少年成長 今日: 0 | 主題: 16099

積分: 65961

1^#

發表於 06-12-29 22:08 |只看該作者

我bb係咪好惡?

近排bb越來越惡咁,好像係商場行街,佢一落地一定唔肯比我地拖住行,一定要自己行,怕佢撞到人或跌親,用手拿住佢件外套頂帽,佢知道後好惡咁大叫,發脾氣,好像話我好拿住佢頂帽,佢想拿野來睇,我阻止,話唔可以,佢即大叫"呀!"個樣好惡,旁人見到都望住話"嘩咁惡架"...
你地bb會嗎?定係我bb天生就咁惡c?? 而家仲開始一唔滿意就打人添>.<"點算?

私人傳訊

ying媽

大宅

積分: 1202

2^#

發表於 06-12-29 22:14 |只看該作者

Re: 我bb係咪好惡?

bb幾大呀,不過我仔仔23個月大同你bb都差唔多喇,我都想知點教呀

私人傳訊

積分: 65961

3^#

發表於 06-12-29 22:28 |只看該作者

Re: 我bb係咪好惡?

我bb只有15個月大,己經咁惡,大d的時候點算?
好想知道我點教好?問題發生的時候我應點去處理?
如行街比佢自己行,我係佢身邊睇住佢?or一定要佢拖住我先比佢行?唔比佢拿d野,除左同佢解釋,還可以點做??佢發惡時我點應對?佢打人時我打佢手仔嗎?(試過打佢手佢有樣學樣自己打自己隻手,或即刻打佢身邊的人隻手~"~)或打佢嘴仔??
有無媽咪教教我??
thx

私人傳訊

積分: 33215

4^#

發表於 06-12-29 23:01 |只看該作者

Re: 我bb係咪好惡?

今晚部機好慢，明天才答你啦，先睇住「小朋友大脾氣,可以點教」呢個 topic 先！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 65961

5^#

發表於 06-12-29 23:56 |只看該作者

Re: 我bb係咪好惡?

SandraLo
thx!你好好人..
另外我仲有一個問題,我仔仔15個月大,每次郁d發脾氣大喊時,我會行埋一邊,唔彩佢咁樣做法好唔好?(我會同佢講:媽咪而家唔開心,因為你發脾氣,而家等你冷靜d媽咪先抱抱..)跟住佢會喊住追住我係都要我抱佢!又聽過有人教我將佢"隔離"即放落bb床等佢冷靜一兩分鐘,但咁細個可以嗎?而我自己只是行埋一邊由佢係我身邊扭計喊........
唉..我都唔識點教啊..做左人阿媽先知教仔要咁多學問~"~!!!有排煩...
唔好意思,我太多問題

私人傳訊

積分: 33215

6^#

發表於 06-12-30 23:08 |只看該作者

Re: 我bb係咪好惡?

emilylam：

而家啲小朋友的確「難教」咗好多，我估係因為多數只生一個小朋友，他們少少的喜怒哀樂，已完全可以牽動父母的情緒，完全冇「競爭」對手！

在你列出的問題中，最容易處理的是打人，因為只須依照之前講的：在他不打人時讚他，讓他知道「不打人」是好的行為，會受到讚賞的便行了！假如有一次他忍不住出了手，你可以捉住他的手，直接告訴他「不可打人」便可，不要打他，因為這樣你是在「示範」一個打人的行為，他會一併學埋！

如果bb大喊，首先要排除他是身體有唔舒服，因他始終未

私人傳訊

C-PA

別墅

積分: 955

7^#

發表於 06-12-30 23:10 |只看該作者

Re: 我bb係咪好惡?

your son may want to try walking by himself. Perhaps, you can bring him to the park and let him walk/run there but tell him that in the shopping mall/crossing the street, etc, he must hold your hand.

知足知不足, 有為有不為

私人傳訊

sa2501

禁止訪問

積分: 2729

8^#

發表於 06-12-31 02:06 |只看該作者

Re: 我bb係咪好惡?

提示: 作者被禁止或刪除內容自動屏蔽

私人傳訊

積分: 65961

9^#

發表於 06-12-31 15:41 |只看該作者

Re: 我bb係咪好惡?

