話說中五果年開學,有一本書唔係成日要用,所以我冇買,問左一個剛畢業嘅師兄,諗住問佢攞本舊書,點知佢已經比左人,咁佢話幫我問佢D舊同學,之後佢問我幾時有堂,我講左佢知之後就話幫我搵啦….
過左幾日佢打比我,話搵到一本,不過要同人SHARE用,因為我地上堂時間唔同所以冇問題!佢叫我去X班搵古仔(化名,因為我鐘意古天樂!哈哈!
),佢上午用完我下午可以用,到左第二日小息,我就過去搵佢啦,一行出去就見到有個男仔拎住一本我要嘅書,問我係咪XX,就係咁我地就識左…..而問題係,古仔幾靚仔架!!!
好快,我班嘅女同學就發現我識左呢個靚仔,次次佢黎搵我或係走廊撞到傾兩句都比人眼望望….我地多左係走廊傾計,好多時佢見到我都主動過黎傾幾句,同我玩埋果幾個女仔開始不停問我地嘅關係!其中一個同古仔同班,佢同我都算幾好朋友,成日問住我地有冇發展,又私底下問古仔,次次見我地傾計就會埋黎JOIN埋一齊傾…..(打到手軟,休息下先轉頭再打)
我同古仔開始熟絡,交換左電話,都有時不時傾下電話,我班好朋友都知道,有時放左學古仔會問我留唔留係度睇佢打波,有時我都會睇下但其實我冇興趣! 
而我剛才話果位同古仔同班嘅朋友(就叫佢亞JANE啦!)開始怪怪咁,有時會寸我話我亂咁識人,亂咁比電話陌生人!但我都當佢講笑!又同我另外幾個女仔朋友私底下話我咋咋帝姣古仔!當我知道時都有D嬲,因為我對古仔冇特別想法!但有時我地幾個同埋古仔一齊傾計時,古仔會講笑咁話追我,但我地個個都覺得只係講笑!而古仔對我都從未做過D咩,只係會傾電話!而亞JANE就越黎越唔高興咁,連同我唔係好FD果D女仔都FEEL到佢對我好有嘢!成日單打我!
有次,同我最FD果個女朋友(就叫佢做亞恩啦!)同我傾開亞JANE呢個問題!我同佢講我根本咩都冇做過!唔明佢做咩?再講,古仔都冇話鐘意佢姐?!點知亞恩話亞JANE早一日同左古仔暗示,點知比人明示話冇可能!古仔話因為我囉…..果時,我突然覺得古仔只係擺我上枱!但亞恩話亞JANE已經嬲左我!
您個故仔(唔係古仔)令我都諗起中學時暗戀一個男仔, 最近竟然係電視上見到佢......"那些年......錯過的大雨......"
發表於 
返回列表
