吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 我好唔開心~~99好煩呀!!!!!

大仔大女媽媽會今日: 0|主題: 177861

收藏本版

發帖

返回列表

跳至頁

查看: 1797 | 回覆: 21

[2006年] 我好唔開心~~99好煩呀!!!!! [複製鏈接]

abcakk

大宅

積分: 3190

1^#

發表於 06-10-11 03:38 |只看該作者

我好唔開心~~99好煩呀!!!!!

我99住得好近(撘的士唔使跳表)

由呀女出咗世我坐月嗰陣,日日上嚟由中午坐到夜晚7點先走(真係齋坐,一樣野都冇幫過我做)攪到我冇得瞓晏覺,每日瞓得5個鐘 :evil:仲要揍大仔返學放學、煮飯、洗碗.....攰到想死!

我試過幾次叫佢唔使日日嚟.佢就話唔緊要喎,坐係度唔會阻到我

但嚟到我屋企話要睇孫,唔比我抱個女入房.佢又揍唔掂bb.結果我就日日看住99、大仔、bb3個.叫c6同99講,佢又唔肯

呢D日子挨到大仔放完暑假,諗住可以甩難.點知都係唔放過我

e+99個個星期六/日都要我哋陪佢飲茶.飲完各自返屋企都冇所謂,最慘又上我屋企坐到夠鐘(7pm)先走.試過我病咗或唔得閒,同佢講唔去得.佢就話唔飲茶都要嚟我到睇孫.總之佢話咗就一定要做到,點講都冇用.真係激到我死死吓

中秋節99返咗大陸,先有返D時間斗吓.唉!琴日已經打電話嚟,講定星期六去飲茶

真係好煩好煩呀 :-( :-( :-(

私人傳訊

qq媽媽咪

瑪瑙宮

積分: 126146

馬年勳章 2026勳章母親節2025勳章 2025勳章蛇年勳章 2024年龍年勳章 2018復活節勳章開心吸收勳章好媽媽勳章 BK Milk勳章

2^#

發表於 06-10-11 09:28 |只看該作者

Re: 我好唔開心~~99好煩呀!!!!!

如果比我就會叫99幫我睇住個b,落街買野. 買成粒幾兩粒鐘
至返, 日日如是, 當然要餵好個b食奶先.

久而久之, 你
99就會小d上嚟 (我諗)

私人傳訊

winwin323

男爵府

積分: 7970

3^#

發表於 06-10-11 10:12 |只看該作者

Re: 我好唔開心~~99好煩呀!!!!!

好橋

qq媽媽咪寫道:
如果比我就會叫99幫我睇住個b,落街買野. 買成粒幾兩粒鐘
至返, 日日如是, 當然要餵好個b食奶先. 久而久之, 你
99就會小d上嚟 (我諗)

私人傳訊

irenetay

大宅

積分: 1306

4^#

發表於 06-10-11 12:41 |只看該作者

Re: 我好唔開心~~99好煩呀!!!!!

係囉, 比D野妳99搞, 等佢知難而退.
星期六佢話要飲茶, 妳唔想去就推佢喇, 話約咗朋友去街, 又或者話同小朋友有親子活動...... 妳唔想就要出聲架, 如果唔係咪煩到自己囉

私人傳訊

winmi

子爵府

積分: 11238

畀面勳章

5^#

發表於 06-10-11 13:14 |只看該作者

Re: 我好唔開心~~99好煩呀!!!!!

係呀, 如果唔想去既, 咪直接推左佢囉, 冇話d咩架....
如果你老公懶皮唔想出聲既, 你咪同佢講左先囉,
話如果日後我同99有咩嗌烚既, 你唔好話我呀......
先小人, 後君子嘛.....
同埋如果你99上到黎咪比野佢做囉, 就算係d好小事,
例如: 抺下野, 都好架, 唔好比佢覺得上黎得個坐字.....
坐完啦, 拍拍個pat又閃人....

☆ 愛生事家庭 ☆
[img][/img]

私人傳訊

sinirene

複式洋房

積分: 286

6^#

發表於 06-10-11 13:32 |只看該作者

Re: 我好唔開心~~99好煩呀!!!!!

abcakk,

如果妳眼瞓照入房同BB瞓, 唔好理佢。等佢覺得悶自然會走, 除非佢咁厚面皮

好似我99咁平時講嘢唔覺得佢好大聲, 但係亞B面前就講得好大聲。有一次我終於同佢講, [sh....話BB瞓o左, 唔好咁大聲, 如果唔係整醒o左佢就好難攪la]。她聽完即刻細聲o左。

私人傳訊

ALDA

複式洋房

積分: 305

7^#

發表於 06-10-11 17:41 |只看該作者

Re: 我好唔開心~~99好煩呀!!!!!

