樓市動向

收藏本版
發帖
返回列表
跳至頁

首頁
1

尾頁
   0
mission


子爵府

積分: 13831


1#
發表於 06-11-9 04:26 |只看該作者

發展商樓盤「噱頭」最誤導


發展商賣樓「逢盤皆豪」扭曲豪宅定義

近 年 發 展 商 賣 樓 包 裝 手 段 ， 模 糊 大 眾 對 真 正 豪 宅 的 定 義 。 中 原 測 量 師 行 撰 文 指 出 ， 發 展 商 「 逢 盤 皆 豪 」 的 宣 傳 及 高 價 賣 樓 手 法 ， 不 斷 擴 大 一 手 與 二 手 樓 價 的 差 距 ， 如 樓 市 只 持 續 平 穩 發 展 ， 則 每 當 樓 盤 入 伙 前 後 ， 便 可 能 發 生 不 少 撻 定 個 案 ， 直 接 影 響 樓 市 健 康 。

新 樓 盤 單 位 種 類 多 混 雜

中 原 測 量 師 行 聯 席 董 事 周 文 略 表 示 ， 近 年 各 大 發 展 商 推 盤 為 求 突 圍 而 出 ， 不 斷 硬 銷 「 新 豪 宅 」 概 念 ， 售 價 也 往 往 高 於 同 區 二 手 樓 價 20 至 30% ， 且 部 份 分 層 住 宅 的 價 格 更 超 越 97 年 傳 統 豪 宅 的 造 價 水 平 。 如 尖 沙 嘴 凱 旋 門 ， 最 高 呎 價 達 3.13 萬 元 ， 造 價 已 高 於 97 年 傳 統 豪 宅 區 淺 水 灣 或 中 半 山 物 業 的 呎 價 。 但 如 凱 旋 門 ， 除 有 3000 多 方 呎 的 大 單 位 ， 也 有 500 多 方 呎 的 上 車 盤 ， 如 此 混 雜 組 合 ， 猶 如 「 大 大 老 闆 與 小 小 職 員 同 處 一 區 」 ， 是 否 又 值 得 稱 得 上 真 正 豪 宅 ？

更 甚 者 ， 周 氏 雖 同 意 新 樓 與 舊 樓 價 格 上 應 有 差 距 ， 但 現 時 新 盤 愈 見 不 實 用 ， 根 本 不 能 與 傳 統 豪 宅 相 比 ， 故 價 錢 差 距 實 不 應 如 此 大 。 但 發 展 商 仍 不 斷 推 高 新 盤 售 價 ， 進 一 步 拉 闊 一 手 與 二 手 樓 價 差 距 ， 令 一 手 業 主 放 售 單 位 時 「 有 價 無 市 」 ， 當 樓 市 表 現 平 穩 時 ， 便 可 能 在 樓 盤 入 伙 前 出 現 大 量 業 主 撻 定 離 場 ， 影 響 樓 市 良 性 發 展 。

他 指 出 ， 豪 宅 傳 統 定 義 是 在 貴 重 地 段 ， 單 位 面 積 較 大 及 擁 有 靚 景 觀 ， 住 客 非 富 則 貴 。 新 豪 宅 的 特 點 則 無 地 點 、 規 模 及 面 積 大 小 限 制 ， 只 有 部 份 特 色 單 位 如 多 層 複 式 或 相 連 戶 ， 和 配 上 名 貴 用 料 及 大 會 所 。

蘋果日報
私人傳訊

puzzledmama


伯爵府

積分: 16156


2#
發表於 06-11-9 12:34 |只看該作者

Re: 發展商賣樓「逢盤皆豪」扭曲豪宅定義

而家攪笑到連在工廠區的500呎縮水樓都叫豪宅, 服左d發展商!
其實豪宅應起碼要有千呎以上,仲要在貴重地段, 遠離普羅大眾既地點,例如不會在人頭湧湧的地鐵或火車站旁!
家下"豪宅"處處皆是,太濫了!
私人傳訊

