吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 不知所謂的香港迪士尼

親子旅遊今日: 3|主題: 161636

收藏本版

發帖

返回列表

跳至頁

查看: 4081 | 回覆: 16

不知所謂的香港迪士尼 [複製鏈接]

mamabinbin

複式洋房

積分: 283

1^#

發表於 06-9-28 03:36 |只看該作者

不知所謂的香港迪士尼

今年生日, 我honey訂咗迪士尼酒店同我2母子住返晚, 話晒都係新酒店, 仲要book咗海景個隻, 鬼死咁開心, 仲訂埋個晚buffet同我慶祝. 點知......今年生日怕啫都係我一生難忘了.

話說個buffet有好多卡通人物出現, 咁我哋實非常開心, 仲會請佢哋同我哋影相, 點知亞仔見陣d公仔就喊, 好難先氹得佢肯影相, 仲要死拖住我個隻, Mickey, Goffy, Daisy都影咗, 點知Putto嚟咗之後, 佢做埋d動作, 嚇到我個仔走夾唔透, 其實我個仔本來好鐘意Putto, 之前佢仲話要同Putto影相, 點知.....嚇到佢走好遠, 咁我就叫隻狗唔好嚇細路, 佢又唔聽, 仲搞到我仔喊tim, 跟住我就輕輕拍咗隻狗個鼻一下, 話"BB唔好喊, 媽媽打O O, 佢曳曳" 點知隻死狗好大力推開我, 咁我就好尷尬, 行返埋去, 摸返佢個鼻同佢講"唔好嬲啦, 我呵返", 點知佢又再好大力推開我, 其實我都係想影張相啫, 駛唔駛呀? 你哋知啦, 當你影相個時, 好多人望住你, 等隻卡通埋嚟ga ma, 所以好多人個時見佢推開我, 個個都响到大笑, 我就立即做咗隻小丑, 好瘀, 即頭想搵薩捐, 隻佬又掛住氹亞仔, 又見唔到, 佢只係見到隻Putto推開我一次, 後尾我比佢推完之後咪勁瘀, 唔影囉, 隻狗根本都唔想同我影, 佢走咗之後, 我就响到喊, 我覺得好委屈, 好似响我生日做咗場馬騮戲比人睇, 比全場人笑, 根住隻佬係咁氹我, 話做咩為咗呢d小事喊, 我話比佢聽隻狗推咗我2次, 跟住佢就好嬲, 因為佢以為推咗我一次, 諗住叫我算, 點知原來係2次, 所以佢就叫咗個經理嚟, 同佢講, 個經理就捉咗隻狗嚟, 講埋d垃圾籍口, 話隻狗唔鐘意人哋touch佢個鼻, 所以先嬲嬲喎, 我隻佬咪係咁小, 話都無理由咁大力推開(ong)我, 個經理同我say sorry, 根住比咗好多貼紙我, 又話咩限量版貼紙, 啫...... 我要嚟做咩啫, 又唔係細路, 個經理叫我同返隻Putto影相, 我梗係睬佢都傻唔影, 唔小佢咪偷笑啦! 佢哋走咗之後, 隻Goffy係咁走嚟呵我, 摸我個頭, 之前同我影相都好好tim, 你哋諗吓, 隻Goffy咁高大, 我個仔都無嘢肯同佢影, 反而隻Putto咁矮佢會咁驚, 咁你哋就估到隻狗之前點嚇我個仔啦. 事後, 我仔就一直話: "媽咪, 我唔鐘意Putto, 佢整喊你" 你哋話, 今時今日咁嘅服務態度點得呀?! 搵鬼再幫陣你哋咩!

其實呢件事係今年年頭發生, 點解我一直都唔講出嚟, 係因為我一直都仲好介意, 尤其是我d 朋友知我生日响個度住過, 個個都問我好唔好, 開唔開心, 我都係話"唔好提", 所以一直佢哋都唔知發生咩事. 雖然當時個經埋同我道咗歉, 但係呢件事實在對我嚟講印象太深啦, 我由細到大都好鐘意迪士尼d卡通, 估唔到今次發生的事實在令我很難忘, 亦都因為咁, 令我對香港迪士尼留下個非常不好的印象, 我諗至此之後我都唔會再去迪士尼.

又可能因為迪士尼嘅原故, 我突然覺得都係海洋公園好d, 親切d, 話晒亞媽由細帶我哋去多, 依家輪到我做亞媽帶個仔去.

