嬰兒用品今日: 0|主題: 93260

收藏本版

發帖

返回列表

跳至頁

查看: 5315 | 回覆: 22

分享陀孖b+生產 [複製鏈接]

02413124

子爵府

積分: 14629

1^#

發表於 13-8-2 10:43 |只看該作者 |倒序瀏覽 |打印

本帖最後由 02413124 於 13-8-2 10:44 編輯

這一胎我很少記錄下來...原因是除了很辛苦外...更大原因是因為我很害怕....隨時失去你們...

現在終於可以打番懷孕中我還記得的一點一滴

出血情況
這一胎出血的情況之前已經講過,最後15周多些才停了.但到25周左右又有血絲,當然又要番醫院渡假.有個衰醫生可能見我唔多驚,仲嚇我...因為之前大出血,所以今次只係血絲,我真係表現得唔緊張...仲想唔入院.佢話tmh只係救到過26周的早產嬰,我未答佢我仲有2日26周啦xdd佢又話28周前的早產1/3救唔番,1/3要去特殊學校...咁你想我點呀(不過亦因為今次住院俾我見到政府順產冇笑氣冇老公陪,去產房仲要自己行去張床...既慘況...令我對政府順產既信心大大下降.因為上胎我係一穿水幫我催生,加快產程,痛2,3個鐘生左.所以如果今次要痛十幾個鐘再加埋唔淮食野,今次十個月胎b零郁動,我真係冇信心)

妊娠糖尿
但十四周左右知道中左妊娠糖尿,多胞胎的機會是比較高,因為賀爾蒙較高亦較影響胰島素,所以我開始了我一星期要拮手指兩日,每日拮六次,早午晚三餐前後都要,我計過我拮左二百幾下手指,血糖多數都係ok.不幸中之大幸係因為孖胎加妊娠糖尿,所以每次都有同一個好好人的高級醫生見我(原來佢係中大校長既太太,難得仲咁好人)

生長線
由於孖胎越後期越迫,開頭佢地都ok...到後期就開始由50%....drop......特別係細佬呀

孖胎媽媽在tmh
今次真係拎盡政府資源,除左定期有免費超聲波照 (由開頭四星期,到中期已經二星期照一次),但代價係隨時俾人捉入院.因為只要一個b體重,頭仔,肚仔,大脾骨冇增長,佢地會擔心胎盤老化,就提早拎佢地出黎.細佬後期持續肚仔細左三周,有次仲好似縮左d,即刻call多2個高級黎照(照個個已經係高級),好大陣象咁,之後討論完一陣後,決定等到37周,不過要一星期入院兩次聽胎心.
仲要早期飲糖水,如果pass左,中期要再飲
產檢亦好密,30周已經一星期見一次,(後期仲一星期兩次)而且亦每星期要俾150入院聽胎心聲.聽胎心聲好辛苦,期間冇得郁,仰臥,唔可以去洗手間,一般單胎媽媽好彩半個鐘,我地孖胎因為2個b周圍走,我往往係第一個入,最遲先有得走....慘.試過接近三個鐘.如果醫生有野唔滿意,如其中一個心跳唔靚(太高/太低/唔波動...)或宮縮...又係要入院
仲之好忙,試過一星期去3次tmh,後期個個星期去2次,有1日仲要全日...如果要番工真係唔知點算...一般既工我相信老闆一定黑面
另外,個感覺係每次入去都有隨時入院要生既危機...好不安
仲有一樣就係30周左右,tmh就俾孖胎mammy簡開刀定順產
佢分析如下

開刀
+對第二個b較安全
-媽媽復原較慢
-有機會整親媽媽內臟同bb (不過醫生話機會好細)

順產:
+ 媽媽復原較好
- 第二個b有缺氧機會,就算即刻緊急開刀,都可能救唔番

最後總結一句就話孖胎多數簡開刀

所以我就簡左開刀

0 0 0

私人傳訊

02413124

子爵府

積分: 14629

2^#

發表於 13-8-2 10:48 |只看該作者

上回提到我簡左開刀...我上胎係順產,諗起都覺得唔抵.

呢胎原先諗住都係搵番接生大仔既醫生(余醫生)係仁安生,但佢一知道係孖胎又成日出血,就叫我唔洗心急俾訂.佢話首先34周前仁安唔會收,叫我34周後又兩個都有五磅先俾訂,佢會記住我.但係佢又話孖胎穩陣都係開刀,佢自己對孖女都係開刀,仲話如果我係佢個妹一定叫我開刀,佢上胎係叫我順產(生完後拆線佢都話有意外,下胎可以順產=_=)

但由於這位醫生剛係上年年尾有個b係開刀後出事,我有些保留找他開刀,同埋佢後期都叫我政府生,因為政府有nicu,私家醫院無,就算有extensive care都係2日後要送番去政府,咁如果係唔好彩去左pwh,我地之後去探佢就更麻煩.所以思前想後,決定番政府生. (再加埋諗起幾日慳番十萬,好吸引)
另外,由於qe係唔洗地區証明,可以誇區,我原先都諗住後期睇下會唔會轉,但好彩冇轉,因為真係行一陣,企一陣都唔多得,冇理由次次要老公請假,佢d假要留番黎陪月.加上係tmh產檢經驗唔錯,所以最後博一博,係tmh生啦.

