少年成長 今日: 0 | 主題: 16100

積分: 10694

1^#

發表於 06-10-11 20:04 |只看該作者

今日打左個仔一巴

佢3歲,而家好鍾意成日自己話事,一放學就話去婆婆屋企,我話婆婆唔得閑,佢都猛話要去,日日都係咁,搭車我一抱佢上車,佢就要落地,根住自己行上上層車頭

今日又話要去婆婆屋企,於是我同佢去第2度玩,整亂左公眾既PUZZLE,根住佢話要去TOILET,所以未執,返黎我要佢砌返好,佢唔肯,根住同佢講玩完個FISHING 遊戲一次就走,點知玩完一次,佢繼續玩,好我話玩多次就走,後尾出左門口,佢唔跟住我行,指去另外一個方向話要去個邊搭車,我話個邊冇車搭,根住佢唔肯行,我就行左幾步回頭望佢仲企係度,我話行呢邊,佢話唔行,跟住我問佢係咪要我打,要鬧?佢話係!!!於是,我火起就打左佢一巴!根住佢喊,一路行一路嗌媽媽.......

我唔知點做,佢成日都要激到我打佢收科!我唔想佢唔打唔得呀!

私人傳訊

IRON

積分: 8513

好媽媽勳章

2^#

發表於 06-10-11 23:56 |只看該作者

Re: 今日打左個仔一巴

好明白妳既激氣心情, 我都試過咁既情境, 不過係屋企唔係街, 我記得我真係打得佢好甘, 但唔打臉只打pat pat, 我先同佢講1, 2, 真係數到3佢都仲係咁, 我就打落去, 雖然肉痛d(我心痛d), 但真係好有效, 以後好聲好氣講道理唔聽就數1, 即時收手/咀, 所以話適量體罻真係要; 如果驚影響親子感情又唔會喎, 佢成日痴住我又鍚又攬, 對我好過爹地好多, 反而爹地從未打過佢, 佢又成日食住爹地.

私人傳訊

TansonMa

別墅

積分: 804

3^#

發表於 06-10-12 00:26 |只看該作者

Re: 今日打左個仔一巴

laiki,
我想知道你有無後悔打佢呢一巴掌?若時光倒流,可以再揀,你會再打佢呢一巴掌嗎?如果成日都要激到你打佢至收科,一個唔駛錢的方法,就係打電話去約健康院姑娘傾下.可能可以解開你們的問題.

私人傳訊

sorlo

積分: 5800

4^#

發表於 06-10-12 00:30 |只看該作者

Re: 今日打左個仔一巴

我都打過個女一巴，　不過真係好後悔好後悔，　我以後唔會咁做

凡事都有定期、天下萬務都有定時．生有時、死有時．

私人傳訊

積分: 10694

5^#

發表於 06-10-12 01:19 |只看該作者

Re: 今日打左個仔一巴

iron,

我仔又係,佢痴我鍚我多過爸爸,爸爸冇我咁惡

Tansonma,

如果時光倒流,我諗呢個對我仔黎講都係唯一一個辦法,如果打佢手腳or pet pet,佢唔會知驚!佢喊我諗唔係因為痛而係因為我真係打佢,我好少咁認真打佢,平時high下就算,原本我想試下hide埋一邊引佢過黎,但個度冇地方hide

所以我真係唔知點好

3p課程係咪for under 2 架,我未必參加到

sorlo,

我頭先問我仔,媽媽打你邊度?佢已經唔記得,不過如果可以唔打就梗係唔好打啦!

打完佢我到而家都好唔開心

私人傳訊

積分: 5993

6^#

發表於 06-10-12 01:40 |只看該作者

Re: 今日打左個仔一巴

今日我先至同個仔既治療師講開體罰呢個問題...我本身已經無打仔年幾兩年...不過近期我個仔LAI左大鑊野,搞到我呢幾日都好吾開心,喊左幾日...今日同個治療師傾開呢單野,我問治療師我可吾可以體罰個仔,個治療師都話查實佢都同意教仔應該要有少少體罰,但係就吾可以濫用囉!個仔真係好過份或者真係好嚴重,就可以體罰佢等佢知道個嚴重性同埋等佢知驚!但就叫我吾好用响佢學習同讀書嗰方面,因為個小朋友讀書吾叻,個小朋友自己都吾想,呢D野係控制吾到,無謂影响佢學習既情緒,所以,我聽日都要買定支藤條傍身,因為打蘿柚呢招我不嬲用開,個仔都吾怕,仲以為係玩,打巴佢呢家野我真係吾建議用,始終都係頭部,萬一我真係火遮眼吾覺意用左蠻力,個仔一係傻左一係聾左一係死埋!所以我都吾會咁做...