Kittymummy


翡翠宮

積分: 75906


3#
發表於 06-11-9 12:46 |只看該作者

Re: 發展商賣樓「逢盤皆豪」扭曲豪宅定義

個日去左葵涌睇下樓(所謂豪宅),真係不知所謂. 左右到都係工廠區.空氣差到不得了. 我係條街5分鐘已走人. 頂吾住 ! 600呎多d就賣到三百萬.實則都吾知有無400呎. 真吹脹 !
私人傳訊

yvonnefrances


禁止訪問

積分: 1200


4#
發表於 06-11-9 15:13 |只看該作者

Re: 發展商賣樓「逢盤皆豪」扭曲豪宅定義

提示: 作者被禁止或刪除 內容自動屏蔽
私人傳訊

Kittymummy


翡翠宮

積分: 75906


5#
發表於 06-11-9 15:28 |只看該作者

Re: 發展商賣樓「逢盤皆豪」扭曲豪宅定義

依家d樓好離譜, 有d實用率只有60%左右. 細到無人有.好似住緊比較豪華的"龍屋". 點住呀大佬! :tongue:
私人傳訊

SaBB


侯爵府

積分: 20916


6#
發表於 06-11-11 03:22 |只看該作者

Re: 發展商賣樓「逢盤皆豪」扭曲豪宅定義

本帖最後由 SaBB 於 20-4-22 00:40 編輯

Del
成功的人放眼於機會，失敗的人放眼於障礙。 生命長短我無法控制，但內容就可以由我發揮！
私人傳訊

mission


子爵府

積分: 13831


7#
發表於 06-11-14 07:26 |只看該作者

Re: 發展商賣樓「逢盤皆豪」扭曲豪宅定義


乜 樓 先 至 係 豪 宅 ？

「 豪 宅 」 本 來 係 尊 貴 身 份 象 徵 ， 但 今 時 今 日 呢 兩 個 字 ， 就 用 得 好 濫 ， 事 關 10 個 樓 盤 ， 有 8 個 都 話 自 己 係 豪 宅 ， 聽 都 聽 到 大 家 麻 木 晒 ， 而 網 友 們 亦 對 呢 類 新 興 豪 宅 議 論 紛 紛 。

Antia_block 《 香 港 討 論 區 》 就 為 呢 類 豪 宅 落 個 新 定 義 ︰ 「 新 豪 宅 咪 係 高 層 好 豪 ， 低 層 中 產 ， 隔 籬 街 就 係 地 盤 佬 、 工 廠 佬 、 街 市 佬 地 方 … … 」

網 友 LittleTomato 好 同 意 Antia_block 講 法 ， 仲 舉 例 ︰ 「 工 廠 區 的 豪 宅 ─ ─ 爵 悅 庭 ； 舊 區 中 的 豪 宅 ─ ─ 翔 龍 灣 ； 偏 遠 地 區 豪 宅 ─ ─ 御 皇 庭 。 」
kwchan 就 認 為 ， 現 時 豪 宅 定 義 只 係 單 位 呎 價 較 全 港 平 均 呎 價 高 於 特 定 水 平 住 宅 。 至 於 DT1025 就 演 繹 得 更 加 傳 神 ， 佢 話 ︰ 「 豪 宅 = 您 有 多 餘 錢 『 豪 』 畀 發 展 商 住 『 宅 』 。 」

廣 告 無 厘 頭

講 講 ， 大 家 又 將 話 題 轉 到 新 豪 宅 廣 告 ， I_am_Chris 話 ︰ 「 廣 告 直 頭 唔 知 佢 想 點 ！ 成 分 鐘 廣 告 ， 幢 樓 見 得 半 秒 ， 又 冇 地 址 、 區 份 ， 九 龍 定 港 島 都 要 靠 估 。 買 樓 單 睇 呢 就 死 硬 ， 唔 通 架 直 升 機 有 樓 盤 個 名 ， 飛 足 一 日 又 會 多 好 多 人 去 買 ？ 」

shawnseit 大 表 贊 成 ︰ 「 係 啦 ， 淨 係 香 港 先 有 ， 賣 樓 廣 告 會 唔 講 地 點 ， 即 係 佢 都 shame of 佢 個 location 。 」

聽 落 班 網 友 都 講 得 幾 有 道 理 ， 其 實 真 正 豪 宅 又 使 乜 搞 咁 多 花 臣 ， 好 似 山 頂 道 、 施 勳 道 帶 屋 苑 ， 好 多 都 簡 簡 單 單 用 番 個 街 名 就 算 ， 反 而 係 豪 唔 起 ， 又 要 扮 高 檔 樓 盤 ， 先 會 搞 鬼 死 咁 多 。