醫生開頭話37周3開刀,但我想盡快解決xd所以就簡左37周2.因為孖胎一般38周前要催生或開刀,怕胎盤老化.由於前幾日係公眾假期,所以早幾日先入院見麻醉師同醫生.37周1晚再入院準備.

37周1
沖好涼洗埋頭食埋飯,諗住入到院都冇咩做,搭車去過程未夠鐘,醫院已經打黎問我做咩仲未到,係未唔記得左,我心諗生仔點會唔記得!入院後知道排第二個做手術.老公陪到我探病時間後就番去,嬸嬸就黎幫我剃毛,抽血.當我12:00準備訓覺,姑娘話醫生要幫我聽胎心聲.心諗唔係ma...連姑娘都話明天都生仲要聽,好啦...搞到1:00,收機...醫生睇完話唔收貨,又再駁...搞到3:00都冇咩進展...(做緊係唔可以訓,因為bb一郁又要按制)我同姑娘講不如算啦,一陣醫生黎唔得先再駁...最少可以俾我訓下xdd (最後姑娘話佢揾左一個冇咁嚴緊既醫生pass左) 點知呢個時候又話我血小板低,又要再抽血唔知驗咩.最後3點幾先有得訓

37周2
8:30係第一個,巡房時個位高級醫生又黎啦,佢話第一個係大製作,我係中製作,隔離床個個係小製作. 大製作預2個鐘,我最快都要十一點...由於前晚十二點要禁食,問我洗唔洗吊水,我因為唔想種豆住,可以出去同老公傾計....點知等呀...等呀...等呀...等到十二點,一定要種豆,準備吊水既探病時間,又話到我啦...當我被推入產房,搞完一大論,核對資料,準備再推入手術室,突然聽到有電話打上來話hold住,有個病人大出血,胎盤脫落,同我講唔好意思,要再等...結果等完一個又一個,我都怕老公擔心,借左個電話話俾老公先...係產房最慘要一直駁機,wee wee都要係床.部機又成日叫,搞到姑娘成日稷睇我.我都好似訓左幾輪.到三點九終於到我啦.順帶一提,原來產房同手術室都有音樂聽.

入到手術室,好多人圍住我,貼好多野係我身上,叫我飲杯好苦既野,話係胃藥.之後攣弓蝦米,係背落針,之後噴d野係我身上測試感覺,之後大家停晒手,我就好心急問等咩,佢地就話醫生消毒緊,等醫生.期間聽到兒科醫生都到左.ok就開始啦.老實講,我被人劏左都唔知,唔洗半個鐘突然聽到bb喊聲,先知已經被人劏左,好快又第二個bb喊聲.姑娘抱bb我睇下就俾醫生檢查,之後俾我睇完再磅重,姑娘仲笑細佬輕過人又要做大佬.細佬2.4kg細妹2.75kg 細佬血糖低,所以俾人拮左3次,之後正常.又唔知做咩反而突然好想嘔,乾嘔左一陣後,嘔左一啖野後,又冇咩事.

之後我只係知佢聯左好耐,我又有麻醉孳關係,好舒服,好想訓,之後就聽到話要觀察四個鐘先推得出去,之後先知原來我流左1000cc血,算大量,所以要觀察.老公係出面就好心急,因為見排第三個個都推左出黎.佢就又禁鐘,姑娘好好人就俾佢換衫入黎見我,仲傾左陣.另外,又唔知做咩我一訓著左血氧量低,部機又嘈,又有姑娘叫醒我,叫我深呼吸...訓下又俾人叫醒十次後,我開始醒醒地,麻煩藥開始過,姑娘話飲包奶唔嘔就可以番去,我唔想老公係出面等咁耐,都盡快飲完包奶,都冇咩野.點知當推我番去時,就勁想嘔.仲有姑娘幫我按子宮時,真係痛到我求佢唔好按

係觀察期間隔離個位太太係咁話要開刀,我真係想同佢講順產舒服好多,叫佢加油,但我知陣痛個時只係想打人,咩都聽唔到.

十幾個鐘左右就拆尿喉,中間因為屈住冇尿出,好辛苦,仲話要郁下,但左側右側都痛,20個鐘頭左右,趁媽咪黎左,我就落床wee wee,因為有人同我講越快行番,會恢復得較好,頭兩日真係一落床都痛,但都忍到,但唔知點解第三日換左紗布,冇左support又好痛,基本上頭一個星期都要食止痛藥,第二個星期已經大多數時間ok.行得跑得.你問我,如果唔係special case,我一定簡順產.

一星期後番私家都拆線,一d都唔痛,傷口都埋得ok, 好似原子筆劃左一劃,現在係白色,比想像中短,由手指公到中指咁長到.