吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 佢的私己錢...

夫婦情感今日: 0|主題: 42733

收藏本版

發帖

返回列表

跳至頁

查看: 2140 | 回覆: 12

佢的私己錢... [複製鏈接]

Freak

大宅

積分: 3551

1^#

發表於 06-10-6 03:05 |只看該作者

佢的私己錢...

我地結婚時開左個聯名戶口..每月都會各自入一些錢入去..
但之前自己的儲蓄就各自保留..
大家都唔會管對方有幾多...或點用..
雖然無講..但大家都係買下股票仔或基金, 外匯咁...

我生左bb後..我覺得將來要用好多錢..又成日聽人講..男人有錢係身邊就身痕...所以想佢將佢以前的部份儲蓄放埋入聯名..不過佢就想保留大家各自有私己錢..可以自由投資..而且佢話一直以來亦無管我的私己錢嘛.

我係咪唔好太多心..繼續大家有自己的私己錢呢

若都有聯名戶口的你地..會將之前兩個人的儲蓄都放入去的嗎

私人傳訊

stkyo

象牙宮

積分: 206249

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

2^#

發表於 06-10-6 05:38 |只看該作者

Re: 佢的私己錢...

(我覺得)一開始你地大家都財政獨立左(除左個聯名戶口之外)，而家想管都幾難，如果你係因為想為BB儲多D儲備金，可以同佢傾下，但係我諗你都好難過問佢既私已(因為佢都話佢無管過你私已)，即係除非你都無私已，否則....

男人有錢就身痕...好難講既，有D男人無錢都身痕架，既然你嫁得比佢就要有信心，如果你係因為呢個原因而管佢D錢，我覺得有D自私

我同老公咁耐以黎都無聯名戶口，但係佢會比我知佢戶口有幾多錢，以前我有野做我老公就唔知我戶口有幾多錢，而家無野做佢就知喇！因為佢見到我駛到七七八八要入錢比我。

私人傳訊

zoezoebaby

侯爵府

積分: 22851

3^#

發表於 06-10-6 11:11 |只看該作者

Re: 佢的私己錢...

我同你一樣，同老公有個聯名戶口，每個月每人儲少少入去，再各自儲私己，就算有左小朋友我都唔會將所有錢放晒落個聯名戶口度，老公都肯定唔會，女人應該有自己既私己呀！

私人傳訊

peddymama

別墅

積分: 688

4^#

發表於 06-10-6 12:18 |只看該作者

Re: 佢的私己錢...

男人有錢就身痕呢句係唔成立ge，因為有d男人係無錢都身痕ge，仲係痕得好緊要嗰隻，但有d男人ge興趣就係儲錢，佢地絕對係唔捨得攞錢嚟止痕ge，呢d都係我從d fd身上睇到ge

如果你想同bb儲番d錢，咁你咪同佢講話每個月每人攞幾多錢出嚟去bb個戶口度囉，而家好多銀行都有d bb就可以開ge戶口啦，息口仲唔錯tim，咁咪可以儲到錢囉，至於你老公有幾多佢唔比你咪算囉，總之佢盡咗自己責任就得啦，嘈嚟咪盞傷和氣

http://www.hk-laufamily.com/_445.gif

私人傳訊

onon1022

子爵府

積分: 12589

好媽媽勳章

5^#

發表於 06-10-6 12:22 |只看該作者

Re: 佢的私己錢...

其實男人要身痕...有錢無錢都會照出去玩...一開始如果係你有你儲錢...佢又佢儲錢...而家你想管都幾難...

[url=http://lilypie.com][img]

私人傳訊

miriam

王國長老

積分: 112538

2025勳章 2025勳章蛇年勳章 2024年龍年勳章 2023年兔年勳章減齡達人勳章虎到金來勳章牛年勳章 15週年勳章親子王國15週年勳章 2018復活節勳章畀面勳章好媽媽勳章醒目開學勳章王國長老 BK猜猜猜慶中秋 KMALL特別版勳章

6^#

發表於 06-10-6 12:54 |只看該作者

Re: 佢的私己錢...

