吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 全人奶bb 黃袒

母乳餵哺今日: 0|主題: 85707

收藏本版

回覆發帖

返回列表

跳至頁

查看: 1309 | 回覆: 9

全人奶bb 黃袒 [複製鏈接]

nancylaw1228

子爵府

積分: 12622

1^#

發表於 13-6-25 12:01 |只看該作者 |倒序瀏覽 |打印

bb出世至今25日，一直全人奶，但黃袒指數還是很高，好唔好轉左奶粉先，等退黃後才飲人奶？

0 0 0

私人傳訊回覆引用

littlepigmiu

大宅

積分: 3981

2^#

發表於 13-6-25 13:27 |只看該作者

回覆：全人奶bb 黃袒

退黃重點不在食咩奶，而係要多啲poopoo & vv, 食人奶只要次數夠多，一樣可以退黃，唔一定要食奶粉。你一日餵到10-12次的話，會退得快啲！而且連續幾日密密餵仲可以增加奶量〜

私人傳訊回覆引用

草

伯爵府

積分: 18713

環保接龍勳章

3^#

發表於 13-6-25 13:30 |只看該作者

因為佢攰, 所以食得少, 食得少又去唔到黃, 黃就會攰, 係循環, 食密D就去得快D.

私人傳訊回覆引用

viffy

大宅

積分: 4963

4^#

發表於 13-6-25 13:33 |只看該作者

我 BB 都黃咗好耐，兒科醫生話人奶有隻物質會令黃退得慢 D，想退得快一係餵幾餐奶粉，一係照燈。我兩樣都拒絕咗，照餵，o個時bb 食 3 個鐘一餐，未黃前佢過鐘我由佢，o個時就一夠鐘就叫佢起身食奶，另外有俾 d 水佢飲，同佢晒下太陽。只要佢唔係過 250 (即醫院一定捉你照燈的度數)，bb 食得瞓得痾得又精精神神，唔洗擔心，係成日要去抽血煩到我心都亂埋

加油 !! 我自己認為唔洗因為黃就補奶粉，黃係醜怪 d 啫，只要唔係肝膽有事，咪由佢黃囉。我 bb 剛滿兩個月，都唔黃啦，返健康院打針仲話佢黃要去威院驗血，寫晒信俾我，佢都傻o既，度都係得46度叫我去醫院，我都費事理佢。要對自己同 bb 有信心呀 !!!

私人傳訊回覆引用

nancylaw1228

子爵府

積分: 12622

5^#

發表於 13-6-25 18:40 |只看該作者

viffy 發表於 13-6-25 13:33
我 BB 都黃咗好耐，兒科醫生話人奶有隻物質會令黃退得慢 D，想退得快一係餵幾餐奶粉，一係照燈。我兩樣都拒 ...

多謝你的意見,
我都好擔心萬一餵左奶粉, BB 第日唔肯埋身就......
昨日見左兒科醫生, BB 體重增長OK, 醫生CHECK 身體又無野,
醫生都話有些BB 要2個月先可以退黃。
我現在只係希望BB 唔好再俾人捉去照燈就好!

私人傳訊回覆引用

viffy

大宅

積分: 4963

6^#

發表於 13-6-25 18:56 |只看該作者

nancylaw1228 發表於 13-6-25 18:40
多謝你的意見,
我都好擔心萬一餵左奶粉, BB 第日唔肯埋身就......
昨日見左兒科醫生, BB 體重增長OK, 醫 ...

我同你一樣的擔心，一樣 case，bb o個時體重增長ok，雖然黃但又無特別攰而唔食奶，精精神神，醫生 check 過身體又無事。人奶 b 係難 d 去黃的，你 bb 黃幾多度 ? 我覺得如果佢有下跌其實就唔洗擔心，當然，亦有 d 人寧願照幾日燈，飲幾日奶粉，一勞永逸，不過我硬頸，唯有密切留意 bb 情況，返去覆診
我自覺去健康院同威院 check 黃的感覺好差，d 姑娘醫生木口木面，只將最 worse 的可能性話你知，又講到你唔餵粉/照燈第時 bb 有咩事唔關佢事，所以我嬲起上嚟去咗睇私家兒科，睇完放心好多，隔一個星期返去覆診度黃，drop 咗好多，咁就開心晒 lu~~

我好明白你的感受，o個時我知bb 黃喊咗好幾次，見佢俾人拮腳板心痛又喊，坐緊月仲要日日撲去醫院好攰又心煩，仲同老公鬧交 tim，如果你要搵人傾下計，pm 我啦~~

私人傳訊回覆引用

milka_sukiko

大宅

積分: 1417

7^#

發表於 13-6-25 20:29 |只看該作者

回覆：全人奶bb 黃袒

我囡都有黃，3百幾度，出院2日都未上奶，幾日都食唔飽，未出院時醫院唔比我補粉，出左院去健康院睇，比醫生鬧，你囡收水收得勁，食唔飽，輕左10%，初乳都唔夠佢食，即刻入院照燈，照左2日，都食奶粉，好彩出院終於上奶，1日補1～2餐粉，1個星期都瞓唔到10個鐘，7日後終於退哂黃，而家2個月仲食緊人奶

私人傳訊回覆引用

whk373

別墅

積分: 570

8^#

發表於 13-6-25 20:36 |只看該作者

回覆：全人奶bb 黃袒

我阿B出世day 4就黃到要照燈，之前嗰兩日喺醫院根醫院餵奶時間餵，出醫後就一日8次，但原來唔夠。但照咗一日燈出咗院，姑娘同醫生話俾得佢出院就係安全水平，只要俾佢食多啲，就去黃快啲....我身邊好多人包括護士朋友叫我補粉或都補水，好在我冇聽，如果唔係都好難成功餵到人奶:;pppp:出咗院就一日餵成12-14次，餵嘅時候成日要整醒佢啜，係好地獄，但值得

私人傳訊回覆引用

VVhuilee

大宅

積分: 1216

9^#

發表於 13-6-25 22:17 |只看該作者

回覆：全人奶bb 黃袒

呢d野要自己決定呵，我唔覺得選擇俾奶粉係錯或堅持全人奶係錯，如果選擇俾奶粉唔駛餐餐俾，隔餐俾，俾奶粉嗰餐記得照泵奶，唔係就keep唔到奶量，一星期内應該可以退哂。

私人傳訊回覆引用

焦糖媽

侯爵府

積分: 20083

親子王國15週年勳章

10^#

發表於 13-6-25 22:27 |只看該作者

我BB出世都黃，掙一度要留院觀察多晚。出院去健康院一磅輕左，勁比姑娘話我埋身次數唔夠多。。。佢地比六日時間我，要我再返去磅。。。好在，終於重返，不過係未夠 standard 要再追，黃低左，但未退哂。。。

但其實開始退就無事，總之食多疴多就okay。我到滿月先退哂，醫生話有啲會三個月先退哂添。。。補唔補粉其實問題唔大，自己覺得舒服就可以，全人奶都總會退到黃，只係可能慢啲