如果你亞仔咁細,你就吾好咁重手喇!佢賴死响街度吾跟你,你即管大佢直行直過,等佢自己追番你,我以前個仔都係咁架!仲要郁D下當街訓地尖叫大喊添!我次次一見到佢黎料,我就即刻頭也不回咁直行直過,頂多去到彎位哩埋偷偷睇住佢(安全問題),佢次次都會死死地氣咁追番我,你試下呢個方法囉!千祈咪俾佢大番你轉頭呀!!!

老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息

私人傳訊

pandacat_bb

積分: 7205

7^#

發表於 06-10-12 01:49 |只看該作者

Re: 今日打左個仔一巴

laiki,

有時小朋友都真係好激心架, 我囡囡啱啱2歲都成日唔聽話, 我試過掌佢咀仔架, 不過唔係好大力, 佢已經好驚架啦, 我掌佢咀係因為佢咬細佬, 同埋咬完細佬我問佢係咪, 佢話"唔係"同"冇呀", 打完佢你係咪好心痛呢, 有時打完佢見佢喊真係好想錫番佢架, 不過唔得之嘛 :cry:

你唔好再打佢面啦, 對小朋友黎講好hurt佢自尊心架, 唔好以為咁細個佢唔識, 其實佢都知"瘀"架, 我細個嗰陣我媽咪最鐘意係街醒我一巴, 嗰陣我都係3, 4歲咋, 我到依家都仲記得呀, 所以我點都會忍, 我唔想我啲小朋友好似我咁, 有童年陰影呀

私人傳訊

積分: 10694

8^#

發表於 06-10-12 02:23 |只看該作者

Re: 今日打左個仔一巴

JAY媽,

個度係一條直路都冇得哩，其實我不嬲都用直行直過呢招架，不過我想同佢講下道理，點知講下講下就咁，不過我都唔係用好大力，我諗用返直行直過好ｄ！我用呢招佢實喊係度發脾４，我一聽到佢發脾４喊，我就不其然火滾！所以今日至同佢講道理

pandacat_bb，

我都知可能咁樣會影響佢自尊，所以我以後都要用返直行直過法！但係就要忍受佢既脾４，真係要做忍者至得

私人傳訊

積分: 5993

9^#

發表於 06-10-12 05:01 |只看該作者

Re: 今日打左個仔一巴

咁又真係幾火滾架!我嗰陣都係啦!我隻佬都係!有次我地一家三口去食sushi,全程都相安無事,但一到埋單,個仔就突然發癲訓地尖叫咁喊,搞到成場d人用不屑既眼光望住我地一家三口...我都忍住度怒火咁埋單先,我老公就嬲到二話不說一野捉個仔出門口,然後強行除底亞仔對鞋然後丟垃圾筒,然後好嬲咁同個仔講:"你係都要訓地呀!你咁鐘意污糟係要丟面,吾好着對鞋!!!"跟住我隻佬就一支箭直行直過咁走左去,到我埋完單出黎,就已經見到個仔喊到鬼死咁傷心咁無着鞋追住個老豆...d路人甲好心幫我執番對bb鞋(查實都吾算bb,嗰陣個仔都成三歲幾...),然後我跟住佢地兩父子...你話,比着你遇着咁既情形,係咪人都癲吖喇...!!!我最後仲要呵番一大一細(兩父子...)!!!

你話我幾橙先得架!!!