蘋果日報
私人傳訊

mission


子爵府

積分: 13831


8#
發表於 06-12-20 07:29 |只看該作者

Re: 發展商賣樓「逢盤皆豪」扭曲豪宅定義


發展商樓盤噱頭最誤導

山 頂 地 王 呎 價 創 新 高 ， 豪 宅 長 升 長 有 ； 相 反 ， 一 般 住 宅 就 谷 極 唔 升 。 發 展 商 扭 盡 六 壬 ， 無 論 新 樓 將 軍 澳 抑 或 上 水 、 元 朗 ， 一 律 冠 以 豪 宅 之 名 ， 再 加 上 各 式 各 樣 噱 頭 ， 不 過 ， 網 友 就 唔 多 受 落 。 有 網 友 《 香 港 討 論 區 》 搞 個 「 最 差 樓 盤 噱 頭 選 舉 」 ， 31 個 網 友 7 個 樓 盤 中 投 票 ， 結 果 大 比 數 勝 出 係 「 所 有 樓 盤 」 。

Jt921211 話 ： 「 我 個 人 認 為 葡 萄 園 的 gimmick 最 差 ， 九 唔 搭 八 。 」 Maytin 扮 到 一 本 正 經 話 ： 「 鍾 意 飲 酒 人 ， 會 覺 得 好 正 … … 如 果 係 米 酒 、 花 雕 、 五 加 皮 園 ， 會 冇 咁 崇 洋 。 」 Pulamore 就 好 勞 嘈 ： 「 如 果 有 全 年 最 差 廣 告 選 舉 ， 呢 堆 新 盤 廣 告 一 定 上 晒 榜 。 如 果 消 委 會 有 最 誤 導 消 費 者 廣 告 調 查 ， 呢 堆 新 盤 廣 告 亦 一 定 入 晒 圍 。 如 果 班 政 客 真 係 有 guts ， 就 唔 好 後 知 後 覺 ， 人 反 對 佢 又 反 對 拆 天 星 碼 頭 ， 企 出 炮 轟 地 產 商 賣 樓 手 法 嚴 重 誤 導 ， 一 定 更 得 民 心 。 」

萬 之 父 更 加 就 呢 堆 樓 盤 逐 個 「 彈 」 ：

君 滙 港 ─ ─ CEO living
佢 自 己 個 CEO 唔 住 ？

嵐 岸 ─ ─ 納 米 豪 宅
一 粒 骰 已 經 係 好 細 ， 你 仲 納 米 ！ 縮 水 樓 豪 宅 。

雍 雅 軒 ─ ─ 九 龍 市 區 豪 宅
呢 個 唔 知 佢 個 位 ， 可 能 俾 佢 誤 導 係 何 文 田 。

豫 豐 花 園 ─ ─ 市 區 豪 宅
雍 雅 軒 x2

葡 萄 園 ─ ─ 法 國 酒 莊
係 咩 ， 買 法 國 樓 ？

城 中 駅 ─ ─ 2006 年 市 區 唯 一 地 鐵 上 蓋 豪 宅
「 地 鐵 上 蓋 ， 豪 宅 ！ 」

蘋果日報
私人傳訊

mfung123


複式洋房

積分: 471


9#
發表於 06-12-21 01:04 |只看該作者

Re: 發展商賣樓「逢盤皆豪」扭曲豪宅定義

城 中 駅 ─ ─ 2006 年 市 區 唯 一 地 鐵 上 蓋 豪 宅
「 地 鐵 上 蓋 ， 豪 宅 ！ 」

When they charge the bus fee in Tseung Kwan O, they said it is a rural area so they charge more. When they sell flats they said it is in 市 區??? ?-(
Nick and Nicole
私人傳訊

mission


子爵府

積分: 13831


10#
發表於 06-12-21 08:29 |只看該作者

Re: 發展商賣樓「逢盤皆豪」扭曲豪宅定義


富 豪 居 所 才 叫 豪 宅

香 港 豪 宅 價 格 猛 漲 ， 但 是 我 有 參 與 編 製 ， 反 映 香 港 樓 價 的 中 原 城 市 指 數 總 是 不 漲 不 跌 。 因 此 ， 市 場 上 有 些 聲 音 要 求 我 們 編 製 一 個 「 豪 宅 指 數 」 來 反 映 豪 宅 的 價 格 走 勢 。 我 們 也 的 確 認 真 的 考 慮 ， 但 是 ， 當 我 們 選 擇 豪 宅 的 時 候 ， 我 們 又 有 些 擔 心 ， 擔 心 那 些 屋 苑 沒 有 被 列 入 豪 宅 指 數 的 地 產 商 會 向 中 原 地 產 施 加 壓 力 。 無 他 ， 因 為 香 港 的 確 有 不 少 包 裝 出 來 的 「 A 貨 」 豪 宅 。