我99最鐘意大大聲咁叫bb,加上佢把聲又尖又響,成日嚇到bb彈起,我地叫佢唔好咁大聲 ,佢仲話要大聲d同bb講野bb先會大膽d,唔係第時好細膽,話我平時細細聲同bb講野搞到佢大聲d都嚇親bb

樣樣野都堅持自己果一套,完全唔聽人意見,我同bb而家都盡量少出房避左佢

http://tung-hang.blogspot.com/

私人傳訊

沙沙

禁止訪問

積分: 46216

8^#

發表於 06-10-11 18:07 |只看該作者

Re: 我好唔開心~~99好煩呀!!!!!

提示: 作者被禁止或刪除內容自動屏蔽

私人傳訊

kwong0606

洋房

積分: 542

9^#

發表於 06-10-11 20:54 |只看該作者

Re: 我好唔開心~~99好煩呀!!!!!

係呀, 等佢摸門釘都好, 只係佢上來之前出門口,轉個頭咪返返屋企囉!

私人傳訊

sbobo

大宅

積分: 2540

畀面勳章

10^#

發表於 06-10-11 21:11 |只看該作者

Re: 我好唔開心~~99好煩呀!!!!!

abcakk:

你99上來坐又唔幫手，會唔會係佢已經好耐冇湊 bb所以唔識湊，但因為面子問題，怕湊唔掂 bb 好瘀呢？ d 老人家係咁架，成日要好有尊嚴，明明自己唔知或者唔識又唔肯問下人。

我99 開頭離我屋企都係坐下冇幫手湊 bb，果時我都有d 唔開心，點解佢唔幫下手，淨係叫我同工人唔好呢樣，唔好果樣，到後來我無意中發覺原來佢唔湊 bb 係驚湊唔掂，因為太耐冇湊過喇，於是我有次即管問佢試唔試下餵 bb 食奶，點知佢好樂意試，果日我阿b 好乖，係咁望住99，雖然支奶餵唔晒，但99都好開心，我就乘機話下bb 的喜好比佢聽。

自始之後，佢主動左幫手，雖然有時都搞到有d 混亂，但係冇好似開頭咁得個坐字。

私人傳訊

traceysm

洋房

積分: 152

11^#

發表於 06-11-4 21:05 |只看該作者

Re: 我好唔開心~~99好煩呀!!!!!

你都好，佢自己一個來，我坐月時，佢電話都冇個，帶乍人上來，日日唔同時間走上來，又唔幫手，我唔理佢，佢同我阿爸阿媽投訴，話我唔睬佢
佢只係顧住揍佢３個外孫，都算啦，我老公叫佢得閒幫手揍下我個仔，佢抱住我個仔鬧我：
你搞唔點就唔好生啦，我個３個都係諗得點至生．．．生完仲掛住做野．．．
我覺得好冤屈，老公又唔出聲，我差ｄ要離婚
我阿爸阿媽幫我出面，佢又唔肯認有講過，但堅持唔會揍我個仔
以前，我同老公個個星期都同佢一起飲茶食晚飯，而家，日頭飲茶，我叫我老公同個仔去，食晚飯就２個星期一次，有咁遠坐咁遠，野都唔講多句
佢次次都要同我搶個仔，我一抱佢就搶，佢都唔係見得少，佢一個星期起碼２次同我阿爸阿媽飲茶會見到ｂｂ
而家，因為佢，已經影響咗２公婆感情
所以，abcakk，唔好迫你老公，我唔想你好似我咁．．．

私人傳訊

abcakk

大宅

積分: 3190

12^#

發表於 06-11-5 01:00 |只看該作者

Re: 我好唔開心~~99好煩呀!!!!!

放心我唔會迫c6

要出聲既一早就出咗,佢唔講就由得佢.99再係咁,我終有一日爆煲.到時"炒大獲"就唔好怪我

其實我唔係怪99唔幫我做野.只係唔鍾意佢成日扮哂民主.每次都會問我,但係一say no.佢就咬住唔放,點都要我聽哂佢話先肯罷休.咁問嚟做乜

不如直接order 我好過

今日99又打嚟話去飲茶,亞仔話唔去佢就收綫.如果係我話唔去,佢又講到我去為止.所以e+屋企電話全部由亞仔接,我費事煩

私人傳訊

traceysm

洋房

積分: 152

13^#

發表於 06-11-5 04:30 |只看該作者

Re: 我好唔開心~~99好煩呀!!!!!

