我, 我產後抑鬱, 成日喊, 佢都冇開解安慰我, 仲鬧我白痴,叫我自己反省, 我生完阿女, 都冇慰問我傷口點, 直至個幾禮拜後我一泡眼淚咁問佢,點解你唔問吓我傷口好返未, 佢就好愕然, 冇出聲, 好明顯係知自己衰咗......! 不過我都好d, 就快返工, 可以分散自注意力!
你都要加油呀, 唔好諗咁多老公,諗bb la, 睇書睇報紙, 玩電腦, 同人傾吓計, 最緊要自己開心, 阿b一笑解千愁!!!
努力!!!!

私人傳訊

puimimi

大宅

積分: 1218

6^#

發表於 06-10-22 00:26 |只看該作者

Re: 想"呻"就入黎傾下啦!

我都係同我老公溝通唔到ga,唯有自己揾方法娛樂吓lo,如果唔係,我怕我遲早入青山ar.......

私人傳訊

軒軒媽媽

大宅

積分: 3113

7^#

發表於 06-10-22 00:40 |只看該作者

Re: 想"呻"就入黎傾下啦!

我剛剛同老公吵完鬧..為左仔仔的事而嘈..我個仔得11月大..平時佢好少同仔仔玩.佢返到屋企都好累...今晚見個仔跟佢玩..我咪想個仔同佢一齊洗白白.點知佢不覺意將個仔墥落個浴缸啦..個仔即係喊.我咪拿拿睇下咩野事...唉..個仔見到我就想我抱...我當然抱佢出來...之後佢唔肯著衫...我就不知點算..因個仔個頭好紅..好彩無流血...佢就未洗完..我就話:(可以唔可以快d洗..個仔唔肯著衫..想你幫下手)..點知佢亦然發我脾氣..唉..我唔係叫你即係出黎..駛唔駛發我脾氣?佢後來話唔喜歡人地吹佢做野啦..我就無理佢啦..我叫佢開奶比個仔食.佢走去開奶..我就無出聲...費事比個仔見到我們吵鬧啦..
之後個仔開始怕佢啦.連餵奶都唔肯比佢餵..佢走去訓覺...其實平時個仔都唔肯比佢抱....我叫佢多d同仔玩...唔好好似包公咁..小朋友好天真..你同佢玩.佢咪佢玩...係咪?之後其實有許多人慘過我地啦..你唔駛咁無哂心機..你雖要裝備自己..唔好變黃面婆...加油啦..我支持各位媽媽同你啦..

私人傳訊

bunnymami

別墅

積分: 711

8^#

發表於 06-10-22 11:24 |只看該作者

Re: 想"呻"就入黎傾下啦!

各位媽咪多謝晒

係呀，D衰公就係咁自私架啦，我老公仲成日覺得自己係100%好老公添呀，話我第二世都搵唔到好似佢咁好既老公喎.....係囉，咁我都知衰過佢既仲有大把，最敝，佢成日一啖沙糖幾啖屎，真係好難啃呢。我宜家有時忍唔住會反抗或者發下脾氣，佢就話我變左，初初結婚都唔係咁.....車，佢以前夠唔係咁喇，識話人唔識話自己。遲D要教仔個陣都唔知點添呀，佢講就天下無敵，做就無能為力，永遠識講唔會做，BB未出世個陣佢米又講都天花龍鳳，宜家BB3個月佢已經開始越來越少參與喇，買衫，買玩具同個仔玩都係我全部攪掂，總之，米煩佢，佢得閒只會去行電腦舖，買自己D電腦野，呢，佢禽晚又買助部PSP反黎啦。