論盡家傭 今日: 1 | 主題: 134001

積分: 16512

1^#

發表於 06-10-15 12:14 |只看該作者

好傷心.................

我囝囝今年兩歲,佢'痴'工人'痴'得好犀利,平時夜晚嗰餐奶我會自己餵番,餵完就會同佢傾一陣偈,唱歌,氹佢瞓,已經維持咗半年,
之前係我先生氹佢瞓,但而家佢完全唔肯比爹吔氹佢,試過有一次我夜晚要OT,爹吔喺房到氹佢瞓,點知佢連奶都嘔埋出嚟,激死!
呢兩日我喺房氹瞓佢,但佢係都話唔瞓,要出廳揾姨姨,第一日我由得佢,但昨晚佢又係咁,我堅持唔比,叫工人入厨房,點知佢喊得好厲害又嘔奶,我見到好傷心,我鬧佢早知唔生你出嚟,(我第一次咁講)我話你究竟知唔知邊個係爸爸同媽媽,我話如果冇錢比姨姨睇佢理唔理你,你估媽咪唔想陪你,如果我可以日日陪住你根本唔需要姨姨,我好大聲工人都聽到,最後佢又係嘔奶,
我覺得自己好冇用,入咗房喊,後來佢可能喊到累,瞓咗係梳化,我先生安慰我叫我出去陪佢,可能喊到太累,所以佢好快瞓着,我都唔知而家點算?我今日應唔應該再堅持氹佢瞓,但又驚佢再嘔,
其實我哋而家出街已經唔帶工人,盡量抽時間陪佢,有時我老公想睇戲,我都拒絕佢,因為唔想比囝囝同工人有太多時間一齊,返工冇得講,夜晚囝囝係同工人一間房,方便照顧,究竟我而家可以點做好?請各位為人父母比啲意見我?我個心真係好痛?
我知我工人錫佢,但朝早囝囝都會'痴'下我,我工人有時見囝囝'痴'我唔'痴'佢,佢都好似唔開心我諗緊應唔應該同佢續約,我見佢收埋我囝囝啲扭扭蛋嘅玩具,我曾經試探問佢,問囝囝啲扭扭蛋嘅玩具點解得番咁少,叫佢幫我揾下,但佢話係咁多,始終都唔拎番出嚟,咁同偷嘢有乜分別,我又冇話唔要,我唔知佢收埋做乜究竟比佢個女,如果佢自己要都算數但我驚佢要嚟落降頭,我好擔心,唔知係咪我多心?點解啲工人咁鍾意貪小便宜,咁鍾意偷嘢,我好唔好揭發佢?請大家比啲意見我?
thanks! :-(

私人傳訊

積分: 16512

2^#

發表於 06-10-15 13:50 |只看該作者

Re: 好傷心.................

pls give some advice to me
thanks!

私人傳訊

cat_house

積分: 4108

3^#

發表於 06-10-15 14:01 |只看該作者

Re: 好傷心.................

兩歲BB係會開始拗計﹐我囝囝都係咁。bb未識表達自己既意思﹐時常用喊來要求﹐喊得厲害自然會嘔。我係BB半歲時都有介意bb唔'痴'我既問題。我諗你首先要自己放鬆d。你發脾氣bb唔會明。當然你會諗點解bb要工人唔要你﹐但其實好正常﹐工人日日係屋企﹐唔會出去﹐bb有乜需要大部份時間都係工人去handle﹐咁佢想瞓時咪會想搵工人囉。如果你想自己handle佢瞓﹐一係你同bb講話姨姨要沖涼/洗碗﹐媽媽陪你瞓先﹐一陣姨姨做完野入來睇你架啦。
如果你屋企有地方﹐唔好俾工人同bb同房會重好。我bb2歲而家都係自己一間房架。
至於個工人收埋d扭扭蛋﹐你咪直接d同佢講話bb好鐘意架﹐叫佢揾返晒出來﹐搵唔到叫佢賠因為一定係佢整唔見。

私人傳訊

焯嵐媽咪

禁止訪問

積分: 4068

好媽媽勳章

4^#

發表於 06-10-15 15:14 |只看該作者

Re: 好傷心.................

提示: 作者被禁止或刪除內容自動屏蔽

私人傳訊

catcat_22

積分: 4209

畀面勳章環保接龍勳章

5^#

發表於 06-10-15 18:18 |只看該作者

Re: 好傷心.................

