Baby Kingdom - 親子王國 香港 討論區 › 首頁 › 自由講場› 究竟點解釋先啱呢？

自由講場

收藏本版
發帖
返回列表
跳至頁

首頁
1

尾頁
   0
麟媽媽


王國長老

積分: 89576

好媽媽勳章 王國長老


1#
發表於 07-3-7 12:00 |只看該作者

究竟點解釋先啱呢？

琴晚諗來諗去都唔知自己有無講錯？
琴晚亞仔話我知，同賓姐行過行人天橋，
佢見到一個斷手既傷殘人士，
佢比晒自己一日既零用錢$4 比佢。
我同亞仔講呢D 人係比人操控的，
佢地可能比人整斷手腳再行乞！
如果你比錢，可能助長了他們。
亞仔個樣好疑惑，問我唔係要克己助人嗎？
因為我講過叫佢四旬期(宗教上)要多助人捐獻….
佢又話如果個人真係斷手的，搵唔到錢呢？
所以最後我話︰你覺得做得啱便可以了。

我地大人而家係咪變得好冷血呢？
回想細個我都成日比錢乞兒的，
點解人大左咁樣，仲唔鼓勵亞仔呢？
可能現實班自由行佢地確實係呃人，
但為著保住亞仔一顆善良的心，
你地覺得應該點同佢講先啱呢？
私人傳訊

JoJo


王國長老

積分: 68775

好媽媽勳章 醒目開學勳章 畀面勳章 王國長老


2#
發表於 07-3-7 12:12 |只看該作者

Re: 究竟點解釋先

麟媽媽,
我都有咁既疑問.. 因我見每星期六都見有人賣旗, 但我知有d 團體並非真的幫人.

但我又唔可以同個仔講.. 唔好幫佢買呀.. 個仔主動走埋去人地樹要求放錢買旗..

我個仔得4歲半.. 我都唔想抹殺左佢一顆幫人既心呢.. :-|
主愛我
生活世上幸福多，樣樣豐富主愛我；
天父造人像首歌，開心音符天天播。
星為我伴奏，風跟我握手；
天地海合奏，都表明主的愛。
私人傳訊

cookie


王國長老

積分: 12237

王國長老


3#
發表於 07-3-7 12:16 |只看該作者

Re: 究竟點解釋先啱呢？

麟媽,
之前我個囡都好似您個囝0甘, 都會問我羅錢, 但我無俾到, 而家時代好唔同, 人心真係好難測, 我記得當時照實同佢地講, 無錯佢地係好可憐, 但係佢地有0的可能係呃人架, 如果我地俾錢佢, 係害左佢地.
但如果佢地真係0甘樣有殘缺唔係呃人既, 佢地唔應該0甘樣羅錢錢, 如果要幫佢地, 我地可以搵社工幫佢地, 搵0的福利機構幫佢地. 就好似我地成日買旗個0的錢咪會幫呢0的有需要既人羅.
雖然好似將件事複雜化, 但我覺得要俾佢地知道而家既事實同俾佢地知道點解我地要0甘做.以上純粹個人意見
(~'.'~)  (^.^ )*^-^*
私人傳訊

mable1124


男爵府

積分: 5191


4#
發表於 07-3-7 12:21 |只看該作者

Re: 究竟點解釋先

我會咁講:
香港的褔利好好, 政府設了公援幫呢班人, 佢

私人傳訊

monkey妹


公爵府

積分: 28757

醒目開學勳章 畀面勳章 貢獻勳章


5#
發表於 07-3-7 12:25 |只看該作者

Re: 究竟點解釋先

無法啦, 太多衰人利用大家嘅同情心, 攪到唔知幫佢好定唔幫好 ?-( 對小朋友嚟講真係唔識分, 不過如果小朋友想幫佢地而只係小數目, 咁真係唔好抹殺左佢地嘅同情心!
節錄: 將進酒~李白
人生得意須盡歡，莫使金樽空對月，
天生我材必有用，千金散盡還復來。
烹羊宰牛且為樂，會須一飲三百杯。
岑夫子，丹丘生，將進酒，杯莫停。
與君歌一曲，請君為我傾耳聽。
鐘鼓饌玉不足貴，但願長醉不復醒。
古來聖賢皆寂寞，惟有飲者留其名。
私人傳訊

Verveine


男爵府

積分: 8605


6#
發表於 07-3-7 12:27 |只看該作者

Re: 究竟點解釋先

如果是慈善團體籌款，我會鼓勵小朋友捐助，因為如果是政府批准的籌款活動，應該不會有甚麼問題。
但如果是個體戶在街上行乞，我會告訴小朋友不用擔心他們，因為香港的福利體系健全，政府和慈善團體會照顧他們，他們每月都會有援助收入。我們準時交稅給政府，及捐助慈善團體，其實已經幫了他們。
私人傳訊

甜芋


男爵府

積分: 6998


7#
發表於 07-3-7 12:29 |只看該作者

Re: 究竟點解釋先啱呢？

哈囉 ! 麟媽媽 .

我都遇過同樣問題,當時囝囝捐咗錢俾佢認為有需要0既人.而我又覺得0固班人係自遊行來香港行乞揾錢.

但係我冇阻止囝囝0既行為.