豪 宅 值 錢 ， 發 展 商 都 千 方 百 計 地 包 裝 自 己 的 樓 盤 為 豪 宅 。 去 年 ， 這 個 方 法 也 的 確 湊 效 ， 那 些 通 過 廣 告 包 裝 出 來 的 「 A 貨 」 豪 宅 都 賣 個 滿 堂 紅 ， 許 多 買 不 起 真 正 豪 宅 的 炒 家 爭 買 這 些 「 A 貨 」 豪 宅 ， 準 備 大 炒 特 炒 ， 最 後 ， 大 部 份 都 虧 損 離 場 。

為 了 減 低 來 自 地 產 發 展 商 的 壓 力 ， 我 們 正 在 思 考 ， 是 不 是 能 推 出 一 個 不 公 布 成 份 屋 苑 的 豪 宅 指 數 ？ 但 如 果 不 公 布 成 份 屋 苑 ， 又 成 了 黑 箱 作 業 ， 黑 箱 作 業 炮 製 出 來 的 指 數 有 甚 麼 商 業 價 值 ？ 真 為 難 ， 讀 者 們 有 甚 麼 好 意 見 嗎 ？ 請 告 訴 我 。

甚 麼 是 豪 宅 ？ 1 千 萬 元 以 上 ？ 面 積 至 少 1500 平 方 呎 ？ 平 均 呎 價 1 萬 元 以 上 ？ 真 不 容 易 定 義 。 如 果 呎 價 1 萬 元 算 豪 宅 ， 那 麼 ， 呎 價 3 萬 元 算 甚 麼 ？ 前 日 山 頂 加 列 山 道 土 地 拍 賣 ， 單 是 地 價 就 已 經 高 達 呎 價 42658 元 ， 住 在 萬 元 呎 價 豪 宅 的 人 與 住 在 4 萬 元 呎 價 的 人 是 不 同 級 數 的 富 豪 。 為 甚 麼 香 港 富 豪 突 然 如 此 之 多 ？

買 A 貨 豪 宅 多 損 手

相 信 這 些 新 增 的 富 豪 不 是 土 產 富 豪 ， 而 是 外 來 的 富 豪 ， 或 者 ， 是 外 來 的 打 工 皇 帝 ， 他 們 可 能 是 來 港 上 市 的 內 地 民 企 主 席 ， 來 港 上 市 國 企 主 席 ， 民 企 主 席 是 老 闆 ， 國 企 主 席 是 打 工 皇 帝 。

還 有 ， 全 球 大 量 金 融 精 英 都 來 到 了 香 港 。 今 年 ， 香 港 已 是 全 球 上 市 集 資 額 第 一 的 城 市 ， 要 來 香 港 搞 上 市 集 資 就 需 要 有 一 流 的 人 才 ， 這 些 能 為 公 司 賺 取 數 十 億 數 百 億 金 錢 的 金 融 專 才 來 了 香 港 ， 豈 可 與 普 通 平 民 相 鄰 而 住 ， 當 然 得 住 豪 宅 ， 豪 宅 的 需 求 就 是 如 此 急 速 上 升 。 展 望 未 來 10 年 ， 相 信 更 多 國 企 、 民 企 會 來 香 港 上 市 ， 這 些 國 企 民 企 的 總 裁 ， 全 球 金 融 專 才 會 繼 續 來 香 港 。

看 來 ， 香 港 房 地 產 價 格 兩 極 化 的 現 象 會 更 加 激 烈 。 因 此 ， 我 也 不 奇 怪 新 地 （ 016 ） 前 日 以 呎 價 42658 元 買 山 頂 地 王 。 今 日 新 地 投 入 18 億 元 ， 將 來 這 幅 土 地 極 可 能 為 新 地 帶 來 5 億 元 以 上 的 利 潤 。 住 得 起 豪 宅 的 人 都 不 等 錢 用 ， 因 此 賤 價 割 愛 的 人 很 少 ， 一 般 炒 家 也 炒 不 起 呎 價 4 萬 元 的 樓 房 ， 豪 宅 地 段 不 可 能 增 加 ， 因 為 我 認 為 真 正 的 豪 宅 定 義 應 該 是 ： 「 富 豪 住 的 地 區 所 建 的 屋 」 沒 有 城 中 知 名 富 豪 入 住 的 地 區 ， 不 論 如 何 包 裝 也 不 可 能 變 豪 宅 ， 富 豪 是 不 會 住 在 公 屋 的 附 近 ， 不 會 住 在 破 舊 爛 屋 的 附 近 。
曾 淵 滄

