吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有小朋友話要摲死我個仔...

自由講場今日: 1621|主題: 1367897

收藏本版

發帖

返回列表

跳至頁

查看: 607 | 回覆: 5

有小朋友話要摲死我個仔... [複製鏈接]

seven7

大宅

積分: 3680

1^#

發表於 07-2-22 10:08 |只看該作者

有小朋友話要摲死我個仔...

有一次我地參加一個聚會,
小朋友被安排去一角落玩...

過左一陣,我仔走埋來,
話有個小朋友同佢講:我摲死你,摲死你...
我心諗:(嘩,呢d邊係小朋友講的說話呀?)
咁我咪同仔仔講:佢咁講說話,你唔好學佢,唔好理佢就得啦!

於是我仔又走左去玩,
我便開始留意佢同那一位大我仔少少的小朋友的情況!
我見那位小朋友係咁追住我個仔,
用力扯住佢件衫,我係就係咁避開佢,
佢仲同我仔講:我知你話左俾你媽咪知,無用架!

嘩,hill得佢吖!
佢daddy明明係附近坐,亦都見到佢仔仔的行為,
咁都唔出聲!!!(可能佢覺得男仔係咁玩架啦!)
我仔於是又返來我身邊,
咁我就叫佢唔好走出去玩,
入來玩玩具,佢唔想(因為d玩具好bb的)

佢驚我唔俾佢出去玩,係度喊,
我話驚佢同人爭執,
我咪叫佢行埋一邊,冷靜下先...
然後陪佢去玩具...

我仔自己都帶左d私家玩具,
我教我個仔要同人分享玩具,
都好多其他小朋友玩緊佢d玩具,

但那一個小朋友就係咁搶我仔手上的,
又唔肯還,我仔又喊

(大喊包,嘻嘻

)

咁我發玩那位小朋友,根本睇死我仔奈佢唔何,
於是我就同佢講:小朋友,呢個玩具係佢架,
你可否還返俾佢呀!如果你想玩佢d玩具,
你要首先問左佢,佢肯先可以借來玩的!

於是佢先死死氣還返d玩具俾我仔,
跟住就無再搵我仔麻煩啦!

唉...
呢個係咩世界,本來想由得佢地自己解決問題,
但係點解d人見你唔出聲,就越踩越過?
大人,小朋友都係咁...

私人傳訊

Japenese

男爵府

積分: 6946

2^#

發表於 07-2-22 10:25 |只看該作者

Re: 有小朋友話要摲死我個仔...

我出街好多時都會留意d細路同父母(職業病

)，真係唔係個個會教或處理小朋友的。

小朋友的行為如何，唔怪得個小朋友，父母責任最大，雖然有d個別行為可能真係同父母無關(例：父母心地好，仔女好黑心)，但亦不代表父母沒責任，因為管教並不單是身教言教，還有環境的因素，譬如你教他要分享要愛其他人，但卻容許他看暴力卡通片，咁已經抵銷一切。

而且依家有d父母是以自己的生存方式去教小朋友，有你所經驗的情況真係唔出奇，但你可以同自己的小朋友討論一下所遇的情況，他能學習與不同人的相處

私人傳訊

moonchacha

別墅

積分: 540

3^#

發表於 07-2-22 10:32 |只看該作者

Re: 有小朋友話要摲死我個仔...

個爸爸知佢個仔係咁都唔出聲，就知『家教』方面好有問題喇。玩還玩，就算係男仔都唔應咁玩法，咁玩好容易嚇親其他小朋友架嘛。況且，佢地咁細個都仲係父母管監年齡，作為父母的都唔好好教育自己下一代，真係無野好講。
唔通要等到佢地學壞，先至教咩？

私人傳訊

seven7

大宅

積分: 3680

4^#

發表於 07-2-22 10:36 |只看該作者

Re: 有小朋友話要摲死我個仔...

Japenese 寫道:
而且依家有d父母是以自己的生存方式去教小朋友，有你所經驗的情況真係唔出奇，但你可以同自己的小朋友討論一下所遇的情況，他能學習與不同人的相處

係呀,我都好想個仔學下同唔同的人相處...
因為佢係獨生子!

私人傳訊

seven7

大宅

積分: 3680

5^#

發表於 07-2-22 10:39 |只看該作者

Re: 有小朋友話要摲死我個仔...

moonchacha 寫道:
個爸爸知佢個仔係咁都唔出聲，就知『家教』方面好有問題喇。玩還玩，就算係男仔都唔應咁玩法，咁玩好容易嚇親其他小朋友架嘛。況且，佢地咁細個都仲係父母管監年齡，作為父母的都唔好好教育自己下一代，真係無野好講。
唔通要等到佢地學壞，先至教咩？

你覺唔覺而家好多呢d父母同小朋友呀!
我有時都好迷網,唔知點教小朋友,
教佢忍讓?定係企硬呢?

私人傳訊

召藥師

超級版主

積分: 55024

2025勳章蛇年勳章 2024年龍年勳章 2023年兔年勳章 2018父親節勳章 2018母親節勳章熱血金章精緻種植勳章好媽媽勳章超級版主 2011至尊種植勳章環保接龍勳章大廚勳章 BK猜猜猜慶中秋 hashtag影視迷勳章

6^#

發表於 07-2-22 11:30 |只看該作者

Re: 有小朋友話要摲死我個仔...

個小朋友ge父母真係好唔掂，由得個仔蝦蝦霸霸，咁佢點會交到真正ge朋友?等佢大時都唔知會唔會行差踏錯或受到'教訓'。

如果我個仔遇到咁ge小朋友，我會初初教佢同個小朋友講唔好咁，大家要相親相愛一齊玩，再係咁就唔好理佢，因為佢冇禮貌在先，唔理佢都仲搞我個仔，我就會叫個仔大聲講唔好，有先生就同先生講，冇就搵我同埋其他小朋友去評理。

而家好多細路都冇家教，一定要教定自己仔女要保護自己，如果佢細細個就怕事，大個出黎做野就只會俾人'恰'。

盡我一己之力，發放正能量!

私人傳訊