我９９又何嘗唔係．．．
佢唔會早一日叫飲茶，係佢諗起就打來，就要我地即刻去
我返工時係我阿爸阿媽幫我揍，我９９叫佢地帶ｂｂ飲茶，如果佢地唔去，就要走上佢地屋企，佢地唔想我９９走上來呀吱呀咗，唔去唔得
我同老公放假，又要俾佢支配．．．我同我老公反晒面，唔肯去，之後先有返ｄ私人時間同ｂｂ去街
其實我唔係嬲我９９唔幫我，係嬲佢只係當佢個３個外孫係孫，我個ｂｂ就冇咁親咁．．．連我阿爸阿媽都覺得 :-(
我９９屋企同我屋企近到連的士都唔洗搭，坐月時，我直頭想搬走．．．
你千祈要忍呀，唔好爆呀，我家下都唔知我以後點樣面對佢

私人傳訊

es1968

別墅

積分: 964

14^#

發表於 06-11-5 12:06 |只看該作者

Re: 我好唔開心~~99好煩呀!!!!!

點解唔直接同99說妳真的很累要休息，再叫妳飲茶就話唔舒服(自己病or on period, bb怕人多，咳、嘔....)
再不直接說會炒大鑊，99應明白，如唔明都冇辦法，要按自己意願去做，否則妳會唔快樂，支持妳去坦白。

恩祈是上天的"恩"賜，我們的"祈"盼

私人傳訊

carriechan

大宅

積分: 1339

15^#

發表於 06-11-5 19:58 |只看該作者

Re: 我好唔開心~~99好煩呀!!!!!

千奇唔好咁笨叫奶奶做野, 我奶奶以前上親我屋企都話唔使客氣, 有野叫佢幫手做, 點知我中晒計, 叫佢幫手煮下飯, 我要湊bb, 佢就週圍唱我, 同晒佢d親戚講話我駛佢做野, 攪到我姑奶同姑仔當正我係仇人, 好彩既係我老公心水清, 知佢亞媽係咩人, 又知我係咩人, 佢叫佢亞媽收口, 又叫佢無特別事唔好來我地屋企, 佢先至知錯, 而家佢無事都唔會上來, 就算來都係吼我唔晌度先上來, 我耳根當堂清靜晒.....

其實我覺得老人家要見下d孫唔係唔岩, 但係攪到要日日來就唔係咁好, 最好同老公商量下, 叫奶奶逢星期六或者日來, 俾d私人空間你, 咁樣大家會舒服d...

千期唔好叫老人家做野, 一來唔係佢架步, 做得唔好又失禮, 又無面, 又驚俾你地鬧, 又唔知你地喜好係物, 尤其係bb野, 後生有後生個套, 老因家有老人家個套, 佢開聲你又唔鍾意, 你開聲又話你唔岩, 所以大家最好有共識, 唔好叫大家做野, 你叫佢玩bb好喇, 唔使湊, 湊bb好辛苦, 而家佢係來晌福, 唔想佢涯, 等你地d後生既來涯, 佢聽完會好開心架喇....

如果佢仲日日上黎, 你就下午走入房訓覺, 訓到佢無引, 我哥時成日當我奶奶透明, 佢自自然然會少d來啦....

回望這半生　也許是場夢年月已帶走　幾個秋與冬淚也倦了夢也不斷轉眼逝去生命或許是場空

14/5/2006: 3.30kg (birth)
14/6/2006: 4.34kg (1 month)
20/7/2006: 5.58kg (2 month)
25/8/2006: 6.41kg (3 month)
16/11/2006: 7.5kg (6 month)

私人傳訊

peggy@_@

男爵府

積分: 5707

16^#

發表於 06-11-6 05:48 |只看該作者

Re: 我好唔開心~~99好煩呀!!!!!

唉...d 99係咁家啦,又唔識做又成日諗住要食住我地先夠威,又唔知佢幾咁煩幾咁克人僧.....
我99以為我生左要佢幫手坐月成,點知我請左陪月,我自己又識湊女而且仲叻過佢多多聲,咁佢即刻無聲出,因為佢以前係我叔仔老婆面前應晒叻呀,叔仔老婆咩都唔識嘛!!!
跟住又係我老公到話我不是而且話我比面色佢睇,又以為我依家無做野要睇我老公頭,以前叫返去做節食飯都係打比我,依家就打比我老公,嘿......你唔比面我我咪唔比面你囉,到依家我都無返過去食飯喎,我唔返我個c6又唔返!我係我老公面前係要比面色佢睇呀,黑晒面添呀!"林"時叫去飲荼我唔會去,去親飲茶食飯都係我比$!2號果日要同老公大陸落黎個"救父"食飯,約左係99樓下到食,因為無人通知我,老公成6:30pm先叫我,我咪話唔去,我老公即刻叫晒成村人(10個),就我過晒我樓下到食,吹咩....依家99咪知道邊個話事囉!!! :tongue: 我最僧人搞咁多小動作........