SandraLo ,C-PA,sa2501
多謝你地意見,我會嘗試你地的方法!
昨天我bb又打我塊面,唔知係玩定故意..我捉住佢隻手同佢講唔可打人,打人會痛,跟住又笑笑下,又打多下我塊面~"~請問係咪要講好多好多次佢先明呢?如果問題仍在,需要有合理的罸佢嗎?佢除左打人,還學埋掂鞋(自從佢姨婆"示範"左一次後佢而家每次一同佢著鞋就掂鞋唔肯乖乖比我著>.<)

如果佢哭扭計,我抱住佢唔做反應,佢會唔會以為我"無嬲佢"呢?佢收聲要勁讚佢外,需要同佢講返佢頭先的行為嗎?

通常佢行街,鐘意自由自在,唔鐘意比人管,佢得唔到佢想要的野就大叫發惡.跟住就喊~

私人傳訊

積分: 33215

10^#

發表於 07-1-1 13:48 |只看該作者

Re: 我bb係咪好惡?

emilylam：

趕住出去lunch 答住啲先：

如果佢哭扭計,我抱住佢唔做反應,佢會唔會以為我"無嬲佢"呢?

你對佢哭/扭計唔做反應，係表示佢咁係冇用，對你冇影響，影響得到你就係佢扭嘅原因，你亦唔須要嬲，你表現嬲係想佢驚你嬲，但佢係唔會因為咁而唔喊，你嬲，佢都算係攞到你attention，同時，佢會學識埋好似你咁嬲人，呢個亦都係唔好打小朋友嘅原因，佢會學你打人！

佢收聲要勁讚佢外,需要同佢講返佢頭先的行為嗎?

唔係「收聲時要勁讚佢」，timing 好重要，係响佢冇事冇幹，完全開開心心，同發脾氣拉不上關係時讚，話：「嘩！bb今日好乖喎！冇喊冇打人喎！」一日數次，咁做佢先至知道什麼是好的行為；你响佢啱啱發完時讚，佢唔係最舒服最開心嘅時候，乜嘢係好行為嘅信息唔夠清楚、强烈，encourage唔倒佢持續呢個好嘅行為。
至於話要講番佢唔啱嘅嘢，現階段反為次要，我建議借用一些圖書，或者係第二啲小朋友做錯事嘅 case，大少少至直接同佢講。

私人傳訊

積分: 33215

11^#

發表於 07-1-1 23:11 |只看該作者

Re: 我bb係咪好惡?

emilylam：

矯正「打人」做法一樣，响佢冇打你時讚佢：嘩！bb今日好乖喎！冇打人！」而佢打人時 stop 佢就ok，除非佢真係出力打到其他小朋友，否則唔好諗罸住先！

再講一次：此舉是要用讚嚟話俾佢知乜嘢係好嘅行為，用讚代替「話」或者「罸」佢一個不當嘅行為，因為「話」得聽就冇問題啦！十成都係話唔聽！

好啦！到去街唔拖住；首先，去街前要講一講要拖住至有得去，到時唔肯拖發惡或者發脾氣做法一樣，唔理佢喊又好，惡又好，扭又好，總之拖住唔放，如果處理唔倒，即係掙扎到你拖唔到，就同佢講：唔拖住就返屋企冇得去街，清楚咁俾呢個信息，然後即搭的士走，期間唔可以有情緒反應，即唔好嬲，唔好鬧，唔好哦，唔好話嗱，衰唔衰，冇得去街啦，亦千祈唔好講咗唔算數，返咗屋企，就平平靜靜照平時一樣！
這是要簡簡單單俾出一個唔拖住就冇得去街嘅信息！如果有次真係有拖，可能只係得幾秒時間(你當時唔會知有幾多秒)，當然係即讚即獎，俾佢知嗰種感覺幾好！

私人傳訊

LILY媽咪

積分: 41995

12^#

發表於 07-1-2 18:25 |只看該作者

Re: 我bb係咪好惡?

[quote]
SandraLo 寫道:
emilylam：

趕住出去lunch 答住

私人傳訊

積分: 65961

13^#

發表於 07-1-3 10:30 |只看該作者

Re: 我bb係咪好惡?

SandraLo

多謝你咁詳細的分享! :-P
係呢度學左唔少野!thx

私人傳訊

積分: 33215

14^#

發表於 07-1-3 14:51 |只看該作者

Re: 我bb係咪好惡?

