夫婦情感

收藏本版
發帖
返回列表
跳至頁

首頁
12

尾頁
   0
瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


1#
發表於 07-2-17 20:02 |只看該作者

真係睇唔過眼...好想呻下~~

我個未來姑奶....我真係好睇唔過眼佢既所作所為:evil:

話說佢老公兩年前因為嚴重交通意外而癱左(但佢頭腦係清醒的...亦都可以講野)...但都需要長期訓床...失去自理能力及工作能力

咁社署就分幾次發放左D援助金之類既野比佢老公(都有幾萬蚊的)....未來姑奶一收到D錢就即刻豪洗....即刻換最貴最新款既手提電話同埋數碼相機....好似以為筆錢夠佢洗一世咁?-(

佢自己本身有工作....不過學歷所限....都應該無咩機會再升職(佢只係搵幾千蚊人工)....曾經都試過山窮水盡攪到要問我未婚夫借錢(以萬元計)...

佢已經唔洗比家用外家....山窮水盡只係因為佢同佢老公由拍拖期間一直都搵幾多洗幾多(最愛買名牌、買鑽石同埋睇演唱會最貴既座位)...從來無諗住儲錢傍身...到佢老公發生左意外之後就更加仙都唔仙下啦

我未婚夫好多時都好心勸佢唔好再亂洗錢....社署批錢落黎就儲起佢啦....佢家姐死都唔聽...仲講埋D晦氣說話....之後又係狂買貴野...睇黎社署比佢呢筆錢好快就會洗晒...我真係好驚佢豪洗完之後又問我未婚夫借錢

我未婚夫話佢都有眼見佢家姐遲d無晒錢都係自己law黎....唔會再借錢比佢....但我諗諗下佢地話晒都兩姊弟...未婚夫未必做到咁狠心架喎(因為我未婚夫係重情0個種人)

我最唔甘心既係我同未婚夫努力工作之餘唔會亂洗錢....但到頭來我地辛辛苦苦儲黎既錢卻有可能要倒貼比未來姑奶亂洗...我知大家會話d錢係我地既....我地企硬唔借無人可以迫到我地...但未來姑奶一定會利用佢老公個病黎借錢(如果我地見死不救佢就0係d親戚面前有把柄話我地唔幫佢老公)....唉....點解世界上有d咁賤既人? :cry:
私人傳訊

414928


水晶宮

積分: 63934

母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 HiPP勳章(1) 2018父親節勳章 2018復活節勳章 15週年勳章 畀面勳章 好媽媽勳章 醒目開學勳章 BK Milk勳章 hashtag旅遊勳章 hashtag影視迷勳章 認識瑞士牛牛第一回 認識瑞士牛牛第二回 認識瑞士牛牛第四回 最關心BB問題熱投勳章 Xmas吸收勳章 美好大世界2017勳章 開心吸收勳章 食得好勳章 笑得好勳章


2#
發表於 07-2-17 23:57 |只看該作者

Re: 真係睇唔過眼...好想呻下~~

樓主你都清楚這些錢是你們辛苦儲起來的,怎可以這麼易就借給人,你應該同你老公開聯名戶口,你唔簽名佢就拿唔到錢,俗語說:長貧難顧,你們可以借幾多次 一儲夠就借給她,無限期供應嗎?佢要同親友講由她吧,如果邊個話你唔岩,就叫佢借給她吧,咪傻啦,一講錢果d所謂親友即時閃晒啦,針唔桔到肉就唔知痛。
私人傳訊

GIVENPLS


複式洋房

積分: 422


3#
發表於 07-2-18 12:12 |只看該作者

Re: 真係睇唔過眼...好想呻下~~

我叔仔都係咁架, 用所有野都要有牌子, T-shirt都件件名牌, 成6,7百蚊一件, 但係又一d都唔靚wor, 最慘係佢女朋友都係咁, 唔識著衫以為將d名牌搬上身就得, 冇錢就搵呀媽, (即係我99) 咁99冇錢就搵大仔, (即係我老公), d錢轉個頭又去左叔仔度, 條氣真係好唔順架
私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


