大仔大女媽媽會 今日: 0 | 主題: 177860

積分: 361

1^#

發表於 06-10-23 08:38 |只看該作者

迪士尼一日遊

下星期日帶天樂B 去迪士尼~
我知 O黎度好多爹地媽咪去慣去熟香港迪士尼~
唔知有乜要注意~ 有冇乜野好提議啊~ 例如玩乜野先~ 要唔要取乜野快證?

唔該晒~ :wink:

私人傳訊

LongYin

子爵府

積分: 12090

2^#

發表於 06-10-23 12:21 |只看該作者

Re: 迪士尼一日遊

我之前都有帶過朗言去迪士尼，但果日太熱大多人，
行左唔夠兩個鐘就走左

，
但我記得佢地大巡遊係1:00p.m. 同埋3:30p.m. 兩場，
佢記得就番尼兩個時間係大街睇喎，
另外記得拎定地圖睇定育嬰地點，
同埋有一個室內森林場地，
尼兩個地方可以俾你地一家入去抖一抖，
我只可以提供尼少少資料俾你。

私人傳訊

鴨仔蛋

積分: 4528

3^#

發表於 06-10-23 13:57 |只看該作者

Re: 迪士尼一日遊

我d經驗~係好亂(果時BB得2個月,淨食2次奶都用左2hours)
淨知12:00and3:30左右see遊行....晚上煙花
同食巴斯光年快餐店抵食~$30-40一個雞藍餐...

so copy ykammie媽咪say:(幾有用)
個日我地三點度去到,我玩:winnie the pooh,巴斯光年,3D電影,旋轉木馬,坐船?個歷險記,加埋shopping,七點幾走~

私人傳訊

mandywan00

積分: 4192

4^#

發表於 06-10-23 14:45 |只看該作者

Re: 迪士尼一日遊

winnie the pooh 果個 zone o既 game 最 o岩 bb 玩,
巴斯光年都可帶 b 入..

私人傳訊

peaceaa1122

珍珠宮

積分: 36786

2025勳章 2025勳章蛇年勳章 2024年龍年勳章好媽媽勳章醒目開學勳章畀面勳章

5^#

發表於 06-10-23 15:03 |只看該作者

Re: 迪士尼一日遊

我去左三次都冇玩晒d野，因下午先入去同有兩日係sat and sun, 實在太多人，多人到唔想排隊。
可一到時到想玩的遊戲先拿fast pass,
如果想dinner食得舒服d又平d (有人serve), 可一到時去美國大街尾(放心，條街好短) corner cafe make reservation。
每個遊戲都有BB車停泊區，所以帶車應冇問題，d唔值錢野可方車上，去玩/排隊唔洗揹太多野咁辛苦。
記得帶hat and little fan比天樂B, 因排隊都hot架。
帶多幾件衫替換。試過有日唔係好熱，但睇巡遊多人焗到濕晒。圍住又走唔到

。
立體映院的show, 好大聲，殷殷嚇到全程攬實我, 合埋眼。反而場昐獎體show佢好like, 但我就麻麻。
Adventure land 泰山間屋，殷殷上到去好開心

。

希望你去玩果日涼d, 個feel 好好多。我第一次去，果日好涼, 仲有d凍，似去左Florida 的Disney world, feel good.

私人傳訊

積分: 361

6^#

發表於 06-10-23 22:00 |只看該作者

Re: 迪士尼一日遊

謝謝各位~
其實我就唔係咁大興趣去玩~
所以乜都以BB O岩玩 O岩睇行先~

除左睇巡遊, WINNIE 同巴斯光年, 仲有乜野 O岩BB 架~
同埋 WINNIE 同巴斯光年個兩個ZONE 多唔多人玩? 要唔要排好耐隊?
同埋.... 其實D 快證係唔係任取...... 我真係唔識..... 俾得幾百蚊, 點都要玩個夠先至值~ :wink:

THX!!

私人傳訊

LongYin

子爵府

積分: 12090

7^#

發表於 06-10-24 10:22 |只看該作者

Re: 迪士尼一日遊

樂爸爸,
我係其他topic 睇到尼d 資料，唔知仲係米update，
你可以參考下。

(轉載自其他topic)
出發前學識用 Fast Pass
迪士尼樂園面積大、節目多，故我們在每個樂園都會為大家細心安排每天行程，只需跟時間去玩，保證能玩到最多最新的機動遊戲和表演！
另外我們會為各種遊戲和表演節目給予「刺激度」或「好睇度」評分，最高五分，讓大家更易選擇行程。
不過在出發前，最重要是學懂用迪士尼特有的免排隊設施「 Fast Pass 」，可以減少排隊玩遊戲的時間，一定要識！

