頭先嚇死我, 忽然聞到好大陣燶味!!
我以為係我自己個廚房著火, 睇下又唔係!
一開大門, 嘩, 濃煙密佈, 仲擁晒入黎我間屋!!
我即刻換衫落去搵看更黎睇睇咩事啦!!
(因為屋企得我一個女人仔, 我驚呀!! 要搵人陪)
原來係我隔隔離果個單位裝修, 點知燒著左d紙皮!!!
好彩已經撲熄左!
其實我唔知道其他單位裝修係點, 但係呢個單位已經裝修左好耐, 而且成日將d野放晒係公眾走廊, 又係我門口度唔知整乜, 類似用電鋸鋸野聲!
又成日打開住度門黎整野, 搞到個個單位d大門同鐵閘po滿晒塵, 地下又po滿塵, 從來都唔掃或整乾淨, 只係開住度防火門由佢吹走(因為我地大廈既公眾走廊係冇窗對街既), 其實都幾危險, 佢咁樣攝住防火門, 防火門既用意已經冇左!!
試過有一次佢想係樓下lift大堂度鋸大木板, 好彩看更點都唔比, 叫佢一係係返自己屋入面, 一係出去大門口外面!! 如果唔係, 佢用電鋸, 又係正出出入入既地方, 有d細路行過唔睇路, 整親點算?? 大佬, 電鋸黎架!!!!
好似頭先咁燒著左野, 我都有開埋鐵閘2次, 出去睇下咩事, 但佢地好似當見我唔到咁, 望住我當我透明, 冇同我解釋發生咩事!!
我知我好似小題大造左小小, 但係屋企得我一個, 有咩事咁點算? 而家好彩就話佢撲熄左d火姐, 下次撲唔熄, 佢究竟會唔會通知大家火燭都係未知之數!!!
有時, 真係唔明, 香港人係咪真係已經去到咁冇公德心既情況? 定係佢覺得呢度只係佢工作既地方, 其他人既安危佢唔使理???
ps, 唔記得左講, 其實佢裝修緊果個單位外面有一個至少一千呎既平台, 好多野其實可以係果度整, 唔須要用埋公眾走廊同樓下lift lobby!!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
