夫婦情感

收藏本版
發帖
返回列表
跳至頁

首頁
1

尾頁
   0
lau


子爵府

積分: 11754


1#
發表於 07-3-28 04:42 |只看該作者

同99住既媽咪, 一日三餐需唔需要幫你99諗埋食乜.

以前我99返工,我同d小朋友食乜都好簡單, 總之一個人想食乜就食乜, 而家佢退休, 成日對鬼住佢我都好唔自在, 早上多數食面包, 到下午就慘了, 我又唔係咁想煮飯, 又要諗送, 食完又要洗做一大輪野, 到時候又要湊個女返學, 又要照顧bb, 平時有鐘點來我就會湊完女, 然後出街, 由得佢自己諗煮唔煮飯, 總之唔駛預我, 但假日鐘點唔來就要諗埋佢食乜, 好多時我會買外賣, 但都要問佢你食乜, 佢又問返我, 我食乜, 最慘佢又無牙食, 又要幫佢諗埋佢岩食乜, 你知啦! 茶餐廳來去都係個d飯, 有時食得多都唔知食乜好, 但我又真係唔想下午煮飯, 夜晚又煮飯, 我只想下午求其醫飽個肚便算, 而佢又唔想成日煮埋比我食, 好似鐘意就煮一,兩次, 唔鐘意就要我諗埋佢食乜野, 變左為左食呢樣野好煩, 以前我簡簡單單一個人食乜都得, 有時問佢, 又扮可憐唔食, 幫佢買個面包, 其實朝早佢係出面食飽左, 以為我唔知, 係度扮晒野, 唉, 我真係覺得好煩, 佢係屋企就覺得好煩, 其他d仔新抱又扮忙陪唔到佢, 變左要對足三十日, 想話同老公過一日半日二人世界都唔得, 所以一到假期就慘, 諗佢食乜諗到頭髮白. :-(
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見