想生BB 今日: 1 | 主題: 109584

積分: 9

1^#

發表於 07-1-28 16:46 |只看該作者

完成IVF，正在等待結果，好怕食詐糊，有經驗的姐妹一起分享下

各位姐妹：
我在今個月13日進行受精卵移植，醫生叫我在31日驗孕，等待的日子好難受，我忍唔住在24日驗了第一次，因為那天應是我月經來而未來的一天(我最近數月的CYCLE是27日，一向幾準，12月是28日來經，1月24日剛好應是經期第一天)，一早起床用曼仔驗，等了五分鐘，完全雪白，個心已沉了一半，繼續上床睡了15分鐘，起身後個心好唔舒服，在垃圾筒執番來再睇一次，見到有一條幾乎睇唔到的紅線，即刻話俾老公知，老公話都過左時間，應該唔係，好失望。到昨日27日見經期仍未來，我又忍唔住驗，今次用活色生香，說明書話要在5分鐘之內看，過10分的結果會不準，但我在大約7-8分鐘時見到第2條紅線，又係淺到幾乎睇唔到，我的心真係很忐忑不安，覺得自己有機，但又怕吃詐糊，我由24日開始量體溫，一直係36.8至37之間，今日已經是32日，唔知係唔係塞藥影響我的經期和體溫？ :cry:我現在除了間中有來經的感覺外，只係有點累，有時會有輕微反胃感，除此以外，無特別。各位做過IVF又得左的姐妹，分享下你的經歷呀，我在垃圾筒執返來睇，你地都知我幾想有B！

私人傳訊

積分: 9

2^#

發表於 07-1-29 13:10 |只看該作者

Re: 完成IVF，正在等待結果，好怕食詐糊，有經驗的姐妹一起分享下

我失敗咗lu。昨晚去洗手間，見到最唔想見到的東西，個心即時沉到海底，今早體溫跌至36.7，好想喊。 :cry: :cry: :cry: 其實我都有心理準備，醫生話我有個子宮肌瘤，會影響著床，如果今次唔得，要我先割瘤，休息幾個月後再放雪蛋。今早已即刻排期在三月初做手術。 :cry: :cry: :cry:

私人傳訊

tsehon

積分: 320

3^#

發表於 07-1-29 14:34 |只看該作者

Re: 完成IVF，正在等待結果，好怕食詐糊，有經驗的姐妹一起分享下

我將會做IVF(Feb 07), 都好緊張, 希望你下次成功. 到時一齊分享.

私人傳訊

積分: 9

4^#

發表於 07-1-30 17:44 |只看該作者

Re: 完成IVF，正在等待結果，好怕食詐糊

希望你成功，我要等到七、八月再試啦，趕唔切生仔金豬仔。我地d想生又難有BB既真係好大壓力，我為左今次失敗都喊左幾次。 :-( :-( :-(

私人傳訊

蕾蕾6382

大宅

積分: 1358

5^#

發表於 07-1-31 12:34 |只看該作者

Re: 完成IVF，正在等待結果，好怕食詐糊

唔好咁傷心啦, 要努力呀, 上天知道一定會比個健康聰明活潑的bb比你的.

私人傳訊

積分: 9

6^#

發表於 07-1-31 13:11 |只看該作者

Re: 完成IVF，正在等待結果，好怕食詐糊

多謝你呀，不過因為我屬於高齡，所以時間對我來說很重要，遲半年身體狀況都會唔同，唯一好彩係仲有雪蛋，醫生開始睇我時諗住以我的年紀唔會有咁好反應，算係我的安慰啦。

私人傳訊

蕾蕾6382

大宅

積分: 1358

7^#

發表於 07-1-31 15:14 |只看該作者

Re: 完成IVF，正在等待結果，好怕食詐糊

放心你一定會成功的.心急反而會浪費時間.放鬆心情小b好快會出現的.對你有信心.

私人傳訊

積分: 194

8^#

發表於 07-2-2 17:19 |只看該作者

Re: 完成IVF，正在等待結果，好怕食詐糊，有經驗的姐妹一起分享下

我都剛剛失敗咗, 很明白你的感受.

我同你都一樣, 係高齡, 很擔心, 每一次失敗都係到"count down"!

我應該係2月1日回驗血, 但1月31日己見紅! :-(

私人傳訊

積分: 194

9^#

發表於 07-2-2 17:30 |只看該作者

Re: 完成IVF，正在等待結果，好怕食詐糊，有經驗的姐妹一起分享下

其實, 我係比我既無知害我變成高齡, 成日以為想幾時有便有, 做哂所有野, 包括儲錢, 換樓, 旅行, 養外家既儲備, 考試, 然後最後諗住可以安安定定生兒育女, 當時37, 點知過了一年都冇, 便去check下, 點知塞咗輸卵管, 便決定即時做IVF, 又以為好易, 點知2次都失敗咗!

