吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有冇人可以聽我訴苦...我好唔開心(好長呀) ...

夫婦情感今日: 1|主題: 42786

收藏本版

發帖

返回列表

跳至頁

查看: 3969 | 回覆: 88

有冇人可以聽我訴苦...我好唔開心(好長呀) [複製鏈接]

12 3 4 5

Angiehpy

複式洋房

積分: 210

1^#

發表於 13-7-21 16:31 |只看該作者 |倒序瀏覽 |打印

我以下講既野對好多人黎講可能係好小事, 但因為我情緒有D問題所以對我黎講咩事都可以係大事...係咁既, 我由細細個開始已經好易激動同發脾氣, 愈大愈控制唔倒情緒, 我亦試過去睇醫生, 但醫生覺得我冇問題所以唔睇我了。兩年前倒我識倒個有情緒病既男人, 佢好愛我, 但愛我既方法好恐怖, 一齊左幾個月已經唔比我用FB, TEXT, WTSAPP, 電話紀錄日日CHECK, 去到邊都要影到相比佢睇我真係去左果度, 佢唔中意既人我唔可以搵, 佢唔中意我隻狗我唔可以理隻狗, 我返學返工隔離唔可以有男仔, 傾緊電話果陣聽倒有男仔聲就會發癲, 我比佢搞到連女性朋友都冇埋, 我世界只得佢一個人, 我同屋企人反哂面, 我每天都以淚洗面, 想脫離佢既魔爪, 但有感情我放唔低, 慢慢大家都變成習慣, 無奈終於有一日散左。散左之後我發覺我既性格比佢搞到亂七八糟, 我以前係一個唔會介意另一半有異性朋友既人, 但我而家就好似變左2年前識果個男人咁, 乜都唔可以接受。我同而家既男友行左一年, 一齊住左8個月, 係呢一年入面, 我既角色就好似我前男友咁, 而現任男友就好似當初既我一樣, 成隻狗咁。我唔比佢識女性朋友, FB要DEL哂所有女人, 佢打機用背脊對住我我會發癲, 見少一秒都會死。我真係極度想改好我既性格, 我想變返以前咁, 唔會官人官到成隻狗咁。我真係唔想好似而家咁, 我好辛苦, 一到夏天我就更加會好苦惱, 我知條街唔係男就女, 好多女就著到勁少布, 我竟然唔想佢望倒佢地。而家社會風氣愈黎愈OPEN, 周街都係事業線, 成個YOUTUBE, FB, 電線節目都係事業線, 我真係接受唔倒佢對眼睇倒D女人。我已經到達一個只要係關女人事就會接受唔倒既地步, 我會不停亂諗野。我知自己好有問題, 我日日都叫自己改, 我好有心改, 但我都係做唔倒!! 我好痛苦, 點解我兩年前會比人搞成咁, 點解我會變唔返以前咁, 點解呢一切一切會影響到而家同男友既關係.... 今日同佢鬧交, 佢講比我聽, 原來佢D朋友覺得佢好ON 9, 點解要為左個女朋友DEL哂FB D 女, 佢D男性朋友覺得佢傻, 白痴, 所以都唔搵佢, 佢怪我令佢冇哂朋友, 我冇諗過佢D朋友會咁諗, 佢既同事同客都係咁諗...每次佢一拎起手機, D人就問: 搵女朋友呀? 每次佢一趕住返屋企, D人就問佢: 趕住返去搵女朋友? 唉, 你既人生咁就玩完, 你既青春冇哂! ... 係, 係我叫佢返屋企, 我想用盡每一秒時間去見佢, 我有咩唔岩...我而家先知原來個個都咁睇我, 佢話佢冇怪我, 但呢一秒開始我已經好憎自己, 我係怪物... 呢排大家返工時間都唔同. 我地每日見得一個鐘, 我會好珍惜, 放工就衝返屋企, 但岩岩相反, 佢放工會想去打機, 佢已經認左佢想避開我... 我好傷心, 我好憎自己, 點解我會親手去不停破壞大家既關係, 我真係好憎自己, 我時時刻刻都想改... 冇人同我傾訴...我已經冇哂朋友, 我乜都冇, 我得返佢一個, 我既生活就係圍住佢轉。我究竟點先可以返返以前咁, 唔好乜都咁CARE.. 仲有一樣好嚴重既問題, 我記憶力已經變到好差好差, 呢頭食完飯. 果頭已經唔記得食左飯未... 有時男友講完D野叫我唔好再做, 我一而再再而三去做, 我都好多謝個天佢而家只係想避開我唔同我嘈, 佢都未到走果步, 佢仲會坐係度比機會我去改, 我覺得好對佢唔住, 佢比咁多耐性落我度, 我成年乜都改唔倒, 不停喊不停發癲不停搵野嘈, 小小事我都覺得好大件事... 我好想改...我好辛苦.. 有冇人可以幫下我, 我好憎自己... 所有唔好既野都因我而起... 乜都係我破壞, 個個都咁睇我...我係怪物, 我好想返轉頭....嗚............. 我可以小事到佢抱住我地隻狗錫我會覺得佢背叛我, 佢對住個電腦隻GAME笑我覺得佢唔中意我, 佢開MIC同FRD打機, 有講有笑, 我就知道佢寧願對住D FRD有講有笑都唔會同我講野, 因為每次講講下野我都一定有野會覺得唔開心跟住嘈..我控制唔倒...有冇人可以開解下我....
多謝你睇哂我講既野...真係多謝T_T