好明白你o既感受, 因為我都係咁, 真係唔好受, 但係如果個囝囝唔跟個工人咪仲死, 咁即係代表你個工人平時對囝囝唔好, 無辦法啦自己要返工, 唯有一放工放假d時間比哂囝囝o羅, 你始終係佢媽咪, 佢大d就會識分嫁喇 !! 盡量唔好同小朋友講d唔開心o既說話, 小朋友要好有耐性慢慢氹, 唔好唔開心啦 !
不過如果個工人偷野就唔得喇

如果係我我會踢爆佢然後同佢講以後唔可以咁様 (or出warning letter), 否則報警 (嚇佢) !! 不過你都要留意下個工人有冇偷其它野, 因為好多工人都好貪心

私人傳訊

SandraLo

珍珠宮

積分: 33215

6^#

發表於 06-10-15 20:46 |只看該作者

Re: 好傷心.................

shala：
其實你真係唔駛傷心，亦唔駛担心，BB要跟工人係好正常，我女細個時都係咁，因為エ人陪佢時間長，調轉佢唔肯跟，就真係大鑊，一方面太「痴」身，另一方面又怕係工人對BB唔好！
BB唔會明你响度妒忌緊個工人，而你重鬧佢乜嘢「冇錢比姨姨睇佢理唔理你」，BB只係識用喊嚟爭取佢要嘅嘢，初頭幾次就喊時吞咗風所以嘔，再嚟多幾次，佢發現嘔就可以即刻攞倒要嘅嘢，咁就有冇風都「chok」到自己嘔！所以必須小心處理！
首先，你要問自已想点，係嗰整段時間要自己同BB一齊，抑或做咗講故事同唱歌等就俾エ人陪佢瞓，定係橫掂佢喊開，不如就trainBB自己瞓，決定之後就要堅持，唔好俾BB覺得有任何嘢可以改變你，例如喊同嘔，即係話，如果佢嘔你就會讓步，咁你就應該由得佢同工人瞓，唔好有「拖拉」而又係BB win 的，因為咁樣落去，佢會用呢樣嘢嚟操控一切！

如果係我，我會揀咁做：
1. 食晚飯時同BB一齊，工人要入厨房食飯，等BB少啲見住佢，同BB傾吓一啲同食物有關的事，亦同佢預告BB大個，唔駛人陪佢瞓。
2. 晚飯後同BB玩、唱歌仔或睇VCD，早少少食夜奶，份量又少些，預備瞓時入房睇圖書講故事，再傾計，之後如果BB唔要你，要エ人陪佢瞓，就叫エ人坐近房門睇住佢，但唔會抱，佢喊都要由得佢！如果你完全唔想佢喊，就乖乖地佢話乜就乜！反正問題不大！

你諗吓自己想点啦.....我老公係做兒童行為同心理，所以有啲嘢我都畧知！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

jasminemei

積分: 2248

7^#

發表於 06-10-15 22:49 |只看該作者

Re: 好傷心.................

shala 寫道:
我囝囝今年兩歲,佢'痴'工人'痴'得好犀利,平時夜晚嗰餐奶我會自己餵番,餵完就會同佢傾一陣偈,唱歌,氹佢瞓,已經維持咗半年,
之前係我先生氹佢瞓,但而家佢完全唔肯比爹吔氹佢,試過有一次我夜晚要OT,爹吔喺房到氹佢瞓,點知佢連奶都嘔埋出嚟,激死!
呢兩日我喺房氹瞓佢,但佢係都話唔瞓,要出廳揾姨姨,第一日我由得佢,但昨晚佢又係咁,我堅持唔比,叫工人入厨房,點知佢喊得好厲害又嘔奶,我見到好傷心,我鬧佢早知唔生你出嚟,(我第一次咁講)我話你究竟知唔知邊個係爸爸同媽媽,我話如果冇錢比姨姨睇佢理唔理你,你估媽咪唔想陪你,如果我可以日日陪住你根本唔需要姨姨,我好大聲工人都聽到,最後佢又係嘔奶,
我覺得自己好冇用,入咗房喊,後來佢可能喊到累,瞓咗係梳化,我先生安慰我叫我出去陪佢,可能喊到太累,所以佢好快瞓着,我都唔知而家點算?我今日應唔應該再堅持氹佢瞓,但又驚佢再嘔,
其實我哋而家出街已經唔帶工人,盡量抽時間陪佢,有時我老公想睇戲,我都拒絕佢,因為唔想比囝囝同工人有太多時間一齊,返工冇得講,夜晚囝囝係同工人一間房,方便照顧,究竟我而家可以點做好?請各位為人父母比啲意見我?我個心真係好痛?
我知我工人錫佢,但朝早囝囝都會'痴'下我,我工人有時見囝囝'痴'我唔'痴'佢,佢都好似唔開心我諗緊應唔應該同佢續約,我見佢收埋我囝囝啲扭扭蛋嘅玩具,我曾經試探問佢,問囝囝啲扭扭蛋嘅玩具點解得番咁少,叫佢幫我揾下,但佢話係咁多,始終都唔拎番出嚟,咁同偷嘢有乜分別,我又冇話唔要,我唔知佢收埋做乜究竟比佢個女,如果佢自己要都算數但我驚佢要嚟落降頭,我好擔心,唔知係咪我多心?點解啲工人咁鍾意貪小便宜,咁鍾意偷嘢,我好唔好揭發佢?請大家比啲意見我?
thanks! :-(

