自由講場今日: 2045|主題: 1344068

收藏本版

發帖

返回列表

跳至頁

查看: 2000 | 回覆: 31

打女人既男人，唔要也罷！ [複製鏈接]

睡公主

別墅

積分: 547

1^#

發表於 06-10-9 02:48 |只看該作者

打女人既男人，唔要也罷！

如果我係嗰個女人，
個男人真係不要也罷！
唔應該俾機會佢，
實行報警拉人。

作為一個女人，
相信唔止係女人，
連男人見到都不值這個人渣所為，

所以請恕我將件事既始末講出來。

今日我們一家三口去附近商場個food court食晚飯，
當我老公去買餐既時候，
隔離枱個女人突然好緊張咁起身想離開，
但我身後有把男人聲話，
坐底喺呢度傾，
基於女人八卦既心理，
我咪開始留意佢地既言談囉！

以下係我能聽到既內容：
女（好陰聲細氣）：你返屋企啦！
男（合埋雙眼唔應佢）
女：我知你要照顧佢，不過你都要返屋企架！
男（繼續合埋雙眼不瞅不睬）
女：你唔好咁啦！
女：呢度係你個家！
女：玩咗咁耐都唔夠咪？
女：你想點呀，你講！
女：我幫你還錢，你返屋企啦！
個男人全程冇開眼望過同應過個女人，

跟着有個女孩子（大約十歲左右 - 他們的女兒）坐底，
並取出一些功課出來做，
這時個女人即刻喺個女個功課袋度取出一張Notes，
不停問個男人這個字點讀，嗰個字點解，
我覺得個女人喺度揾藉口想叫個男人返屋企。

這個時候，我老公買完餐返黎，
所以我便聽唔到佢地既內容，
但我擔心個女人忍唔住度氣發難會禍及無辜，
因為我個仔坐喺佢地隔離，
叫亞仔同我掉位佢又唔肯，
我咪叫我老公留意吓佢地啲動靜，
話口未完，
個女人突然起身同個女執功課，
而且仲好大聲咁講我地走（其他人已經望住佢地），
佢都唔要呢個家，
淨係識得喺出面包二奶，
包咗成十四個月，
佢個女仲好嗲咁叫阿爸返屋企啦，
點知！個男人突然起身走人（跑），
個女人咪好大嗌同追住佢，
個男人去度轉角位終於俾個女人追到，
個女人由後邊攬實個男人，
由於佢地個位置正正喺我無任何阻擋視線下，
所以我睇得一清二楚，
個男人突然轉身對個女人拳打腳踢，
個女人跌咗落地佢都唔停手，
我當時好氣憤，

跟住好大聲咁嗌：喂！停手！男人打女人
（因為我個位出唔度去），
佢個女本來仲喺度執緊功課，
聽度咪即刻走出去，
仲邊跑邊叫唔好打阿媽，
這時已有一班男男女女走去阻止個男人，
跟着我聽到個男人叫其他人放手，
佢係自衛（咁樣打人係自衛？），
後來啲警衛嚟到，
其他人都陸續散去，
我心想如果個女人報警需要証人，
我一定企出來，
所以我都坐咗一陣，見佢地平靜咗咪走，
點知，當我們在行人電梯上到二樓既時候，
個男人突然又走上一樓，
個女人又繼續追，
佢地喺個電梯度又大打出手，
今次不只嚇到啲保安追埋一份，
就連二樓啲商店有部份都即刻關門，
我都係睇到這處走人。

其實我真係好唔明，
就算老公包二奶可原諒，
老公咁樣打自己怎可原諒。