咁佢咁細個又吾好炳到佢咁行,講真呢D年紀細路未必真係好識得控制自己同守規矩架...你試下同佢講得簡單D,直接教佢點樣做仲好啦,再者,老師都要同家長一齊合作架!如果個老師成日係甘同你投訴,咁你有無問過老師佢地事後有無適當地處理上述問題?如果有,你問下佢地係點做,一黎知道個老師真係有做野去教你個仔,二黎亦可作參考,等你可以配合番學校教法去教個仔,好似我個仔以前個老師咁,我個仔成日打同學,又掟筆又掟玩具,個老師就會教佢講:"同學要黎鍚,D筆要黎寫字,玩具要黎玩"當然話番俾佢知同學吾係要黎打,D筆吾係要黎掟,玩具吾可以要黎掟啦!簡簡單單幾句口令,一黎小朋友清楚明白,二黎等小朋友易記D,三黎我地態度正面D,小朋友係會受落D架!你試下咁做啦...希望對你囝囝有效. 
查實家長同學校既溝通係好重要架!以我以前既經歷(我個仔D問題多到數吾哂,佢好堅架!以前湊佢教佢簡直係地獄黎!),如果學校老師吾同家長合作,淨係一味識得向你投訴,你真係好難教得掂個仔番學校囉!好似我個仔嗰陣讀幼稚園咁,佢好玩野架!响學校打盡全校同學仔,仲要係打到人訓地損哂嗰隻,又掟枱掟凳乜都黎,就係吾識講野(個仔嗰陣係評估出有自閉傾向,依家就加料有埋過度活躍...=.=),但係個仔一輪到我地湊就乖到乜事都無,連去公園都永遠人地小朋友打佢,無佢打人,結果老師吾願正面去教(得一個老師叫做正面D囉),個個都旨意我呢個亞媽去糾正佢學校裡面既行為,咁我吾係陪個仔番學上課嘛!梗係吾掂啦!卒之搞到成鑊泡番黎!係升到小學,間小學所有老師校長甚至校工通力合作又有良好溝通,咁個仔至不葯而愈,讀左年幾小學(真失禮,佢今年重讀小一,因為佢有學障,上年寫吾到字...),完全無俾老師投訴佢有打人囉!投訴佢吾寫字吾交功課就大把...=.=...
總之多D同下老師傾下計,大家諗多D計仔去教好小朋友係最好方法! IwanBB 寫道:
由於係老師向婆婆講嘅, 我都唔太清楚老師會點follow,
今日我會打電話俾老師, 詳細了解 & 大家點合作教仔仔.
其實我唔係好識教導 & take care 小朋友,
因為我從未湊過細佬妹, 咩都唔識,
但我會邊學邊做, 睇下育兒書 & 同您地傾下咁...
最怕係仔仔影響到老師 & 同學仔.
整親 d 小朋友就唔好la.
好多謝您地嘅指教
呢招係幾掂架! 我個仔個班主任都用緊!就咁拍兩下手然後放隻食指响唇邊示意要安靜,吾駛擘大喉嚨咆哮已經可以令到全班廿幾個曳貓仔全部合埋口吾再曳!嗰次跟佢地去交通安全城參觀(我幫手睇班同學仔),見到老師呢招真係歎為觀止! Cathy2002 寫道:
jay 媽講得好好
我個囡讀k1個時,我都覺得囡囡個老師好掂.我地做家長經常叫小朋友"唔好嘈,靜d."都好似耳邊風,唔聽! (原來小朋友唔明什麼是"唔好嘈,靜d."
但係我囡個老師會話,"個口唔好"旭""...咁就全班小朋友靜曬!
同埋作為父母一定要令小朋友感受到/知道父母係絕對相信佢地並吾係曳/壞蛋,只係佢地仲係小朋友,未經歷太多事情,係需要我地去矯正去教導囉!你就當係醒番兩度散手俾個仔咁既態度教仔囉!將心比己去同小朋友講下道理教養佢地,佢地會聽教好多架! 依家我都開始可以同到個仔分享我細個時甚至依家我生活上既問題,我要俾佢知道,佢同我同其他人都一樣,有好多事吾係淨係佢一個人遇到碰到,係人人都遇過,媽咪就係細個遇過呢D事,所以有經驗知道點樣做至吾會再撞板/可以令問題解決,所以至要教番俾囝囝點做,等佢可以開心D又乖D!暫時似乎都幾有效架!你知我個仔啦!又自閉又過度活躍專注力不足,同佢講吾夠一分鐘野,條友仔個心都已經飛左去九里遠~~~反而呢個月我開始咁同佢分享我細個時既事同埋我依家生活上既事,佢真係好有興趣聽,仲竟然識得係咁問番我問題又問我細個遇到呢D問題時我會點做... 
真係感動到傻左~~~亞仔終於聽到我講野喇! Cathy2002 寫道:
家校合作係非常重要.有事發生,第一時間了解件事,未必自己個仔囡錯.要相信之餘,仲要教佢點樣處理.一齊解決個問題.
JAY媽 寫道:
IwanBB 寫道:
由於係老師向婆婆講嘅, 我都唔太清楚老師會點follow,
今日我會打電話俾老師, 詳細了解 & 大家點合作教仔仔.
其實我唔係好識教導 & take care 小朋友,
因為我從未湊過細佬妹, 咩都唔識,
但我會邊學邊做, 睇下育兒書 & 同您地傾下咁
最怕係仔仔影響到老師 & 同學仔.
整親 d 小朋友就唔好la.
好多謝您地嘅指教
依家好好多lu...!!!!以前真係一個湊三個咁辛苦!未升小學前,我教佢既生活簡直係地獄黎!生不如死!教極佢都係失控周圍打人!係一離開嗰間幼兒園,佢至不葯而愈,回復正常咋!!!呢年幾兩年我不知幾舒服!只要佢吾接觸一d令佢失控既事同人就無問題(佢好易受人影响)!
我就黎虛脫喇~~~~( :-( 頭先又是陪仔做學校功課做左成日,由朝做到晚,做到成十一點...嘔血~~~~) yeeli 寫道:
嘩,你揍一個咪=3個咁,真係唔簡單,少d精力都唔得,加油
希望啦!查實除左學習方面既野,我都仲有其他野擔心既,只不過學習呢part真係好重要囉!前排佢室驚無神伸左朋友個仔一腳搞到大家無朋友做,呢件突發事件都困擾左我好耐,家陣我老公見我睇住亞仔同其他小朋友玩,我老公都話我有陰影,話我緊張得滯=.=...噚日我地約左大哥大嫂同佢地個仔(J仔個堂弟)同埋奶奶出街玩,兩個小朋友玩到癲,我都緊張驚青到係咁分開兩條仔(J仔同佢堂弟),無奈佢地兩隻野係都要痴埋一齊又要玩打交玩粗魯(個堂弟吾知做乜鬼成日都好鐘意大力雙手推J仔...叫極都吾聽照推...),搞到我都破左戒第一次鬧同警告人地個仔(J仔堂弟),仲要係係咁鬧,我老公同奶奶成日都無聲出,連話我都無話,可能知我上個月遇着件大鑊野卦,佢地覺得我癲左...=.=到最後我諗住有老公睇住班仔,我可以安心地一個人去書局睇書啦...點知買完書番出黎就聽到個仔响樹又喊又鬧,我埋去睇,見我老公黑哂面咁行埋黎我度要我幫手教仔...我一埋位至知個仔同佢堂弟兩隻曳野趁我吾响樹監住佢地就一齊玩到癲,搞到人地間舖,搞到舖頭裡面D人眼啤啤好惡咁啤住佢地兩隻野,咁我老公捉左兩隻曳野出黎話,個仔咪即刻喊話爸爸鬧佢囉(又蝦老豆!)~~~!!!搞到我又頭哂痛咁教仔,話個仔咁樣吾岩同埋吾可以咁無禮貌對老豆!隻曳野又衰喎!又話爸爸吾可以咁惡鬧佢,又話吾同爸爸玩,跟住我話佢咁樣搞亂人地間舖吾岩,佢又話細佬(堂弟)都係咁玩,我咪忍吾住話,人地做D野吾岩咁你可吾可以照做吖?個仔先至死死地氣話:"吾可以做",跟住我都話堂弟都吾岩,都要鬧,但係要佢爸爸媽媽鬧囉!跟住我又係咁哦個仔,跟住都忍吾住話下個堂弟,總之一句講哂:"噚日真係好勞氣!"啦!!! 吾知我咁樣話人地個仔會吾會過左火呢...我以前係吾會幫人教仔亦吾會干涉人地個仔架! yeeli 寫道:
JAY媽
其實佢大大下就知媽咪錫佢架,辛苦呢幾年,以後有好報,我覺得小朋友,你唔好睇佢一定唔得,可能佢大個會係成功人事架,
天生我才必有用,齊齊加油.
我都係邊做邊學,真係少d心機都唔得,其實教小朋友真係要有技巧問題,宜家大個d都要比返少少面子過佢啦,返屋企再同佢賽後檢討,不過你自己都放鬆下自己喎,去減下壓.去返下先.