我之前個工人也是,bb很"痴"佢,但換了工人後,佢就要嗎咪.

我覺得你唔好同佢續約,主要佢有偷了你野,你有比機會佢但佢無意思補救,誠信已很有問題,我覺得做工人誠信及尊重都好緊要,佢可能仲唔止偷一樣野tim....

同埋bb對佢4年,一定會勁"痴"佢,except佢做得好好...

謙謙已在9月15號出世喇！2.6kg 全人乳一個月 3.88kg 二個月 5.95kg 三個月 7.33kg 五個月 8.35kg 六個月 9.21kg 七個月 9.42kg 八個月 9.51kg

私人傳訊

samma1999

民房

積分: 48

8^#

發表於 06-10-15 23:39 |只看該作者

Re: 好傷心.................

其實小朋友係好直接的，你對佢好佢一定"痴"你。這代表姐姐對佢好。那你就不用擔心，可以安心工作。
你只要回家後心情平和的同小朋友佢傾下計多的同佢溝通，同佢玩下，講下古仔…比佢知到媽咪每天不在家陪佢係因為要工作…有時同佢講下你自已的野等等。其實同小朋友相處是重質不重量的。
我女兒兩、三歲的時候都跟姐姐唔跟我，我返到屋企好似透明，無人理我，佢地兩個自已玩，但慢慢大左佢自然會改變，當然要你自己努力啦！我個女而家七歲-痴我痴到不得了。至於你工人收埋你囝囝啲扭扭蛋嘅玩具,這個是另一個問題，可能佢係偷，可能佢係以為你唔要。你何不真接問問她原因。如果是偷就可大可小，亦不在於物件是什麼。就一定唔對。

私人傳訊

je958

積分: 1865

9^#

發表於 06-10-16 12:37 |只看該作者

Re: 好傷心.................

私人傳訊

積分: 16512

10^#

發表於 06-10-17 19:54 |只看該作者

Re: 好傷心.................

真係好感動,亦多謝大家嘅關心,
原來好多有請工人嘅媽咪都有咁嘅情况,我都知道係佢錫囝囝,所以囝囝先咁'痴'佢,但嗰一刻,揀佢唔揀我,真係好難受,第二晚佢肯比我陪,但唔肯入房要喺廳嘅梳化,足足氹咗兩個鐘都瞓唔着,係咁咬住條紗巾,(因為由細到大都有呢個習慣,點算?)碌大對眼,我先生同工人喺廳出出入入,(冇辨法要做嘢)最後都係由工人氹佢.我同先生返入房.佢一陣已瞓着.唔知係佢已經太累.抑或學我先生話齋.其實囝囝可能想玩.唔想瞓.尤其是有爹吔媽咪喺度.佢覺得你哋都未瞓所以佢唔想瞓.唔知係咪安慰我!
不過你哋講得啱,囝囝第日大啲會知道爹吔媽咪係最錫佢,
我間房好細,擺唔落張ＢＢ床,同埋我先生話想佢獨立啲,你哋講得啱我應該要控制下自己情緒,要深呼吸,
其實扭扭蛋係我無意中見到佢櫃桶,所以先知,後尾我同佢講囝囝唔見咗好多扭扭蛋,叫佢揾番出嚟,(已經比哂機會佢)但最後佢梗係話冇,我好難折穿佢,唔通話我睇過你櫃桶咩,後尾我唔知佢拎咗去邊,已經唔見咗,我先生話你見到嘅可能只係扭扭蛋,佢之前偷咗啲乜可能你都唔知, anyway麻煩哂各位媽咪

