自由講場今日: 1542|主題: 1347360

收藏本版

發帖

返回列表

跳至頁

查看: 3166 | 回覆: 133

第一次學琴既遭遇，請比意見。（update#120，125）

[複製鏈接]

12 3 4 5...7

玫瑰花茶

侯爵府

積分: 20580

1^#

發表於 13-9-26 21:58 |只看該作者 |倒序瀏覽 |打印

本帖最後由玫瑰花茶於 13-9-28 00:31 編輯

我囡而家4歲半，今日第一次帶佢去琴行學琴，一開始老師就要我囡抄琴譜及畫音符（即係五線譜上圈返CDE既位置，再寫返CDE出黎），我係琴室門外不停聽到老師好大聲話我囡，話佢唔識畫，仲話已經比佢照住抄，點解都畫錯，點解咁都唔識畫....其間又不斷催促我囡叫佢畫快d，語氣勁唔耐煩勁惡，中途老師仲特登走出黎同我講，話我囡好唔掂，話佢學得好慢，語氣勁差，好似好不滿咁，我就問返個老師我可以點做？老師冇答我，只係問我囡幾多歲就返入琴室，成堂就聽到佢不繼話我囡，仲話佢學左差唔多半個鐘啦，乜都學唔識，又不停問我囡點解畫得咁慢，又話我囡踢到佢隻腳呀咁，我係門口真係勁無奈，到上完堂，老師同我講，話我囡好差，差過好多人，仲問我屋企有冇人可以教佢，呢刻我真係火都黎，我之前帶我囡上過咁多興趣班，從未遇過一位老師態度係咁惡劣，咁冇禮貌，我就同個老師講，我全屋都冇人識音樂，就係咁我先比我囡黎呢度學，老師就話：咁咪再睇下點先囉，就走左去。返到屋企，我囡同我講，覺得老師好惡，成日大聲鬧佢，佢唔想再去學，我囡都係第一次學一樣野，上完一次堂話唔想再去，其實我自己未學過琴，唔知道係咪大部份琴行既老師都係咁，定係我呢個特別差？想聽聽大家既意見，thanks.

補充：其實果位老師一黎到琴室門口，就指住我問：你係咪呀邊個邊個黎學琴？我就同佢講我係xxx既家長，今日約左學琴，跟住接待處既職員先過黎，問個老師係咪要我地買琴書，佢對接待處職員既態度又好正常，有問有答，當時我心諗，可能老師一時記唔起我囡個名先會用呀邊個黎代替，我勢估唔到個老師會咁差，仲有，我地報名既時候，琴行職員係即時打電話比呢位老師，詳細講左我囡背景比佢知，佢話ok我地先比錢，如果佢咁唔想教初學，好心就唔好應承，浪費大家時間。
好多謝咁多位jm既意見，我明天會向琴行反映及要求轉老師，因為琴行冇試堂，我要一次過比4堂錢，如果唔可以轉，我寧願放棄之後果3堂，我唔想因為呢位老師而令我囡驚左學琴。另外，想請教各位jm,其實小朋友去琴行學琴，家長可以旁聽嗎？又或者上完堂後，老師會唔會同家長講下今堂大概學過d乜？

27/9: 請看#120，我決定唔會再比我囡再去呢間琴行，就算佢肯轉老師，我都已經對間琴行失去信心，但我一定會照投訴。