蘋果日報
私人傳訊

mission


子爵府

積分: 13831


11#
發表於 06-12-22 08:11 |只看該作者

Re: 發展商賣樓「逢盤皆豪」扭曲豪宅定義


樓 市 污 煙 瘴 氣 賣 樓 蠱 惑 多 計

樓 市 兩 極 化 愈 愈 明 顯 ， 唔 單 止 係 平 樓 同 貴 樓 分 別 ， 仲 包 括 埋 買 賣 雙 方 關 係 ， 網 上 愈 愈 多 人 借 不 同 方 式 ， 抒 發 對 地 產 商 以 至 代 理 不 滿 。 睇 業 界 人 士 除 掛 住 搵 錢 ， 都 應 該 留 意 坊 間 對 佢 行 業 形 象 睇 法 ， 始 終 呢 行 都 係 靠 口 碑 。

《 地 產 王 國 》 地 產 講 場 內 ， 網 友 mr1963 整 幾 段 「 香 港 樓 市 打 油 詩 」 ， 以 下 節 錄 其 中 兩 段 ， 等 業 界 參 詳 。 （ 部 份 過 火 字 眼 經 過 改 動 ）

發 展 商 篇

地 產 商 家 真 巴 閉 香 港 樓 市 佢 玩 晒
房 局 高 官 任 指 揮 利 益 輸 送 似 速 遞
屋 苑 個 名 亂 咁 改 曼 克 頓 樓 在 九 西
求 求 其 其 叫 設 計 根 本 就 係 冇 智 慧
一 字 排 開 擋 風 勢 廚 廁 可 以 冇 窗 開
十 呎 樓 底 有 乜 為 個 廳 窄 到 擺 摺 檯
超 大 會 所 金 玉 砌 泳 池 深 度 得 一 米
建 築 面 積 大 一 大 實 用 面 積 任 佢 計
可 用 面 積 已 經 低 仲 要 扣 埋 大 露 台
開 盤 賣 樓 真 詭 偽 等 到 半 夜 先 至 開
想 要 價 單 冇 得 派 得 個 模 型 可 以 睇
真 假 消 息 來 做 勢 天 價 成 交 做 話 題
搵 個 鬼 婆 扮 高 貴 白 白 埋 廣 告 費
呎 價 貴 到 黐 晒 肺 質 素 差 到 冇 眼 睇
搞 到 有 樓 冇 人 買 年 尾 股 東 要 交 代
去 貨 就 要 諗 諗 計 改 名 重 推 送 優 惠
加 埋 劈 價 先 夠 快 劈 完 一 劑 又 一 劑
樓 市 低 處 未 算 低 可 笑 樓 花 變 花 蟹

地 產 代 理 篇

港 產 代 理 騎 呢 怪 一 千 幾 百 買 個 牌
外 表 其 實 冇 所 謂 知 書 識 禮 最 可 貴
點 知 趨 炎 兼 附 勢 西 裝 底 下 心 腸 壞
逢 親 開 盤 走 晒 街 頭 街 尾 佢 霸 晒
人 手 夠 多 夠 氣 勢 打 交 搶 客 嘈 嘈 閉
明 明 講 話 唔 買 跟 人 跟 足 九 條 街
佢 話 辛 苦 有 車 載 又 話 現 場 有 派
總 之 就 係 昆 人 買 唔 買 畀 佢 心 鬧
卒 之 有 客 走 埋 開 口 埋 口 叫 老 細
查 實 個 人 好 虛 偽 心 諗 冇 錢 咪 睇
終 於 搵 到 個 傻 仔 即 刻 埋 位 圍 住 砌
花 言 巧 語 全 出 齊 扣 住 證 件 焗 你 買
幾 百 萬 樓 話 唔 貴 指 住 幅 圖 猛 話 抵
催 住 快 簽 買 賣 契 按 揭 雜 費 遲 計
縮 水 漏 水 冇 問 題 就 算 有 都 佢 包 晒
一 話 減 佣 佢 唔 制 仲 話 呢 係 定 例
而 家 地 產 真 厲 害 你 話 邊 個 夠 佢 威

睇 完 兩 首 打 油 詩 ， 係 咪 好 有 共 鳴 呢 ？ 因 為 有 好 多 情 況 都 似 曾 相 識 。 未 買 樓 ， 不 妨 諗 點 樣 應 付 呢 場 面 。

