夫婦情感

收藏本版
發帖
返回列表
跳至頁

首頁
1

尾頁
   0
b咕


複式洋房

積分: 337


1#
發表於 06-12-10 16:02 |只看該作者

我老公係咪好有問題？？

話說個仔出世後，對住佢同佢ｄ屋企人，我真係未開心過

好似今日，我個仔成１１點幾先飲奶，跟住要起碼兩點幾先食到粥，點知９９打嚟話有親戚到訪around兩點鐘左右, 叫我哋帶埋bb落去, 我巳經覺得好煩, 撞正個仔吃飯時間, 點去呢? 我見around兩點都無再俾電話嚟, 都唔知個親戚到未, 我無理咁多梗係同個仔吃飯啦, 到兩點九有個電話到係老公聽, 聽完佢無同我講anything, 我繼續同個仔食飯食到around 3點, 跟住個死佬就話帶個仔落62/99度, 咁咪同個仔換件衫落去law, 點知落到去62/99同個親戚都走咗, 我老公竟然發我脾氣怪我, 又話叫我早d同個仔食又唔早d食, 佢叫我同個仔食飯時個仔先飲完奶個幾鐘, 點食呀! 我無理由要個仔咁就佢啫.......佢有咩理由怪我先....佢成日都係咁....一滿足唔到佢屋企人就怪我....你話我老公係咪好有問題......點解人哋d老公唔係咁ka!
私人傳訊

414928


水晶宮

積分: 64734

馬年勳章 2026勳章 2025中秋節勳章 母親節2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 HiPP勳章(1) 2018父親節勳章 2018復活節勳章 15週年勳章 畀面勳章 好媽媽勳章 醒目開學勳章 BK Milk勳章 hashtag旅遊勳章 hashtag影視迷勳章 認識瑞士牛牛第一回 認識瑞士牛牛第二回 認識瑞士牛牛第四回 最關心BB問題熱投勳章 Xmas吸收勳章 美好大世界2017勳章 開心吸收勳章 食得好勳章 笑得好勳章


2#
發表於 06-12-10 17:09 |只看該作者

Re: 我老公係咪好有問題？？

其實你個問題好易解決,為何會把小問題放大呢,我並不是幫那一方,只是對事。奶奶一早已通知有親人來想比孫兒親友看一下,當時,你應話比奶奶知b仔要食飯,可能不能來了,睇下奶奶想點...當到左2.00你可以打電話比奶奶問下情況啊,如果要奶奶打來,你也會不開心,好似催促你,同時,係個親友面前要奶奶打來叫你,咁奶奶在親友面前好像沒臉,有關b仔食飯一事,其實可以用個暖壺帶飯去奶奶到喂b仔一樣可以的,要解決問題一定有方法,問題只是你願不願意解決,想生活和諧些,就要大家一起努力,令問題由小化無了。
私人傳訊

b咕


複式洋房

積分: 337


3#
發表於 06-12-10 17:58 |只看該作者

Re: 我老公係咪好有問題？？

414928 寫道:
其實你個問題好易解決,為何會把小問題放大呢,我並不是幫那一方,只是對事。奶奶一早已通知有親人來想比孫兒親友看一下,當時,你應話比奶奶知b仔要食飯,可能不能來了,睇下奶奶想點...當到左2.00你可以打電話比奶奶問下情況啊,如果要奶奶打來,你也會不開心,好似催促你,同時,係個親友面前要奶奶打來叫你,咁奶奶在親友面前好像沒臉,有關b仔食飯一事,其實可以用個暖壺帶飯去奶奶到喂b仔一樣可以的,要解決問題一定有方法,問題只是你願不願意解決,想生活和諧些,就要大家一起努力,令問題由小化無了。


問題係我老公都唔自己同９９講，話個仔要食飯，唔通吓吓由我講？仲有其實我哋係住３樓佢住地下村屋．．．我都同意你講其實係好小事，但係我覺得係老公同９９講得唔清唔楚，仲要怪我．．．．．．． 最討厭係當住佢屋企人面前話係我錯我先覺得佢有問題．．．．