Step 1 ︰找 Fast Pass 機
樂園內最受歡迎的機動遊戲都設有 Fast Pass 機，通常放在機動遊戲入口附近，每部 Fast Pass 機的外形設計並不一樣，會隨周圍環境而設計成不同外形。

機上有個時間告示牌，表示這刻 Fast Pass 將會列印的時段，一陣拿了 Fast Pass 後根據這時段再回來便不用排隊，逾時不候。

Step 2 ︰取 Fast Pass
只要將迪士尼樂園的入場券插入 Fast Pass 機口， Fast Pass 便自動彈出，離開前記得取回入場券。

Step 3 ︰看時間做人
這張 Fast Pass 所示的 5:40pm 至 6:40pm 是你可憑票率先入場的時間， 3:24pm 之後便可取另一張 Fast Pass 。
Fast Pass 上印有兩行時間，上行時間表示你可優先入場玩遊戲的時段；下行時間表示你可以拿另一張 Fast Pass 的時間（在這時間之前，你的入場券會失效，不能拿任何遊戲的 Fast Pass ）。現在拿了 Fast Pass ，可以先去其他地方玩，到時候才回來吧！

善用 Fast Pass 攻略
例如在香港迪士尼樂園， 10:00am 入場後先取「巴斯光年星際歷險」的 Fast Pass ，（假設 Fast Pass 上列印時間為 11:00am~12:00nn ，可取另一張 Fast Pass 的時間是 10:30am ），然後可先排隊玩「飛越太空山」，玩完大約 10:30am ，即可去取其他遊戲的 Fast Pass ，然後等 11:00am 去玩「巴斯光年」，玩完又係時候拿另一張 Fast Pass ，如此類推，便可用最短時間玩最多遊戲！

香港迪士尼樂園夢幻降臨

10:00am 巴斯派獎品
入場後，先到「飛越太空山」拿 Fast Pass （等陣再返轉頭玩），接去排隊玩「巴斯光年星際歷險」。你會坐上太空船，在伸手不見五指的宇宙中，用死光槍擊退敵人，最後打倒索克魔王。如取得 99999 分，即會獲頒為「銀河英雄」，仲有證書或獎品收。
阿 Ken 激評：「雖然美國迪士尼樂園都有這個遊戲玩，但只有日本同香港用最新科技，太空船的死光槍可取出來射擊，唔似美國迪士尼固定在車內，而且車內座椅更可 360 度旋轉，非常 free ，必玩！」
遊戲時間： 10 分鐘
刺激度： ZZZZZ

從太空船取出死光槍，瞄準「 Z 」圖案發射。太空船上會顯示你的得分。

太空船有操縱桿，令太空船快速轉動，選擇適合角度發射死光槍贏取高分數。同巴斯光年一齊對付索克魔王！臨走記住同門口的巴斯光年合照呀！

10:30am 順便玩太空飛碟
可俯覽整個樂園的「太空飛碟」。玩完「巴斯光年星際歷險」然後便去玩外形像一個星球的戶外遊戲「太空飛碟」，在旋轉的飛碟上，可俯覽整個樂園。阿 Ken 激評：「呢個遊戲唔係幾好玩，但勝在唔使排隊。」遊戲時間：約分 10 鐘刺激度： Z

11:00am 空肚玩太空山
玩之前，切記不要進食，因為這個遊戲實在太刺激，在太空（過山車）飛上飛落，隨時將未消化的食物嘔出來，勁刺激。
阿 Ken 激評：「這個也是必玩遊戲，因為這款機動遊戲比美國迪士尼先進，每部車內都多了音響設備。」
遊戲時間：約 5 分鐘
刺激度： ZZZZZ

「太空山」有快證，記往先拿。急轉彎的太空過山車。

11:30am 食中西式午餐
「明日世界」內有「 Starliner Diner （火箭餐廳）」和「 Comet Cafe （彗星餐廳）」，前者設計成太空港口，可容納 800 人，提供快餐；後者設計成外太空環境，提供全球樂園獨有的江南美食如叉燒飯，可容納 200 人。

「火箭餐廳」提供魚柳包、叉燒漢堡包（全球獨有）、照燒雞扒包、燒雞翼和芝士漢堡包，各售 $35 ，最奇怪是可選擇配薯條或「白飯」。另有芒果布甸（ $15 ）和凱撒沙津（ $25 ）等小食。香港獨賣芝士漢堡包 + 薯條 $35 。叉燒漢堡包 + 飯 $35 「火箭餐廳」設計成太空港口。

