基督家庭今日: 0|主題: 9939

收藏本版

發帖

返回列表

跳至頁

查看: 961 | 回覆: 7

請教如何向幼兒談論死亡？ [複製鏈接]

Melosmelos

大宅

積分: 4838

1^#

發表於 13-8-3 12:48 |只看該作者 |倒序瀏覽 |打印

小兒2.5歲，感情和思想比較細膩。因近半年他知道人會死亡，常常會問「點解會死？」、「咩人會死？」、「可唔可以唔死？」、「小朋友可唔可以唔死？」等問題。有時可能對死亡一知半解，又恐懼死亡，不時哭得很厲害，話：「我唔想死呀媽咪！」。

其實有和他說一般是好老或病重至會死，小朋友仲有好耐好耐至會老，唔駛諗死既問題先啦。仲有死左既天使會帶死人上天堂和天父一起好開心之類。

請問作為基督徒，或有信仰的大家，應如何解開他的疑問和心結？謝謝賜教！

0 0 0

私人傳訊

我無食家明

禁止訪問

積分: 47

2^#

發表於 13-8-4 05:47 |只看該作者

回覆：請教如何向幼兒談論死亡？

提示: 作者被禁止或刪除內容自動屏蔽

私人傳訊

ManPL

子爵府

積分: 13670

wyeth冷知識勳章好媽媽勳章畀面勳章 BK Milk勳章

3^#

發表於 13-8-6 15:56 |只看該作者

我就用花同阿仔比喻, 大約內容係咁....( 我分開好多次講, 每次重覆又重覆當佢記得時就會加下一段.)

--> 如响街/圖片見到花, 就會話D 花花好靚問佢中唔中意, 實物就附加叫佢聞下, 再講D花花開到最大之後就會變小，即係＂謝＂左，　會結果實。（重點提示花係會謝的）.
重覆幾次後佢記得住就講, 原來果實入面有小種子, 小種子種返落地就會又多左一棵新植物, 新植物又生多好多朵花.

最後同佢強調, 花, 開到最靚之後就會謝, 謝左會結果, 結左果之後可種出更多花, 所以唔使為花謝左唔開心. 因為佢會再種出好多花.

--> 提返佢花花個段先..
人一樣, 人大了做了好多事之後沒力了就會死(好似瞓左覺咁),<提佢佢自己累都會瞓覺>, 但佢結既果响我地心入面, 我地就係佢既種子, 我地要做好D , 好似花咁開得靚D, 將來我地都會死, 又結左D 果子响其他人心入面, 死了即是完成了自己的工作, 可以回天父家了, 到時大家又可以見面了.

YOUTUBE 播<天父的花園>, 再配合自己動作"扮花".

我自己係咁教, 到我爺爺不在時阿仔(當時剛3歲)主動想沾仰遺容, 我都冇阻止佢只係抱住佢睇, 但我事先已同佢講左好多次, 太太(我爺) 會好似瞓左覺咁返天父度, 我地唔好咁大聲嘈住佢(其實怕佢嘈到其他人), 到而家我都會問佢, 記唔記得太太去左邊, 佢就會答:"天父度瞓覺, 即係死左, 好舒服."