香港18區媽媽會 今日: 0 | 主題: 156994

積分: 15905

hashtag影視迷勳章大廚勳章畀面勳章 BK Milk勳章

1^#

發表於 06-11-10 00:00 |只看該作者

急問~~香港聖公會聖尼哥拉幼兒學校??

請問呢間好唔好呢??老師有冇愛心呢??同埋地方清潔嗎??thx~~

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

積分: 7138

2^#

發表於 06-11-10 14:14 |只看該作者

Re: 急問~~香港聖公會聖尼哥拉幼兒學校??

係咪大窩口社區中心 6/F 果間

私人傳訊

積分: 1489

3^#

發表於 06-11-10 14:55 |只看該作者

Re: 急問~~香港聖公會聖尼哥拉幼兒學校??

你個小朋友將會讀邊級呀 ? 全日 / 半日 ?　得預備班有半日．

我個仔讀緊半日預備班, 個校長好nice, 個班主任好正, 好有愛心, 超錫小朋友, 我個仔第３日返學就無喊喇. 地方都好乾淨, 我見同校d 小朋友個個都好清潔.　　

私人傳訊

積分: 15905

hashtag影視迷勳章大廚勳章畀面勳章 BK Milk勳章

4^#

發表於 06-11-10 15:35 |只看該作者

Re: 急問~~香港聖公會聖尼哥拉幼兒學校??

唔係我小朋友呀,係我侄女呢~~想讀全日預備班~~
佢而家讀梗太陽x覺得麻麻地~~所以想轉~~
我都想問下太陽x既問題~~
佢而家每日放學返黎條褲都濕既,條尿片又包都唔知似咩,我阿嫂話一同佢除片,係勁臭,都唔知點解,最嚴重個日係,打俾我阿嫂,話小朋友唔肯食野又唔肯飲水又唔肯訓覺,叫我阿嫂去接返佢走,睇下係咩事~~跟住第四日又話我地冇帶奶咀,小朋友唔肯訓,叫我地拎奶咀去俾佢,佢已經喊足一星期,每朝叫佢返學都話唔返,又忽然勁痴我阿嫂,行開一陣都唔掂呀~~所以好想同佢轉校,雖然唔知係學校問題定小朋友問題,不過小朋友完全唔肯返學,每日又勁累,日日放學把聲都沙晒,我而家見到佢都覺得心痛呀~~
所以想睇下大家既意見呢~~因為問左好多間都冇位,係得聖公會聖尼哥拉有少量位,所以想睇下轉唔轉得過~~THX~~

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

積分: 1489

5^#

發表於 06-11-10 16:17 |只看該作者

Re: 急問~~香港聖公會聖尼哥拉幼兒學校??

太陽x 有無得觀課？或者再同學校傾傾呀侄女的問題，可唔可以俾呀嫂陪呀女返一日全日呀？當係了解學校的運作，　錦當然呀嫂係留意個老師的人格同埋言行啦，到時再決定轉唔轉．

係呢，侄女返左幾耐呀？幾大呀？會唔會係呀女仲未慣呢？　　　

私人傳訊

積分: 15905

hashtag影視迷勳章大廚勳章畀面勳章 BK Milk勳章

6^#

發表於 06-11-10 19:28 |只看該作者

Re: 急問~~香港聖公會聖尼哥拉幼兒學校??

侄女兩歲十幾日,太陽X冇得觀課架,就算第一日返一個鐘都冇得陪架~~返左一星期左右,但除頭一日冇喊之外,跟住日日都喊到聲沙,好心痛呀~~侄女不嬲唔係咁痴人架,但一返左學就痴到實一實,其實有傾過架,學校咪話佢未慣囉,個個小朋友都係咁架,而家俾奶咀佢,等佢有安全感,用尿片係費事佢瀨尿,遲D得佢慣左就可以唔用架喇,咁囉~~唔食飯又話都唔知點解佢唔食飯,問我阿嫂知唔知點解喎,我侄女每日放學都同我阿嫂講,媽咪,我要飲水呀,跟住就飲左半樽去~~唉....唔知係唔係我偏見,由佢第三日打俾我嫂叫我嫂揍返佢走,我已經覺得好有問題,如果我有時間揍佢,我就唔需要俾佢返幼兒園啦~~到第四日又話要囉奶咀俾佢,我問左好多個人,個個都話學校唔俾食架,唉....點留意佢老師呀,係你面前一定好好,今日侄女話唔返學呀,唔要老師呀,頭先我阿嫂黎我度揍佢走,佢要痴住我唔肯走,仲狂喊,到我阿嫂話唔使返學,佢先收晒聲~~雖然兩歲人仔唔識得D咩,但聽佢咁講都幾心痛~~