我 d 親戚無錢都照身痕，所以唔好諗住有錢先會去滾•
當初你地協議左各人都有自己o既儲蓄，個筆錢你就唔好諗住要你老公拎出黎，除非你都一樣一毫子都拎晒出黎，否則對佢會好唔公平•
應該係呢刻開始重整你地個財務計劃，開另一個戶口係再儲多 d 錢，變左一個係共同供款o既日常開支戶口同埋另一個係純儲蓄o既戶口•
你咁樣做法，佢接受提議o既機會會大好多•
因為變左佢覺得你唔係一野謀晒佢 d 錢•

任何人士未經本人同意不得轉載本人所發表之文章到任何媒體 (包括報章、雜誌及網站)

各位~~~我唔會介紹補習社或興趣班, 唔使 PM 問我呀, 我係唔會覆架~~~

私人傳訊

edea

王國長老

積分: 119074

王國長老

7^#

發表於 06-10-6 12:57 |只看該作者

Re: 佢的私己錢...

我都覺得同有冇錢冇關係,有d女仔主動投懷送抱,未必為錢,甚至貼埋錢都肯...最重要係妳先生本人點諗.

我唔係經常上BK, 想搵我嘅朋友請email: [email protected]

私人傳訊

Freak

大宅

積分: 3551

8^#

發表於 06-10-6 13:07 |只看該作者

Re: 佢的私己錢...

其實我唔係想' 謀晒' 佢的錢..放係聯名戶口..都係等第日小朋友用..
我同佢平時都係好慳...
除左必需品外..都無乜特別大開支
由於各自有工作..而佢會負責家中一切開支, 所以平時唔會再俾家用我..大家都幾滿意呢個做法..

而..未結婚之前佢將佢的錢買樓供樓.....咁最近可能會賣左佢.於是會多左一筆現金...

我就係見佢突然多左一筆可用現金,所以怕佢身痕..又怕佢亂投資

而投資方面.我比較保守..佢會比我冒險..那筆錢係佢自己的錢..佢又唔係大花筒咁駛錢..只係按自己意思去投資.我係咪唔好...唔應該管咁多呢..

你地係咪都各有各儲蓄..還是' 共產' 制...全部奉獻出來呢

私人傳訊

foggyao

珍珠宮

積分: 37822

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

9^#

發表於 06-10-6 13:48 |只看該作者

Re: 佢的私己錢...

我就出糧擺晒落聯名度，剩擺落我個戶口度，但佢要郁我錢都會郁到（電腦實在太方便），但郁之前，都會同我講聲點解先會郁。

我諗大家都係要互信，唔關私己問題，若佢要滾，有無私己都總有辦法去滾。我諗你當初各自有私己戶口，而家好難叫佢擺晒錢出。但我諗若要解決，你要一齊傾，睇各自心諗乜，擔心乜，採取共識去解決。

我就會間中抽樣查問番佢錢點洗法，呢招好耐先用一次，可能係幾個月先會問一次。唔知有無用，但當佢可以數番晒出後，自己個心安落。

私人傳訊

小寶貝兒

珍珠宮

積分: 30295

10^#

發表於 06-10-6 18:47 |只看該作者

Re: 佢的私己錢...

我地係共產制架~~
umm... 正確d黎講... 應該係共佢d產制....

因為我冇工作, 冇收入, 以前d收入已經洗晒(結婚時用晒)
咁佢份人工咪2個人洗囉, 而張出糧卡就係係我度既, 佢洗晒手頭上d錢就會叫我禁d出黎比佢洗~~

就係咁囉~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

stkyo

象牙宮

積分: 206249

11^#

發表於 06-10-6 20:40 |只看該作者

Re: 佢的私己錢...

我同老公係共產架 ~~

以前有野做，佢比左家用就咩都唔駛理架喇！就算出街消費都係我比，淨低D錢佢可以儲住，不過佢會自動比D statement我keep，但係我有幾多錢淨佢就唔知

而家無野做，全部錢都係佢比，佢會知道我淨返幾錢，因為佢見我唔夠錢駛會入返D落我戶口

私人傳訊

parker

別墅

積分: 551

12^#

發表於 06-10-6 22:50 |只看該作者

Re: 佢的私己錢...

既然你老公想有番自己私己錢, 而佢個人唔會亂黎, 我覺得應該尊重, 兩公婆都可以有個人空間同埋無傷大雅既"秘密".

男人有d嗜好女人可能認為哂錢, 例如玩相機, 玩模型甚至投資, "共產"時就咩都要交代, 但私己就可以隨意運用, 唔使俾人哦. 女人都一樣啫, 有時想俾多個錢父母, 想買條貴d但好少著係裙, 買粒鑽石獎勵下自己........都唔想有個人係身邊多野講.只要有共識使晒自己果份就冇, 唔會有人補貼, 亦唔可以係家用攞返, 咪得囉.

既然已經各自分擔家用, 就無謂樣樣鍊到咁緊, 佢覺得窒息, 對婚姻只有反效果.