自由講場今日: 186|主題: 1359817

收藏本版

發帖

返回列表

跳至頁

查看: 1214 | 回覆: 7

助產士大發雌威　胡定旭頭都大晒 [複製鏈接]

CINDYC

水晶宮

積分: 50254

1^#

發表於 06-12-1 09:33 |只看該作者

助產士大發雌威　胡定旭頭都大晒

睇完段文, 真係忍唔住[img align=right]http://www.hk-laufamily.com/_005.gif[/img], 胡主席夠擔講又唔夠擔認, 正PK.

助產士大發雌威　胡定旭頭都大晒
01/12/2006
三國時代，諸葛亮出山輔助劉備，前赴江東舌戰群儒，煞是精彩！擒日，醫管局主席胡定旭則「舌戰群護」，同樣精彩；只不過，精彩係同佢開會討論一眾助產士而已！
只為內地孕婦湧港產子不斷增加，衍生問題多多！先係港婦不堪鵲巢被鳩佔，上街遊行抗議，高呼：「還我產房！」仲有公立醫院產房工作助產士，不堪長期過度勞累，亦忍無可忍，趁住同胡定旭開會討論，實行大吐苦水。據佢講，由於人手極度短缺，而入院孕婦就多到逼滿產房，助產士做到有氣冇碇抖，試過一日連續做十幾個鐘，仲搞到周時冇假放，又有人依家見親大肚婆都驚，產生「孕婦恐懼症」；仲有人話，由於過分辛勞，影響生理周期添呀。唉，人女仔人家，畀醫管局折磨成咁，又真係好冇陰功喎！
原本，胡定旭如意算盤，就諗住以主席之尊，實行對助產士「曉以大義」，加上醫管局「皇恩大赦」，雖然傳聞打算發放特別津貼之後又否認，不過就話會增加升職機會及恢復增薪點，希望可解決近排產房告急之危機。但係，醫管局長期肥上瘦下，高層分發特別花紅動輒數以百萬計；前線醫護人員則向來做到死死，到依家先係咁意補鑊，就想打發助產士繼續賣命，講出都失禮啦！
助產士唔係三歲細路女，佢好清楚問題根源，唔似政府高官咁庸愚無知。首先，明白搞唔掂內地孕婦入境政策，佢辛勞就永無止境。其次，又質問胡定旭有關早前擬聘請內地助產士問題。計功夫茶話齋，咁都係人之常情，醫管局家陣有事就鍾無艷，難保日後無事就夏迎春啦，難得主席大駕光臨，咁乘機問個清楚都好。
點知，胡定旭竟然反口，話冇考慮過聘請內地助產士喎。猶記日前，佢出席鄧肇堅醫院社區日間醫療中心開幕典禮，表示有不少內地孕婦只識講普通話，但本地護士又唔係全部識講，所以考慮招聘高質素助產士來港，但就要同入境處及護士管理局商討云云。睇，胡定旭一係就要去測個腦，因懷疑患嚴重失憶症；一係就要去驗個心，其實去內地班救兵都係為解決問題，但竟然唔敢承認，唔通佢心中有鬼！

南宋名將岳飛戰功赫赫，但畀秦檜夾埋宋高宗害死。後來宋孝宗即位，想大舉北伐，苦於冇人再肯為朝廷賣命，所以下詔平反岳飛，追封鄂王，謚武穆。醫管局管理不善，胡定旭長期虧待前線醫護人員，到依家先知佢重要，又遲唔遲呀？仲驚到要反口覆舌，真係醜態百出！
計功夫茶話齋，胡定旭仲要有排驚呀，因好多對年曆有興趣人，都吹噓明年係甚麼金豬年，睇不論內地或本地孕婦，都會加大生產力度，公立醫院產房只有更加逼爆，助產士就更加不滿，而胡定旭個頭，就當然係愈愈大啦！

若沒有忙碌, 你便不會懂得善用閒暇; 沒有痛苦, 便不會明白快樂的得來不易; 沒有失去, 我們更不會懂得珍惜--是苦是甜也好, 是時間太多或太少也好, 最重要的, 還是請不要浪費你的人生! (純粹分享 ^0^)

私人傳訊

suilangmui

禁止訪問

積分: 14553

2^#

發表於 06-12-1 09:56 |只看該作者

Re: 助產士大發雌威　胡定旭頭都大晒

提示: 作者被禁止或刪除內容自動屏蔽

私人傳訊

Kanix

大宅

積分: 4628

3^#

發表於 06-12-1 10:00 |只看該作者

Re: 助產士大發雌威　胡定旭頭都大晒

加薪升職挽留助產士 (2006-12-01 06:05:00)

【東方日報專訊】醫院管理局正急謀對策紓緩公立醫院產科壓力，該局初步決定將非符合資格人士的孕婦分娩收費，由現時二萬元，按緩急情況提高至三萬八千元至四萬四廣告

千元；在挽留助產士人手方面，則建議在威爾斯親王醫院和屯門醫院等產科重災區為資深助產士開設晉升職位，以及恢復助產士多年前被取消的增薪點；當局亦考慮在沒有產科的醫院增設產科。上述建議下周二提交政府研究。

醫管局早前表示，會將非符合資格人士分娩收費調高至三萬至五萬元，消息透露，醫管局初步決定，將這類人士收費分等級，非緊急個案分娩收費定為三萬八千元，緊急分娩個案收費則調升至四萬四千元。

醫管局行政總裁蘇利民昨日與各大醫院聯網總監商討內地孕婦太多問題。消息指，醫管局助產士薪酬較註冊護士高一點，二○○○年取消增薪點，現考慮恢復增薪點，但哪些助產士可獲增薪，則需研究。

大埔那打素設產科

此外，產科重災區包括威院和屯門醫院將獲開設晉升職位，資深助產士可晉升為「資深護師」（Advanced practice nurse），公立醫院現時有三分之一助產士薪酬達到廿五點頂薪，晉升職位將為這類員工而設。不過，醫管局不會考慮向助產士每月發放一千元津點，認為對醫院其他壓力大的員工不公平。

消息人士稱，新界東聯網只有威院設有產科，若產科負荷達到頂點，醫管局會考慮在大埔那打素醫院設立產科，以應付內地孕婦湧入。

提供誘因吸引進修

醫管局前日在網頁上刊登廣告，招聘全職和兼職普通科註冊護士和助產士，在各間設有產科的醫院工作。醫管局主席胡定旭昨日在香港助產士會的研討會上表示，醫管局已開始邀請提早退休或正在進修的助產士兼職，局方會盡早提供誘因吸引護士報讀助產士課程，並正在與理大商討加快培訓助產士。

助產士管理局主席岑素圓表示，「餅只得一塊，但愈來愈多人咬」，政府應長遠評估未來五至十年的助產士需求。她不諱言，修畢十八個月助產士課程的護士，與普通護士薪金相同，對助產士不公平，應提高助產士薪金，吸引更多人入行。

胡定旭日前曾在公開場合表示，局方正考慮在內地聘請助產士，解決本地助產士與內地孕婦言語不通問題，但他昨日在大批助產士極力反對下卻反口說「冇咁講過」，又指「就算真係做都是好多年後