4#
發表於 07-2-18 15:25 |只看該作者

Re: 真係睇唔過眼...好想呻下~~

414928 寫道:
樓主你都清楚這些錢是你們辛苦儲起來的,怎可以這麼易就借給人,你應該同你老公開聯名戶口,你唔簽名佢就拿唔到錢,俗語說:長貧難顧,你們可以借幾多次 一儲夠就借給她,無限期供應嗎?佢要同親友講由她吧,如果邊個話你唔岩,就叫佢借給她吧,咪傻啦,一講錢果d所謂親友即時閃晒啦,針唔桔到肉就唔知痛。

係呀....其實我同未婚夫都剛剛開左聯戶(兩人簽名先拎到錢0個種) ...提款卡我keep...以防佢心軟偷偷地借錢比佢家姐

你話長貧難顧...我深感同意...以佢好似倒水咁洗錢既方法...真係多多錢都唔夠佢fing...最慘係佢就黎30歲人都完全無儲錢傍身既觀念...次次都諗住洗到山窮水盡就搵我未婚夫射住佢...佢完全係利用我未婚夫既親情?-(

老實說...我同未婚夫都唔係搵好多錢架咋...同埋我地年尾就要結婚...一定有好多方面要用錢...就算有剩錢我地都想儲起for婚後組織二人家庭之用嘛

如果未來姑奶係節儉咁生活都唔夠錢用我係唔介意幫佢...我能力範圍內都想幫有需要既人....但明知借完錢比佢係會豪洗既....我咁辛苦搵黎既錢留番比自己享受下唔好?

佢份人都好極品架....就算佢問我地借錢....或者有時想我地幫佢做d野....佢都係用埋d老鳳既語氣架(加埋黑面)....幫完佢都永遠不會講聲多謝....難為我未婚夫仲話:「唉,算啦,佢由細至大都係咁倔架啦」真係聽到我一肚火

其他的親友係一定唔會借比佢...講真大家心裡好清楚佢一定無能力還(應該話就算出左糧都唔會還)...佢認為佢老公癱左...就係成個世界欠左佢 ?-( ....所以佢唔會有欠債還錢呢個concept

最無奈既係佢最親既親人就係我未婚夫....佢地兩姊弟沒有其他兄弟姊妹....父母亦都逝世了很多年....其他親友最親只係祖父祖母及姑姐阿姨等....佢老公0個家亦都唔理佢地...所以佢只會向我未婚夫埋手借錢 :cry:

私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


5#
發表於 07-2-18 15:39 |只看該作者

Re: 真係睇唔過眼...好想呻下~~

GIVENPLS 寫道:
我叔仔都係咁架, 用所有野都要有牌子, T-shirt都件件名牌, 成6,7百蚊一件, 但係又一d都唔靚wor, 最慘係佢女朋友都係咁, 唔識著衫以為將d名牌搬上身就得, 冇錢就搵呀媽, (即係我99) 咁99冇錢就搵大仔, (即係我老公), d錢轉個頭又去左叔仔度, 條氣真係好唔順架

對呀...如果佢地係afford到買完名牌唔會無錢生活而攪到問人借錢既話....我係絕對唔會睇唔過眼...講真人地搵得錢多可以享受高質素既生活我替佢開心都黎唔切啦 :mrgreen:

我最睇唔過眼既係佢地搵錢又唔係多....買完名牌就話無錢開飯要人貼錢比佢....呢d叫「充大頭鬼」同埋law黎賤囉

唔係唔比買名牌....但傾家蕩產去追潮流既人真係好蠢....衰d講句破產都唔抵可憐

唔係唔比佢借錢....但唔該唔好向親人埋手囉....幫佢就好似倒落鹹水海....唔幫佢就話人地不念親情...自己衰就要承受番個果....走去財務公司借吧啦(無藉口唔還錢啦)....唔好0係度累人累物
私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


6#
發表於 07-2-18 15:43 |只看該作者

Re: 真係睇唔過眼...好想呻下~~

GIVENPLS,

咁你有無咩辦法應付你叔仔呀?? [quote]
私人傳訊

GIVENPLS


複式洋房

積分: 422


7#
發表於 07-2-18 21:02 |只看該作者

Re: 真係睇唔過眼...好想呻下~~

冇辦法架啦，叔仔知我唔鍾意，搵９９攞，佢阿媽話冇錢，做仔既點會唔比．佢都知係左袋入右袋架，但係又唔可以話細佬問佢攞，因為唔係直接呀麻．我又費事同佢為呢ｄ野而嘈，所以而家屋企所有野我都唔會比錢，出街食飯呀，去超級市場更加唔會比，我有錢就自己儲起，佢咁都仲有錢去比佢地既我咪算ｌａｗ
私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


