懷孕前後

收藏本版
發帖
返回列表
跳至頁

首頁
1

尾頁
   0
mamatinetine


男爵府

積分: 9428

有「營」勳章 畀面勳章


1#
發表於 06-10-5 10:58 |只看該作者

有冇媽咪可以講吓由陣痛至bb出世嘅感受呀?

<a href="http://lilypie.com/"><img src="http://lb5f.lilypie.com/Uabzp8.png" width="400" height="80" border="0" alt="Lilypie Fifth Birthday tickers" /></a>
私人傳訊

jchml1488


洋房

積分: 142


2#
發表於 06-10-5 13:07 |只看該作者

Re: 有冇媽咪可以講

我的感受係陣痛
私人傳訊

JINGJINGMAK


大宅

積分: 1084


3#
發表於 06-10-5 16:07 |只看該作者

Re: 有冇媽咪可以講

其實我想講 :

我未生之前好驚生仔唔知會痛成點, 因為平時 m 痛同攪肚痛我都差 d 頂唔順暈低.

點知比預產期早o左 8 日見紅 (我完全未 ready), 問人都話見紅有排都未生得, but 都入院先啦, 因為政府講明見紅, 穿水, 有規律o既陣痛都要入院. 醫生 check 完都話未生得, 我心都稔住明日出硬院啦, 點知半夜開始陣痛, 好唔明我當時完全無稔過生得啦, 直到 5 分鐘痛一次我至去搵姑娘話好肚痛, 佢又話未得要 2 分鐘痛一次至係o家 ... ok 我返去再等, 點知 keep 住都係 3 分鐘痛一次, 我又再去搵姑娘, 佢話好啦, 搵醫生o黎睇o下你啦, 咁我又返去等, 但醫生好奈都未到 .. 鬼咩半夜三更邊會 call 醫生丫, 都係呃鬼我o既遮, 可能就係咁樣呃o下呃o下, 我又忙住睇住隻錶, 睇o下幾奈痛一次, d 時間又真係好快過喎 ... 到真係痛到頂唔住行唔倒就o禁鐘, 一o禁鐘就即刻穿水, 佢地好快手呀, 唔使 30 秒就同我換好晒衫, o羅晒o野推入去生 lu ...

都係o個句啦, 未有心理準備, 同太快 .. d o野推住你行, 完全唔識俾反應
私人傳訊

baby68


民房

積分: 11


4#
發表於 06-10-5 17:52 |只看該作者

Re: 有冇媽咪可以講吓由陣痛至bb出世嘅感受呀?

你地都好d呀,痛完之後都生到呀,我就慘d,我由朝早7點鍾到開始痛,開頭我都唔知係咪生得架,我同我老公講,本身我仲諗住訓教架,不過我老公就好緊張,叫我沖涼洗頭准备定,果然我沖完之後就開始越黎越痛喎,跟住我仲去食埋早餐先入院,d姑娘同我check完之後就叫我留院啦,開頭我都諗住好快生得架,不過痛到中午又唔痛喎,足之到咗7pm又黎過,d醫生同我人工穿咗羊水,痛到我癲咗咁制呀,等咗成兩個鐘都未生得,佢地又同我打催生針,打完之後更加痛,一心諗住生得啦,直到10:30pm但係佢話我子宮開唔到口喎,要我開刀,痛足成日先黎話開刀,一早開刀就唔使咁慘啦.不過一見到個bb就覺得乜都值得晒.....

私人傳訊

emeraldlam


公爵府

積分: 29293


5#
發表於 06-10-5 18:47 |只看該作者

Re: 有冇媽咪可以講吓由陣痛至bb出世嘅感受呀?

我係催生的. 醫生幫我穿水. 我等了14個鐘先生到BB. 因為由穿水個刻等開到10度. 用了無痛分免. 陣痛時唔算痛. 開頭都唔知自己生得, 或者開到10度. 係姑娘問我先知. 生個刻唔痛. 但係縫會陰時就好痛.聞笑氣聞到嘔
私人傳訊

lampopo


等待驗證會員

積分: 907


6#
發表於 06-10-5 19:07 |只看該作者

Re: 有冇媽咪可以講吓由陣痛至bb出世嘅感受呀?