我都知我D緊張情緒好影响到D小朋友同屋企人,查實都FEEL到奶奶有少少吾鐘意我咁惡話班仔...查實之前我不嬲都係用類似你個方法去對付個仔架!話佢幾次吾好玩到咁粗魯吾聽我就由佢玩,玩到衰左真係自己受傷或者俾人地亞媽鬧,等佢自己受番哂,我係吾會呵番佢,仲會話佢:"都叫左你吾好咁玩打交架啦!"但係上個月件事真係對我打擊好大,估吾到亞仔一腳順便伸走哂我以為係朋友既朋友,所受既打擊簡直同以前番工俾人屈我誠信有問題一樣咁大傷害!可能係咁,明明以為自己吾會受到件事影响,都原來真係影响到我依家咁緊張/神經質...C啦....!!!吾知奶奶會吾會嬲同介意呢...希望佢吾會嬲啦!我奶奶係嗰D好鍚新抱/仔同埋孫既人黎,我以前炳個仔好惡咁鬧個仔,佢都嬲左我好耐,呢年幾個仔乖哂林善左,我無再勞氣對住個仔,我奶奶至鍚番我咋!!!依家我又拆爛自己招牌,又是緊張大師成隻老虎那咁對住班細路添...!!!搵日真係要約番奶奶LUM番佢...!!! 不過話時話J仔個堂弟真係好鬼曳架前日~~~!!!真係擺到明專登係咁大力雙手推我個仔,見我個仔爬得叻過佢同快過佢(攀攀架...遊樂場嗰D呢..),佢就係咁猛話J仔輸左吾叻之類詆毁既說話,J仔又成個BB仔脾氣咁,又EQ低喎!明明係佢爬得叻過堂弟,一聽到人地猛話佢輸,佢又嬲又扭又喊又吾開心!教仔教到我死!吹吾漲係我老公大哥淨係識得笑吾教自己個仔囉!個堂弟又對我同奶奶無禮貌,佢真係擺到明蝦奶奶,連奶奶呢D吾鬧仔既好媽媽都忍吾住成幾次好勞氣咁鬧佢呢個孫!我都係去到最後尾响粥店食晚餐時,見佢玩到D調味醬D樽周地跌又吾聽奶奶話仲响樹搞,跟住我至吾客氣一手沒收哂嗰三支野,然後擺番去COUNTER!佢仲吾識死喎!仲專登鬥氣係咁拍同踢震張枱,跟住咁岩我地D野食齊,我即刻叫佢番埋去奶奶張枱度坐(我地多人,分左兩枱人坐,佢老豆同奶奶坐,我地一家三口一張),佢仲話吾埋去喎!同我作對!跟住我即刻用番教仔既語氣,好嚴肅好大聲咁命令佢即刻番埋去奶奶度!咁佢至驚即刻閃番去奶奶張枱度坐...你話,我都係迫於無奈至咁沙POP鬧人地個仔咋~~~~=.=我咁大個女都未試過幫人教仔... 
講真,佢係BB我或者都會死都忍佢,但係個堂弟只係細過我個仔一年,都成七歲讀緊小一啦!佢咁既款真係好難忍到佢架!不過查實我都覺佢有少少過度活躍,係聰明仔黎既,但係古惑囉!佢D郁手郁腳仲勁過我個仔囉!坐响樹對腳係咁郁係咁LIU對面位... 大家一齊食飯,我嗰個攞正牌過度活躍曳貓仔都坐得定過佢好多! yeeli 寫道:
JAY媽
其實好難怪你咁緊張架,你個仔有特別情況,做媽咪就一定會緊張,你都知佢地玩就起上嚟就係會咁,所以小心d都好架,或者比佢做任何野{包括同朋友仔玩}之前跑下步先,等佢無咁心急先,可能同人再玩就無咁緊張,不過你緊張既情緒會影響小朋友都緊張喎,有時要同小朋友係做任何野前講一講清楚簡單既守則,玩打交呢家野係咪睇超人學呢,我個仔三,四歲個時佢想同我玩超人打怪獸,要我做怪獸,我就同係屋企玩,尊燈玩痛佢隻手,{我都幾心痛架}佢就喊,我話玩打怪獸就會咁架,我都唔想,跟手同佢講sorry錫返佢,叫佢唔好再玩,由個一日起,囝囝就無叫我玩打怪獸,
唉...家下人地都吾當我係朋友已經當我係一個吾教仔又傷害左佢囝囝既衰人啦...邊仲有得同佢傾計吖...查實真係好難要人體諒同明白到我同仔仔既難處架!我個心想啫,但係人地係吾明白又係接受吾到就係接受吾到!呢樣亦係令我傷心既大原因之一(另一大原因就係連自己都接受吾到個仔係傷害人既人...)!有時理想同現實真係有一大段距離架!
發表於 
返回列表