私人傳訊

BLOG

洋房

積分: 254

11^#

發表於 06-10-17 21:39 |只看該作者

Re: 好傷心.................

shala,
完全明白你心情,因我仔仔都好痴以前個姐姐,完全唔跟我兩公婆,到姐姐回鄉後,佢日日望住個廚房&大門口,等姐姐回來,又無胃口食野. 不過小朋友好善忘,有得玩,有得食就好無事.關於扭蛋,不如直接問姐姐係咪想寄回鄉比佢仔仔,如果係,咪送比佢囉,當然要同佢講:下次唔好未問過你就收埋唔屬於佢的物件,咁等於偷野架. 希望你明白.
我覺得咁好來好去,始終佢都算踢你仔仔

私人傳訊

fungyubb

複式洋房

積分: 330

12^#

發表於 06-10-17 22:50 |只看該作者

Re: 好傷心.................

有冇考慮早少少比bb入讀bb班？等佢接觸多d事物，可能會分散佢對工人的依附。

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

13^#

發表於 06-10-18 00:05 |只看該作者

Re: 好傷心.................

岩呀, 2歲讀 n1, 報全日, 放4點, 搵個本地c9 or 熟人 or 親人接放學都好過再用工人.

我而家都係等緊呢一日, 我唔會話工人完全冇用, 但用頭2年夠了, 由初生到2歲, 我覺得如果冇親人湊, 工人係好的, 因為可以制止佢唔好帶bb出街, 基本上mon to sat 你唔比佢出街都冇問題.

諗起再續約, 又多2年, 加埋學費, 更本好大負擔. 希望你有出路啦.

fungyubb 寫道:
有冇考慮早少少比bb入讀bb班？等佢接觸多d事物，可能會分散佢對工人的依附。

私人傳訊

睿睿豬

男爵府

積分: 5061

14^#

發表於 06-10-18 11:42 |只看該作者

Re: 好傷心.................

我都好想同大家分亨吓。其實我覺得首先我地要清楚工人嘅位置, 我地請佢只係因為佢可以幫我地做妥家務同係我地返左工嘅時間照顧小朋友, 到我地放工返到屋企(或放假), 照顧小朋友嘅責任應該落返我地自己身上, 唔可以將照顧小朋友嘅責任比晒工人, 要記住工人只係我地嘅輔助, 要小朋友親父母多d, 咁做父母嘅我地就要先付出多d, 以我自己為例, 平日我都係要我媽咪同工人一齊照顧小朋友, 到放工就會同老公一齊做返晒(包括餵佢食野、同佢玩及同佢瞓等等), 只會叫工人幫我遞吓野咁, 努力啦各位

私人傳訊

該用戶已被刪除

15^#

發表於 06-10-18 11:57 |只看該作者

Re: 好傷心.................

提示: 作者被禁止或刪除內容自動屏蔽

私人傳訊

cat_house

積分: 4108

16^#

發表於 06-10-18 12:04 |只看該作者

Re: 好傷心.................

係呀﹐我由bb細細個已經係咁做﹐到而家佢2歲我先由工人餵佢食野同氹佢訓。佢依然都係最"痴"我﹐終於有回報

私人傳訊

Clementmammy

別墅

積分: 521

17^#

發表於 06-10-18 12:19 |只看該作者

Re: 好傷心.................

This happened to me as well. I cried in the beginning.
Now my son is 6 and daughter is 4, they get very close to me, especially the son.
When they grow up, they will know who is the mother and father and who is the one always with them, and never change and disappear.

私人傳訊

睿睿豬

男爵府

積分: 5061

18^#

發表於 06-10-18 15:02 |只看該作者

Re: 好傷心.................

我地時刻要記住, 仔女係我地自己嘅, 其他唔重要嘅野當然可以叫佢做, 但自己嘅寶貝盡可能都要辛苦D照顧返, 做父母從來都冇人話會舒服架啦, 係唔係, 你要加油喇

私人傳訊