夫婦情感

收藏本版
發帖
返回列表
跳至頁

首頁
12

尾頁
   0
lormy


禁止訪問

積分: 8007


1#
發表於 06-11-30 11:43 |只看該作者

有無同老公/老婆一齊經歷過好困難嘅日子?

提示: 作者被禁止或刪除 內容自動屏蔽
私人傳訊

formula0106


禁止訪問

積分: 2052


2#
發表於 06-11-30 12:58 |只看該作者

Re: 有無同老公/老婆一齊經歷過好困難嘅日子?

提示: 作者被禁止或刪除 內容自動屏蔽
私人傳訊

schnauzer


複式洋房

積分: 137


3#
發表於 06-11-30 13:00 |只看該作者

Re: 有無同老公/老婆一齊經歷過好困難嘅日子?

lormy,

真心講句, 你真係算幸福了, 有時我都兜得唔係有錢先叫好~

我好羨慕您啊~恭喜晒~~~
私人傳訊

414928


水晶宮

積分: 64438

馬年勳章 2026勳章 2025中秋節勳章 母親節2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 HiPP勳章(1) 2018父親節勳章 2018復活節勳章 15週年勳章 畀面勳章 好媽媽勳章 醒目開學勳章 BK Milk勳章 hashtag旅遊勳章 hashtag影視迷勳章 認識瑞士牛牛第一回 認識瑞士牛牛第二回 認識瑞士牛牛第四回 最關心BB問題熱投勳章 Xmas吸收勳章 美好大世界2017勳章 開心吸收勳章 食得好勳章 笑得好勳章


4#
發表於 06-11-30 14:13 |只看該作者

Re: 有無同老公/老婆一齊經歷過好困難嘅日子?

老公係間公司做左19年,都叫高薪厚職,點知太子女大學畢業回來,係出面打工又話受氣,結果緊係返去老豆間公司做啦,一來都來清除元老大行動,但唔係補錢叫你走個隻,係用最低劣手法迫你走,原本老公都唔想走,因為自己走就無左份拾幾二拾萬的長期服務金,但係日日返工比一些人身攻擊的說話你聽,叫你做一些沒可能完成的工作,這幾個月老公晚晚發惡夢,人也瘦了,見到個心好不安,因為我要照顧兒子所以沒有工作,樓又要供,當初都叫他忍下啦,等佢抄你都有些錢,但眼見老公精神越來越差,結果都係叫佢抄老闆魷魚
果時搵工好難,失業率好高,老公為左生活,搵左份看更,當然是人工高一些的高級樓宇看更,要識講英文先請,但係都係得9仟人工左右,為左生活都要做啦,剛開始真係好唔關,一個做左文職成20年的人,叫佢要企/巡樓,真係辛苦死佢,每晚返來都話腳痛,為有同佢按摩下啦,又要開門比客人,自尊受損佢都死忍,好在同事間總算融洽,2年後搵過一份工,但要返大陸做經理,但人工好一些,所以現在老公日日都係大陸,不過生活比早兩年是好左些少,但要犧牲相聚時間,好無奈 :-(

老公可以過到人生咁人起趺的關口,我都覺得好開心....

私人傳訊

lovemyself


洋房

積分: 40


5#
發表於 06-11-30 14:32 |只看該作者

Re: 有無同老公/老婆一齊經歷過好困難嘅日子?

好羡慕你們,兩個人並肩作戰,互相扶持,難關一同渡過.
私人傳訊

renren


子爵府

積分: 12024

好媽媽勳章


6#
發表於 06-11-30 14:36 |只看該作者

Re: 有無同老公/老婆一齊經歷過好困難嘅日子?