醫生話我既體質, 反應, 卯子質素都好好, 2次失敗都只可說是"唔好彩".

所以各位, 真係唔好將重要性既次序攪錯, 生仔永遠排第一, 生了出來食粥食飯咪一齊咯, 現在間屋有bb房, 有讀書基金, 就係未有bb!!!! :-(

私人傳訊

mei524

侯爵府

積分: 20037

HiPP勳章(1) 2018父親節勳章 2018復活節勳章 Poo得好勳章開心吸收勳章育兒性格勳章我的育兒心得勳章

10^#

發表於 07-2-2 18:15 |只看該作者

Re: 完成IVF，正在等待結果，好怕食詐糊，有經驗的姐妹一起分享下

kimberleych
唔好難過, 我同妳一樣高齡, 冇錯現在一切都比前隱定, 但要 bb 就困難重重, 唔緊要啦總有一天我地等到的, 希望在明天嗎！！大家一齊努力一定得 ka

私人傳訊

積分: 194

11^#

發表於 07-2-2 18:27 |只看該作者

Re: 完成IVF，正在等待結果，好怕食詐糊，有經驗的姐妹一起分享下

謝謝你!

但我個心依然很痛, 每次想起都冇哂心機!!!

只怪自己太天真及冇安全感.

:-(

私人傳訊

Y611

別墅

積分: 785

12^#

發表於 07-2-2 18:33 |只看該作者

Re: 完成IVF，正在等待結果，好怕食詐糊，有經驗的姐妹一起分享下

Hi, 各位,
我都好後悔咁遲先決定生bb, 我唔止高齡, 直頭係超齡, 好似kimberleych 講, 多少由無知所害，現在已錯過了時機。

我已做到6次iui, 現在等結果, 但已心裡有數, 下個cycle要轉做 ivf, 我前後已試了兩年, 唔知仲可以試幾耐, 我只知試到一個我將來唔會後悔的地步先至會停！

私人傳訊

積分: 9

13^#

發表於 07-2-3 17:21 |只看該作者

Re: 完成IVF，正在等待結果，好怕食詐糊，有經驗的姐妹一起分享下

我明白你的感受，但是父母都想把最好的給子女，儲多點錢，自己會舒服點，子女又可以有個好的成長環境，好重要架。

有時覺得好似天註定，我不斷告訴自己要看開點，我還有九粒雪蛋，老公說用完雪蛋還未有BB的話就無謂再勉強，因為到時超齡，教養比生育更辛苦。我也不知道割完子宮瘤後會否較大機會懷孕(醫生說現時不能懷孕主要受子宮瘤影響)，要不是為了有BB，我會採取拖字訣，開一次刀真係好傷，因為我已經是第二次開刀了。

大家努力，抱著樂觀的心情，不要勉強自己，順著自己的意願，最緊要開心。

私人傳訊

積分: 9

14^#

發表於 07-2-3 17:29 |只看該作者

Re: 完成IVF，正在等待結果，好怕食詐糊，有經驗的姐妹一起分享下

Y611,

希望你今次成功！

如果FAIL，盡快開始IVF，因為對高齡婦女，IVF比較適合，不過真係好肉痛，短短兩個星期已唔見幾萬，好似倒水。如果BINGO，就值得囉。

加油呀！

私人傳訊

mei524

侯爵府

積分: 20037

HiPP勳章(1) 2018父親節勳章 2018復活節勳章 Poo得好勳章開心吸收勳章育兒性格勳章我的育兒心得勳章

15^#

發表於 07-2-5 11:53 |只看該作者

Re: 完成IVF，正在等待結果，好怕食詐糊，有經驗的姐妹一起分享下

felizmama
係呀.......係呀, 如果 bingo 乜都值得

私人傳訊

積分: 194

16^#

發表於 07-2-5 13:44 |只看該作者

Re: 完成IVF，正在等待結果，好怕食詐糊，有經驗的姐妹一起分享下

請問有冇邊位知係Dr. Tay 同何超平醫生處做IVF 要幾多錢?

唔該!

私人傳訊

積分: 9

17^#

發表於 07-2-6 14:24 |只看該作者

Re: 完成IVF，正在等待結果，好怕食詐糊，有經驗的姐妹一起分享下

Kimberleych,

我由Dr Tay 幫我進行IVF，一般價錢約6-8萬，我的費用7.8萬，主要的分別在於所打的針藥(GONAL-F)的份量，Dr Tay 會按照你的身體狀況和年齡調較藥量，年紀愈大，所需劑量愈多，少則100多IU，我要打375IU。GONAL-F很貴，一小支已要4000大元。有些人可以用4-5天，我兩天多就用完。

私人傳訊

kosanw