0 0 0

私人傳訊

soso1227

珍珠宮

積分: 37376

醒目開學勳章畀面勳章

2^#

發表於 13-7-21 16:48 |只看該作者

你要去學下野，搵下朋友，唔好24小時focus住男朋友，
自然會relax D，你咁緊張好易嚇走人

私人傳訊

o_____o

侯爵府

積分: 22213

畀面勳章

3^#

發表於 13-7-21 16:50 |只看該作者

回覆：有冇人可以聽我訴苦...我好唔開心(好長呀)

其實你咁樣係一種病態，一定要搵專業人士幫你，盡快睇醫生尋求協助

點評

lina9316

發表於 13-7-21 21:56

私人傳訊

adafung0302

複式洋房

積分: 441

4^#

發表於 13-7-21 16:53 |只看該作者

回覆：有冇人可以聽我訴苦...我好唔開心(好長呀)

我相信你需要嘅係專業人士幫忙，情緒問題可以睇醫生食藥，諗法上可以揾社工或輔導員傾。

呢度嘅jm 可以聽(睇)你分享，但未必直接幫到你。

你有心想改變，就快D坐言起行。加油！

私人傳訊

Angiehpy

複式洋房

積分: 210

5^#

發表於 13-7-21 16:54 |只看該作者

soso1227 發表於 13-7-21 16:48
你要去學下野，搵下朋友，唔好24小時focus住男朋友，
自然會relax D，你咁緊張好易嚇走人 ...

唔...我連朋友都嚇走埋, 我要從新識過。其實我想搵人陪我夜晚去跑步, 因為自己一個好危險。我個人緊張到連老闆都出聲叫我放鬆D, 會影響到其他人工作......

私人傳訊

Angiehpy

複式洋房

積分: 210

6^#

發表於 13-7-21 16:58 |只看該作者

o_____o 發表於 13-7-21 16:50
其實你咁樣係一種病態，一定要搵專業人士幫你，盡快睇醫生尋求協助

我都有提出過但我男友話醫生只會比藥我食搞到我迷迷糊糊又有好多副作用..佢話係我自己唔肯改搞成咁.

私人傳訊

Angiehpy

複式洋房

積分: 210

7^#

發表於 13-7-21 16:59 |只看該作者

adafung0302 發表於 13-7-21 16:53
我相信你需要嘅係專業人士幫忙，情緒問題可以睇醫生食藥，諗法上可以揾社工或輔導員傾。

呢度嘅jm 可以聽( ...

如果係咁既話我想搵社工多D, 又怕佢地轉介返我去睇心理醫生, 我男友話我唔用心改先會成日任由自己發脾氣果D, 佢唔想我去睇... 唔知可以點同佢傾....

私人傳訊

女王大人

大宅

積分: 2657

8^#

發表於 13-7-21 17:01 |只看該作者

回覆：有冇人可以聽我訴苦...我好唔開心(好長呀)

試下搵返朋友,同學，多d其他活動，同時，真係應該搵專業人士幫你。

既然你都知自己有問題，只要配合treatment好快就可以改善你同男友嘅生活

私人傳訊

Purple0928

複式洋房

積分: 200

9^#

發表於 13-7-21 17:02 |只看該作者

引用：我以下講既野對好多人黎講可能係好小事,+但

原帖由 Angiehpy 於 13-07-21 發表
我以下講既野對好多人黎講可能係好小事, 但因為我情緒有D問題所以對我黎講咩事都可以係大事...係咁既, 我由 ...

不如試下一星期一兩晚回娘家瞓，電話傾一陣，慢慢放鬆。

私人傳訊

o_____o

侯爵府

積分: 22213

畀面勳章

10^#

發表於 13-7-21 17:05 |只看該作者

引用：Quote:o_____o+發表於+13-7-21+16:50+其實

原帖由 Angiehpy 於 13-07-21 發表
我都有提出過但我男友話醫生只會比藥我食搞到我迷迷糊糊又有好多副作用..佢話係我自己唔肯改搞成咁. ...

你男友又唔係醫生，你想改就要踏出第一步，搵專業人士協助，佢地話你冇問題梗係好，如果真係有問題可盡早醫，希望你盡快可改變你現在的生活

私人傳訊

Angiehpy

複式洋房

積分: 210

11^#

發表於 13-7-21 17:06 |只看該作者

女王大人發表於 13-7-21 17:01
試下搵返朋友,同學，多d其他活動，同時，真係應該搵專業人士幫你。

既然你都知自己有問題，只要配合treatm ...

多謝你既意見我會試下搵返D朋友

希望佢地仲會同我講野

私人傳訊

Angiehpy

複式洋房

積分: 210

12^#

發表於 13-7-21 17:07 |只看該作者

Purple0928 發表於 13-7-21 17:02
不如試下一星期一兩晚回娘家瞓，電話傾一陣，慢慢放鬆。

唉佢唔中意傾電話又唔中意WTSAPP, 我見唔倒佢我情緒會好唔隱定

私人傳訊

Lovelovebear

珍珠宮

積分: 31496

13^#

發表於 13-7-21 17:07 |只看該作者

回覆：有冇人可以聽我訴苦...我好唔開心(好長呀)

恕我坦白，我覺得你搵緊藉口俾自己，明明係你自己的佔有慾強，慢慢變成病態，你就將責任推俾前男友。你前男友管你，你應該更加明白被管的煩惱。

你男友好慘，無前科都俾你管住，佢仍然肯同你一齊已經好好！睇醫生都無用，你只可以靠你自己～去做義工或者學下野，分散自己注意力，慢慢你會過番正常生活，對你同你男友都係好事

你話自己無朋友，其實bk 都有好多jm 可以同你分享心事。加油啦，努力改變自己！