夫婦情感 今日: 1 | 主題: 42709

積分: 659

1^#

發表於 07-1-26 10:34 |只看該作者

有個100%孝順老公... 點算好

我老公是100%孝順仔. 他家人有什麼要求他都會一一做到. 連我這個外性人也要跟他一樣為他家人做足100分. 有時我都覺自己太小氣和斤斤計較. 因為孝順父母是應份的.

但至從有了bb後我真的忍無可忍. 有次明明話同我去郊遊講到明吾BBQ, 點知他叫成家人去重要BBQ. 他大佬重要我們去霸位先. 我成5個月一起身早餐都未食便便都未去. 就比老公不停趕我出門口. 早餐要外買. 我坐車中途己肚痛到, 了目的地, 以為他找TOILET給我. 點知他叫我坐下自己跑了去找燒烤爐. 最後因我太肚痛忍吾住自己去找toilet, 點知比猴子搶走了我所有早餐(連水都無得飲). 最好笑是他家人遲了足足成1個半鐘頭才到. 那次我激到哭了出來(我好小在老公面前哭的). 大家冷戰了足足一星期.

作晚重吾開心, 我都成9個月成日在家悶到嘔. 作為老公假期伴下我都不是太大要求吧. 雖然在家沒有什麼事做又無街去, 但萬一bb要出世都有他在身邊吧. 他今個星期六己經吾得閒伴我, 星期日上午又要幫朋友, 星期日下午他大佬在馬灣為個女攪個生日PARTY, 其實都不是什麼特別活動吧. 我己表明大倦無可能去到那麼遠. 心想老公都吾會去呢, 點知他一定要去重好生氣話最多晚上才伴我. 我當然面黑黑呢. 重要比怹話我自私話如果是我自己的姪生一定去...(大佬我現在這情況就算行都吾得呢).

其實我個個星期日伴他回家食飯, 每個節日都安排正日回去父家. 他什麼家庭活動我都成個跟得夫人伴在他身邊. 連他的朋友活動我都一一出席. 他重話我面無笑容跟他家人一點交流都無, 我覺得自己好似PR.

各位是不是我有問題呢, 定還是我老公有問題? 我很愛他但我怕這樣下去我真的忍不了. 他愛的是跟他甘苦如共為他和他家人做足100分的太太, 我真的做吾到. 是不是早點跟他離婚才是為一的方法呢 ?

私人傳訊

bktcc

超級版主

積分: 83998

超級版主

2^#

發表於 07-1-26 11:03 |只看該作者

Re: 有個100%孝順老公... 點算好

依你所言,應該係你老公有問題,孝順係好,但有一樣野叫"愚孝",你老公本質不差,可能缺乏溝通,你試下將這個post比佢睇下,睇佢有乜反應

為乜要講到離婚咁大件事,係咪背後重有d事發生左,希望只係因你大肚,想得多了

私人傳訊

yst424

積分: 1420

3^#

發表於 07-1-26 11:24 |只看該作者

Re: 有個100%孝順老公... 點算好

呢d(愚)孝子,大把啦,

同佢講囉,將你唔開心既野講晒佢知,你唔同佢講,佢以為會接受,再唔係,以為你喊完嬲完就無野,一於同佢講清楚啦

私人傳訊

carmankm

積分: 311

4^#

發表於 07-1-26 11:25 |只看該作者

Re: 有個100%孝順老公... 點算好

又唔駛離婚呀, 其實好多老公都係咁, 差別只是多與少, 咪開心見誠同佢傾, 有好多時男人都好大意, 疏忽咗女人感受

私人傳訊

Fionbrian

積分: 659

5^#

發表於 07-1-26 12:08 |只看該作者

Re: 有個100%孝順老公... 點算好

我有試過心平氣和同他傾, 不過最後結論都是話我小氣和斤斤計較. 講完有小小改善, 不過不到一會兒又回復原狀.
有時他為了我的要求吾番家食飯, 他就成晚都好似好吾開心.

你們說得對他是愚孝, 成家人都是愚孝. 我有點後悔無看清楚他的家人生活同我match吾match就同他結婚. 我同他家的culture完全吾同, 點有可能跟他一樣愛他的家人呢.
可能有了bb, 想野會多點但我遷就得很辛苦.

私人傳訊

carmankm

積分: 311

6^#

發表於 07-1-26 12:27 |只看該作者

Re: 有個100%孝順老公... 點算好

咁你真係要同佢講清楚話依家真係唔方便成日要走來走去, 都隨時生得又驚, 希望盡量叫他留屋企陪你, 我唸佢應該明白, 到生了bb,更加冇時間去應酬佢屋企人啦, 除非佢地上門啫(就冇得避), 但你要佢去明白生bb係好幸苦, 更加要錫你同bb

私人傳訊

bubble_bb

積分: 2411

7^#

發表於 07-1-26 12:33 |只看該作者

Re: 有個100%孝順老公... 點算好

好多老公都係咁, 我個老公都係咁, 結婚兩個月簡直想死, 仲周圍搵屋想搬出去tim(係我自己搬喎),最後當然無la, 不過唔代表佢有改善喎, 初期兩公婆都仲ok, 有d咩咪就吓忍吓囉!

到有咗bb, 生埋, 惡夢先正式開始, 我係同佢屋企人住, 情況仲惡劣, 巳經日日都見, 仲要weekend都要有同佢一家嘅family day, 仲要成日用個秤去秤我個b有幾多時間去咗外家, 有幾多時間陪父家, 老實講, 連一個week返去外家一次都覺得個b返得去多, 佢父母又成日有自己節目, 但又成日complant見得個孫小, 成日都為呢d嘢嘈!!!! 個b同外家d人friend又唔高興, 又覺得對佢老豆老媽子唔住咁, 其實我都唔明d男人點解係咁, 到依家個仔17個月la, 我都仲有呢個問題, 係成日都好唔開心ka, 咁可以點呢, 咪唯有自己搵一d令自己開心嘅嘢做囉!!! 久而久之, 慢慢將個老公放個位置低d唔好咁care佢做嘅嘢, 自己會好過d, 呢個係我可以令自己開心d嘅做法, 當然講得佢聽, 佢順你意就最好la, 如果唔係好似我個咁都講咗幾年, 情況都一樣, 又覺得無必要行到離婚呢步, 就要自己避重就輕去令自己開心d la

我講你知, 我老公未生b前巳經愚考, 生咗b係仲超級愚孝, 死未!!!!!

私人傳訊

松鼠仔

積分: 285

8^#

發表於 07-1-26 12:37 |只看該作者

Re: 有個100%孝順老公... 點算好

簡直係人間慘劇,你老公娶你係咪只在於幫佢生BB呀?
邊有D咁既人?重要係一個大肚婆!老婆娶番嚟係要錫..何況一個大緊肚既老婆??你老公都白痴...個太太大肚係好辛苦既事(雖然我未大生過)...但試諗下帶住10幾磅四圍去..嘩..暈啦..!你老公係咪未結婚前都對你咁呀??

私人傳訊

松鼠仔

積分: 285

9^#

發表於 07-1-26 12:40 |只看該作者

Re: 有個100%孝順老公... 點算好

唔好意思...算我直接...你老公好低能...

私人傳訊

ky205catho

積分: 527

10^#

發表於 07-1-26 12:40 |只看該作者

Re: 有個100%孝順老公... 點算好

算啦, BB 都就快出世了,
唔好想得太多, 令到自己唔開心啦!!

私人傳訊

松鼠仔

積分: 285

11^#

發表於 07-1-26 12:44 |只看該作者

Re: 有個100%孝順老公... 點算好

我頂唔順啦...!!娶老婆返屋企唔咪要嚟錫嫁咩??

我無話唔可以孝順父母..但要永遠放老婆仔女係第1位...要帶比佢地開心!依家又唔咪唔叫D死佬唔理自己亞爸亞媽..但自己已建立左新既家庭..好應該布間中有自己既FAMILY DAY..

私人傳訊

Mandysyl

積分: 304

12^#

發表於 07-1-26 13:31 |只看該作者

Re: 有個100%孝順老公... 點算好

都明白你好辛苦. 你大緊肚, 唔好諗咁多, 多d休息. 唔使諗到離婚咁嚴重,咁小朋友都算?
阿Q d 咁諗, 小朋友見父母孝順, 佢地都會學識孝順.
Take care........

私人傳訊

mandyyyyy83

積分: 4342

13^#

發表於 07-1-26 13:46 |只看該作者

Re: 有個100%孝順老公... 點算好

我老公都係1個好愚孝既人..
佢曾經講過...
就算佢知佢阿媽衰到貼地..傷害過我地都好..
佢阿媽係佢心目中都1樣係好好~~!!!!!
而事實上我由大肚開始就俾佢阿媽玩到殘...
我聽到呢d說話真係俾佢吹到漲1漲~
咁又點姐~日子咪1樣要過~
e家我就冇佢咁好氣~
咩都以bb為先~
佢喜歡返去搵佢阿媽佢咪自己返去囉~
總之佢阿媽就唔好再撩起我把火..
唔係皇帝都冇面俾呀

私人傳訊

叉燒媽咪

侯爵府

積分: 21093

好媽媽勳章

14^#

發表於 07-1-26 14:16 |只看該作者

Re: 有個100%孝順老公... 點算好

em.... 其實我的角色跟你倒轉... 我什麼都以娘家為先, every sunday 回去吃飯, 做節必做正日, 老公都話我過份了點~ 不過這不會影響兩夫婦關係呀!

你老公是家中老大嗎? 也許他小時候跟家人的關係很好, 所以到婚後仍然不自覺地繼續婚前為家人做事...

離婚... 言重了~~~

好好溝通一下, 商量更好的平衡方法吧

私人傳訊

Fionbrian

積分: 659

15^#

發表於 07-1-26 15:00 |只看該作者

Re: 有個100%孝順老公... 點算好

離婚...自己都有想過可能成日在家想得太多....但未有bb時我都己想過了. 次次同他吵架都是為他的家人. 二年來問題跟本沒有改善過. 我要一個愛我的老公. 有次他家姐在我面前大大聲話"你個老婆只聴你(我老公)話" 我老公重對她說只要是長輩的話都要聽. 激到我死. 我又不是嫁入豪門點解要我聽你地話. 我轉工又比老爺奶奶訓話. 大佬我媽咪都未話我. 我轉吾轉工關她們鬼事. 好似怕我會在家做大食賴. 我生ｂｂ想順產，但老公都吾理我感受要我開刀．當我奶奶知道我開刀是自己個仔的主意，馬上轉口話是好事但之前就話吾好．

我好怕...好怕, 將來問題更加嚴重. 我吾想因為小朋友而去保持一段吾開心的婚姻. 雖然bb就快出世, 但如果他在一個成日吵架的家長大, 我相信都吾見得開心吧. 是嗎？？

私人傳訊

MirandaLFY

積分: 211

16^#

發表於 07-1-26 16:55 |只看該作者

Re: 有個100%孝順老公... 點算好

我老公如是, 我老公已前許多時都話要同老爺奶奶一起去, 食飯,出外旅行, 香港一天遊有, 有時還要同佢細妹和家姐及佢女兒一齊去. 我還記得有次佢細妹提議星期日12:00約佢爸爸媽媽及家姐去一間好多人等的酒樓飲茶, 到了當時12:00我手抱女兒同老公去, 他們還未到, 我們只好等位, 足足等了個半鐘才有位. 佢地才到酒樓, 當時我是不高興, 等到我女兒已睡了. 當時我老公及佢家人都覺得沒有問題, 只問了一句等了好久嗎? 我覺得佢地比左好多煩惱我們, 但我老公唔覺得. 每當我同老公說這些問題時, 他不覺得有問題. 所以我不再同我老公再提這些關於佢家人的事. 等佢自己發覺. 終於等到, 現在我們一家人包括老公已很少時間會同佢家人一起, 因我老公工作忙,及我們的小朋友開始上學比較忙. 我們在假期時都盡量把握我們一家四口人的時間去玩. 我現在發覺我老公有時都避開老爺奶奶佢地.

其實你老公對佢家人好, 是好自然因為佢地是一家人. 而你同你老公及未來BB是另個一家人. 兩個家庭是不容易融合一起的.

私人傳訊

mimosa

積分: 3218

17^#

發表於 07-1-26 17:13 |只看該作者

Re: 有個100%孝順老公... 點算好

離婚似乎言重了些,
不過你老公又真的很不體諒妳,
妳都快生BB, 唉................

聽其他BK姊妹說跟你老公談談吧.....
你現在有了BB, 要為BB著想呀, 不要輕易說離婚

私人傳訊

寶貝兒