我好彩過你哋了，我都係催生的，我晚上9點人工穿羊水同滴催生藥水，到9點半開始陣痛，11點比人推咗入產房，到咗11點57分就生咗個仔，生個下都唔痛，係陣痛先頂唔順,係咁聞氣，聞到我wing晒！無力生個仔，搞到要吸個仔出嚟，真係對佢唔住,所以忍得到就唔好聞咁多！
私人傳訊

danielmama


男爵府

積分: 5970


7#
發表於 06-10-5 19:24 |只看該作者

Re: 有冇媽咪可以講吓由陣痛至bb出世嘅感受呀?

我妟晝5點幾穿咗水(流得好慢), 7點去沙嗲王食個白咖哩豬扒飯, 8點入醫院, 成晚睇住啲人出出入入去生bb, 我隔離床個大陸孕婦見我冇嗌仲問我 : 我好痛, 你唔痛架咩? 其實我當時痛到想死, 只不過忍住唔嗌啫, 捱到朝早7點, 姑娘過嚟幫我檢查, 話我生得, 叫我打俾老公, 咁我就一路講一路喊, 姑娘安慰我話 : 唔好喊啦, 開心事嚟架麻, 跟住我老公就喺屯門搭巴士出嚟廣華, 一嚟到已即刻通知咗姑娘, 點知姑娘轉頭就唔記得咗我老公, 一路等等等......, 姑娘又走嚟叫我打俾老公問佢到未, 咁老公就同姑娘講佢喺出面等咗一個鐘, 跟住我就用咗十幾分鐘生咗個小寶寶啦 ~ 我同老公個感受都係, 好感動囉, 同埋真真正正成為一家人, 當日我見到老公不停咁眼濕濕, 我就連起身都起唔到, 又嘔, 好辛苦, 但又好開心
私人傳訊

JacquelineD


別墅

積分: 685


8#
發表於 06-10-5 20:41 |只看該作者

Re: 有冇媽咪可以講吓由陣痛至bb出世嘅感受呀?

我覺得下腹陰陰痛(都唔知係唔係陣痛), 老公話入院check吓好d, 於是沖涼後7:30pm入院, 護士檢查後便安排入院, 此時陣痛每5分鐘痛30秒, 之後又要等醫生檢查, 自己又未食飯, 攪攪吓都去到10點幾, 因為過了探病時間, 老公不能入病房, 唯有自己走出去, 此時腰骨越來越痛, 已沒有胃口, 但不吃的話便沒力氣生bb, 只好食少少, 11點返回病房睡在床上, 人很累但很痛, 根本不能入眠, 痛楚逐漸加劇, 每3分鐘痛30秒, call姑娘檢查, 她說到每3分鐘痛1分鐘才再call, 每當痛楚來臨, 雙腳不由自主的互相摩擦, 手捉緊被褥或床欄, 不斷地深呼吸, 直到我再call姑娘檢查, 但仍未開口, 到第2朝9:00am醫生巡房時檢查, 說已開至2度, 可推入產房, 痛到死死吓仲要自己執野過床, 去到產房第一時間要求無痛分娩, 之後幫我穿水, 落催生藥及吊鹽水, 最後插針在腰椎間落麻醉藥, 過了數分鐘已開始沒有痛楚, 只有宮縮的感覺, 很正, 護士還說可在這段時間睡覺呢! 通知老公到來陪產後便睡覺, 約5:00pm已開至8度, 麻醉師說要停藥令到我有痛楚才可有力生下bb, 停藥後約一小時又痛了, 此種痛與陣痛不同, 帶有便意但又不能用力'苛', 到真正忍不住時call姑娘, 她們check了便叫我試吓, 但又生不來(可能未開至10度), 於是又要忍, 過了半句鐘我又忍不住, 今次我感覺到bb的頭已到陰道口, 姑娘亦比上次認真處理, 當擺好姿勢後便在宮縮時出力的推bb, 推了幾次後便出了頭仔, 姑娘說bb給臍帶繞了三圈, 解開後才讓我再出力把小身軀推出, 最後在6:56pm聽到bb哭聲, 感覺鬆了口氣, 整個人放鬆晒, 同時又很開心bb終於出世了.
http://lb4f.lilypie.com/GiZMp8.png
私人傳訊

家家公主


翡翠宮

積分: 84425

畀面勳章 BK Milk勳章


9#
發表於 06-10-6 00:27 |只看該作者

Re: 有冇媽咪可以講吓由陣痛至bb出世嘅感受呀?