之前都試過ｎ次係咁，好似我prepare同ｂｂ出街, 臨出門口99突然打嚟話同d親戚睇bb, 咁唔通我要專登唔出街就佢咩!
咁我同99講我哋要出街啦. 咁99就話算啦...諗住睇吓bbgi ma(查實99係每曰都會見到bb ka) 點知99無嘢, 老公嗰日就嬲咗我成日, 佢覺得佢亞媽一有要求就要做, 做唔到就發我脾氣, 最大問題係我成日覺得無咗自己個家, 所有嘢都依附住99/62, 有時我會有好大嘅無形壓力
私人傳訊

parker


別墅

積分: 551


4#
發表於 06-12-10 19:06 |只看該作者

Re: 我老公係咪好有問題？？

小朋友既作息係要定時. 不過偶然一次半次食早d/遲d都應該ok既. 62&99都係一心都係想親戚見下個孫幾可愛, 都可以諒解. 你唔鍾意佢地臨時通報, 可以叫佢下次至少早一日預約囉.

既然你知你老公係咁, 你99打黎你要遲或甚至唔去, 你可以即刻叫老公同佢講清楚, 你有言在先, 佢唔講冇得發脾氣. 甚至你講有咩唔得啫, 你係bb阿媽嘛!

私人傳訊

fungwongphie


珍珠宮

積分: 46800

趣教勳章 畀面勳章 貢獻勳章 大廚勳章 遊學勳章 冬日勳章 春季勳章 BK Milk勳章 hashtag影視迷勳章 月餅勳章 開心吸收勳章


5#
發表於 06-12-10 19:29 |只看該作者

Re: 我老公係咪好有問題？？

G/F and 3/F g mar. Why can't they come up to visit the baby instead ??
Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??
私人傳訊

seaheart88


瑪瑙宮

積分: 129451

大廚勳章


6#
發表於 06-12-10 19:32 |只看該作者

Re: 我老公係咪好有問題？？

其實呢件事中....
我都唔係覺得邊個岩邊個錯....
但從字裡行間感覺到.... 你同奶奶都有點攪對抗囉.... 點解要我就佢地呢? 點解要我講個老公唔出聲呢? 點解, 點解....

正如你話她只住你樓下.... 有親友黎看下bb , 雖然她話叫你 2點黎 , 但你可直接同她講 , 2點個時bb食緊飯 , 而拒絕 , 但你又無 , 當面講反而好 ,起碼唔會大家心裡有條刺覺得你玩野 , 你唔講人地點知你阿 b 食飯食2點呢??
而你又可話不如叫d親戚上黎看bb 喇 , 因bb 食緊飯唔方便落去 ... 相信呢句無論 99 or 親友都好易接受喇....

你99 再2點9打黎你老公聽.... 可能問點解仲唔落黎 , 你老公個心咪覺得你玩野囉 , 已預早通知你有人黎 , 唔得既講聲米唔駛大家等 , 可能仲誤會你專登揀2點先開始食添... 因個老公未必成日照顧bb , 唔清楚bb作息時間....

佢比 99鵝完... 又覺得你玩作對 , 緊係黑口黑面喇... 其實無話點解要就99 or 老公 , 但覺得一家人攤件事出黎講, 你兮bb 媽媽都係為bb 著想 , 老公會明白的 , 但你唔講... 2人就嘈黎嘈去 , 呢段婚姻係往返... 只會有3個字 ... "擺唔耐" ...
喇麼撻沙 啪卡挖多
阿喇克多 沈瑪 沈潑躂沙
喇麼撻沙 啪卡挖多
阿喇克多 沈瑪 沈潑躂沙
喇麼撻沙 啪卡挖多
阿喇克多 沈瑪 沈潑躂沙
私人傳訊