8#
發表於 07-2-18 23:01 |只看該作者

Re: 真係睇唔過眼...好想呻下~~

GIVENPLS

你呢個都不失為一個好方法...我都要好好向你學習先得
私人傳訊

aunt-amie


大宅

積分: 1457


9#
發表於 07-2-18 23:01 |只看該作者

Re: 真係睇唔過眼...好想呻下~~

GIVENPLS 寫道:
我叔仔都係咁架, 用所有野都要有牌子, T-shirt都件件名牌, 成6,7百蚊一件, 但係又一d都唔靚wor, 最慘係佢女朋友都係咁, 唔識著衫以為將d名牌搬上身就得, 冇錢就搵呀媽, (即係我99) 咁99冇錢就搵大仔, (即係我老公), d錢轉個頭又去左叔仔度, 條氣真係好唔順架



我地真係同病相連
我９９又係甘，唉．．．仲不特只呀，
９９　，６２　＆　３　個叔仔仲各自問我地借，
不過從來未還過，我地死慳死低，
佢地使得勁豪，係咪都搭的士，
條氣真係勁唔順
所以最好有甘遠搬甘遠．
９９，６２遠離我．ｈｅｈｅ
私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


10#
發表於 07-2-18 23:10 |只看該作者

Re: 真係睇唔過眼...好想呻下~~

aunt-amie,

就算搬到天腳底....佢地都仲識打追魂call黎煩住你老公架嘛

最緊要都係你老公能唔能夠狠下心腸唔理佢地既要求....咁就算佢地追上門黎借錢都無問題

所以揀老公....揀著個孝順既會好慘(如果佢d屋企人係衰既話)....揀個不念親情既都係慘(咁對你都唔方會好) :cry: :cry:

私人傳訊

See


伯爵府

積分: 18772

好媽媽勳章


11#
發表於 07-2-18 23:42 |只看該作者

Re: 真係睇唔過眼...好想呻下~~

雖然我的經驗不算很值接。因當時我重未同老公結婚，不過我對於借人錢唔還又當無件事呢d''老溤都幾唔like！
所以，我結婚後表明唔會借錢比任何人，(低線是除非對方等錢醫病)人地享樂過了無理由要由我去承受個惡果！而且我都會教老公如果有人問佢借就話無錢，d錢在老婆手，有乜問老婆啦！其實我都好惡下，所以都無人敢問我！
p.s.如果奶奶問你law錢，你就問佢要買乜，然後直接買比佢好了!你可以話我幫你買啦！
全世界都在看你家的笑話，騙不過天地，沒不了良心。即管繼續下去，總有一天自己受！
私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


12#
發表於 07-2-19 00:29 |只看該作者

Re: 真係睇唔過眼...好想呻下~~

See,

我個未來姑奶就正正係「享樂過後搵人幫佢承受惡果」....佢勁鍾意買名牌野和追潮流....簽落一大筆卡數又呻窮又話自己好慘....

不過每年過年佢一定會行頭好勁咁出現(一隻手5隻手指戴晒鑽戒、拿LV手袋、著到靚一靚咁)...d野全部都係真貨...雖然各位親戚都知道佢根本係無錢的(因為佢D錢用晒黎買呢D野show off...個銀包就仙都唔仙下)

我心諗....我同未婚夫辛辛苦苦儲錢為將來生活....我一隻鑽戒都唔捨得亂咁買(講真未婚夫連求婚戒指都未買)....未來姑奶憑乜野戴到成手都係閃令令既鑽戒仲夠膽0係我地面前呻窮呻慘?? 求人借錢時都黑口黑面? 佢知唔知咩叫禮義廉恥架?

