ellawyc 寫道:
各位,
相信今日大家都有睇到新聞, 知道我地嘅集會同遊行, 已經成功制造咗一d迴響. 但正如我地最初所講, 呢個只係第一步, 係序幕; 一日政府未肯加強我地孕婦嘅可享醫療資源, 我地亦會繼續爭取.
想借BK少少地方, 公開鳴謝以下人士 :
[size=large]街坊工友服務處的同工及梁耀忠議員
好多謝梁議員, 雖然今日佢因為事務繁忙, 唔能夠現身; 但係過去3個禮拜, 佢都從繁忙的時間表中, 抽出兩晚同我地開會, 比方向我地, 教我地呢班全無經驗嘅婦女, 去爭取我地應有嘅福利同權益.
仲有街工嘅麥先生同佢地嘅同工, 幫我地製作咗banner, 遊行紙牌等等, 仲代表我地向警方申請遊行, 購買保險等等.
冇佢地幫忙, 我相信我地唔可能在短短一個月, 就可以成功籌備.
[size=large]一位熱心慷慨嘅媽咪－Ren
Ren知道我地嘅行動後, 主動聯絡我地, 表示可以贊助海報, banner同宣傳單張;我地比資料佢後, 好快就幫我地搞好晒; 到星期五, 我地知道場地嘅配套唔足夠, 佢二話不說, 拍心口搞掂全場枱/椅/音響set up同清場. Ren嘅協助, 我地無以為報, 只有再三感激! 真係好多謝好多謝!
[size=large]所有曾經在網上留言支持，或者表示關心的人士
你地每一句支持, 每一次up文, 每一個意見, 都係對我地最好的鼓勵!
[size=large]曾經提供case的苦主
你地勇敢將故事公開, 有幾位仲接受咗傳媒訪問, 令好多唔上網嘅香港市民都可以知道我地嘅難處. 多謝你地之餘, 亦衷心祝福你地!
[size=large]特別鳴謝家傭版幾位星級義工 (FA8866/winnie_sh, 同埋小祖穎媽咪, 仲有一位…..sorry我唔記得咗你個名啊~~), 你地除咗落手落腳幫忙, 仲比咗好多寶貴意見我地. 非常多謝你地!
[size=large]仲有仲有…..當然係我地一班義工!
有好幾位傳媒在事後打電話比我做follow up時, 都認為我地呢個義工團可以在咁短時間組織起來, 仲籌備埋整個活動, 係幾厲害的事. 我聽咗, 除咗為大家驕傲之外, 亦覺得感動 – 大家從來無疑慮過, 做呢件事會有幾大迴響; 亦無計較過邊個做多, 邊個做少; 只係大家一條心去完成呢件事.
多謝各位花時間睇晒呢篇感謝辭!
發表於 
?gently,sweet.
返回列表