99年果時,我老公俾佢舊老細叫出黎幫佢手,佢問我點,我話都好出去博下,好過踎响呢間公司dum懶身又無前途.好啦,出黎幫個pk唔夠半年,居然話我老公唔係咁啱,炒左佢.佢即刻打比我話俾人炒左,我當時响街即刻喊左出黎,因為我最擔心層樓仲供緊,之前我舖頭執笠仲要還番d錢俾人...后來我老公決定自己開檔,當時刮到一毫都無,賣當借做齊,買定一箱箱公仔面餐餐食..無供三期樓俾銀行出律師信又話要執達吏,管理費拖左半年又出律師信,咭數找唔切又俾財務收..日日俾d爛仔用粗口問候全家,成日為錢為工作嘈交,差d離婚,后尾c佬話錢己經無晒,唔想無埋個老婆,你話點做就點做.后來捱下捱下環境好番,d錢還番晒...而家諗番起都唔知點解可以咁勇,不過捱過左難關,我地關係比以前更加好生埋個仔更加完美.而家真係好開心,雖然唔係好有錢但唔使憂兩餐唔使供樓,c佬又鍚個仔同肥老婆,夫復何求!
春有百花秋有月 夏有涼風冬有雪 若無閒事掛心頭 便是人間好時節
私人傳訊

小bon


大宅

積分: 3650


7#
發表於 06-11-30 15:13 |只看該作者

Re: 有無同老公/老婆一齊經歷過好困難嘅日子?

我同老公拍咗拖3年多啲嘅時候, plan咗當年年尾結婚, 嗰時係2000年. 喺酒樓訂晒酒席, book埋影結婚相同租婚紗, 突然間有晚佢喺屋企抽筋休克咗, 其實佢之前都有唔舒服 - 有幻聽同成日頭痛, 嗰時醫生都係話佢精神緊張, 要食精神科葯. 不過經過嗰次休克入咗醫院, 醫生幫佢做咗詳細檢查, 發現佢腦內有2個瘤! 開頭諗住唔開刀住, 結埋婚先, 不過第1次去見個腦科醫生佢已經話要即刻做手術, 唔可以放個計時炸彈喺度, 個瘤一爆就好危險, 所以馬上同佢排期做2次手術 (因2個瘤唔同位置).
點知第1次手術就偏偏係我哋計劃結婚前1日, 咁唯有除消晒佢, 好彩未印帖, 不過都好唔開心! :-(
感謝神! 2個手術都好成功! 不過佢都用咗好長時間休息同康復. 嗰段時間佢冇嘢做都幾唔開心, 我屋企又俾壓力佢, 令佢唔敢見我阿媽! 最後, 要等多6年, 即係今年我哋先結成婚!
其實經歷咗咁大嘅困難之後, 令我哋都更珍惜對方! 依家鬧交諗返佢喺icu個樣, 都令我即刻唔嬲
都好多謝老爺, 奶奶同佢屋企人對我哋嘅支持/幫助, 對我哋真係好好!
Our anniversary[br]
私人傳訊

^Jan^


洋房

積分: 226


8#
發表於 06-11-30 15:25 |只看該作者

Re: 有無同老公/老婆一齊經歷過好困難嘅日子?

困難嘅日子:

我好細個就嫁左俾老公~奉子成婚果隻，我唔理屋企人,離家出走同佢一齊，但佢對我唔夠責任心，冇俾家用仲成日唔返屋企,後尾我仲知佢曾有過第三者。渡過之後大家淰住雨過天青，点知佢無端端有精神病,仲要系入青山果隻，成日有幻覺、幻聽話我要加害佢,成日鬧我點解要加害佢，我知道佢所做既只系因病情所致,唔糸出自佢自已，雖然曾有過離婚既念頭，不過因為医生,社公,医院護士叫我唔好介意佢既言行同所為，因為佢有病先至會咁，我當時都諗兩夫婦除左共富貴，亦要共'宦'難，唔通因為佢有病我就離開？？何况我 地仲有個女添。果段日子系我最難過，試想像只得廿多歲既我人生經歷唔糸多，冇工作冇收入，老公有病(仲唔系正常痛)入院，自己一手担起整頭家，冇人可以同我分担，唔敢話俾朋友屋企人知，又要面對女兒心理點解爸爸唔系屋企，身兼父職。每日要抽時间去探病,頻頻撲撲,去到仲可能俾人(老公)鬧！又要憂心燈油火臘，左借右些，最終要靠綜緩度日，有時人地知道會睇我唔起，有手有脚有學識仲去攞綜援,呢啲咪糸有苦自己知囉，我果時過一个可以傾訴既人都冇，自己暗啞底,晚晚个女瞓左喺度喊,我曾經諗過點解我甘幾歲人從來冇做過陰質野，點解為左呢個男人我要經歷甘多，攪到自己連尊嚴都冇，好在果兩年捱過左，依家我地一家三口可以過番正常生活!!
私人傳訊