LILY媽咪：

想問吓你囡囡通常因乜嘢事扭計呢？

私人傳訊

webjen

積分: 46091

15^#

發表於 07-1-3 17:21 |只看該作者

Re: 我bb係咪好惡?

唔肯拖住行:
可以比 d 圖書教小朋友,好似 nemo 咁,同囡囡睇完佢係街唔比拖,我就話你唔拖就好似 nemo 搵唔到 baba,當然唔係次次 work,不過都會好 d !佢肯拖就大讚特讚

其實好多道理都可以係童書到學到,睇書對小朋友管教都有幫助!

SandraLo,
大家又係你身上學到好多野

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊

LILY媽咪

積分: 41995

16^#

發表於 07-1-4 13:45 |只看該作者

Re: 我bb係咪好惡?

SandraLo, 阿女成日都好無里頭扭計

如話急去廁所啦, 入到去話唔去 (已經成個人扭來扭去, 好難扶住她), 好啦同她著返褲佢又話好急要wewe, 已經好大聲喊緊

, 重複又重複這個動作, 之後才去到, 去完又無野喎平靜番

, 同她講唔可以咁, 佢實點頭話知, 下次咪一樣. ?-( 有時飲奶都係咁, 肚餓飲奶, 沖好比她, 她又係咁要或唔要, 唔飲啦, 佢又喊住話要, 仲要卒腳, 整到損晒,

有時又知錯講番出來(1.唔準訓地下. 2. 唔準喊 3. 唔準卒腳), 但一發脾氣講嘜都聽唔入耳, 對住佢EQ都變得好低.

私人傳訊

swallowng

大宅

積分: 1043

17^#

發表於 07-1-4 16:34 |只看該作者

Re: 我bb係咪好惡?

SandraLo,
我個•女都２歲半了、又系愛哭並出手打人，我捉實隻手，佢就哭得更勁、我忍唔到都会打番佢、我都唔想打佢，只系佢講極都唔改！哎！好惡教！
請指點下有咩方法教女呀！

:fighting1: :sick: :wave: :hammer: :-) :-) :-?

私人傳訊

積分: 33215

18^#

發表於 07-1-4 18:56 |只看該作者

Re: 我bb係咪好惡?

LILY媽咪：

有啲小朋友係 attention seeking，有啲就有機會情緒真係唔太好，但無論係邊樣，方法都係一樣：冇做唔好行為時就讚，取代鬧或者「話」佢一個唔啱/唔好嘅行為；佢發脾氣時唔好理佢，唔好做反應，你個 case 就可以附加俾一個後果 (consequence)，例如話去廁所結果唔去，咁就同佢講唔we就出番去，1小時內唔會再去，喊又好瀨又好都一樣，但小朋友好少揾呢樣嚟 seek attention，因為去街佢地通常都鍾意，好少咁泿費自己嘅去街時間，你要留意吓佢會唔會wewe時有唔舒服先至咁！
飲奶一樣，到食嘅時候而佢又話要的，同佢講開咗就要飲，唔飲就要等下餐，期間重要冇其他任何嘢食，主要係要俾佢知講咗就係，喊係唔會改變任何嘢同影響到你情緒，總之佢發脾氣時你唔好反應 (記得都唔好嬲佢)，做得足幾次之後會好啲！

私人傳訊

積分: 33215

19^#

發表於 07-1-4 21:45 |只看該作者

Re: 我bb係咪好惡?

swallowng ：

你可以由頭睇番呢個topic， [size=large]照做即可，記住「講」對咁細個係冇用，道理等開開心心講故事嗰陣至講，發緊脾氣時係講乜都冇用，所以乜都唔駛講！

小朋友模仿力特强，你打佢，佢咪學你打人！佢痛同受委屈，當然重喊得勁，就算佢真係怕痛而唔再打你，你可以打到幾大？往後重有好多嘢教唔聽又打？打打吓，佢慣咗之外，重學埋以暴力解問題，千祈唔好以為 work 就係正確方法，靠打靠嚇都唔得，之前俾皮筴焗死嘅細路就係阿媽試過得(乖咗半年)，再做就衰咗！

私人傳訊

LILY媽咪