:-( :-( :-(

laiki 寫道:
JAY媽,

個度係一條直路都冇得哩，其實我不嬲都用直行直過呢招架，不過我想同佢講下道理，點知講下講下就咁，不過我都唔係用好大力，我諗用返直行直過好ｄ！我用呢招佢實喊係度發脾４，我一聽到佢發脾４喊，我就不其然火滾！所以今日至同佢講道理

pandacat_bb，

我都知可能咁樣會影響佢自尊，所以我以後都要用返直行直過法！但係就要忍受佢既脾４，真係要做忍者至得

私人傳訊

積分: 10694

10^#

發表於 06-10-12 17:58 |只看該作者

Re: 今日打左個仔一巴

JAY媽寫道:
咁又真係幾火滾架!我嗰陣都係啦!我隻佬都係!有次我地一家三口去食sushi,全程都相安無事,但一到埋單,個仔就突然發癲訓地尖叫咁喊,搞到成場d人用不屑既眼光望住我地一家三口...我都忍住度怒火咁埋單先,我老公就嬲到二話不說一野捉個仔出門口,然後強行除底亞仔對鞋然後丟垃圾筒,然後好嬲咁同個仔講:"你係都要訓地呀!你咁鐘意污糟係要丟面,吾好着對鞋!!!"跟住我隻佬就一支箭直行直過咁走左去,到我埋完單出黎,就已經見到個仔喊到鬼死咁傷心咁無着鞋追住個老豆...d路人甲好心幫我執番對bb鞋(查實都吾算bb,嗰陣個仔都成三歲幾...),然後我跟住佢地兩父子...你話,比着你遇着咁既情形,係咪人都癲吖喇...!!!我最後仲要呵番一大一細(兩父子...)!!! 你話我幾橙先得架!!! :-( :-( :-( [quote]

[/quote]

JAY媽,

咁你老公真係好激動下wor...有冇諗過阿仔點解突然發癲訓地尖叫咁喊?好彩你泠靜咋,如果2個都咁激動就幣喇!好似我同我老公咁,不過我係激動個個,佢溫柔過我好多

我諗係我地有naughty boy既媽媽至體會到個種辛苦火滾法!連係屋企鬧佢都要就住就住(如記得既話),因隔離鄰居話聽到我鬧仔,如果我連係屋企都唔可以教佢話佢,真係人都癲!!

話時話,你個仔幾多歲?成5點都唔訓,唔使湊佢返學咩?

私人傳訊

angamy

洋房

積分: 148

11^#

發表於 06-10-12 18:18 |只看該作者

Re: 今日打左個仔一巴

我昨晚都打了呀仔一吓嘴，原因不食粉之餘，仲要吐番出來真係

跟住佢大喊，爸爸出來看了他一眼就無理佢，等佢收咗声先爸爸問呀仔仲食唔食粉，佢話唔食，同我say"sorry"後就刷牙睡覺。
点知今午出外食飯，佢又扭要落地，我好大力放底筷子望住佢，呀仔突然好驚講"唔打"(2歲)，心想[出事了]我即講：媽媽不是打你，係想你不要落地，我們一陣便去搭巴士。
我也認同適當地罰是要的，但真的要三思；否則子女只因恐懼罰，而不是真的想做或認同父母的要求。

私人傳訊

florence0204

公爵府

積分: 28780

好媽媽勳章醒目開學勳章畀面勳章

12^#

發表於 06-10-12 18:28 |只看該作者

Re: 今日打左個仔一巴

那時佢都未懂事,
佢都識得叫我 "唔好打, 唔好打" .....
那一刻我已經打唔落手! :-(

私人傳訊

積分: 10694

13^#

發表於 06-10-12 18:34 |只看該作者

Re: 今日打左個仔一巴

angamy,

你個case我諗你要同佢解釋點解你唔俾佢落地,佢都唔知點解唔可以落地.如果佢唔驚你,你先驚呀! 如果佢唔食野,我從來都唔會打佢,最多tum佢食,唔食就算!佢肚餓自然要你開奶架啦!

私人傳訊

積分: 10694

14^#

發表於 06-10-12 18:37 |只看該作者

Re: 今日打左個仔一巴

florence0204,

滕條呢家野我冇用過,打唔落手!不過我老公有時會用篤汽球個支棍兇下佢!!

