Re: 本已戒夜奶 但BB每晚都醒和哭鬧, 怎麼辦?
我開始是也是餵母乳, 半夜常醒, 以為不夠飽, 奶粉, 米水, 米袋壓著, 爸爸的褲, 拜祖先,放音樂, 唱歌仔都 試過都無用, 半夜都係醒, 抱上手, 或摟著訓會好一點, 但又不可經常咁, 之後睇完健康院份單張, 我就實行每日定時同佢做同一樣野, 之後放佢落床仔, 自己訓, 起初喊成一個鐘, 都心痛嫁, 個一個鐘我一直係bb身邊, 不過不給他見到我, 一有危險或喊得太利害, 我就會上前話佢知"媽咪係度, 乖乖訓啦"咁. 慢慢我發現原來bb自己會平複情緒, 佢會自己食下手仔, 週圍摸咁, 見佢有危險動作都不理佢(如趴著局住個頭), 十秒內佢自己會反反轉, (當然一直要係佢附近偷看著), 如果你行埋佢, 佢會好開心咁手郁腳郁, 一離開就喊, 所以最好不要接近, 慢慢佢就會訓.. 大約一至兩星期啦, 佢就會發覺放落床, 就係要訓, 多數係床玩十分鐘就自己訓著.
而半夜醒, 都係由佢, 係附近望著她, 有危險情況, 如許可都給bb十秒, 佢會自己解決, 之後不要離bb, 無論有幾清醒, 都不要理, 佢亦會喊好奈, 都不理, 喊得好淒涼, 你就走埋身邊 " 依家係夜晚, 要訓覺嫁, 無人會陪你起身玩, 乖" 之後離開, 又係如是姐好幾次, 佢半夜知道會起身後都無人理, 醒返都會自己訓返
每個 baby 都會醒 (跟據健康院書仔說), 可以一覺訓醒的 B 可以自行安撫自己再次 sleeping, 我地或者就要教小 b 自行安撫啦, 如你 bb 如我 bb 般, 十點至十一點訓, 如五點起身食奶, 我奶奶話己經不算是半夜醒, 因佢地細, 五點起身食奶是可接受的, 多數會再 sleep 過.
當然每個 bb 都有不同特質, 你再嘗試多 d 不同方法, 好似我仔, 比條攬 jump 佢, 放係身邊, 佢打轉身, 拍到條攬 jump , 會訓得好 d~
** 我有用奶咀, 我會給bb奶咀等佢再次訓著
** 怕被局著, 試下用睡袋
有始不有終 能受百樣痛
從沒有合約合同 但卻跨時空
這滔滔不息的愛 我贈給你用
這一生 和下世 有幾多全奉送
---------------------------
呀仔 2006 年 4 月 24 日 出世啦
發表於 
[/url
返回列表
