吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 美容扮靚› (更新, 伏已中, 已加補色後新相!!!) 新做霧眉同眼線, 冇 ...

美容扮靚今日: 14|主題: 137953

收藏本版

發帖

返回列表

跳至頁

查看: 28930 | 回覆: 75

(更新, 伏已中, 已加補色後新相!!!) 新做霧眉同眼線, 冇伏

[複製鏈接]

12 3 4

CannieWP

男爵府

積分: 9928

1^#

發表於 16-3-21 15:49 |只看該作者 |倒序瀏覽 |打印

本帖最後由 CannieWP 於 16-9-14 17:32 編輯

上年出去畀人做過眼線, 補過一次色, 效果超差, 唔上色兼深淺不一!

今年諗住再做就上黎搵資料, 但實在太多打手

,
PM過幾個JM後, 最後揀左一個可以上門既 (唔係姓wong).. 其實臨做前一晚我都仲驚緊, 諗過叫停佢唔玩, 但好彩.... 今次真係好上色好靚

呢張係未做前同做完後3個鐘,
做完冇腫, 初頭係會keep住痛, 之後就慢慢減少, 3個鐘後完全唔痛

7日甩焦後效果好自然, D色留得好好,
眉做左深啡, 眼線做黑,

各位如果鍾意可以PM問資料, 但唔好係板面留 [PM]兩個字, 我唔想畀人當打手兼刪帖, thx

14/9/2016 Wed
半年前我經呢度JM介紹搵到個上門師傅做眉同眼線, 7日甩焦後效果滿意所以上黎開左個上面個post,呢半年以黎PM問我攞資料既起碼超過50人! 剛剛9月記起仲差一星期就足半年, 所以約左5/9 Mon 補色.

之有JM話我對眉好死實, 有王小虎feel

, 我一直都係話自己眉毛淺色所致, 完全冇責怪過任何人, 補色前我問左果位小姐如果今次想加飄眉, 希望令整體再立體D可以點計, 佢話可以計返之前套餐價畀我.
淨飄$1800 淨霧$1800 眼線$1200 飄霧$2800 同時做埋眼線就加多$1000, 半年內包補一次
之前我係淨霧加眼線所以畀左 $2800, 今次加飄係加 $1000, 我話要諗諗先, 因為怕飄左一次後又要再補, 怕自己時間上配合唔到會好煩, 佢仲話飄眉一次就夠, 唔洗補.

等待補色呢半年間其實都有一個小插曲: 話說之前講過介紹超過50人, 其中有位JM真係做左, 仲早過我補色, 點知唔補色好地地, 一補就出事, 佢當時已經有提醒過我, 仲SEND埋相我睇.

當日開始做霧眉補色前我冇揀過色, 因為個心係諗住已做過一次, 佢專業一定知配返咩色好, 做完見到顏色比之前淺時我有問過佢點解, 佢話因為上次留色好好, 所以揀淺色少少等D色keep耐D但又唔會王小虎,見佢講野中point我就冇理, 反而全個心都諗緊加唔加飄眉, 佢當然會話加埋就立體D啦, 結果我即埸畀錢加, 顏色亦一樣冇揀過. 同一時間我又發現兩邊眉頭有唔對稱問題, 左邊眉頭明顯地見到方形, 但右邊係C字形, 我問佢係咪要補返C字個缺口位, 點知佢話唔需要, 一陣飄埋線會唔覺眼, 我見佢咁講就試左先.飄完後我睇返兩邊眉頭又好似比之前接近返少少, 但飄上去既線條係比較疏落, 由於第一次做飄, 究竟應該飄幾密同幾疏, 退左焦會變成點根本完全冇概念, 所有野只憑一個信字

.

7日後星期一終於退晒所有焦, 期間我同第一次新做一樣, 每日只用濕棉花抹面, 唔化妝因為怕落妝會影響對眉, 連個頭都係兩日洗一次, 仲要烏低身黎洗, 驚死對眉濕到水!
大家請睇睇, 4張近鏡相係我用IPhone再加微距鏡先影到

甩焦後兩個眉頭都係深淺不一, 左眉頭只見兩條線, 右眉頭好D有4條, 左眉尾最幸運, 線條最多, 可惜唔用微距真係睇你唔到, 失覺晒! 右眉中最得, 一條眉竟然可以分成上下兩part, 下面隱約都見到幾條, 上面就直頭係國王的毛毛, 我認我蠢, 完全睇唔到有任何線

!?

我影晒相係FB inbox度同佢講霧眉同眼線都好滿意, 但飄眉就一忽忽, 而且好疏落同好淺色, 問佢可以點攪, 點知佢講到我可能濕過水, R過D焦, 打理得唔好, 同皮膚有問題.
我十幾年前已經做過繡眉, 紋身也做過, 即使係對上一次霧眉我都保養得好好, 佢仲話我眼線同眉色半年都keep得唔錯, 但而家飄唔掂對眉就我錯!? 佢話要補就要加多$800, 計返原價, 我話要諗諗先, 但越諗就越嬲, 點解我同之前個JM都係一開始就畀人質疑皮膚唔好所致? 難道我地都係第一次做昤皮膚好好, 補乙時一齊皮膚突變

!?於是我同佢講我地唔會同自己過唔去, 唔會特登整壞自己對眉黎瀨人! 自問我唔係果D貪著數又計到盡既人, 兩次做眉我都係畀足佢FB上面既價, 絕對冇話因為介紹過幾多人畀佢而叫佢收順D, 只係今次唔加錢飄眉好好地, 加完就一肚火, 做完只係9日, 我話一忽忽想攪攪佢就同我講唔包, 因為飄霧眉只加$1000唔係加正價所以唔包, 但佢之前冇講過, 只話做一次就夠, 唔洗補色, 而唔係唔包補色, 仲話知如果佢肯免費補就會冇事, 話我一心要唱佢, 而家最後讓步$500補色, 講到呢度我已經更嬲, 我叫佢唔洗補, 事到如今我唔會再介紹, 亦會公開同之前介紹過既人講一聲 [對唔住, 因為我推介過而有以上類似事情發生過既JM, 好對唔住, 我自己都中伏了, 雖然道歉唔能夠改變事實, 但至少我會勇敢地認錯, 對唔住!]
但當我講明會公開件事後佢竟然提起我地兩公婆既職業, 直覺上....大家會回諗!? 佢專做上門, 即係我住邊佢一定好清楚, 兩次黎亦都見過我兩個小朋友!

感覺上呢個人唔止職業道德有問, 連就為人都有問題, 因為霧眉補色時我有提起之前補色出事果位JM, 首先我係話朋友, 問佢對眉點解會咁? 呢個人都係話佢皮膚唔得, 然後我再講只係BK認識, 點知佢就講埋呢位JM既私隱我知. 後尾我話佢提起我家人職業又爆人私隱究竟想點, 佢仲可以話你地係FD, 係我引導佢講, 與佢無關! 擺明老屈兼推卸責任, 我有講係BK識, 但識唔代表熟, 就算熟亦唔代表你可以爆人私隱! 由頭到尾我都只係講人對眉, 完全冇提起過任何野, 況且我同呢位JM唔熟, 根本唔知人地咁多野!
其實留唔到色除左皮膚唔得, 補養唔好之外, 佢落針力度都可以係關鍵之一, 因為飄眉唔係用機做, 而係用人手同排針, 有邊個可以保證自己每落一針, 每畫一條線都係百百準確, 力度永遠一致?

在此奉勸各位一句, 揀美容師傅真係要睇清楚對方有冇商業登記證, 有限公司定無限公司, 尤其上門果D, 人地知你住邊其實都好唔安全! 我衰左, 大家唔好學我

誤信我而出左事既JM好對唔住

0 0 0

私人傳訊

Kinkooo

禁止訪問

積分: 55

2^#

發表於 16-3-21 16:11 |只看該作者

提示: 作者被禁止或刪除內容自動屏蔽

私人傳訊

candy8888

大宅

積分: 4603

3^#

發表於 16-3-21 16:27 |只看該作者

幾自然喎，想問一共幾錢？

私人傳訊

missbull

大宅

積分: 4510

4^#

發表於 16-3-21 17:07 |只看該作者

條眉麻麻地

點評

Umelee

發表於 16-3-22 07:48

私人傳訊

CannieWP

男爵府

積分: 9928

5^#

發表於 16-3-21 17:09 |只看該作者

回覆 Kinkooo 的帖子

其實甩焦後唔算深色, 因為我冇染髮, 頭髮黑過墨斗

私人傳訊

CannieWP

男爵府

積分: 9928

6^#

發表於 16-3-21 17:11 |只看該作者

candy8888 發表於 16-3-21 16:27
幾自然喎，想問一共幾錢？

眉要$1800, 眼線$1200, 兩樣一齊做係$2800

私人傳訊

fskaren2002

男爵府

積分: 7839

醒目開學勳章環保接龍勳章

7^#

發表於 16-3-21 17:15 |只看該作者

回覆：新做霧眉同眼線, 冇伏, 多謝JM介紹

條眉太實了，有點兒小新feel, 眼缐0k

私人傳訊

CannieWP

男爵府

積分: 9928

8^#

發表於 16-3-21 17:15 |只看該作者

missbull 發表於 16-3-21 17:07
條眉麻麻地

你睇我條眉本身冇咩毛, 有都好淺色, 其實果位小姐有叫我試下飄+霧, 但話晒第一次驚死, 所以只做霧眉, 遲下補色可能會轉飄, 睇落可以多返D毛毛

私人傳訊

CannieWP

男爵府

積分: 9928

9^#

發表於 16-3-21 17:18 |只看該作者

fskaren2002 發表於 16-3-21 17:15
條眉太實了，有點兒小新feel, 眼缐0k

我都覺, 因為本身都咩眉毛, 而家想加飄眉係面, 但起碼上到色, 感覺唔太差, 手勢比上年果個已經好好多

私人傳訊

baobao520457

男爵府

積分: 7160

10^#

發表於 16-3-21 18:21 |只看該作者

回覆：新做霧眉同眼線, 冇伏, 多謝JM介紹

霧定飄好d?我都約著一間3號去整，仲未決定霧還是飄

私人傳訊

CannieWP

男爵府

積分: 9928

11^#

發表於 16-3-21 18:55 |只看該作者

baobao520457 發表於 16-3-21 18:21
霧定飄好d?我都約著一間3號去整，仲未決定霧還是飄

個人認為, 如果有眉毛只係淡色就霧眉, 但好似我咁冇眉毛就最好兩樣都整.聽我呢位小姐講, 飄+霧最好係霧左個底先, 然後再係上面飄線條, 咁就會有自然眉毛既線條+用眉粉畫過既效果.佢話如果先飄後霧, 霧既過程會影響之前飄左既線條.

初頭我都諗左好耐飄定霧好, 因為本身冇眉毛, 如果淨飄眉都怕線條好死實, 聽完佢咁講就決定霧左個底先, 補色時再決定飄唔飄