蘋果日報
私人傳訊

mission


子爵府

積分: 13831


12#
發表於 07-1-2 04:41 |只看該作者

Re: 發展商賣樓「逢盤皆豪」扭曲豪宅定義


風 水 佬 賣 樓 即 時 見 效

基 地 產 （ 012 ） 旗 下 新 盤 廣 告 ， 繼 土 瓜 灣 翔 龍 灣 俾 網 友 彈 到 飛 起 之 後 ， 另 一 新 盤 大 埔 比 華 利 山 別 墅 一 樣 走 唔 甩 ， 個 廣 告 搵 幾 位 風 水 大 師 ， 唱 行 屋 苑 風 水 正 ， 捧 到 個 盤 天 上 有 地 下 無 ， 不 過 班 網 民 似 乎 唔 係 好 受 落 。

freelazy 《 香 港 討 論 區 》 上 面 問 ： 「 大 家 對 比 華 利 山 別 墅 搵 風 水 師 拍 廣 告 有 咩 意 見 ？ 大 家 會 唔 會 覺 得 買 屋 要 風 水 好 呢 ？ 」

p_wh2000 鐵 口 直 斷 咁 講 ： 「 搵 風 水 師 傅 賣 樓 ， 我 覺 得 比 請 明 星 代 言 更 hard sell 、 更 欠 缺 說 服 力 。 」 TulipLover 就 踩 多 一 腳 話 ： 「 同 意 ， 而 且 廣 告 時 間 太 長 ， 廣 告 內 容 唔 吸 引 ， 若 選 最 差 樓 盤 廣 告 ， 非 此 莫 屬 。 」 hkng888 搭 嗲 ： 「 點 吹 都 冇 用 ， 成 間 水 泥 廠 旁 邊 ， 想 肺 積 塵 咪 住 度 。 」

炒 熱 話 題 　 目 的 已 達

廣 告 最 緊 要 係 吸 引 人 ， 成 為 話 題 ， 網 上 你 一 言 、 我 一 語 咁 俾 人 炒 熱 ， 明 顯 創 作 人 已 經 達 到 目 的 ， 何 況 踏 入 新 一 年 ， 好 多 人 都 鍾 意 睇 風 水 、 問 運 程 ， 食 正 時 機 啦 。

蘋果日報
私人傳訊

mission


子爵府

積分: 13831


13#
發表於 07-1-7 07:49 |只看該作者

Re: 發展商賣樓「逢盤皆豪」扭曲豪宅定義


房 委 會 賣 樓 手 法 抵 讚

地 產 商 賣 樓 手 法 ， 成 日 被 批 評 欠 缺 透 明 度 ， 舊 年 仲 因 為 「 冇 價 單 」 事 件 觸 發 軒 然 大 波 。 唔 知 係 咪 呢 個 原 因 ， 今 次 政 府 重 售 居 屋 ， 帶 頭 做 好 多 正 面 示 範 ， 贏 得 唔 少 市 民 掌 聲 。

網 友 elevener 就 《 香 港 討 論 區 》 留 言 話 ， 觀 乎 政 府 今 次 售 樓 安 排 ， 有 好 多 抵 讚 地 方 ， 仲 舉 出 4 大 例 子 ︰ 「 1. 資 料 充 實 ︰ 今 次 房 署 把 很 多 資 料 在 網 上 發 布 ， 包 括 久 違 了 的 整 幢 價 單 、 近 40 頁 的 售 樓 說 明 書 、 個 別 單 位 客 廳 景 觀 等 ， 做 到 既 環 保 又 公 開 。 2. 靈 活 變 通 ︰ 1 月 2 日 嘉 峰 臺 現 樓 開 放 時 間 原 定 7:00pm 完 結 ， 但 礙 於 人 潮 ， 最 終 開 至 近 8:00pm ； 雖 然 6:15pm 曾 一 度 想 截 人 ， 但 最 終 有 人 出 面 取 消 ， 證 明 房 署 有 很 大 進 步 。 3. 現 場 人 員 態 度 友 善 ︰ 我 現 場 拍 照 ， 工 作 人 員 很 有 禮 貌 地 指 示 禁 止 拍 照 。 4. 廣 告 宣 傳 絕 不 浮 誇 ︰ 今 次 廣 告 宣 傳 有 一 貫 政 府 廣 告 傳 統 ， 令 人 發 笑 ， 但 絕 不 像 那 些 私 人 樓 盤 令 人 恥 笑 。 」

廣 告 可 笑 　 好 過 可 恥

canphyto 同 樣 讚 揚 政 府 今 次 改 善 服 務 ， 認 為 值 得 各 大 地 產 商 效 法 。 不 過 ， 小 賤 男 就 抵 死 回 應 ︰ 「 發 展 商 做 到 咁 ， 仲 點 『 坤 』 到 人 買 佢 縮 水 樓 ， 佢 唔 搵 個 假 圖 則 『 坤 』 你 都 偷 笑 喇 ！ 」