一間餐廳有米奇
皇室宴會廳樂園共有九間餐廳，不過只有位於美國小鎮大街的「廣場餐廳」有卡通人物陪你食飯，想見米奇就記得預早訂位喇！以下是部分較具特色的餐廳︰ 1. 廣場餐廳（ Plaza Inn ）有米奇特色：位於美國小鎮大街，有米奇、米妮陪食早餐，提供 300 個座位。預訂了自助早餐的遊客，可以在早上九時提早入場（比普通遊客早一小時）。有咩食：由美心飲食集團主理，提供廣東菜及其他省份菜餚，如點心和小炒等。2. 碧林餐廳（ Tahitian Terrace ）賣雲吞特色：位於探險世界，富太平洋小島風情，有 245 個座位。有咩食：提供粵菜食品，如雲吞麵、叉燒飯、燒鴨飯、咕嚕肉等，售價一律 $40 。

12:15pm 坐木筏上樹屋
食飽飯，即去「明日世界」對面的「探險世界」，沿途經過「原野劇場」，先拿取 Fast Pass 準備一陣間睇《獅子王慶典》。坐木筏過河才能到達「泰山樹屋」，樹屋有六層樓高，可遠眺樂園和酒店，樹葉是全由人手逐塊裝上去，超矜貴。
阿 Ken 激評：「要看風景影相就可以去，否則爬上爬落一都唔刺激，有悶。」
好睇度： iii

「泰山樹屋」每塊樹葉都是人手製造，相當矜貴，但樹葉略嫌疏落。坐木筏才能到「泰山樹屋」。「探險世界」演藝人員制服充滿獵人 feel 。

12:45pm 坐船入森林探險
在樹屋快快手影完相，即去玩「森林河流之旅」，遊戲背景是十九世紀初，你會坐船深入非洲原始森林，受狂風巨浪吹擊，還會遇上大象、猩猩，甚至會被獵頭族襲擊！沿途有「船伕」用廣東話講解和搞氣氛，所講內容詹瑞文都有份參與撰寫，例如︰「點樣分斑馬公？公係黑底白紋，係白底黑紋。」
阿 Ken 激評：「比美國更好玩！這最後多了個『水神』大戰『火神』環節，場面震撼！」
遊戲時間：約 15 分鐘
刺激度： ZZZ

小船行經森林河流時，隨時遇到噴水場面。連街燈也充滿原始味。沿途經過「歷奇噴水池」要小心，因為會隨時向你射水。「碧林餐廳」位於「探險世界」內，提供全球獨有「燒味」餐。

1:30pm 睇獅子王表演
《獅子王慶典》就在這個有尖頂的廣場內上演。是時候用先前拿了的 Fast Pass 去看《獅子王慶典》了，每日有五至八場（時間未定），由 20 位演員將迪士尼經典動畫《獅子王》故事搬上舞台，但落大雨時表演會暫停。阿 Ken 激評：「一定要睇，劇場的座位會伸前伸後，仲可以欣賞到奧斯卡得獎名曲《 Can You Feel the Love Tonight 》。」表演時間： 30 分鐘好睇度： iiiii

2:15pm 獨家睇睡公主張床
依家去以公主塔為地標的「幻想世界」，先到城堡後面的「小熊維尼歷險之旅」取 Fast Pass ，然後便返回「睡公主城堡」，城堡雖然係完全仿照美國加州迪士尼樂園的城堡而建，但香港的城堡內卻多了張睡公主大床，記得入去影相留念。
阿 Ken 激評：「全世界就只有香港的城堡有高山做背景，完全配合童話故事原本的構思，一定要影相留念。」

睡公主城堡是「幻想世界」的入口。入到「幻想世界」就可以同灰姑娘和睡公主合照。穿過城堡大閘，又可返回「美國小鎮大街」。

2:30pm 同卡通人物合照
「夢想花園」位於火車站旁邊，內有五個不同主題觀景亭，包括全球獨有的「木蘭亭」，當然仲有米奇及其他卡通人物等你來合照啦！影完相，還有時間可以玩「小飛象旋轉世界」、「灰姑娘旋轉木馬」和「瘋帽子旋轉杯」等機動遊戲。
阿 Ken 激評：「與其玩那些普通機動遊戲，不如同卡通人物影多相。」

