大仔大女媽媽會 今日: 0 | 主題: 177860

積分: 907

1^#

發表於 06-9-29 21:17 |只看該作者

浸會醫院好多國語人呀！

我係9月26日上午8點30分到醫院登記，個時成個走廊坐晒人，仲要攞籌等入院，個姑娘問我係咪香港人，我話係，跟住個姑娘話唔使攞籌，等下一個入院，點知啲床位full晒，叫我去食早餐先，跟住上嚟等到成1點先有房，好慘！生完之後仲搞笑，去學bb食人奶，個姑娘由講廣東話變咗講國話！搞到我要再個別教授！所以若有人會係浸會生的話，記住要早啲入院登記，因為你下午去登記，可能會冇位！我個晚生個陣，我老公話有個雙程證話要入院，姑娘同佢講冇床位，唔收佢，點知佢老公係度大大聲講，就算住頭等都有錢俾，唉！而家係冇位唔比你入呀！啲人唔講道理的！所以各位入住浸會的媽咪要體諒一吓！

私人傳訊

Eclipse_2006

積分: 3126

2^#

發表於 06-9-30 08:07 |只看該作者

Re: 浸會醫院好多國語人呀！

我想問你係開刀定係順產?

我好驚到時無位入院.....

我時刻都記掛著我那未能來到世上的bb, 他永遠在我心裡某個角落.

私人傳訊

chengmic

積分: 2443

3^#

發表於 06-9-30 09:42 |只看該作者

Re: 浸會醫院好多國語人呀！

lampopo：
你呢幾日使唔使同國語人同房呀？

lampopo 寫道:
我係9月26日上午8點30分到醫院登記，個時成個走廊坐晒人，仲要攞籌等入院，個姑娘問我係咪香港人，我話係，跟住個姑娘話唔使攞籌，等下一個入院，點知啲床位full晒，叫我去食早餐先，跟住上嚟等到成1點先有房，好慘！生完之後仲搞笑，去學bb食人奶，個姑娘由講廣東話變咗講國話！搞到我要再個別教授！所以若有人會係浸會生的話，記住要早啲入院登記，因為你下午去登記，可能會冇位！我個晚生個陣，我老公話有個雙程證話要入院，姑娘同佢講冇床位，唔收佢，點知佢老公係度大大聲講，就算住頭等都有錢俾，唉！而家係冇位唔比你入呀！啲人唔講道理的！所以各位入住浸會的媽咪要體諒一吓！

私人傳訊

almondmm

民房

積分: 2

4^#

發表於 06-9-30 10:04 |只看該作者

Re: 浸會醫院好多國語人呀！

我將會在10月14日夜晚在浸會開刀, book左開刀照計應該都會留個床位畀我掛!!!! 我都知浸會好多大陸人, 我個醫生都講, 在浸會生8成都係大陸人, 我因為book唔到法國所以無辦法啦. 請問住浸會有無啲乜野要留意呢?

私人傳訊

積分: 907

5^#

發表於 06-9-30 13:34 |只看該作者

Re: 浸會醫院好多國語人呀！

我係順產，有啲人book咗早上開刀的，就會係前一晚入院囉！但我係催生的，所以就朝早去囉！

私人傳訊

積分: 907

6^#

發表於 06-9-30 13:36 |只看該作者

Re: 浸會醫院好多國語人呀！

梗係要啦！總之大房就9-12人一房，我諗起碼有90%係囉！我就住三人房，只係其中一個係啫！

私人傳訊

積分: 907

7^#

發表於 06-9-30 14:07 |只看該作者

Re: 浸會醫院好多國語人呀！

其實法國都係一樣的，你晚上開刀，我諗你要早上入院等位了，因為登記處有個床位人名表，每日一點前要出院，個時就會見到床位表有空位，但係到下午三點幾，我就見到床位表full晒，所以我諗你早少少入院好啲，因為我唔知你個醫生有冇同你book到床位，你問番你個醫生先，我生個前一日打去浸會問有冇得book位，佢話冇架，跟住我問佢我若果聽日嚟有冇位，佢話唔知架，今日有位唔代表聽日有位喎！所以你要自己計吓嘞！要留意的地方係小心財物啦！重有每日有餵奶時間，要準時去啦，因為你遲咗去，姑娘就會幫你用奶粉餵(若果你入院時選擇人奶加奶粉)，仲有若你只係選人奶，咁你半夜就要自己起身餵了，其實啱啱生完的媽媽原來唔係好多奶水的，好多時都要補奶粉的，姑娘話起碼第四日先有奶水，我都係咁，係醫院都有比人奶佢，但係好少囉，只不過係比佢幫你剌激個奶水分泌，所以有啲媽媽見開頭餵唔到就好灰心同放棄，唔緊要的，我而家開始有奶水，我個仔食得好好味！放心啦！你有咩問題再問我啦！

私人傳訊

pangchaimami

積分: 3513

8^#

發表於 06-10-2 12:47 |只看該作者

Re: 浸會醫院好多國語人呀！

hi lampopo, thanks for your information & Congratulations!