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

wingyee_ma

公爵府

積分: 27851

醒目開學勳章畀面勳章

7^#

發表於 06-11-10 23:27 |只看該作者

Re: 急問~~香港聖公會聖尼哥拉幼兒學校??

唔好意思，可唔可以話我知太陽X係邊頭　？　我囡囡都搵緊幼兒園，我唔會比佢返尼間．　我覺得間學校好有問題．我囡囡返緊育嬰院，未試過返返下學打比我要接佢走，重有院內係唔可以食奶咀．太陽X　D老師好似唔係好有愛心，小朋友都唔鐘意返學．

私人傳訊

積分: 15905

hashtag影視迷勳章大廚勳章畀面勳章 BK Milk勳章

8^#

發表於 06-11-10 23:49 |只看該作者

Re: 急問~~香港聖公會聖尼哥拉幼兒學校??

邊間唔好講啦~~可能有人讀個間會覺得好,我唔想有咩爭嗌呢~~都係荃灣個頭,不過實校唔好講喇~~bk都有人講過話唔好,你搵搵啦~~
我女個時都有返幼兒園都未試過要接走,除左病之外~~
頭先侄女係電話又喊要返黎我到,我阿嫂話聽日唔返學佢先收聲,再跟住問佢佢都係話老師唔好,唔錫我~~不過我阿嫂話佢坐係度玩玩下又喊一陣跟住又收聲~~侄女咁唔開心,我真係好心痛呀~~

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

積分: 7138

9^#

發表於 06-11-11 16:13 |只看該作者

Re: 急問~~香港聖公會聖尼哥拉幼兒學校??

janet
我個tt 都係度讀過, 只係佢過5到入課室果下, 日日喊住入去, 我心赤, 所以無同佢返, 但學校絶無問題, only 係個人問題....
正如臻臻媽媽所講, 呢度d老c好有耐性, 校長好好人, 佢哋會記住小朋友個名(唔係教佢), 呢度已經+晒分, 同開學初期, 校長 g我好擔心 tt 上課情況, 比個窗仔我'裝" tt 上課, 其實佢已經無喊, 仲四圍望, 睇下野, but 就無同小朋友玩....
但呢度不足之處係細, 遊戲室細, 無課室, 仲要'爬'上6/f

臻臻媽媽
請問班主任係咪彭老c ar? 唔g tt 有無同過你個仔做同學仔呢

其實佢依家仲記得彭老c ga, 有時問 tt 邊個教你洗手/食飯叫人/唱歌, 佢都會答我係彭老c, 但一問佢返5返學, 佢就話5返

私人傳訊

積分: 15905

hashtag影視迷勳章大廚勳章畀面勳章 BK Milk勳章

10^#

發表於 06-11-11 16:30 |只看該作者

Re: 急問~~香港聖公會聖尼哥拉幼兒學校??

咁你最後俾左tt讀邊間呀??其實除左呢間,仲有冇第二間好介紹呢??thx~~

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

積分: 7138

11^#

發表於 06-11-11 16:57 |只看該作者

Re: 急問~~香港聖公會聖尼哥拉幼兒學校??

janet
最後無同佢再讀 lu, 等 k1 先....
除左呢間, 仲有一間, 不過, 好5好就唔g, 係近葵興 mtr 有間'天恩幼兒園' 你可以打去問下 :mrgreen: :mrgreen:

私人傳訊

積分: 1489

12^#

發表於 06-11-11 21:40 |只看該作者

Re: 急問~~香港聖公會聖尼哥拉幼兒學校??

