Re: 我同99冷戰
我同意momo318既講法, 無論99幾唔岩幾唔著, 我地做後輩既, 點都唔可以先引發爭端!!
唔係話要妳谷住谷住, 而係可以做下戲囉, 我都明白同99住係好辛苦, 我住對面我都頂唔順, 我夠好想媽叉返佢咯, 但媽叉完佢之後, 件事會好轉咩?? 大家又會好過d咩??
凡事都要諗後果, 而係妳唔啋妳99可能妳會覺得冇咁大壓力, 或自由左, 但妳老公會點諗? 老土d講句, 阿媽係親生既, 點都切唔斷, (如果一個男人肯為左個老婆而唔要老母, 比妳都唔好要啦, 點知會唔會有日佢又為左第2個女人而唔要妳架!!) 何必要同一個永遠都會有關係既人鬥氣呢?!
而且妳老公夾係中間, 一定會覺得好煩, 當佢煩惱既時候, 又點會有好面色對妳? 妳咪更加唔開心!!!
我係老公面前, 永遠都對99好好, 係, 我會對老公投訴99d乜乜物物, 但我仍然對99好好, 老公都睇得出, 所以佢更加鍚我, 即使99講任何野都動搖唔到佢娶我既決心!! 妳知麻, 結婚前幾個月, 我99忽然落命令要我老公飛左我, 當時我不在場, 但我老公打電話比我, 聽得出99一定比左好多壓力佢, 因為連佢都話不如轉地下情好唔好! 我冇諗過就話好! 佢知道我好體貼佢, 唔係呢個時候煩佢, 要佢同佢阿媽搞對抗, 佢好感動, 結果, 佢諗左一陣就同佢阿媽講左一句說話 "我呢世人既老婆就只有xxx(即係我), 即使我地分開左, 我呢世都唔會娶第2個女人!!" 就係呢句說話, 令佢阿媽明白到, 我係佢個仔心目中地位有幾高, 知道我唔係好恰!
咁樣既結果, 係咪比發爛渣黎得好?
我唔係話一定要個個人同我一樣做小女人, 用柔情攻勢, 但我諗, 普天下既男人唔多唔少都總會受呢套!!
記住, 同妳過人世既, 係妳老公, 妳應該諗辦法cool住個老公, 而唔係做一d野令到佢遠離妳!!! 至於99, 只係我利用黎cool住老公既工具既一種!
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!