其 實 「 光 明 磊 落 」 唔 一 定 會 影 響 銷 情 ， 好 似 房 委 會 咁 ， 講 到 明 牛 池 灣 嘉 峰 臺 未 來 業 主 ， 除 要 承 擔 附 近 超 過 10 萬 方 呎 斜 坡 維 修 責 任 ， 仲 要 負 責 屋 苑 小 巴 站 管 理 、 維 修 及 保 養 費 ； 至 於 曾 發 生 短 樁 事 件 天 水 圍 天 富 苑 ， 售 樓 說 明 書 亦 提 到 屋 苑 可 能 會 有 天 然 沉 降 。 雖 然 政 府 將 所 有 衰 攤 開 講 ， 但 開 售 當 日 ， 樂 富 中 心 仲 未 開 門 ， 已 經 有 幾 十 人 排 隊 ， 首 一 小 時 已 派 出 千 幾 份 申 請 表 。 據 房 屋 署 發 言 人 稱 ， 首 日 截 至 下 午 5 時 有 逾 5610 名 準 買 家 參 觀 示 範 單 位 。

居 屋 因 為 有 折 扣 率 關 係 ， 樓 價 相 對 較 平 ， 對 買 家 始 終 有 吸 引 力 ， 雖 然 質 素 好 難 同 私 樓 比 ， 但 起 碼 發 展 商 （ 房 委 會 ） 君 真 ， 市 民 一 早 知 道 物 業 利 弊 ， 買 唔 買 係 個 人 決 定 ， 唔 使 等 入 伙 收 樓 時 先 發 現 問 題 一 籮 籮 。

蘋果日報
私人傳訊

mission


子爵府

積分: 13831


14#
發表於 07-2-4 06:01 |只看該作者

Re: 發展商賣樓「逢盤皆豪」扭曲豪宅定義


油 魚 扮 鱈 魚 上 車 盤 充 豪 宅

百 佳 將 油 魚 當 鱈 魚 賣 ， 搞 到 唔 少 市 民 食 到 屙 油 ， 事 件 擾 攘 個 多 星 期 ， 越 揭 越 臭 。 事 態 發 展 至 今 ， 仲 未 有 人 或 機 構 企 出 為 事 件 負 責 ， 班 網 友 好 似 追 連 續 劇 咁 ， 有 更 聯 想 到 近 期 發 展 商 賣 樓 手 法 。

tfanman 《 香 港 討 論 區 》 度 寫 句 相 當 精 警 對 聯 ： 「 油 魚 偽 冒 鱈 魚 ─ ─ 一 褲 都 係 ， 上 車 盤 充 當 豪 宅 ─ ─ 一 殼 眼 淚 。 」 abcpqr 即 時 回 應 話 ： 「 食 假 魚 屙 油 ， 買 假 樓 屙 血 。 」 LMB 睇 完 之 後 覺 得 ： 「 呢 個 比 喻 真 係 一 流 ！ 」

冇 人 迫 你 買 　 只 係 昆 你 買

除 誇 讚 tfanman 有 諗 頭 ， 個 別 網 友 對 事 件 亦 有 自 己 睇 法 ， 好 似 abcpqr 就 話 ： 「 一 貫 做 生 意 手 法 ， 不 必 大 驚 小 怪 ， 食 你 唔 死 係 你 夠 運 ， 屈 你 唔 死 係 你 命 硬 ！ 假 貨 繼 續 賣 ， 冇 人 迫 你 買 ， 但 有 人 昆 你 買 ， 一 切 程 序 合 乎 法 律 。 」 數 碼 王 子 都 話 ： 「 呢 都 係 包 裝 伎 倆 ！ 」 見 冇 乜 人 撐 自 己 ， abcpqr 再 補 充 兩 句 ： 「 賣 假 魚 或 者 賣 假 樓 ， 都 係 唔 受 監 管 ， 任 由 用 家 屙 油 或 屙 血 ， 誰 是 話 事 人 一 目 了 然 。 」

japanboy 亦 自 創 對 聯 作 總 結 ： 「 樓 主 對 聯 及 其 他 朋 友 的 比 喻 很 公 整 ， 妙 極 ， 我 也 學 人 拋 磚 引 玉 ： 買 去 百 『 街 』 ， 好 易 揩 ； 買 樓 搵 長 『 』 ， 好 易 香 。 」

就 上 述 事 件 ， 問 過 幾 家 發 展 商 睇 法 ， 不 過 全 部 以 油 魚 事 件 尚 未 有 結 論 為 由 ， 拒 絕 回 應 。 度 奉 勸 買 家 ， 不 論 買 魚 定 買 樓 ， 搵 間 商 譽 好 就 最 安 全 。