我上一胎雖然係12年前既事..但我仍然好記得.....
夜晚10:30去toilet果陣..有一舊紅紅地色既野流出黎(見紅)..我無理佢..繼續食雪糕..睇tv..之後訓覺...訓到半夜2:30..覺得個肚陰陰痛...醒左睇下個鐘..又無理..繼續訓..如是者係咁痛下醒下...見到差唔多係10分鐘就痛一次...於是就起身沖涼..洗頭...落街搭taxi去醫院...
去到醫院...姑娘check哂叫我訓上床等生 =.=無幾耐有個醫生黎同我打抗生素..因為我有b型鍊球菌...順便同我檢查下..開左2度...佢話要我等下...之後無耐就覺得痛密左..睇下個錶原來已經係5分鐘痛一次...我係咁扯住個床欄...一痛就死扯住..我見姑娘行過咪同佢講..佢check過話我開左4度..可以去產房..不過又叫我食埋早餐先 =.=果陣係早上7:00...我係咁痛..都無哂胃口...等左一陣..d姑娘同嬸嬸就叫我換衫過床..之後去到產房...有個姑娘走埋黎問我係咪好痛=.=我都費事睬佢..佢話比d氣我聞..我話唔使...之後我覺得愈黎愈痛得密..咪同姑娘講..佢話我只係得6度..未得架..我同佢地講:唔係呢..我真係要生呀....呢頭講完就穿水...跟住果下痛就好似急屎咁要屙..但姑娘叫住我咪屙呀..我咪死忍..但好難忍..好辛苦...醫生終於都黎啦...拍下我大脾..示意叫我擘大..一擘大佢就話..見到頭仔啦...唔使剪...跟住醫生話用力啦...用左2次...攪掂..但成個人散哂....姑娘舉高bb問我仔定女..我話仔(因為我見到條野泵落黎)..姑娘好大聲話:睇真d....我先睇清楚原來果條係臍帶..哈哈...之後佢地就放bb埋我身邊...比我睇下...呢個時候我聽到醫生同我講: 太太..妳無剪到呀..因為剪唔切..但爆左少少..而家同妳連2針.....我都無應佢...之後訓著左....但因為我有b型鍊球菌...所以bb去左病房抽分泌做化驗...我都隔左一日先再見到bb...不過果種感覺好難忘^^
希望今胎同上一次一樣唔使剪就好啦
若問今世所遇， 皆是前世的緣。 今生寬以待人， 來世皆是善緣。
私人傳訊

baby888


別墅

積分: 951


10#
發表於 06-10-6 00:32 |只看該作者

Re: 有冇媽咪可以講吓由陣痛至bb出世嘅感受呀?

因不停見紅,找不到原因,醫生決定37week足月催生
下牛2.00入產房.3.00pm插手落藥水.4.00pm醫生用手指替我穿水.插了我10分鐘都未得,個位女doctor手指短而我子宮高.攪了我20分鐘,痛到我大喊,,晚上7.00開始痛第一吓..我望住個鐘..會否痛12小時.d人話頭一胎耐d. 7.30頂唔順.要求聞氣..8.30開了2度9.30開了4度....我10.15pm同姑娘講..真係要生wo..姑娘話1個鍾前先得4度.15分鐘後先同妳check la
10.20pm我同姑娘講我好想去大便果隻甘.不過我忍左好耐.唔比佢出..但而家.我一用力實出wo..姑娘吓了一聲後同我check..得la..生得la..見佢地9秒9准備 10.57pm bb出世了..我聞氣,聞到無力,,一路生,一路又叫又喊.姑娘不停鬧我叫我唔好喊..我叫她.妳冷靜d比d時間我..她說無時間la..快d生..如果唔係bb有危險
一出頭果吓.我話生左la...姑娘話生左個頭,個身未出呀,,跟住用多3.4吓力,就聽到bb喊la..痛了4小時,比我想像中快和無甘痛,,,我最怕聯針,,見到個姑娘想拿走樽笑氣,我叫她唔好,我好鬼怕聯針,,一聯針開始不停聞,,联了20分鐘,,一d都唔痛.........見到仔仔出黎果一下..之前乜痛都忘記了..仲同老公講我想生多個
私人傳訊

pandacat_bb


男爵府

積分: 7205


11#
發表於 06-10-6 01:25 |只看該作者

Re: 有冇媽咪可以講吓由陣痛至bb出世嘅感受呀?

