首先我12月頭已經去問定佢地我想book1月生日會可以未,跟住個麥記姐姐同我講因為1月佢地會轉新主題價錢未定咪叫我留電話俾佢再通知我囉!後來我等到月中仲未見佢地打俾我,我又驚book唔到小朋友會唔開心咪又再去問個姐姐囉!今次佢又話價錢都仲未定,咁我再double check問佢有無我資料,佢話有,跟住我又問但係會唔會有人book左我個時間架?佢話一定唔會,之後我咪好放心囉!後來12月18號好開心終於等到佢地電話啦!但係竟然個姐姐同我講有人同我撞左時間問我可唔可以改時間,我心諗又話唔會撞 
咁我咪話唔得囉!跟住佢話:咁等我問下個客可唔可以改先?後來佢再打黎話個時間無問題可以book返俾我,第二日我梗係拿拿林去落捉啦!後來到左今日佢地又打黎又話撞左場又問我可唔可以改,今次我真係好嬲呀!我梗係堅持唔改啦!因為已經通知晒d朋友,我好小鬧人,但係都要我開口,跟住又搵個經理黎講一堆廢話,我連個經理都鬧埋呀!但係佢又話點點點,真係好唔好意思,到最後佢問我可唔可以幫我搵間就近既,唉~我見應承左囝囝唔想佢唔開心咪話好囉!如果唔係一定死都唔轉第二間呀!因為果間比較遠,俾著係你地嬲唔嬲先?同埋會點做呀? 
發表於 
返回列表