等囝囝慢慢長大咗.佢地都會由報紙,電視等途徑中得到有關呢方面0既信息.而我會等佢自己分析.當然我都會留意佢0既行為同目的.一顆善良的心是要有的.但盲目的善良似乎欠缺思考.

例如,有同學問我囝囝借嘢用.因我囝囝現在6歲,尚需要我提點.我會提醒佢:借咗俾人,有機會整壞,萬一壞咗,你要有心理準備.借同唔借,你自己話事.
快樂的甜芋快樂的甜芋
私人傳訊

小草


王國長老

積分: 56966

15週年勳章 親子王國15週年勳章 親子王國15週年勳章 王國長老 BK猜猜猜慶中秋 好媽媽勳章 醒目開學勳章 畀面勳章 大廚勳章


8#
發表於 07-3-7 12:33 |只看該作者

Re: 究竟點解釋先

有次聽某歌手講，佢同朋友(都係歌手)一齊行街，有聾啞人士賣公仔，佢拒絕，點知比朋友罵，佢就話呢d人多數都係呃人，跟住佢朋友話點知道呢d人係咪真係傷殘，佢就寧願照幫，10個有1個真係幫到人既都好丫......

有時真係好矛盾，個心想幫，但又唔想比人利用同情心黎搵食...
私人傳訊

jk67jk


子爵府

積分: 10867


9#
發表於 07-3-7 13:03 |只看該作者

Re: 究竟點解釋先

我記得「天台的月光」套戲, 女主角(葉玉聊)係街遇到個男人, 佢話唔見左銀包要借錢趕住去醫院搵老婆, 個男人話遲d還返俾佢, 女主角好豪爽咁俾左 $200佢 (個女主角都幾窮,自身難保型)。 男主人 - 好似係梁家輝 - 話：「乜你咁易信人！佢邊會還俾你！ 你點知佢唔係呃你呀？」

女主角答：「我知丫！我都冇諗住佢會還。如果佢呃我, 我只係唔見左$200; 但係如果佢係講真的呢！」

我覺得, 想幫人(做慈善)就唔好成日算住人地係呃人ge~ 防人之心雖不可無, 但 self-defense 太犀利, 個人的同情心會慢慢失掉。十元八塊只係少事, 但心底裡不斷告訴自己, 那些人是呃錢的, 社會有保障機制... 人的口面愈來愈冷矣！

買旗我就一定支持, 只係睇下佢係乜野機構, 去衡量俾多俾少。 如果相信有需要的人可以獲得應有的社會保障, 咁...就應該相信政府批准的慈善團體; 更應相信社署對申請者的審核。

麟媽媽：
你個仔咁大, 同佢講乞丐有真有假都應該; 但係佢想俾, 又無需制止佢。 我覺得d 細路大左, 明白多一些人世險惡, 就好自然唔會再隨便俾街上的乞丐。

小草：
聾啞人士賣公仔哩樣, 好似有報章曾講過並不是政府核准的籌款項目。那些只是私人性質的買賣 — 佢地話為自己賺取生活費。
「多元社區，和諧並存；你我出手，聾健共融 」
私人傳訊

火柴人


洋房

積分: 83


10#
發表於 07-3-7 13:42 |只看該作者

Re: 究竟點解釋先啱呢？

麟媽媽

我都有同樣情況，我都是跟你一樣解比亞仔知。

至於買旗，我都是很亂，有些是機構籌圍內經費，如一次是禮賢會，拿，我真係比一元，但是樂施會或宣明會，就真係比多d，因服務範圍不同，但這兩個會是需要每月的持續經費，如果有能力就每月由銀行過數給她們，又可以解釋給仔仔知，又真是幫到真正有需要的，
私人傳訊

麟媽媽


王國長老

積分: 89576

好媽媽勳章 王國長老


11#
發表於 07-3-7 13:53 |只看該作者

Re: 究竟點解釋先啱呢？

我亞仔都唔細了成8 歲，
我同佢講是集團式行乞者，
佢當時真係好疑惑，
只因，佢看見係實實在沒有手的人…
一個小朋友係唔會明，
邊有人會自殘如此？為的只是幾蚊？！
所以，我諗我會由得佢，
將來佢大個左，佢應該會明白。

不過我自己成日比錢行乞既老人家的，
有次我老公話呢D 亞婆可能好有米，
但我覺得，咁老都企係個街，
呃你又好，點佢都辛苦架.....
呃盡都係$20，我好怕見到老無所依..... :cry:
私人傳訊

yywhk


子爵府

積分: 11376

醒目開學勳章


12#
發表於 07-3-7 14:20 |只看該作者

Re: 究竟點解釋先啱呢？

哈!可能我d囝囡細細個陪爺爺嫲嫲返鄉下嗰陣,我嚇過佢地,一定要好小心跟實父母,因有d壞人會捉走小朋友,然後斬手斬腳要d小朋友做乞兒仔揾錢,所以佢地都有個概念呢d乞兒唔係表面咁簡單?-(, 佢地都從來唔會考慮俾錢呢d人.......

但買旗我就冇乜同佢地講要分咩機構,我自己都好少因賣旗機構而拒絕買,反而見到d喜歡o既機構會俾多少少就有.

麟媽媽:

會唔會考慮同囝囝講咗事實就算呢?等佢自己決定以後仲俾唔俾.你都唔想老公左右你o既決定啦.

[img align=left]http://www.msndoll.com/uploads/imdoll-8134.gif[/img]
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy