winghw 寫道:
其實我所有貴重物品都會瑣好，基本上佢冇乜機會落手。但我奶奶上來前後唔夠1小時，多數時間都係聽，因為佢抹地，奶奶當時湊佐BB入房一陣，佢都把握到機會巢奶奶手袋，我奶奶D錢收係手袋內格，內格也有拉鍊。我認為佢唔係一時貪唸，或受不住誘惑。佢偷我利是，也是我在家時出手。我唸我上佐廁所果幾分鐘落手都唔定。
可惜我手頭上冇佢身分證及passport的資料，因為visa未出，我冇合約係手，之前看佢passport時又唔記得抄底。各位如請工人，如遇到累似既人物，可pm我了解佢其他特徵，避免中招。好想打去入境處black list佢。最弊唔得。
winghw 寫道:
姓名：ANA
特徵：比較高，皮膚好黑。
因為驚佢改名再來香港，所以大家一定要留意。
我真係唔明，究竟佢係太叻定係太蠢。一D都唔識珍惜。
故事是這樣的：因為去年12月我個舊工人發我爛咋，一怒之下炒佐佢，所以急請現成工人。呢個印印來試工，表現良好，但佢係前僱主度做佐5個月。我打俾佢前僱主，前僱主對佢非常稱讚，只表示因為自己有了BB，因為個印印冇湊new born經驗，所以要換個有經驗的，所以炒佢。我因為急等人用，所以即使佢未完約，最終請了她。雖然對她仍然有D擔心，但愈用佢就覺得對佢愈滿意。她醒目，學野快，有心，懂得計劃工作，主動，有效率，許多野我講一次，佢就識點做，而且之後絕少出錯，好多工作我冇講過，佢都識自己計劃做好晒。最重要的是，佢湊我1歲既BB都很快上手（佢之前係冇湊BB經驗既），我既女很快就好跟佢。坦白講，我幾乎俾佢100分。總之，佢來佐，幫佐我好多。我真的以為自己執到寶了。當然，我內心更想不通，佢咁正，冇可能學唔到湊new born。冇理由會俾人炒。
大約一個月後的某一天，奶奶上來我家，之後我出了街，奶奶話佢留多一陣先返自己家。一小時後，我收到老公打來電話，話奶奶早上到銀行取了2000元，之後就上來我們家，之後返自己家數錢，發現不見了700。我聽了好不高興。咁即係話係我工人偷佐了。我叫老公兩頭問，第一問清楚係唔係奶奶去過邊使佐自己唔記得，一方面打電話試工人：“嬤嬤跌佐錢，你係屋企搵下見唔見。”結果奶奶好肯定自己一拿佐錢就上來我家，之後就直接返家。而工人也很莫名奇妙地講：“冇啊”。一點心虛都冇。冇證冇據，呢件事不了了之。當然我記在心上。但仍然希望係奶奶自己搞錯。
兩星期前，大堂看更阿姐突然同我地講：“你地請佐個新工人啊？佢今早湊BB落街，不過好快就返來。”我大吃一驚，因為我地還沒有俾瑣匙工人，不想她隨便湊BB落街。我馬上返屋企問印印，佢又係好莫名奇妙的態度答：“冇啊！點會啊！早上BB仲睡緊覺。”咁我話“你冇做過就好了，可能看更認錯人喇。但如果看更肯定話見過你，我地會去check大堂及lift既錄影電視。”佢很爽快地答：“好啊！”我希望係誤會一場了，於是再問看更，佢很肯定冇搞錯，而且說得出我BB及工人的主要特徵。於是我老公去看那天早上9點到11點大堂及lift既錄影電視，結果，甚麼都沒有發現。於是我想，應該係看更看錯，不過不肯承認喇。這件事又告一段落。但我都襯機會warn個工人，做人要誠實，如果你不誠實，我會馬上不用你。佢表現很誠懇地講：知道。
年初四的早上，老公話返工要派利是，我打開手袋（手袋平時就咁放係廳既），數利是俾老公，發現其中一種利是少了6封。我很肯定這種封套的利是我一封都沒有派過出去，因為這種利是封很特別的。這時的我差不多想暈低，第一個反應就是：這個人不能再用了。之後我同印印講：“我地都係唔可以留你喇，因為你唔誠實。”佢仍然一臉莫名奇妙的表情，問：“點解啊？”我同佢解釋我點解咁肯定佢偷錢。佢居然很冷靜，眼都冇抸一下地望住我，答：“我冇啊！”我講：“我知道你唔會認，但你心知肚明，自己做過乜。你執野走喇。”之後我看住佢執野，佢一D驚的態度都冇，也一D都沒有委屈的激動。佢甚至冷靜地主動俾我看佢的野。當然，我check過晒佢D野，乜野發現都冇。真恐怖！一個非常老練的賊！
送佐佢走後，阿媽提我check垃圾桶，結果我係後樓梯垃圾桶中找到我家的垃圾袋，而且在裡面發現那6個利是封。我再同阿媽傾返，阿媽話其實佢上來我家時手袋也是放在廳，然後經常走開，也試過兩次覺得好似少了錢，但搞不清楚是自己記錯還是被偷，因為不肯定，也不想我擔心，所以一直沒有出聲。我相信我媽早被佢落過手，奶奶的700元也是她所為，那天她肯定帶過BB落街（分分鍾係落街消贓），不過應該看更記錯時間，所以我查不到證據。可惜我不能報警，因為其實佢的visa還未出到，當然，我也因此不用再損失3400及機票。或者已經算好彩。
大家一定要小心這個人，我相信即使佢返佐印尼，佢仍然會改名來過。或者果個衰agent仲會幫佢再呃其他人。我真不知道我之前聯絡的是不是真是她前僱主，如果是的話，我覺得這個僱主真沒有良心，這樣來害其他人。因為這個僱主曾同我講，如果人地俾呢個印印100分，佢會俾110分，仲話這個印印很老實，手腳乾淨。當然，也有可能這個人是冒認的。
其實我真的覺得很可惜，她的工作表現十分好，我曾希望自己係執到寶，過年仲封佐兩封100圓大利是俾佢。我阿媽雖然早懷疑佢，但見佢咁勤快，也同樣俾佐兩封100圓大利是佢，可惜佢仍然不自愛，自毀前途！其實佢既工作表現我估在印印行列中冇乜幾個，我依家唸，如果佢良心發現，當時承認一切，兼拿返晒偷既錢出來，我可能都會俾多次機會佢。不過，佢最終係不折不扣的大賊。
多謝大家花時間看完呢個故事。現在的我又為請新工人而煩惱，今次我幾歹都請個4年完約既。雖然佢冇乜湊BB經驗，做野比較慢，希望佢可以快D上手喇。點解人地可以請個工人一用就係四年，甚至六年，我想搵個能夠好好地做兩年都咁難。BB依家先14個月，已經炒過3個工人喇。如果今次呢個都做唔長，我真想死。以後都唔識揀工人喇。
I looked at her to go inside the "prohibited area" in airport. 
發表於 
害群之馬影響其她一心打工的工人.
佢個名叫Lina, 皮膚又係黑黑地, 有笑容, 似賓賓多過似印印, 係單親媽咪, 有兩個女! 
返回列表