私人傳訊

積分: 5993

15^#

發表於 06-10-12 23:56 |只看該作者

Re: 今日打左個仔一巴

我個仔本身有自閉傾向同埋言語發展慢,嗰陣佢三歲左右,佢真係咩都癲俾你睇架!但又吹佢吾漲呀!佢真係無意欲去學講野(嗰陣時我地好有心機教,佢都寧願尖叫打人都吾願去學下講),搞到佢想表達時又吾識講,咁佢就癲喇!查實嗰陣我都癲架!我都無打佢,佢都可以自己無啦啦整到自己跌落地然後尖叫喊到九彩咁,跟住永遠有好多路人甲乙指三指四講到一定係我虐兒咁,仲遇過好多d閒人吾知頭吾知路走黎話:"你咁樣會嚇親個仔架!(師奶,我無郁手打仔喎....何來嚇親...)...""亞太,個仔生出黎係要教架!(八婆,同你萍水相逢,我吾識你,你吾識我,你何來見過我吾教仔呢?莫非你一早偷偷屈蛇响我屋企度?我有教仔喎!咁你究竟左眼定右眼定係孖住對眼見到我吾教仔呢???)..."...當你日日咁聽住見住人地指指點點,個仔又係一日癲過一日,你軟硬並施都吾得,你就算幾好eq都好,真係會癲埋囉!個仔係呢兩年至回復正常吾駛我打咋...不過都開始要對佢嚴格架喇...始終都開始大個仔會多d問題要處理嘛.

laiki 寫道:
[quote]
JAY媽寫道:
咁又真係幾火滾架!我嗰陣都係啦!我隻佬都係!有次我地一家三口去食sushi,全程都相安無事,但一到埋單,個仔就突然發癲訓地尖叫咁喊,搞到成場d人用不屑既眼光望住我地一家三口...我都忍住度怒火咁埋單先,我老公就嬲到二話不說一野捉個仔出門口,然後強行除底亞仔對鞋然後丟垃圾筒,然後好嬲咁同個仔講:"你係都要訓地呀!你咁鐘意污糟係要丟面,吾好着對鞋!!!"跟住我隻佬就一支箭直行直過咁走左去,到我埋完單出黎,就已經見到個仔喊到鬼死咁傷心咁無着鞋追住個老豆...d路人甲好心幫我執番對bb鞋(查實都吾算bb,嗰陣個仔都成三歲幾...),然後我跟住佢地兩父子...你話,比着你遇着咁既情形,係咪人都癲吖喇...!!!我最後仲要呵番一大一細(兩父子...)!!! 你話我幾橙先得架!!! :-( :-( :-( [quote]

私人傳訊

積分: 10694

16^#

發表於 06-10-13 00:28 |只看該作者

Re: 今日打左個仔一巴

自閉傾向同埋言語發展慢呢樣野有冇得醫or輔導?咁佢使唔使返d特別學校?

我都好憎d人係街眼望望咁睇我教仔,8卦到死!

私人傳訊

積分: 5993

17^#

發表於 06-10-13 00:41 |只看該作者

Re: 今日打左個仔一巴

依家我個仔8歲,已經好左好多lu!家下連個治療師都話佢好叻講野仲識得駁咀添!家下反而係要煩佢d過度活躍專注力不足同埋學習障礙...依家佢都係响正統嗰d普通學校讀小學咋!不過間學校好好,個個老師都好有經驗又有愛心,至少個仔鐘意番學先啦!

我都覺得係架!我都好憎嗰d八公八婆!吾知頭吾知路就黎學人八卦望人仲要開聲話人!所以平時我响街就算遇到人地教仔女,我都吾會望,始終呢d感受自己都受過,無謂要人受啦!

laiki 寫道:

自閉傾向同埋言語發展慢呢樣野有冇得醫or輔導?咁佢使唔使返d特別學校?

我都好憎d人係街眼望望咁睇我教仔,8卦到死!

私人傳訊

twg

別墅

積分: 685

18^#

發表於 06-10-13 13:24 |只看該作者

Re: 今日打左個仔一巴

JAY媽

我都好憎嗰d吾知頭吾知路就黎學人八卦望人仲要開聲話人!
I support u!
我都係好容易比我個仔激到要打要罵!我地亦試過同佢講道理,但佢要用好耐時間至收到聲(1 hr)聽人講嘢!我eq又唔高
but 真係唔好打得太多!若打罵收到阻嚇作用便ok

你已經算有能耐啦!要揍大有問題嘅小朋友實在唔容易
u r really a good mom!
比心機呀!加油!

私人傳訊