蘋果日報
私人傳訊

mission


子爵府

積分: 13831


15#
發表於 07-2-15 10:09 |只看該作者

Re: 發展商賣樓「逢盤皆豪」扭曲豪宅定義


風 水 師 賀 新 盤 得 啖 笑

年 近 歲 晚 ， 除 特 別 多 恭 維 說 話 聽 ， 睇 怕 風 水 運 程 資 訊 就 最 聽 。 上 個 月 大 埔 比 華 利 山 別 墅 大 賣 電 視 廣 告 ， 搵 一 批 風 水 師 大 談 樓 盤 風 水 ， 一 個 唔 該 畀 小 鄧 佢 個 人 網 誌 《 小 鄧 Blog 》 借 題 發 揮 一 番 。

搞 噱 頭 莫 認 真

小 鄧 話 ： 「 最 近 ， 又 有 新 樓 盤 推 出 ， 位 於 大 埔 區 ， 今 次 大 陣 仗 啦 ， 地 產 商 出 動 8 個 風 水 佬 / 婆 ， 公 開 電 視 出 show （ 廣 告 ） ， 中 心 點 都 係 發 發 發 咁 話 喎 ！ 我 有 個 朋 友 原 本 想 話 去 睇 樓 ， 趁 熱 鬧 ， 但 係 睇 睇 個 廣 告 ， 覺 得 太 誇 喎 ， 搞 到 個 個 行 入 去 睇 樓 ， 都 好 似 發 錢 寒 咁 ， 我 笑 問 佢 ： 『 你 唔 係 好 想 發 咩 ！ 』 」

佢 仲 講 ： 「 從 地 產 商 呢 個 廣 告 ， 唔 難 睇 到 香 港 人 思 想 出 處 。 以 前 ， 有 個 外 國 客 人 問 我 ， 點 解 香 港 （ 中 國 ） 人 過 年 時 候 ， 祝 賀 語 都 喜 歡 同 錢 財 有 關 ？ 開 口 第 一 句 就 係 恭 喜 發 財 ？ 哈 ！ 真 係 問 到 我 ！ 恭 喜 發 財 、 橫 財 就 手 由 細 聽 到 大 ， 但 咁 多 年 咯 ， 又 唔 見 發 得 去 邊 。 」

跟 住 就 呻 ： 「 其 實 ， 窮 人 梗 係 想 發 達 啦 ， 仲 使 講 ！ 有 錢 人 唔 想 更 有 錢 咩 ？ 咪 一 樣 。 睇 地 產 商 今 次 敲 鑼 打 鼓 ， 叫 大 家 放 心 買 佢 樓 ， 好 似 入 去 住 就 發 梗 咁 ， 你 信 唔 信 。 諗 落 都 好 墟 喎 ， 入 去 住 班 業 主 全 部 一 齊 發 晒 喎 ， 小 心 引 晒 賊 佬 去 度 搵 食 就 大 鑊 … … 」

對 一 般 小 市 民 講 ， 一 幢 花 園 大 屋 閒 閒 兩 、 三 千 萬 ， 就 算 中 六 合 彩 頭 獎 都 買 唔 起 ， 有 酸 葡 萄 心 態 係 人 之 常 情 。 不 過 ， 小 鄧 發 言 亦 揭 示 發 展 商 為 催 谷 樓 盤 銷 情 ， 無 所 不 用 其 極 ， 有 時 候 過 火 ， 搞 到 妹 仔 大 過 主 人 婆 ， 宣 傳 同 包 裝 門 面 做 到 足 ， 但 係 最 基 本 物 業 質 素 反 而 每 下 愈 況 。 就 好 似 夢 夢 回 應 ： 「 風 水 佬 呃 你 十 年 八 年 」 ， 最 怕 第 日 變 成 「 地 產 佬 呃 你 十 年 八 年 … … 」

蘋果日報
私人傳訊

mission


子爵府

積分: 13831


16#
發表於 07-3-19 07:53 |只看該作者

Re: 發展商賣樓「逢盤皆豪」扭曲豪宅定義


雍雅軒業主 投訴長實賣樓誤導

【明報專訊】39名雍雅軒業主向立法會議員李永達投訴，指去年向長實買樓花時，長實並無提供全面樓價資料，但長實其後推出更大優惠，他們質疑遭長實及地產代理誤導，希望長實提供所有優惠計劃讓他們重新選擇。

長實發言人回應表示，過去曾因應市
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy