論盡家傭今日: 0|主題: 134092

收藏本版

發帖

返回列表

跳至頁

查看: 1126 | 回覆: 5

外傭摸蜆搵外快　月賺2,000元。僱主大多懵然不知 [複製鏈接]

PonyMom

子爵府

積分: 13675

1^#

發表於 13-8-29 11:30 |只看該作者 |倒序瀏覽 |打印

外傭摸蜆搵外快　月賺2,000元

27,014

適中字型
較大字型

■兩名印傭上周到三門仔碼頭附近泥灘摸蜆。

【記者龔蕙芝報道】有外傭靠摸蜆搵外快。在大埔汀角路及三門仔路一帶泥灘，湧現一班外傭兵團，有人隱瞞僱主，在日間丟下需照顧的長者，湧到各泥灘摸蜆轉售，當造時每月摸幾日便賺2,000多元，違反逗留條件。有僱主經鄰居通風報信才知悉，即向女傭下摸蜆禁令。
有大埔漁民透露，過去每年4月開始的摸蜆旺季，都有本地人藉摸蜆賺外快，高𥧌期一日可有近50至60斤收穫，本來常客多是師奶婆仔，將蜆獲以10蚊一斤賣給漁民，再轉售到街市或酒樓；但今年竟湧現一班外傭兵團，料是瞞着僱主摸蜆的，「一摸就半日，邊有僱主會畀？」
汀角路、三門仔路一帶，至少有五個泥灘，包括之前有人因摸蜆遇險的布心排。該漁民相信外傭來自三門仔村、暉曜花園、比華利山別墅、雅景花園及部份村屋等住宅，又指外傭兵團比本地人更勤力，「天氣唔好會少人去，但班外傭就唔怕，有啲仲話專登行半個鐘去另一個泥灘掘」。

日摸最少30斤《蘋果》記者上周到三門仔碼頭附近的泥灘，由於天氣不穩，加上8月已屬摸蜆季尾，所以摸蜆的人不多。一名住在汀角路村屋的居民表示，現時的蜆細而無肉，專業摸蜆客已收爐，「𠵱家落場摸嘅通常都係自己食，要賣就冇之前咁好賺，外傭已經冇之前咁多」。
不過，記者仍見到兩名外傭在埋頭掘蜆，其中一名印傭Anna說：「之前又大隻又多，一日最少摸到30幾斤，𠵱家有10斤已經唔錯。」她承認，每月都會摸蜆賺外快，雖然現在收穫減少，但「好過喺屋企睇電視啦！」
Anna短短兩個多小時就摸滿一籮，還向記者教路：「沙白（其中一種蜆）先有人要，泥蜆唔好要。」她笑指，早兩個月旺季時，沙白多到好似執金，要與其他摸蜆客鬥快執，不似近日要慢慢搵。
另一名摸蜆印傭Sally稱，這天潮水退得晚，才來這個灘，「雅景花園後面多啲蜆，不過就要行好遠（約半小時），未必趕得切返屋企煮飯」。
至下午5時許開始潮漲，有一艘快艇駛近，艇家大叫示意收蜆，外傭步向快艇交蜆，艇家即場磅秤及以現金交收。據講，艇家是附近魚排戶，「佢哋（艇家）會輪住去每個灘收蜆，所以一定賣到」。

違反僱傭合約居於三門仔的陳小姐表示，村內不少外傭是請來照顧家中獨居長者的，很多僱主不知道其外傭走去摸蜆；曾有僱主經鄰居告知，即訓示外傭，「請佢（外傭）睇住屋企長者，佢走去摸蜆，一陣老人家跌親冇人理就大件事」。另一村民鄧婆婆表示，曾見過有外傭掘的蜆載滿一架買餸車，估計有近40斤，推算半日賺到400元。
律師梁永鏗指，外傭摸蜆賺錢已違反僱傭合約，「如果摸蜆冇賺錢，純粹當娛樂就冇問題」；如果僱主鼓勵外傭賺外快，或從中獲益，亦同屬犯法。

僱主大多懵然不知

11,779

適中字型
較大字型

■印傭隨後以10元一斤價錢賣給艇家。

【特稿】
三門仔村有住戶指，村內不少住戶聘請外傭照顧長者，外傭去了摸蜆，家中長者可能知情，但直接聘請外傭的年輕僱主多懵然不知，「有啲（僱主）唔喺度住，有啲出去返工，點會知外傭中午做咩吖」。
記者見到的摸蜆印傭Anna則強調僱主知情，更指賺錢後會買零食，甚至燕窩給家中長者，只要每日準時回家煮飯，僱主不反對她們摸蜆賺外快；她的工作，主要是照顧一名婆婆起居飲食。
「婆婆行得走得，自己喺屋企都冇問題啦！」Anna認為外出摸蜆無傷大雅，有時每月可賺2,000多元，差不多是月薪一半，「想快啲儲多啲錢，返印尼起屋」。她更指附近比華利山別墅的僱主較嚴謹，應該難賺外快。
《蘋果》記者

http://hk.apple.nextmedia.com/news/art/20130829/18399664