係彭老師呀. 你個小朋友叫咩名呀 ? 彭老師好正, 正到無得頂呀. 我覺得遊戲室唔算細, 相比起附近果d kindergarden 大好多架喇, 同埋佢地有天台, 無課室我都接受, 潮流興開放式呀嘛, 爬'上6/f依個就係好大的難處, 我上到腳仔軟.
慶幸, 我個仔就無咩喊, 日日都笑住錦行入學校, 放學我揍佢, 都見佢係拖住彭老師好開心好開心錦彈下彈下唱住歌仔跳出黎, 再者, 我最欣賞的係見到校長同埋全部老師都係有"心" 教學的,好多時都會教我教仔, 依樣野就係我禁辛苦爬上6/f 的原因.

私人傳訊

積分: 15905

hashtag影視迷勳章大廚勳章畀面勳章 BK Milk勳章

13^#

發表於 06-11-11 22:58 |只看該作者

Re: 急問~~香港聖公會聖尼哥拉幼兒學校??

lovetsungtsung 寫道:
janet
最後無同佢再讀 lu, 等 k1 先....
除左呢間, 仲有一間, 不過, 好5好就唔g, 係近葵興 mtr 有間'天恩幼兒園' 你可以打去問下 :mrgreen: :mrgreen:

我估都應該冇位喇,因為我阿嫂問得既都問晒~~太入個d佢就冇問過,因為唔就腳~~而家我叫佢睇多兩日,星期一返去同老師講侄女唔肯返學,又成日無端端喊,其實都預左佢會點答,不過係想睇下會唔會有改善~~

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

積分: 7138

14^#

發表於 06-11-12 00:30 |只看該作者

Re: 急問~~香港聖公會聖尼哥拉幼兒學校??

janet
其實你可以再引導下侄女仲乜唔 like 返學, 我果時tt 唔肯返學, 我都驚校學唔g點對佢, 問過 tt, 老c/校長/嬸嬸有無打你手手? 有無5比玩具你玩? 有無要你企? 有無唔彩你? tt 全部都話無.... 咁再問佢, 咁車車好5好玩? 老c講故事好5好聽 ? d food 好5好會? 唱歌好5好玩? 佢全部都 yes... 咁我問佢仲乜唔返學, 佢話因為媽媽5係度, 佢要揾我.... 咁我先放心, 原來只係個仔'唔見左阿媽'

所以, 咪同佢退學, 再係呢年同佢講返, tt 要返學, 媽媽要近工 ga 道理 lor.....
你再就返你個 case, 問下侄女返學 ga 情況, 再考慮 la.... 個人認為, 與其大家係度捱, 不如早d抽離, 再灌輸佢g 返學係點點點, 好過佢依家咁, 聽到'返學'就 :-( :-( :-(

私人傳訊

積分: 7138

15^#

發表於 06-11-12 00:35 |只看該作者

Re: 急問~~香港聖公會聖尼哥拉幼兒學校??

臻臻媽媽
tt 退左學 lu, 咁'收家', 無謂開名 la

不過, 我都覺得彭老c唔錯, 但符老c更好

開學初期, tt 同有幾個同學仔成日喊, 符老c係輔助形式做半個班主任, 佢可以不厭其煩, 一個拖幾個, 行黎行去 ga

私人傳訊

積分: 1489

16^#

發表於 06-11-12 08:34 |只看該作者

Re: 急問~~香港聖公會聖尼哥拉幼兒學校??

Janet,

如果學校係話侄女唔適應的話, 錦又可唔可以將個適應時間調節下呢 ?例如：第一個week 每日只係返１－３小時，第１日返１小時，第２日返１．５小時．．．．．到第２個week, 下午個part 再慢慢增加．緊會有方案渡過適應期的．　
不過，若父母都要返工就會難小小，但總好過好似宜家禁陰公，日日喊都聲沙，有咩為呀？我個人認為如果呀嫂要同學校講就要向高層出發，事關照你所講．．．侄女個老師打俾你地要揍番走，又話要奶咀．．．．我覺得好唔掂囉．咩意思呀，用個奶咀塞住佢個口叫佢唔好嘈呀？＊＊＊我唔係撥火呀，只係我個人見解咋＊＊＊佢地係幼教，絕對係會有方法處理依d case 的．如我所講的，慢慢增加時間錦囉．
我個仔初初第一日返學，全程２小時都係我陪架，第二日我再陪１５mins ，見佢無咩特別老師就叫我偷走出學校門口座，座到放學，到第三日，呀仔入門口都有喊架，班主任抱左佢入去，抱住黎喊，都喊左３０mins，途中用左好多方法用”tum ”佢都唔掂，點知．．．班主住１２３抱左佢入廁所玩水就收聲．第四日，入門口都無喊lu, 仲同我say bye bye,入到課室至喊，佢係喊要去玩水．．．吹脤．唔打緊，班主任如是者日日同佢玩水，玩足一個禮拜．到第２個禮拜，每朝只係去洗手，洗完手要即係出番黎，無得玩水．佢又ok 喎．　　　　