我都打算係浸會順產, 我己plan定萬一冇位, 就去政府, at least 一定要收我

不過我個dr話唔怕,佢一定要收你

. 我個dr都話法國都係一樣, 浸會應該好d.
我想問下咁係咪HK人會好d, 唔使攞籌有優先呀

另外, 你埋單幾多錢呀? Join package or not? 係咪用浸會的兒科dr 呀? 好唔好? how much per day for checking?
浸會有咩提供, 我可以唔洗拿?

sorry for so many question, since my bb come out soon

私人傳訊

積分: 907

9^#

發表於 06-10-2 20:31 |只看該作者

Re: 浸會醫院好多國語人呀！

pangchaimami ：
多謝你的祝福，我相信浸會唔會咁衰唔比你入院，若果個刻真係冇位我諗佢會比你住係待產室先，有房先比你住，其實入院個日我係有攞籌的(我之前個幾個全部都係大陸人)，但係有個護士長(成日上電視的)問我係咪香港人，我話係，跟住佢就同個姑娘講下一個幫我做；另外我係join三人房的套餐，另外加埋醫生同埋兒科醫生(我自己的兒科醫生)，總共25000蚊！因為我問過姑娘，若果唔join套餐都得，但係要逐樣收錢，我又唔清楚每一樣的收費，所以就join套餐，浸會佢會送一包bb濕紙巾、兩條網褲、一個陰道沖洗器、幾張床墊，一個鎖頭！衛生巾你最好帶三包去，因為啲姑娘會同你打孖用，所以用得好快！睡衣你可以唔帶都得，因為醫院的長袍餵人奶好方便，仲有記住帶一條長褲同襪，因為生完要保護雙腳，唔好凍親！希望你生個肥肥白白的bb！ :lol:

私人傳訊

cecilia618

積分: 2093

10^#

發表於 06-10-2 20:44 |只看該作者

Re: 浸會醫院好多國語人呀！

almondmm,
my due date is 22/10 and i will be 在浸會生 (i choose 順產), may be we can met.....u can call me (pm u my mobile already)

almondmm 寫道:
我將會在10月14日夜晚在浸會開刀, book左開刀照計應該都會留個床位畀我掛!!!! 我都知浸會好多大陸人, 我個醫生都講, 在浸會生8成都係大陸人, 我因為book唔到法國所以無辦法啦. 請問住浸會有無啲乜野要留意呢?

亨亨成長錄
亨亨成長錄@Yahoo

私人傳訊

cstchan

積分: 3269

11^#

發表於 06-10-2 20:50 |只看該作者

Re: 浸會醫院好多國語人呀！

我三月在浸會生bb，也有很多內地人，有位更是過期居留，有警察來呢！

我是順產，一早入院，幸運地找到一個窗口位，同房的人也不算太嘈吵。

我想，現在不論我們在那兒生，都很難避免碰到內地人。

私人傳訊

pangchaimami

積分: 3513

12^#

發表於 06-10-2 21:58 |只看該作者

Re: 浸會醫院好多國語人呀！

hihi lampopo... thanks for detail information

我都係打算join package, 免得每一樣都要收費, if join三人房的套餐, 總共25000蚊, 都ok wor, 但係我唔明,

三人package------------------HKD16,100
醫生手術費---------------------HKD8,000.-
醫生巡房(if $1000.-/DAY)-----HKD3,000.-
兒科醫生(if $1000.-/DAY)-----HKD3,000.-
around $30,100 (其實我唔知how much for 醫生巡房&兒科醫生, just guess), am i right? any missing? 因為我都想join三人房, 但又怕失預算, 你知啦真係好多洗費

, thanks for your help

私人傳訊

pangchaimami

積分: 3513

13^#

發表於 06-10-2 22:07 |只看該作者

Re: 浸會醫院好多國語人呀！

hihi cstchan, 我都明白好難避免碰到內地人

, 而且內地人都可以係好人 & 好合作, 但係實在太多人話佢地好嘈 & 令到冇位

, 所以我都有d驚, 加上生完 & 打算全人奶, 就好需要休息, 故希望盡量減低影響 lor

私人傳訊

積分: 907

14^#

發表於 06-10-3 11:38 |只看該作者

Re: 浸會醫院好多國語人呀！

我個醫生收6800，兒科就收1400，兩個醫生都唔收我巡房錢(因為個接生醫生好好人)，所以就比人平啲啲啦！坦白講三人房巡房費係比大房貴啲，你最好問吓個醫生收幾多錢了！

私人傳訊

cstchan