香港迪士尼已經個朶臭晒, 自己香港人都咁, 點吸引外國人呀? 我d friend嚟到香港, 我實唔會叫佢哋去, 想人哋去, 起碼改吓d服務態度先啦! 唔係真係亭執咩..............

http://hk.myblog.yahoo.com/hilphenkong

私人傳訊

monchan

男爵府

積分: 7751

畀面勳章

2^#

發表於 06-9-28 08:26 |只看該作者

Re: 不知所謂的香港迪士尼

不嬲對香港迪士尼都冇好感...一定唔會去

私人傳訊

vksophie

男爵府

積分: 6704

3^#

發表於 06-9-28 14:23 |只看該作者

Re: 不知所謂的香港迪士尼

我都係咁話....
@ 尋日o係樂園老公無拎番起個頸枕,放左o係士的車後面個袋裏,睇完個音樂劇就俾人偷左,攪到bb屈住條頸訓得好辛苦。好彩我帶架車仔係好舊同有d爛,唔係實推走埋~
@ 電話訂酒店時已講明要張BB床,check in 時再講多一次,跟住係房度等極都無人推張床仔黎,咁再打電話落去要求多次要張BB床,唉...游完水返黎都仲重未有,o係門口見到有個執房員工就同佢講,之後就推左張木床黎,因為張床無得較低,我驚BB企起身會跌出黎...有個員工話有張網床,咁我話岩因為BB依家都係訓網床,再要求佢地拎張網床,其中一個員工面有難色好似唔想去開張網床咁~
@ 話說大囡游游下水除左個水泡,之後我望到佢失去平衡跌低浸親,但o係泳池果2個救生員掛住傾計,我即刻叫老公撲去迎救,
果2個人仲企o係樹~

私人傳訊

tazmanic

禁止訪問

積分: 6081

4^#

發表於 06-9-29 10:57 |只看該作者

Re: 不知所謂的香港迪士尼

提示: 作者被禁止或刪除內容自動屏蔽

私人傳訊

YanYan0116

珍珠宮

積分: 36317

好媽媽勳章

5^#

發表於 06-9-29 14:16 |只看該作者

Re: 不知所謂的香港迪士尼

仲要cc比usa

私人傳訊

mamabinbin

複式洋房

積分: 283

6^#

發表於 06-9-30 23:13 |只看該作者

Re: 不知所謂的香港迪士尼

嘩, 咁咪要寫英文版本!

http://hk.myblog.yahoo.com/hilphenkong

私人傳訊

katyfok

大宅

積分: 1296

7^#

發表於 06-10-3 02:29 |只看該作者

Re: 不知所謂的香港迪士尼

WHY???
Have a little sense of humor please!!!
It's really no need to be so sensitive....

Why can't you just laugh it off.. it was your B-day!
your should have fun!

私人傳訊

童話

別墅

積分: 677

8^#

發表於 06-10-4 23:25 |只看該作者

Re: 不知所謂的香港迪士尼

借問聲你畀人偷咗嘢點解要怪樂園呀？

vksophie 寫道:
我都係咁話....
@ 尋日o係樂園老公無拎番起個頸枕,放左o係士的車後面個袋裏,睇完個音樂劇就俾人偷左,攪到bb屈住條頸訓得好辛苦。好彩我帶架車仔係好舊同有d爛,唔係實推走埋~

私人傳訊

mamabinbin

複式洋房

積分: 283

9^#

發表於 06-10-4 23:54 |只看該作者

Re: 不知所謂的香港迪士尼

我唔係覺得自己敏感, 講真, 我成日做司儀啦, 面皮都算厚喎, 但你唔明當時幾多人笑你, 好瘀, 仲要唔係一次喎, 將心彼己, 如果當時係你, 你都會唔開心啦! 我生日但唔係要做小丑比人笑呀! 我雖然唔開心, 但我都唔想隻狗會因為咁比人抄嘅!

http://hk.myblog.yahoo.com/hilphenkong

私人傳訊

thunder_bunny

水晶宮

積分: 52755

10^#

發表於 06-10-5 09:27 |只看該作者

Re: 不知所謂的香港迪士尼

唉~ 其實都係pluto玩大左囉, 搞到你唔開心添~~
一黎佢一定係動作大, 先嚇襯阿仔
二黎你又打佢個鼻呢, 佢咪有d 唔 like 囉

不過佢推開你就真係唔岩
如果佢作下狀扮喊果d, or pluto 指下個鼻痛痛咁會好d 囉

其實當時冇工作人員陪d 公仔出黎咩
佢冇理由出手推客人, 應該係由 staff 叫 d 人唔好打公仔囉

算啦, 都過左咁耐, 唔好放係心喇
唔開心就唔好再去囉

私人傳訊

riceball88

複式洋房

積分: 212

11^#

發表於 06-10-9 16:45 |只看該作者

Re: 不知所謂的香港迪士尼

佢真係好唔0岩喎，無理由推你架！個經理仲搞笑，隻野係人扮架，又唔係真狗，佢都知推人唔0岩啦！如果係我既話我一定當時黑晒口面，大聲叫個經理黎同隻"狗"對質，仲要叫隻狗除左個死人頭同我道歉，真係當我"流"架！玩玩玩，我而家係客呀，唔係客串同你扮小丑呀！
同埋我一定會寫投訴信，再要佢地書面回覆我添呀！至於cc俾usa.........唔好意思，我英文太差，唔識寫........