主題觀亭，有米奇、米妮、布魯圖等卡通人物合照。

「灰姑娘旋轉木馬」和「小飛象旋轉世界」最適合情侶和小朋友。「木蘭亭」是世界獨有設施，花木蘭和木須龍會在此恭候。

3:15pm 霸位睇巡遊
一日得一場「賓虛」場面的迪士尼卡通人物花車巡遊，睇之前先拿一張「米奇幻想曲」的 Fast Pass ，然後便去霸位睇巡遊。巡遊於三點半在樂園大門口出發，穿過「美國小鎮大街」，行經睡公主城堡前面，最後巡遊至「太空山」完結，動員超過一百位卡通人物出場，超精采！
阿 Ken 激評：「最佳觀看位置是公主塔前的迴旋花園，影相有公主塔做背景。」
表演時間： 45 分鐘好睇度： iiiii
所有迪士尼卡通人物齊集的巡遊，一定要睇。

4:15pm 與維尼大冒險
睇完花車巡遊，拿先前的 Fast Pass 返去玩「小熊維尼歷險之旅」，登上大大的蜜蜂甕，穿越百畝森林，與小熊維尼一齊展開搵蜂蜜之旅。
阿 Ken 激評︰「好似置身仙境般，疑幻似真，超正！」
遊戲時間：約 5 分鐘刺激度： ZZZ

「小熊維尼歷險之旅」門口有維尼公仔做招牌。開始坐在蜜蜂甕遊覽唔使行。「小熊維尼歷險之旅」內部裝飾迫真。

維尼個朋友 Eeyore 。玩完遊客遊歷完後都感依依不捨。
4:30pm 睇 3D 米奇
接憑 Fast Past 去玩「米奇幻想曲」，只要戴上灰色眼鏡，就可欣賞 3D+4D 米奇老鼠帶領一班迪士尼卡通人物，演出極具真實感的立體效果表演，並在觀眾身旁飛舞、噴水，仲有香味隨風飄來飄去。
阿 Ken 激評：「呢個係整個『幻想世界』最好玩的機動遊戲，唔可以錯過。」
遊戲時間： 10 分鐘
好睇度： iiiii

「米奇狂想曲」有快證取，咁就唔使排隊。「米奇幻想曲」內，米奇、唐老鴨會從大屏幕走出來，在觀眾身邊走來走去。場內布景全用藍色，以配合特別效果。

戴上免費派發的灰色眼鏡，就可睇到 3D+4D 立體效果。觀眾期待全球第二個迪士尼樂園，擁有「米奇狂想曲」的電腦合成效果。

5:10pm 坐火車 shopping

到行程最後一站，應該肚餓啦！在「幻想世界火車站」搭觀光蒸氣火車「香港迪士尼樂園鐵路」，暢遊樂園半個圈返回正門入口，返到「美國小鎮大街」選購紀念品。

5:30pm 瘋狂掃貨啦！
回到「美國小鎮大街」，街道兩旁都有商場售賣迪士尼精品，如手表、水晶擺設、銀包、曲奇餅和文具等，你更可以買一頂米奇帽，拿去讓店員織上自己的名字。
阿 Ken 激評：「有日本版同美國版精品賣，全是 made in china ，曲奇餅包裝唔及日本靚。」

6:30pm 夢幻煙花
迪士尼樂園在關門前約半小時，便會在睡公主城堡發放 5 分鐘的煙花，雖然時間短暫，但依然美麗，不容錯過。阿 Ken 激評：「香港夏天時六點半，太陽都未落山，咁早放煙花，唔好睇！」全程： 5 分鐘好睇度： iiii

6:50pm 食最後晚餐
樂園關門時間是下午七點鐘，但唔會一夠鐘就趕人走，一般八點先正式關門。所以仲夠時間食晚餐，可以到「 Main Street Corner Cafe （大街餐廳）」食晚餐兼買精品，直至八點離開樂園，時間好啦！

香港特色酥皮蛋撻都有得食！我食過，味道都 OK ，略嫌蛋味不足。

入場前貼士︰
話晒都係主場，入樂園玩之前，除了要學會用 Fast Pass 外，還要睇定以下貼士︰
Locker 門口有條大鎖匙。（紅圈） 1. 拿地圖搵手指入場時，記得拿工作人員派給你的樂園地圖，因地圖上除了會顯示廁所、餐廳、提款機、儲物櫃等位置外，還有一個米奇手指標誌，代表米奇和其他卡迪人物出現的地點，每個「世界」都會有一個出現點。還要記得拿另一張節目時間表，詳列了卡通人物出現和表演節目的時間。
2. 揀番個 Locker 「美國小鎮大街」右面的市集餅店旁設有 locker ，個大門口設計成儲物櫃咁樣，好易認，不過租金未定。阿 Ken 話：「樂園內的儲物櫃數量比較少，遲去會被人租晒。」
3. 錢只有「渣打」去迪士尼樂園就預了要花錢，園內唯一的提款機是「渣打」，即是「銀通」的聯營銀行客都可以到錢，使用「銀聯」的內地同胞都可以用，「豐」和「恆生」就冇得，只好拿多些現金入場了。
在大街商店內記住買襟章。
4. 買襟章作交換入場後，記得在「美國小鎮大街」的商店買頂米奇老鼠帽同襟章，將襟章扣在帽上，一來可以遮太陽，二來襟章可以拿來跟樂園職員交換襟章。阿 Ken 爆料：「記住換，唔使怕醜，因為職員的襟章是非賣品！」
美國加州迪士尼的襟章，售價由 $50 至 $120 不等。