我生兩胎都係開刀, 未試過陣痛 (第一胎用咗無痛針,第二胎因為囝囝轉來轉去, 頭仔唔落去, 醫生幫我約期提早開刀), 生完之後姑娘同我講你bb攞咗出黎啦, 個反應都係"吓, 生咗啦", 睇完大家分享經歷, 覺得生bb要痛過先感動啲, 唔似我咁生完兩個都唔知生仔係點痛 我老公成日話你生過都唔知生仔係點架咩 , 都幾遺憾架 :-(
私人傳訊

rabrabming


大宅

積分: 4198


12#
發表於 06-10-7 00:45 |只看該作者

Re: 有冇媽咪可以講吓由陣痛至bb出世嘅感受呀?

我預算會係公立醫院生,如果到時覺得太痛,係咪可要求醫生打無痛分娩針?有無咩人唔適合打?
私人傳訊

JacquelineD


別墅

積分: 685


13#
發表於 06-10-8 13:21 |只看該作者

Re: 有冇媽咪可以講吓由陣痛至bb出世嘅感受呀?

rabrabming

如果你想做無痛分娩, 入到產房好即時同護士講, 否則過了quota或已開到3/4度, 她們會不給你做, 同時要睇吓麻醉師是否有空, 所以要好快決定做唔做.
http://lb4f.lilypie.com/GiZMp8.png
私人傳訊

coco04


大宅

積分: 1396


14#
發表於 06-10-8 14:53 |只看該作者

Re: 有冇媽咪可以講吓由陣痛至bb出世嘅感受呀?

咁無痛支針係咪都好痛下咖
..
私人傳訊

dwvmbb


別墅

積分: 661


15#
發表於 06-10-8 19:07 |只看該作者

Re: 有冇媽咪可以講吓由陣痛至bb出世嘅感受呀?

我生之前都有d先兆，因為個日分秘特別多，係同平時唔同。個日零晨十二點睇完電視瞓，二點半覺得有d痛，好似m痛但又唔係好痛，諗住再瞓，但係望一望錶已經好regular五分鐘痛一次。於是叫老公起身打去法國問一問，姑娘問完又冇穿水，又冇見紅，只係痛咪叫我瞓醒先去醫院。但係想瞓又成日陰陰痛，所以四點零鐘便起身沖涼同執嘢都係早d去醫院。

係車到都痛但係都係似平時的肚痛，去到醫院等我老公泊好車上去登記，登記時姑娘問問題開始痛多咗，不過行吓行下又好d。跟住姑娘叫我入去換衫，一入更衣室就見紅，一出嚟就勁痛。姑娘仲叫我自己行上牀檢查，仲話我係登記處都冇事，但一伸手入去就已經話立即call醫生同推我入產房。

果時痛的情況係你平時最肚痛時的兩倍，你自己又唔可以亂郁，又唔可以瞓你最舒服的姿勢，所以我自問係好忍得痛都同姑娘講我唔頂啦，你同我做無痛啦。但係都已經做唔切，咁佢地就俾我係產房聞氣，聞完個人wingwing地，姑娘又教你吸氣呼氣，所以就冇咁痛。醫生大約15分鐘到，不過我老公話醫生未到已經見到bb d頭髮，所以姑娘係醫生未到時成日叫我忍住，咁就痛耐咗。醫生一坐定我push咗兩下就生咗lu。果時只不過係5點幾。

因為係我第一胎，我都估唔到真係可以咁快。我的經驗係真係要行多d，(我平時係坐office)﹐我生之前仲行街買餸，同一日踎十零分鐘•唔知飲白蓮鬚係唔係真係有效，我7個月到開始飲，一星期至少飲兩次，飲到生law..(bb早咗9日出世)。
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy