事緣噚晚同隻佬諗住去櫃員機度交雜費啦,點知去到櫃員機就發現出錢個位有人留低左四張五百蚊(二千大蚊)响度,跟住我就即刻叫隻佬叫停最近我地而又走緊一位戴帽既長毛,問下佢有無禁左錢吾記得攞...我就為安全計,先攞起嗰二千大蚊,無耐我隻佬番黎話條友好惡咁兇佢話佢無禁過錢,之後我地諗住試下睇下附近有無差佬,行左無耐,頭先嗰條長毛又走番黎又話D錢係佢既...咁我地都半信半疑,我隻佬又吾知俾吾俾番佢好,但條長毛又是兇我地咁款催我地俾舊錢佢,咁我即刻收埋D錢,問條長毛:"咁你禁左幾多錢?" 
跟住條長毛即刻依依哦哦答吾到,仲即刻改口話係佢朋友禁,佢朋友打俾佢話俾佢知,佢至追黎,跟住我二話不說:"咁呀...不如報警處理囉!我地吾識得處理!"跟住條長毛見吾對路咁但又要大我地大大聲話:"報警囉!!!...咁等我叫埋我朋友黎先!" ?-( 之後一個車輪腳閃都無影無再番黎!!!我地照樣撥左電話去報警,响等緊差佬之際,又有個男人神色慌張咁走埋去個櫃員機度搵野咁,跟住我又叫隻佬拿拿聲標去問個男人係咪禁錢吾記得攞,同埋又係問番同一條IQ題"你禁左幾多錢?" 
之後個男人好爽快咁答係二千蚊!BINGO!!!你中奬@!你答岩左喇!但我都為安全計,都係話等埋個差佬黎到先至移交舊錢俾佢,咁佢都話好,等到差佬黎,條差佬抖順條氣,條差佬都問我點問佢,個差佬都即刻用紙遮住舊錢再一次問番條友幾多錢...搞掂件事之後,我地响屋企附近間茶餐廳度食晚飯, :mrgreen: 世界真係細!食食下又遇到先前想呃錢既長毛仔喎!原來間茶餐廳係佢屋企人開,佢一踩入黎就吹水講番頭先嗰件事,越吹越大,完全吾知我地既存在( 
响你後面呀~傻佬~!!!)!!!至岩聽既就係,佢竟然話我係'靚妹'! :mrgreen: 仲話我'正'(醒目)~~~!!跟住我同老公對望笑一笑,我就扮睇電視咁望住部電視,我隻佬見條友越吹越興奮,即刻忍吾住大大聲表露身份:"喂!我地响樹喎!" 條友即刻幾驚!即刻無厘頭猛同我地解釋,又話佢個亞叔係做差佬,跟住又話佢朋友又係差佬,又話係佢打番俾個朋友叫佢自己去搵我地... 
好心啦!衰左咪再吹水啦!我頭先正是因為你呢條長毛吹水話係朋友既,我都已經專登問番個事主係咪有朋友打俾佢黎,佢先至知佢吾見錢&知我地執到錢...個事主都話無人打俾佢,係佢番左上樓摸摸銀包先醒起吾記得攞錢至標番落黎! 所以各位都要小心呀!執到錢吾理係幾多,第一時間報警最穩鎮,同埋D茂利自動投案話係佢都一定要收起舊錢考番佢IQ題:"吾見幾多錢JACK~~~???",等差佬黎至處理!吾好益左呢D長毛賊呀!亂認! 
查實我都有少少心動架!事後我地行去食晚飯途中我隻佬都吾多正常咁猛話呢次係教仔既好機會,又話呢D錢就算我地吞左去,食左都背席骨落啦~~~~!!! 我即刻忍吾住潤下隻佬:"老公响人前表現得好正義,但一擰轉頭就雞蛋眼(喊~~)喎~~~!!!" 笑到我CC下!!! 
咁又係既...二千大蚊對於我地D窮鬼黎講真係好好駛架!!!我慳慳地都可以駛到半個月... stkyo 寫道:
豬媽(JAY媽),
咩你咁攪野呀
個個長毛飛遇到你兩公婆真係唔好彩
個個襟完錢就咁就走左去，漏底左咁多錢，好彩你地好人keep起左，我諗好多人見錢就攞走(我係其中一個)
咁個差佬又無講呀...同埋我都吾等得部機吞番舊錢啦!嗰陣我隻佬趕住找數(用櫃員機),我地住嗰頭又荒蕪,想搵多部櫃員機都難,又要行好遠,同埋我噚晚一見到咁既情形我都驚啦...整係諗點處理舊錢都無時間考慮咁多LU... 062004 寫道:
如果柜員機(識咬住d$個隻), 出咗10秒無人攞, 佢會sence到吞反d$, 架機有record, 一定知係邊個, 第2日會有職員打電話confirm同入反d$落佢戶口.
咁大個女第一次係咁俾人讚真係開心到傻左~~~~!!!吾係我揚自己係人地地頭度架!係我隻佬之嘛!!!諗番查實又真係全程係我一個人係咁點隻佬做野,係咁點佢問人係咪跌左錢同埋報警...噚晚隻佬一响茶餐廳度坐低就即刻嗲個頭埋黎我個頸度(女人型... )猛話:"好彩有老婆响度咋!如果吾係得老公一個响樹真係吾知點算!" 即刻自信心爆棚!呢鋪得戚喇我!!! 貝貝 寫道:
靚妹...你都幾夠薑喎....處變不驚...冇比長毛大到你地...而且...係人地地頭仲夠膽咁揚自己係度...勁!!!
發表於 
返回列表