交通
1. 搭巴士全港有八條巴士線由市區直入迪士尼，唔使轉車，好方便。以下是出發地點（收費未定，以有關交通機構公布為準）︰
迪士尼巴士總站。
DB03R 愉景灣碼頭 R8 青嶼幹線收費廣場（循環線） R11 北角碼頭 R21 紅磡海逸豪園 R22 油塘欣榮街 R33 西鐵屯門站 R42 大圍火車站 R8A 迪欣湖水上樂園（臨時循環線）
2. 坐地鐵可乘東涌線至欣澳站到迪士尼，每 4 至 10 分鐘一班，行車時間為 3.5 分鐘。欣澳站來往迪士尼站︰頭班車 6:00am ；尾班車 1:00am 。成人票價 $6 （八達通 $5.6 ），最貴票價（由將軍澳寶琳站到迪士尼站）成人 $26 （八達通 $23.1 ）
欣澳地鐵站。迪士尼地鐵站。迪士尼公眾碼頭。
3. 乘渡輪香港迪士尼設有渡輪碼頭，預計會由中環開出至迪士尼，最少每半小時一班快船，遊人亦可駕駛遊艇在迪士尼碼頭泊岸。 4. 車迪士尼場內設有約 910 個私家車位（其中 10 個為傷殘車位）、 300 個旅遊巴士及 50 個電單車泊位，供遊人駕車停泊，但停車場收費未定。

私人傳訊

henrykwok

男爵府

積分: 8667

好媽媽勳章

8^#

發表於 06-10-24 11:02 |只看該作者

Re: 迪士尼一日遊

Winnie The Pooh & 巴斯光年是最多人玩..所以必定要取快證..但每次只可以取一次快證..要等快證的遊戲玩完去, 才可取第二個快證..所以你一去到要第一時間取Winnie The Pooh先..

木馬和小飛象都可以自行排隊玩..因為每次可以坐很多人, 所以約15分鐘就可以玩..

私人傳訊

積分: 361

9^#

發表於 06-10-28 07:14 |只看該作者

Re: 迪士尼一日遊

勁啊~ 好詳細!
唔該晒各位~

我地都係改十一月先至了~
聽日long weekend其中一日,而且用哈佬喂做主題, 唔係幾想, 鐘意平時個d 多d, 所以都係改期去了~ :wink:

私人傳訊

fannyyug

男爵府

積分: 7894

BK Milk勳章

10^#

發表於 06-11-6 18:22 |只看該作者

Re: 迪士尼一日遊

樂爸爸 ,

原來你改左11月去 , 我都係11月24日去 . 你幾時呀 !

私人傳訊

dk486

別墅

積分: 632

11^#

發表於 06-11-6 21:06 |只看該作者

Re: 迪士尼一日遊

我個仔好鍾意巴斯光年同睇巡遊！但有D game都驚到cry. 通常係D好大聲果D！！邊D??唔講 lu. 我個B驚，唔代表你個B驚！！

私人傳訊

mrs_snoopy

積分: 1816

12^#

發表於 06-11-6 22:17 |只看該作者

Re: 迪士尼一日遊

我就打算11月30日去,希望平日少d人

Daniel Cheng is my lovely boy.11/9/2005 is his brithdayWelcome to Daniel Cheng

私人傳訊

柑桔

積分: 1349

13^#

發表於 06-11-6 23:50 |只看該作者

Re: 迪士尼一日遊

我上個星期三去完, 唔係好多人, no need to take the FP !!

私人傳訊

積分: 361

14^#

發表於 06-11-12 23:50 |只看該作者

Re: 迪士尼一日遊

我地聽日去啊~

想問下~
迪士尼樂園裡面有冇地方提供熱水可以用來沖奶的?

thx~

私人傳訊

tabo6508

積分: 1223

15^#

發表於 06-11-13 01:00 |只看該作者

Re: 迪士尼一日遊

樂爸爸 ,

have hot water is boiling water not distill water.
there have baby care room in 美國小鎮大街 only.

私人傳訊