Elefant老婆


珍珠宮

積分: 37317

好媽媽勳章 醒目開學勳章 畀面勳章


7#
發表於 06-12-10 19:58 |只看該作者

Re: 我老公係咪好有問題？？

我覺得係你地溝通上面有問題。
私人傳訊

seaheart88


瑪瑙宮

積分: 129451

大廚勳章


8#
發表於 06-12-10 20:38 |只看該作者

Re: 我老公係咪好有問題？？

Elefant老婆 寫道:
我覺得係你地溝通上面有問題。


絕對係....
先唔好問邊個岩唔岩... 你老公態度係唔好 , 你99亦好麻煩(好多老人家都係咁喇... 成日想比d 孫親朋戚友睇..) 但你自己都要同家人溝通.... 有咩事唔想做 , 就開心講清楚...唔係都係家嘈屋閉...
喇麼撻沙 啪卡挖多
阿喇克多 沈瑪 沈潑躂沙
喇麼撻沙 啪卡挖多
阿喇克多 沈瑪 沈潑躂沙
喇麼撻沙 啪卡挖多
阿喇克多 沈瑪 沈潑躂沙
私人傳訊

Sandra_100


別墅

積分: 882


9#
發表於 06-12-10 23:25 |只看該作者

Re: 我老公係咪好有問題？？

其實係大家都唔順超, 要解決心理上
私人傳訊

jennyleung


子爵府

積分: 13193


10#
發表於 06-12-11 00:18 |只看該作者

Re: 我老公係咪好有問題？？

我自己湊就"忟"陣d, 剩係想人就bb, bb細時我都好定死d時間, 要做既野時間過左就好忟, 我明白你感受

其實佢地叫到出去, 就比佢地湊, 如果bb好扭時下次佢都識做~~
私人傳訊

b咕


複式洋房

積分: 337


11#
發表於 06-12-11 01:12 |只看該作者

Re: 我老公係咪好有問題？？

你哋唔明ka la, 呢d情況巳經n咁多次, 問題係我c6自己都溝通得唔清唔楚, 唔係我同99溝通, 係佢自己唔講清楚, 又唔講清楚個親戚係唔係２：００真係到，又唔同99講個仔要食飯, 又唔打俾佢亞媽問清楚，而我９９性格係一定會call我哋落去如果個親戚到咗, 佢無電話到我咪以為未到law, 到2:45佢打嚟, 個c6都無同我講咩, 係我自己諗梗係個親戚到咗, 我見個仔食剩半碗, 都唔食就同佢換衫落去, 點知原來一早到咗我哋一落去就走埋, 所以我係好嬲佢自己都唔安排好就話我發我脾氣, 仲有我有同佢哋講要睇bb隨時可以上嚟睇, 我仲大方到俾埋鎖匙佢, 我同佢講因為有時bb作息飲食時間有時唔係我哋大人可以決定到, 有時佢想見時bb又休息唔可以帶到落去, 上嚟起碼都可以見到佢訓咗, 不過佢哋唔明, 成日都覺得個孫係要帶落去先係合理, 佢哋上嚟係唔合理........我成日覺得咁樣係苦了個bb,因為好多時bb要訓又俾佢哋揍咗去, 要食飯又捉住佢玩, 夠鐘又唔知, 工人又唔夠擔帶番bb番佢企食飯, 驚62/99唔like, 唔好講工人, 我自己都唔夠擔, 一話要帶個仔番屋企食飯, 就以為你同佢搶bb咁, 見個仔俾佢哋搞到發脾氣, 佢哋都仲唔明bb係眼訓同肚餓, 仲成日話bb好發脾氣唔知咩事, 對住佢哋我巳經唔識溝通.................
私人傳訊

b咕


複式洋房

積分: 337


12#
發表於 06-12-11 01:20 |只看該作者

Re: 我老公係咪好有問題？？

jennyleung 寫道:
我自己湊就"忟"陣d, 剩係想人就bb, bb細時我都好定死d時間, 要做既野時間過左就好忟, 我明白你感受

其實佢地叫到出去, 就比佢地湊, 如果bb好扭時下次佢都識做~~


個point係我可以2:00帶個仔落去, 但係落得去唔知幾點可以番到上嚟食飯呢, 咁個仔咪好慘, 仲有落得去, 佢哋就唔prefer係你安排幾時走ka la, 你哋要明白, i can't say anything in front of them ar!!!! i am no positiion in my c6 family ar!!!!之前同c6講叫佢1:00幾帶個仔落去玩, 2:00上番嚟食飯, 心諗應酬咗99, 今日咪唔使煩可以有d自己時間, 點知c6話唔落, 話2:00有客到 .......
私人傳訊

阿女老豆


複式洋房

積分: 258


13#
發表於 06-12-11 01:35 |只看該作者

Re: 我老公係咪好有問題？？

我覺得你現在不可心平氣和. 當你下了啖氣時試下站係對方的立場想. 送你一句, 好高深的. 家不是講道理的地方, 家裡沒有對與錯. (希望你不要覺得這是廢話)
私人傳訊

sharonhwyc


珍珠宮

積分: 35985

好媽媽勳章 畀面勳章


14#
發表於 06-12-11 02:00 |只看該作者

Re: 我老公係咪好有問題？？

聽你咁講,2:00你99打比你o個時你老公都o係度喎,
點解你唔同佢講99家2:00有客到,不過bb要食飯,
叫佢落去先呀?咁你99為人係點架?
唔好怪我咁講,你老公都幾乞人憎個喎,
咁多次都係咁,點解你唔話佢?
郁D就起晒鋼, o係論壇好難生存架, 學下大方d接受人地建議, 唔好咁小家!
私人傳訊

樂樂豬媽媽


別墅

積分: 716


15#
發表於 06-12-11 11:38 |只看該作者

Re: 我老公係咪好有問題？？

其實我覺得大家都無咩問題...有問題係大家位場唔同..

你作為BB媽媽: 當然緊張同清楚知道BB的飲食時間.
但你99都有一早同你講約2:00PM有客人到..
A)咁你一係同99講明BB那時差不多要食反話比她知一聲有個"如"算,如你到時未落去,你99都可以同人講你餵緊BB食反...比你99起的客人面前好一點落台..咁到時你未落到客人已走,你老公同你99都唔會話你...
B)我自己覺得你應2:00落99度一齊等客人埋, BB要食反咪帶落去食,問題唔大,99那裡都係可以食,BB唔係一定要係自己屋企先食到反嫁嗎? 咁比99覺得你尊重佢同的客人...
C)99平時好,她有禮貌再通知你一聲人客到了,你要落埋..從這角度看你99都好尊重你同體諒你湊BB可能會唔知時間..她係我立場覺得你99已經好好了,我0個個通知一聲都無就要立刻做,你係我咪仲死...有時你都要尊重一下你99,話0麗佢都係99,佢都要係客人面前都要點面子,無埋由下下要99三吹四請你先落..

所以問題係好小同你個價值觀問題...

而我唔覺你老公有咩大問題,其實你都知啦,明知99打埋都係吹你落,你自己都知,你仲要你老公提嗎?..你老公立場都知你知,但你仲係度慢慢餵個仔食反,都唔知你想點,好似想唔落咁...佢咪唔出聲囉,唔通你右係想老公,99下下都提你先做,咁我覺有問題係你多點..其他媽咪同我都係用第三者角度提出意見只是你不接受,我地當然唔知你男家的人平時點,但我地從你這件事而提出一的意見比你好過的或下次可以點做會大家都好的...
我地都知要同一個不是自己住開的家人住,始終有的問題..因為自己家人一定清楚自己人,男家的人唔係你家人始終欠一點...慢慢啦...有時做人媳婦都要色用點比點面子佢地...係咁嫁啦...
:-? :-? http://www.babyhome.com.tw/bb/176899 :-P :-P 家樂仔成長日記
私人傳訊

咕b


伯爵府

積分: 16040

好媽媽勳章 畀面勳章


16#
發表於 06-12-11 11:52 |只看該作者

Re: 我老公係咪好有問題？？

嘻嘻~~~你個名同我個名咁似既
其實你最主要都係因為你老公係佢屋企人面前話你唔岩,你覺得佢唔留返個面比你,呢方面你應該同你老公傾下,比佢知你既感受,另外,雖然話bb日常活動同飲食都最好定時,冇咩特別需要就唔好調時間,但係有時一次半次冇咩緊要,唔駛太緊張,至於同99方面,我覺得有時唔係下下都要人地出聲,叫你點就點,你知道時間撞左 / 接近,你可以即時出聲,同99講聲果個時間bb咁岩要食飯仔,可能要遲少少,你叫佢同親戚等多一陣,bb食完就落樓,咁大家就清楚哂,唔會到時一個就係度等,一個就唔知去唔去好,到時你老公夾中間又係唔好
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy