論盡家傭今日: 1|主題: 134088

收藏本版

發帖

返回列表

跳至頁

查看: 1529 | 回覆: 1

不聽老人言,吃虧在眼前.......遊行三思篇... [複製鏈接]

開門見山

大宅

積分: 3552

1^#

發表於 07-2-4 23:47 |只看該作者

不聽老人言,吃虧在眼前.......遊行三思篇...

各位bk想搞遊行既朋友,

本來唔想掃大家搞反外傭遊行既雅興,事實我亦好忙,剩係draft呢封口水信都用咗幾個鐘…亦唔想一盤冷水撥落你地到,但冇辨法,我唔想見到任何人C…我雖然冇玩呢個game,但我仲有好多bk mum好fd既fd仲有請,為咗呢班閨中密友唔好受到損失,唯有焗住頭皮再寫呢一封信,而呢一封信亦只此一封,以後都唔會再有,亦唔會見到我既留言,而我亦唔會再將我過去所做既全部有關外傭既資料公開比任何一個人,呢個遊戲真係要靠你地自己去玩去摸索,因為我已經唔係外傭僱主,我而家用緊港傭阿姨,希望你地今日睇完會反醒你地係玩緊乜野既”爭取遊戲”….而唔係玩爭櫈仔既遊戲…

我臨離開bk前宣佈唔再玩呢個game前,成日都講呢個game係帶有政冶色彩(因為修例都要通過立法會比d議員打到你死我活先通過得),同時呢個game亦帶有國際政冶色彩,牽涉到人地國家既利益同政府與佢地既外交關係,因為我地係用緊人地國家既人..而呢d國家實會保障佢地國民兼佢地既庫房加麻…邊會有我地既政府咁大方吖???(對人大方,對自己城市既市民就衰Q格)

而如果真係遊行既話,出嚟既效果就會有好大既問題,損失同大輸家始終係外傭僱主,如果外傭真係遊行,你地會揀邊日???揀前??揀後???我話比你地知揀前揀後你地都輸,點解???我唔知幫外傭出頭既三位議員係邊個,如果我冇估錯果幾個議員(其實我估到係邊個),幫佢地既議員係想拎國際言論籌碼,如果你地揀3月11日前既日子遊行,你地會更加激發更多既外傭喺果日上街,因為人地都未表明要訴求乜野,你地就一野片落去…比着我係外傭都叫更加多姊妹去啦..咁人地既勢力就會越嚟越大…相反你有乜勢力先??黑社會勢力呀???你又有乜財力呀???人地背後既勢力財力同你隻抽你都爭幾皮呀!!而揀同一日同揀後一個禮拜都死…人地會用國際言論既話題話你地所謂外傭僱主組織恰離鄉別井含辛如苦到港打工既外傭(人地講到幾Q凄涼呀,你有冇佢地咁淒涼先??),人地遊行都唔比咩??人遊你地又遊..照睇返以前…有好多時議員就係怕呢d國際既言論壓迫同政冶利益而放棄一d認為可以幫到我地港人既野,即係出賣我地…大陸孕婦到港就係一個例子(乜Q人道立場話???外國人成日話要人道麻…咁咪對我地港民唔人道囉..幾諷刺!!!),如果你地激發更多外傭上街,有咗d所謂你地外傭僱主恰人既言論壓力,你地呢個懵到貼地既衰政府,為咗呢d咁既言論,就更加進退兩難,真係加返比佢地架,一百幾十都要加比佢地作為交待,好睇兼落到臺麻…你地比錢之麻,又唔係佢比,吹佢唔漲個噃,到時真的話,係咪你地幫d僱主比哂先??….加上如果第日有機會由議員動議修例的話,呢三條茂利左挑右撥..又撥咗d票過去佢果邊又或者多咗d棄票??咁點搞呢???你地數數手指入面有幾多個係賊先….所以我咪話呢段日子係絕對唔可以遊行囉…大家似乎仲咪get到個point喺邊噃….成日都話遊…遊水咩???

加上呢段日子係特首選舉,係人都知阿煲呔宣佈參選果一刻,佢既職務係會暫停,要做show麻…所有野都由政務司長許生做署理特首,你地話遊行要交請願信,交去邊呀???而家有兩位特首侯選人…你地交去煲呔定袋巾到呀???而且當唔知邊一個特首既同時,三司十一局既馬仔兼秘書級人馬亦唔敢亂郁d政策,因為唔知自己張櫈坐唔坐得穩陣,喺外傭政策(包含埋僱傭條例)有大部份既野係同呢三司十一局其中既司同局有關連架…想請問大家究竟有冇真係認真研究過所有有關外傭政策既野呢???冇????唉….我由玩呢個game既時侯聽到不下數次成日話要搞遊行,邊一邊都話要遊…果時都唔知點應…况且煲呔果兩年任期係接住阿懵伯做,果三司十一局既蠢馬係阿懵伯舊有既班底,就算比你地交到你地訴求既請願信去,佢地都唔知做唔做好,做做吓又話新一屆既特首要換馬,搞搞吓一聲話換人,d蠢馬就陰陰咀笑拍吓個屎pat走人,咁咪揾嚟搞???邊個肯執手尾呀???又再重新做過咩??大家唔係唔知回歸後我地既政府問責官d野呀???咁大家話又係咪遊行既適當好時機???

至於有人提議乜乜訴求話???我是但抽咗幾點出嚟話比你地知有乜問題…你地自己真係再諗吓先啦…做野唔好亂嚟…你地應該仲未熟哂所有野,一味成日借機會話遊行…你地既訴求唔該再諗清楚d先啦,而我今次既信比既料就真係到此為止架喇….

1. 雇主無需為已完約並找到新工作的外傭支付回程機票(合情合理!).
>>>>>佢地就做咗一年都有大假噃,如果佢要返去原居國渡假(呢個佢地有權個噃,實質想走人) ,你地又會唔會借錢比佢地買機票呢??唔借又會點呢??如果真係咁做又會點呢??又會引起工人放大假回鄉唔返香港走佬break contract既個案囉,到時損失既都係你地….
2. 既然香港已簽國際勞工條例, 可以開放部分大陸勞工市場給香港如深圳, 廣東等? (Extremely puzzled why mainland workers can not come to Hong Kong to work as helper???)
>>>>>意見嚟姐,我諗呢個中央政府同港政府呢幾年內都唔會考慮,喺中國,而家先係經濟起飛既時侯,佢地亦有好多內部問題架麻,基於基本法,港人自治,中央係唔會插手咁多架喇,阿爺又會諗:”阿仔你又求我咩呀??咪比咗個自由行你囉,乜你地咁Q煩架,呢d又唔係乜大型投資基建,唔好搞我啦”..而佢地亦有好多基建兼發展都要靠一班低技術冇文化冇智識既人去做…放咗嚟,邊個去做呀???唔通叫上面d智識份子同優皮士去做d低下層既工作咩??咁做對中國既經濟發展同內部亦都有影响,人地大陸而家幾多有錢佬呀,人地住既地方又大,閒閒地請五六個外省工人,邊樹有咁多人比你地做工人呀??..亦可能增加香港好多負担同問題發生…就算真係放,亦只會比咗一d鄉下到不得了既人嚟,我諗都係同印尼工人差不多,你估阿爺會放d稍為有學歷既人比你咩??呢d人如果想嚟hk一早就經專才plan嚟港啦,做工人??講笑咩?? 沿海城市廣東省既人,你地亦唔使諗噃,人地沿海城市經濟發展迅速,勤力d搏d分分鐘變中產,果時真係玩吓手比d仲差既你….又係污糟到死同激死你,d外省音到你都聽唔到佢講乜,難聽過賓話…咁大家又會再點呢??又媽阿爺又炒人又去抗議呀???冇得媽個噃,係你地要求架麻..死未??阿爺仲會陰陰咀笑你地傻呀..加上佢地落嚟亦可能會導致人口澎脹同衍生好多既社會問題(乜野問題大家心中有數),呢個結果係大家無法估得到既..另外..呢個提議係政策問題,可能會經立法會,你地有冇數過入面有幾多個議員或政黨係企喺保障香港勞工果面又有幾多個人係逢中必反??佢地企得喺勞工界果邊就係想要選民既票,如果一提呢點,保證會比佢地打到飛起,到時就會影响哂你地整個爭取遊戲…得不償失架…當日有個從政既人同我講過呢一點,我都係話基於立法局入面議員政冶立場係行唔通既,佢話咁又係,如果呢位小姐睇緊我呢封信,諗吓當日我係咪同你咁講啦??所以由始至終我都話呢個games係帶有政冶色彩,包括喺國際舞臺裡面..因為我地係用緊外國既人..

另外有幾點我要reply返呢位話搞遊行既朋友,就係佢地話堅决搞遊行..除咗以上我所講既野…我而家就解釋返幾點比你…

1.從現在開始到8月選舉產生有半年時間, 媒體不可能每天除長篇大論講選舉外就沒其他新聞了. 就電子媒介來講, 15分鐘的新聞時間至少會播7,8條, exposure絕對是有的.
>>>>>唔好以為可以好似香港孕婦上街咁可以受人注意,大陸孕婦嚟港係會牽涉全港既體系,有福利、教育、醫療,甚至乎居港權等等,又牽涉基本法,即係阿爺將會踩屎..阿爺見到勢色唔對,唔通又要釋法咩???釋釋吓呢個基本法就名存實亡,到時我地以前個事頭婆果邊同超級警察大佬又會加把咀劈落阿爺到..咁阿爺又會點呢??所以一個idd電話,阿仔,快d搞返妥去!!!咪時以後冇野益你!!!!你估阿爺d阿仔阿孫敢唔敢唔郁??加上各大報章既推波助欄擺頭條…一上頭條,國際言論又揸住阿爺本經書嚟講加麻….呢兩個係好唔同性質既野嚟…咁你明白我點解叫你地唔好去遊行住未???而呢個係牽涉國際傭工,又牽涉外交,一野搞得唔好,國際言論加埋我地d崇洋大賊把咀車落個衰政府度,到時乜野都郁唔到,因為怕事麻…阿爺又幫唔到呢d,因為呢d阿爺管唔到加麻,本經書入面都冇呢樣……仲死….

2.是特首宣導多生, 若我們現在遊行, 可以給他們一點壓力. 說不定將此訴求納入競選綱領, 那更理想(我系度發更夢??).
>>>>>特首係叫你地多生姐,但佢過去既任期只有兩年,仲係接阿懵伯既難攤子,你地唔係唔知佢需要兩年時間去擦阿爺鞋掛??大家睇到佢呢兩年既施政幾保守乜都唔敢郁麻??即係話唔夠時間麻…又要擦鞋..又要餵鯉魚…又要陪老婆劃水墨畫…又要吹口哨….吹得嚟又要去揾天主吹水..…又要坐頭等機票周遊列國做訪問…總之就係冇時間啦.….um…要講特首既野我喺上面已經講咗好多…
3. (此條有點離題): 若現在是民主選舉, 我們就不用這麼費心了. 選! 25萬個家庭平均2至3張選票, 保守估計也有約70萬張選票. 支持我們的候選人很有可能當特首. 所以一定要支持民主).
>>>>>而家唔係講特首普選或民主選舉既問題,係點樣將你地既訴求經立法會動議,而提出呢個動議既議員穫得大比數議員支持而通過,而唔會係d議員為咗要整死另一d議員就將我地既利益出賣,揾我地既利益嚟做政治代價,大陸孕婦到港產子就係一個例子…出年就係08年新一屆立法會選舉..今年年中尾後就係佢地預備爭取民票既時間,咁你估會有乜議員幫手呢???為咗票….個個都會幫!!!呢d就係醜陋既政冶!!!所以我係好憎好憎從政披上假面具既人..就係咁解…
題外話:hehe~仲有樣野話比你知,要民主背後既代價係好大架…玩吓手你比人賣豬仔兼出賣….睇多d歷史書兼政治書先啦,而家冇孫X山性格既人架喇,你求民主,你不如求上天點化一個有領導才能既阿頭嚟hk幫我地好過啦….比我揀的話,我寧願要$$,要經濟,人人豐衣足食好過…你有民主但冇飯食鬼可憐你咩??我地而家係生長喺資本主義既年代…你估仲係毛主席果段年代咩???呢廿幾年阿爺開放經濟..亦冇再話乜乜共產主義…佢深明如果要國家强,就要人民豐衣足食,所以最重要就係搞好資本經濟…反之你地留意吓果d成日叫民主既人(政冶手段),就成日利用呢兩個字搞乜扶乜扶物,變相行緊共產主義..邊個唔使做個天會跌錢比我使呀??佢地唔叫民主,何來有話題同籌碼???又何來個個月有十幾廿皮野呀…你每個月比十幾廿皮野我,我每分每秒連發夢都同你講”民主”兩個字..仲要紋埋呢兩個字喺額頭通街行添,唔啱用果時咪激走去囉..…以上都係講笑講笑咋…清醒吓啦,香港人…政冶就係政治…呢個係現實嚟…

可能而家好多朋友都籌備搞遊行,低調又好,高調又好,華山派又好,娥媚派又好,邊一邊都好...要當一個活動或組織既負責人同號召人為人去爭取事與物既同時,始終要喺大眾既利益為衣歸….希望大家睇到呢文章,無論邊一邊,各門各派都好,要認真考慮遊行時間配合既重要性…三思而後行….

另外..各位如果真係有心玩爭取呢個game,懇請你地千奇唔好漏低一班underpaid既僱主…事實佢地亦都係呢個混Q漲既政策下一班無辜受害者…

我真係講得太多喇…真係到此為止,我唔會再比任何意見同留言架喇….對於呢個遊戲我真係後會無期…

祝各位一切順利…

開門見山

私人傳訊

Eclipse_2006

大宅

積分: 3126

2^#

發表於 07-2-5 09:18 |只看該作者

Re: 不聽老人言,吃虧在眼前.......三思篇...

我覺得開門見山所講都有道理.

本人認為果幾位議員咁熱心幫d外傭, 都係想藉此提高本地勞工既最低工資, 比多d壓力政府. 政府當年搞外傭稅, 都係想平衡番本地失業勞工既利益. (你可以話唔請外傭都未必會請本地工人, 但係一位失業既清潔女工既眼中, 若香港僱主無選擇時, 一定要請佢地.)

我唔知道搞遊行成效有幾大, 會得到幾多社會各方支持, 各外傭僱主會給其他社會人士什麼樣的形象.

我覺得做一個有代表性既問卷調查, 有機會給予各界人士多點了解各外傭僱主既苦處, 亦可為遊行主題帶來一點補充資訊. 我提議問題可包括以下各點:
1. 傭用外傭的最大原因. 若不傭用外傭, 會否考慮用本地鐘點工人. 為什麼.
2. 外傭的工作表現是否及格, 那些地方不及格;
3. 若工作表現不及格, 會否立即炒外傭. 若否, 原因何在;
4. 過去五年, 換了多少次外傭. 換外傭最大的原因是什麼;
5. 外傭的工作表現不及格, 你認為最大的原因是: 外傭介紹所失職, 外傭沒有接受過適當訓練, 外傭的工作經驗是偽造, .....
6. 有那些保障外傭的勞工法例, 你認為不合理, 為什麼.
7. 外傭僱主的背景資料: 入息, 家庭成員人數, ......

如果有以下的原素跟隨問卷調查的結果一同發佈, 則更理想:
1. 多位受害外傭僱主親身講述;
2. 香港與其他地區 (新加坡/台灣/....) 對外傭保障的不同. (此點反映香港已經做得好好.)

我時刻都記掛著我那未能來到世上的bb, 他永遠在我心裡某個角落.

私人傳訊