vivianmama


大宅

積分: 2363


9#
發表於 06-11-30 15:45 |只看該作者

Re: 有無同老公/老婆一齊經歷過好困難

我想我地最困難的日子是現在, 因我老公現在讀緊part time degree, 因只有佢讀書先可以改變我地的生活環境, 一個月都要儲4000元學費, 我們2個夾埋都搵唔到2萬, 還要供6000元樓...所以個個月都清, 所以現在一齊都好慳, 冇得駛大錢, 冇得去旅行, 冇得要bb, 還要忍受因佢要交功課及考試, 連星期六及日都冇得出街, 唯有希望佢快d讀完, 跟住找份人工高少少的工..
私人傳訊

bbkkc


男爵府

積分: 9397


10#
發表於 06-11-30 16:32 |只看該作者

Re: 有無同老公/老婆一齊經歷過好困難

雖然唔係好有錢但唔使憂兩餐唔使供樓,c佬又鍚個仔同肥老婆,夫復何求!



我都係咁諗~~~~
私人傳訊

meian


男爵府

積分: 8578

BK Milk勳章


11#
發表於 06-11-30 16:53 |只看該作者

Re: 有無同老公/老婆一齊經歷過好困難

o尼個topic好好睇, 睇完覺得原來係有真愛o既存在~恭喜晒各位, 你地好幸福~希望將來o既我都可以咁幸福~
私人傳訊

寶貝兒


別墅

積分: 731


12#
發表於 06-11-30 17:07 |只看該作者

Re: 有無同老公/老婆一齊經歷過好困難

meian 寫道:
o尼個topic好好睇, 睇完覺得原來係有真愛o既存在~恭喜晒各位, 你地好幸福~希望將來o既我都可以咁幸福~


我都係咁話, 感動到我眼濕濕.

我同 c6 拍左拖三年就結婚, 到依家就來兩年, 一直都係風平浪靜, 之前就成日都覺得同佢無乜經過風浪, 好似爭緊 d 野咁, 不過睇左你地 d case 之後, 咁應該叫做好好彩啦!

講句提外話, 有時我會覺得 c6 愛我愛得好緊要咁, 直頭感動到打哂冷震, 想係公眾地方攬住佢來錫咁滯. 唔知你地有無試過呢?
私人傳訊

webjen


珍珠宮

積分: 46089


13#
發表於 06-11-30 17:43 |只看該作者

Re: 有無同老公/老婆一齊經歷過好困難

我最困難o既日子......係舊年!!
當時我有病,醫生話要做完手術先知情況,先知有無得醫.....等候手術o個幾日....我老公連工都番唔到...佢話驚番左工番到屋企就見唔到我.....我叫佢要撐住,唔可以自暴自棄,就算我 c 左,個囡仲要靠佢......講完大家相擁痛哭 :-( o個幾日都係我一世囡最困難o既日子!!

之後......我依家仲上到 bk
我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!
私人傳訊

webjen


珍珠宮

積分: 46089


14#
發表於 06-11-30 17:44 |只看該作者

Re: 有無同老公/老婆一齊經歷過好困難嘅日子?

小bon
好感動!!
要經過呢 d 事就知道一切野都唔重要,至緊要係埋一齊
我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!
私人傳訊

miffymiffy


瑪瑙宮

積分: 131828

好媽媽勳章 醒目開學勳章 畀面勳章 環保接龍勳章 親子達人勳章 BK Milk勳章


15#
發表於 06-12-1 00:12 |只看該作者

Re: 有無同老公/老婆一齊經歷過好困難嘅日子?