仲抵死既係有次佢又想問我未婚夫借錢....咁我叫佢是但當左d鑽戒頂住先啦(當然我係有心寸佢的) ....佢勁厚面皮咁話:「唔啦,d鑽石當番出去唔值錢既」

我未婚夫叫我有咩唔滿意都唔好對住佢家姐開火(因為佢輩份高過我地，我一反面d親戚實會覺得我唔岩，佢地家醜不想外傳)....我都唔知我忍得未來姑奶幾耐....我覺得我結左婚後點都唔會再忍佢
私人傳訊

該用戶已被刪除

13#
發表於 07-2-19 01:21 |只看該作者

Re: 真係睇唔過眼...好想呻下~~

提示: 作者被禁止或刪除 內容自動屏蔽
私人傳訊

LOOLOO


大宅

積分: 3819

好媽媽勳章


14#
發表於 07-2-19 01:31 |只看該作者

Re: 真係睇唔過眼...好想呻下~~

兩年前, 我試過借錢比我老死渡過難關, 但佢幾個月後同班friend 旅行去了..... .....她解釋旅費都是班friend 借比佢.....亦無諗過咁做會hurt 到我 .....最後我選擇原諒了她! 佢話無下次喎!
維維:new born 7.38lbs;6/OCT/07 33lbs 哥哥 : 6/OCT 55lbs
私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


15#
發表於 07-2-19 02:40 |只看該作者

Re: 真係睇唔過眼...好想呻下~~

J&D,

其他親戚一定唔會借比未來姑奶的....因為佢地覺得我未婚夫同姑奶係兩姊弟....先係最親既關係....所以就算借都應該係由我未婚夫借比佢 :cry:

另外...當然佢班親戚都會覺得最緊要係有人(我未婚夫)肯蝕底借比佢...咁就唔洗勞煩到佢地幫手...佢地輩份又咁高...我地做後輩既點好意思去打攪佢地

所以雖然班親戚都心知肚明未來姑奶既經濟狀況....但都唔會同我地同聲同氣....因為佢地寧願我同未婚夫做犧牲0個個

不過我都好多謝大家比既意見....我自己一定好有定力唔會幫佢....我只係擔心我未婚夫會一時心軟又借比佢....雖然我同佢開左聯戶....但佢已經講明婚後唔會將全部收入放晒入聯戶內...佢話佢都應該要有一筆錢自己用....我只係希望佢唔好咁心軟再借錢比佢家姐
私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


16#
發表於 07-2-19 02:45 |只看該作者

Re: 真係睇唔過眼...好想呻下~~

LOOLOO,

嘩....咁你個fd咪周圍問人借錢??

佢去完旅行之後有無逐d逐d咁還番錢比你呀?

我都覺得如果只係一次半次咁我都可以原諒(而且你稱得上係老死既應該都識左好多年吧)...但如果對方係慣性如此既話我寧願冷血d都唔會再理佢
私人傳訊

evaclw


複式洋房

積分: 454


17#
發表於 07-2-19 19:26 |只看該作者

Re: 真係睇唔過眼...好想呻下~~

Dear 瑤瑤:
Does your sister-in- law take care her husband well? If she only use the government allowance for her shopping, you can report it to relevent department.
私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


18#
發表於 07-2-19 21:05 |只看該作者

Re: 真係睇唔過眼...好想呻下~~

evaclw,

其實我都唔多清楚未來姑奶照顧得佢老公好唔好....因為我地好少見面的....我淨係知每次同未來姑奶見面佢都唔會帶佢老公出黎....因為佢老公如果出街就一定要坐輪椅....未來姑奶可能怕麻煩而寧願唔帶佢出黎

未來姑奶未夠30歲....而且係好要面既人....我地都知佢唔鍾意被街外面既人見到佢咁後生就要拖住個傷殘既老公

同埋我想問下社署所發放既意外傷亡援助金有無嚴格規定用途架?(即係家屬收左錢一定要全數用番0係個病人身上)?