私人傳訊

積分: 1489

17^#

發表於 06-11-12 08:41 |只看該作者

Re: 急問~~香港聖公會聖尼哥拉幼兒學校??

Janet,

仲有問下學校可唔可以帶d 侄女最鐘意o既野陪侄女返學呀？如：小型毛公仔．．．記住唔係奶咀，等佢有多小小安全感．又或者侄女鍾意食的食物，交俾老師，當係老師讚賞佢請佢食．

私人傳訊

積分: 15905

hashtag影視迷勳章大廚勳章畀面勳章 BK Milk勳章

18^#

發表於 06-11-12 09:42 |只看該作者

Re: 急問~~香港聖公會聖尼哥拉幼兒學校??

臻臻媽媽:

我好認同你所講架,因為我覺得真係冇理由揍走佢同埋食奶咀,我阿嫂都問左佢一個fd,佢fd話老師都係叫佢小朋友帶一個最鍾意既毛公仔~~佢就係想塞住佢把口,唔俾佢喊,我就係覺得應該有方法處理,正如我地唔想佢食奶咀,都會不停同佢玩,分散佢,但佢地唔係,只係由佢喊,我地見到佢喊到聲沙,真係全部跌晒眼鏡呀~~因為佢真係不嬲都唔痴身架,講痴身我女痴佢好多,我女都冇咁誇張~~所以我都同我阿嫂講,如果星期一,二都仲冇改善,一定要轉校~~開頭我地會諗係唔係侄女岩岩足兩歲,所以未慣,但我又識好多人都係一足兩歲就讀,仲要一黎就返全日,最重要係個個都比我侄女痴身~~我而家打電話都唔敢叫佢聽,佢一聽就會喊,話要搵姑姐,跟住又要我阿嫂安撫佢一輪~~真係怕怕~~攪到我呢幾日個心都實晒~~諗起都會眼濕濕,點解會攪到佢咁樣,D老師都唔知點攪架~~我阿嫂就最怕佢而家嚇驚左,第時轉去邊間都唔肯返,不過我覺得唔會,只要老師俾多D愛心,侄女一定明白~~

lovetsungtsung:

我地有引導佢呀~~佢第一句就話唔想返學,跟住話老師唔錫佢,咁我阿嫂都怕佢亂講,就問,咁媽咪錫唔錫你呀,佢話鍚,咁姑姐呢,佢都話錫~~個日我揍佢去我屋企玩,佢自己同我講,哥哥搶晴晴奶咀呀,我話咁老師知唔知呀??佢又話唔知,我話你有冇話俾老師知呀,佢又話冇呀,跟住就話晴晴唔鍾意老師呀,佢地唔錫晴晴呀~~我阿嫂話侄女,去到學校樓下已經開始喊架喇,起身就唔使講啦,喊到七彩~~我地好耐之前已經開始講話返學點點點架喇,由幫佢買左書包個日開始,佢就要揹住,話晴晴返學呀,其實佢應該鍾意返學架,因為佢見到表哥表姐返學好開心,我地都成日同佢講,返學好開心架,有好多小朋友同你玩架,又有咩學呀咁樣,之前同佢講,佢仲好開心架,而家一同佢講,佢會喊架~~真係心都痛埋呀~~

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

積分: 1489

19^#

發表於 06-11-12 16:37 |只看該作者

Re: 急問~~香港聖公會聖尼哥拉幼兒學校??

睇埋下個禮拜點先啦 ! 就算要轉校,我個人認為唔好返新學校住, 俾d 時間侄女洗下腦先, 唔好嚇驚佢. 式者隔1-2個月後, 再俾侄女返下暫託先, 聖尼哥拉 $16/2小時, 睇定d 再算. 下學期至正式開學都好.

私人傳訊