吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 今朝臨返學時打個仔....

少年成長今日: 0|主題: 16100

收藏本版

發帖

返回列表

跳至頁

查看: 1183 | 回覆: 6

今朝臨返學時打個仔.... [複製鏈接]

ltse

別墅

積分: 594

1^#

發表於 06-10-13 11:11 |只看該作者

今朝臨返學時打個仔....

個仔參唔多5歲, 樣樣都幫佢做, 近日發覺他全無自理能力, 所以自己及工人想由現在開始比回他自己做, 每朝返學甽係到著衫, 這兩日由他自己著, 都有少少火滾,

今日已夠鐘 , 叫佢唔好坐向到, 快d著鞋出門口, 我一叫就企起身, 又即刻坐返低, 大聲叫佢起身, 又開始喊 (在學校一有問題, 老師話已成日喊)
我頂唔順, 好大力打咗佢手擘一下, 我老公即刻叫住我, 個仔喊到唔收聲, 根住拿拿臨帶佢出門口, 校車已到, 即刻push佢上校車, 重見到佢眼濕濕, 鼻涕重流緊. 需然佢已笑返, 我個心就頂住頂住, 唔舒服, 好耐久. :-(

又怪自己令到他無自理能力, 又怪自己無耐性. 有個高人同我講, "你要襯個仔重細時要好好訓練令他有自理能力, 要能夠獨立, 但係the price is 你與個仔就會較蔬離, (所為不在裙腳仔), e.g. 當你出街時, 他只會與你say bye, 絕唔會講我要你陪我等...,; 當然依賴你的小傢伙, 就一定chi住你, 唔比你走, 及要你攬攬啺啺等... 個高人重問我有無看女王的教室, 其實係參唔多, 但無咁extreme啦!

真係唔捨得個種關係, 但有想個仔有好好的自理能力. 宜家好d啦, post 出黎, 個心舒服d啦.

ltse

私人傳訊

Denise-chan

洋房

積分: 413

2^#

發表於 06-10-13 11:32 |只看該作者

Re: 今朝臨返學時打個仔....

其實我好明白你的用意。但太心急只會令小朋友痛苦！試想想，如果你是小朋友，媽媽要你自己著衫，但著得慢就會比人鬧同打，你仲會唔會自己著呢？到不如等大人幫手仲好啦，起碼唔使比人鬧！
你可以嘗試唔好係佢早上起床趕時間開始。不如改係平時去街要佢自己穿衣，無穿好，就無街去。我想，這樣，大家都會好d。仲要多讚賞，只要他有嘗試去做，你就應該鼓勵努力！你亦要明白，要好好自我控制情緒，呢d都係身教！

私人傳訊

ltse

別墅

積分: 594

3^#

發表於 06-10-13 13:03 |只看該作者

Re: 今朝臨返學時打個仔....

完全明白及完全認同.

其實我真的好愛好愛我個仔, 今日真的好有心痛的感覺.

ltse :cry:

私人傳訊

cathy6710

子爵府

積分: 10211

畀面勳章

4^#

發表於 06-10-13 13:06 |只看該作者

Re: 今朝臨返學時打個仔....

訓練BB自理能力時最好唔好揀D會緊張的時候
例如話返學....
因為我D一心急就會忍唔住要BB快D
但BBO岩O岩開始學冇可能快....
咁樣我D一定會鬧BB
但呢個又唔係BB錯
到頭來反而會阻住BB學習.....

你不妨係BB沖勻涼時候教佢平時去街時候教
等佢已經識個時先係返學前要佢自己做
但都要注意俾多少少時間佢去做
因為BB冇可能同我D一樣咁快....

我訓練BB自己著褲差唔多半年有多
到依家朝早返學前佢有時自己都仲會著錯
我都只係笑笑同佢講著錯後幫佢自己著返正
多幾次就好啦
遲D開始訓練佢自己著衫....

對BB 一定要有耐性冇耐心的時候
可能對你自己對BB都唔好.....

私人傳訊

happydaughter

大宅

積分: 4949

5^#

發表於 06-10-13 13:06 |只看該作者

Re: 今朝臨返學時打個仔....

Denise-chan 寫道:
其實我好明白你的用意。但太心急只會令小朋友痛苦！試想想，如果你是小朋友，媽媽要你自己著衫，但著得慢就會比人鬧同打，你仲會唔會自己著呢？到不如等大人幫手仲好啦，起碼唔使比人鬧！
你可以嘗試唔好係佢早上起床趕時間開始。不如改係平時去街要佢自己穿衣，無穿好，就無街去。我想，這樣，大家都會好d。仲要多讚賞，只要他有嘗試去做，你就應該鼓勵努力！你亦要明白，要好好自我控制情緒，呢d都係身教！

同意啦！仲有小朋友識照顧自己唔等於唔需要媽媽係身边！
親子活動就可以help you 同小朋友多啲相處

私人傳訊

咿唷

民房

積分: 14

6^#

發表於 06-10-13 13:39 |只看該作者

Re: 今朝臨返學時打個仔....

Itse,
對呀! 真係唔好心急! 要慢慢嚟的, 仲要時時讚吓佢.
好似我囝囝都係5歲, 每教佢做一様嘢時, 我都會讚佢好多次, 真的讚到佢飄飄然, 所以每次佢都好用心學.
好似連便便(大便), 佢都係自己清理的了, 不用再叫工人或我, 但最初當然要事後檢查清楚, 是否清潔啦! 當佢肯自願做第一次時, 我巳經好鬼跨張話 :華 ! 好叻呀你, 識自己清理喎, 唔係個個小朋友都得架! 點解咁叻既................下刪數十字
有個尊家話: 小朋友在讚美中成長的, 是學嘢叻d 的, 因為是他們自願學時, 會吸收得快d架!

私人傳訊

JAY媽

男爵府

積分: 5993

7^#

發表於 06-10-13 15:05 |只看該作者

Re: 今朝臨返學時打個仔....

吾好咁心急啦!呢D野吾可以急要慢慢教架!吾係三兩日或者幾個月就完全教得掂架!家下我個仔八歲,佢都係早年幾前至識得/願意自己用花洒沖涼同自己抹身着衫...原本佢以前番學都係自己換衫着鞋架!只不過升到小一,又要早起身,我至俾佢朝早仲係訓响床度,我幫佢換衫着鞋,到臨出門口一刻至叫醒佢番學...無計啦!個仔讀書有困難有壓力,始終都要俾個位佢懶下既,下下都又打又鬧,小朋友真係會好大壓力甚至會自我放棄架...同埋嚴格吾等於一定要鬧同打,你同佢玩堅持,嗰D野佢係要做,吾做吾放得佢走,咁已經OK..佢喊咪由佢喊飽佢囉!你擺到明真係好吾在乎佢D喊功,佢喊多幾野見無成效就會收歛...

佢都仲好細個啫!慢慢教啦!