其實我唔可以肯定未來姑奶買手機同相機都一定係用社署的援助金....我只係知佢一收到社署的錢就0係好短時間內買左至少呢兩樣幾千蚊既野(兩樣都係新款野)....咁佢本身份人工都係得幾千蚊....加上佢暫時都未有再問我未婚夫借錢....而令我思疑佢係濫用左筆援助金去for自己shopping

我相信佢都有用d傷殘津貼(呢筆係每個月都有發放的錢)去幫佢老公買成人尿片及病人所需既日用品....不過援助金就唔知佢有無用0係佢老公身上了

可惜既係我手上無十足既証據去舉報佢....同埋我就算去社署舉報....社署職員真係check佢既話....佢都應該會即刻話d野係買比佢老公用(因為佢老公隻手可以少少咁郁動而且頭腦係清醒)....就算社署向佢老公問話....佢一定會撐未來姑奶....因為佢咁後生就意外傷殘佢一直都好內疚....佢自責照顧唔到個老婆....咁告佢唔入會唔會反被社署話我報假案令我惹官非架?
私人傳訊

aunt-amie


大宅

積分: 1457


19#
發表於 07-2-19 22:20 |只看該作者

Re: 真係睇唔過眼...好想呻下~~

瑤瑤
我地真係搬屋避佢一家人架!!!
由香港搬過kowloon,
仲一路都唔俾佢地知我地既地址.
以前住得近,我同老公係佢地既人肉提款機,
我地話無,佢地會討價還價,由$500減到$100/200都好,
有時話無喎,真係唔方便,叔仔仲教我攞d野去當,或者問d
fd借俾佢 你話幾過份

62最鐘意早上7:00黎我地屋企按鐘,親我地一早趕時間返工,
唔可以拒絕佢,俾$$打發佢 :-( :-( :-(

諗起仲好興
其實依家99 & 62都有打電話問我地借,好無奈,
但已經無以前甘頻密啦!!
咪當俾$$$$老人家買野食囉

瑤瑤~ 寫道:
aunt-amie,

就算搬到天腳底....佢地都仲識打追魂call黎煩住你老公架嘛

最緊要都係你老公能唔能夠狠下心腸唔理佢地既要求....咁就算佢地追上門黎借錢都無問題

所以揀老公....揀著個孝順既會好慘(如果佢d屋企人係衰既話)....揀個不念親情既都係慘(咁對你都唔方會好) :cry: :cry:
私人傳訊

米米女


別墅

積分: 728


20#
發表於 07-2-19 23:46 |只看該作者

Re: 真係睇唔過眼...好想呻下~~

我個問題無你地咁大, 輕微d, 少少似啦, 讓我申下啦, 收埋收埋好耐, 無人可以講.

我地2公婆人工一般, 又早供樓所以都無咩錢剩, 老公無份工長, 做大半年就想轉工, 我都唔想佢做得辛苦, 所以會俾佢辭工再搵, 所以更加無錢剩, 有次仲半年無做野, 日日打機無搵工, 到卡爆啦, min都還唔到佢先的起心肝搵工, 當然要搵好快有, 後來我哥知我有卡數仲借十萬俾我, 話銀行息貴, 佢放定期不如照顧家人好過.

後來我地儲咗d錢, 就先還買樓首期錢俾62 (借咗3年, 借3萬還4萬), 諗住再3萬3萬還俾我哥, 點知我地一還俾62, 幾日後就問我地有無錢, 想借3-4萬公司周轉, 月底就還俾我地, 我地當時只有3-4萬, 真係借晒, 月底只剩幾百用.

到宜家... 我62未還, 我亦未儲到錢還俾我哥, 我都知佢唔係想拖我地, 正如我對我哥一樣, 所以永無追過, 點知無幾耐我聽到原來我99銀行係有幾萬架, 點解要打我地主意?


62,99:
你地要保障, 咁我地呢? 我地計過得番幾百都借俾你地, 原來你地收埋幾萬現金, 你明知我地只有3萬幾都要借晒? 我地只係供緊層100萬樓幾年, 你地已經有層300萬樓點周轉都得啦, 仲有你另一個仔同新抱都教書, 每幾個月就幾萬幾萬還供樓本金, 你唔問佢地借?

你地個個都係好有剩錢好有保障之下, 而我就好似攞我哥d錢借俾你地咁, 我覺得好對唔住我哥.

仲有... 你地可以食平d嗎? 去少d旅行嗎? 咁咪有錢囉, 我同老公行咗10年, 第一次坐飛機都係早2年蜜月咋.

99, 拜託, 唔好問我地攞多d家用去豪俾人, 你成日買餸俾你另一個仔, 佢俾番買餸錢你都好合理, 做咩唔收, 又要同我地申無錢??
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見