睇完好感動~ :-( :-( :-(
私人傳訊

lormy


禁止訪問

積分: 8007


16#
發表於 06-12-1 00:42 |只看該作者

Re: 有無同老公/老婆一齊經歷過好困難嘅日子?

提示: 作者被禁止或刪除 內容自動屏蔽
私人傳訊

lormy


禁止訪問

積分: 8007


17#
發表於 06-12-1 00:50 |只看該作者

Re: 有無同老公/老婆一齊經歷過好困難嘅日子?

提示: 作者被禁止或刪除 內容自動屏蔽
私人傳訊

小bon


大宅

積分: 3650


18#
發表於 06-12-1 12:39 |只看該作者

Re: 有無同老公/老婆一齊經歷過好困難嘅日子?

我都覺得有咁嘅經歷令大家關係更好, 更珍惜對方.

係呢, 咁你好返晒未? 希望你永遠都有健康嘅身體!
webjen 寫道:
小bon
好感動!!
要經過呢 d 事就知道一切野都唔重要,至緊要係埋一齊
Our anniversary[br]
私人傳訊

小bon


大宅

積分: 3650


19#
發表於 06-12-1 12:43 |只看該作者

Re: 有無同老公/老婆一齊經歷過好困難

我都覺得係呀! 可以令睇嘅人相信有真愛, 都俾機會讓寫嘅人再重溫嗰段日子, 更珍惜依家所擁有嘅人.
meian 寫道:
o尼個topic好好睇, 睇完覺得原來係有真愛o既存在~恭喜晒各位, 你地好幸福~希望將來o既我都可以咁幸福~
Our anniversary[br]
私人傳訊

OneTwoThree


男爵府

積分: 5598


20#
發表於 06-12-1 13:20 |只看該作者

Re: 有無同老公/老婆一齊經歷過好困難

03年, 係我同老公結婚第3年, 但我唸住執哂野離開呢個家, 因為佢要揹住兩層樓, 而呢兩層樓要俾5個人住, 我地兩公婆+二伯+老公姪仔(同我咁大)+99, 一個人供5個人住, 個3個就咩$$都無俾, 99咁老我地照顧佢好應該, 但個兩件有手有腳又唔俾屋租我老公我條氣就真係好唔順, 老公搵萬零蚊加埋OT有時會有2萬蚊多少少, 咁每個月就要供99+姪仔住個層樓萬幾蚊(2個人住3間房), 我地住+同2伯住個層幾千蚊(2間房一間大房一間細房我地仲要住細房), 其他水、電、煤就我俾, 2伯同我地住期期水費都5-7百蚊, 好痴線, 頂左3年我頂唔順唸住秘密執野返呀媽度, 點知好衰唔衰有左, 走唔到, 我日日喊唔想要個bb, 因為我覺得只會帶佢嚟呢個世界受苦, 後尾小產真係無左個bb, 但2伯就搬左去99度住, 我地兩公婆就住番成日屋, 水費當唐少左4/5, 無誇張, 真係4/5, 漸漸挨下挨下又有左到生之前個晚老公仲同我講話大姑奶肯買左99層樓, 咁我地就剩係供番自己個層, 個刻真係開心到好過中六合彩, 05年7月我地就正式甩左99層樓, 不過而家仲挨緊, 因為我地要還番結婚d$$俾兩個姑奶, 挨埋出年我唸就會好好多嫁啦, 如果唔係有個仔, 我唸我一早巳經離開左呢個家lu~

其實唸起上嚟攪到我地咁辛苦都係老公做成, 如果唔係佢姪仔出嚟做野俾$$佢唔要, 如果唔係2伯話搬走佢話唔好, 咁我係唔會唸離開佢既, 如期佢咁為屋企人都無唸過我地既辛苦我仲做乜要同佢挨~
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy