亞視黑雨照call人上堂, 仲要趕唔切就當遲到, 痴鬼線!!!
http://hk.apple.nextmedia.com/entertainment/art/20130523/18268491
亞視舊年年底搞咗個「演藝訓練計劃」洗腦班，硬性規定藝員一定要上堂，戚黛黛、張啟樂等五個藝員因為無故缺席同拒絕上堂而俾人炒魷，嚇到個個冇乜工開、收入唔多嘅都唔敢遲到或缺席，下下搭的士趕返學，經典到爆！
噚日凌晨，天文台發出黑色暴雨警告，勞工處指引列明，為咗僱員安全着想，僱主唔應該要求僱員返工，不過亞視呢班學生就受惠唔到，個個狼狽趕返去上堂，真係冇陰功！「亞洲之子」亢帥克都喺微博度寸咗一句：「亞洲大學堂是不會停課的！」而被炒嘅張啟樂就喺微博度話：「今日黑雨都要啲藝員準時十點返去上堂？咁中途有事邊個負責？」
上完堂嘅亢帥克接受電話訪問時話：「九點幾收到公司電話，黑雨都冇得停課，叫我十點要返到，趕唔切就當遲到！」好在亢帥克住大埔趕得切，咁會唔會投訴黑雨都要返學？佢就話：「有啲人會啩？對我冇影響，因為住得好近，又有公司車接送。」
發表於 
返回列表
