自由講場

跳至

首頁
12

尾頁
   0


男爵府

積分: 5896


1#
發表於 07-3-26 21:29 |只看該作者

請用左手寫字小朋友媽咪入黎幫幫忙

呢排為咗呀仔做功課令我好頭痛
本身呀仔係用開左手..但開學後
我亦順應老師堤議比呀仔試下用
右手..起初只係連線..佢用右手冇
問題..而家開始學寫字..問題出現喇
佢同我講唔鍾意返學因為要寫字
其實我唔係要佢寫得靚架..只係想佢專心d
最令我頭痛係我應唔應該比佢試下用返左手
定繼續用右手呢..我應該点做好:-( :-( :-( :-( ..請有經驗媽咪比下意見我...


禁止訪問

積分: 940


2#
發表於 07-3-26 21:36 |只看該作者

Re: 請用左手寫字小朋友媽咪入黎幫幫忙

提示: 作者被禁止或刪除 內容自動屏蔽


珊瑚宮

積分: 119913

2024年龍年勳章 好媽媽勳章 畀面勳章


3#
發表於 07-3-26 21:36 |只看該作者

Re: 請用左手寫字小朋友媽咪入黎幫幫忙

我仔仔都係左手架....佢係學校..老師係教用右手...咁如果返到屋企佢寫極都寫得唔靚...我都係會捉住佢右手寫一次...再等佢自己做功課..初初我都會叫佢半page左手半page右手咁寫..但係真係睇到左手有力,寫得直同靚d..右手冇力,寫唔到直線....咁之後..我會隨佢用左or右...因為迫佢都幾辛苦..再講依家仔仔其他2邊都寫到字


超級版主

積分: 55024

2025勳章蛇年勳章 2024年龍年勳章 2023年兔年勳章 2018父親節勳章 2018母親節勳章 熱血金章 精緻種植勳章 好媽媽勳章 超級版主 2011至尊種植勳章 環保接龍勳章 大廚勳章 BK猜猜猜慶中秋 hashtag影視迷勳章


4#
發表於 07-3-26 22:06 |只看該作者

Re: 請用左手寫字小朋友媽咪入黎幫幫忙

我個仔本身都係用左手,但之前間幼稚園要佢用右手,佢用右手寫簡單野冇問題,不過係醜樣d同慢d,但係間學校k2就要寫魚貓狗(上學期),上堂又成日都係寫字,返到屋企又要寫成64個中文字,一寫就要個幾兩個鐘,佢又唔專心,我又打又鬧又'tum'又讚都唔得,關係一度緊張,同老師反映,個主任話唔係咁佢地上小學追唔到,想佢寫得好就另外再買練習簿佢寫(大佬,佢做功課都做兩、三個鐘,仲要佢做練習? ),跟住我書面要求老師對我個仔降低要求,人地寫花貓時我個仔就寫山火,當然個仔係同學仔練字時佢要坐開寫其他字都會有壓力同唔開心,間學校仲要有考試鬥高分,我見唔對路就立即同佢轉校。佢之後係保記讀都唔知幾開心,寫字易左同少左,佢寫得有成功感好多,我都唔駛咁勞氣,而家k3寫快左就可以另外教佢寫多d字。

如果轉左練右手就唔好再轉,等佢寫慢d,唔好寫咁多,大不了功課一半都係妳捉佢手寫都唔緊要,總之唔好要佢一次寫太多太耐;同佢玩多d用右手穿珠仔、玩下泥膠,等佢練下右手手腕靈活d;另外亦都要學校肯體諒同配合,如果學校程度太深對小朋友有壓力,轉到一間較活動教學ge學校會好d。

盡我一己之力,發放正能量!


伯爵府

積分: 18035

育兒性格勳章 好媽媽勳章 醒目開學勳章 畀面勳章


5#
發表於 07-3-26 22:23 |只看該作者

Re: 請用左手寫字小朋友媽咪入黎幫幫忙

我大仔10歲都係左手,我從來無強迫佢用右手,任佢自由發展,幼稚園老師有提意叫佢改右手,因統一教寫字好D,我都無理會,其實左右腦一齊用真係聰明D,腦筋轉得快D,我個仔96年12月30日出世,今年5年級,是全級最細果個,係學校成績唔錯,好多時學校揀選佢去比賽!
大帽山下某條村落黃色的小屋,住有羊爸爸ammy、羊媽媽sandy、羊哥哥reego、羊細佬ricky!


男爵府

積分: 9546


6#
發表於 07-3-26 23:18 |只看該作者

Re: 請用左手寫字小朋友媽咪入黎幫幫忙

我都問過醫生,因我女都係用左手, 所有既老人家都耍求我教佢用番右手, 但醫生話順其自然, 不耍左右她, 女用左手, 佢只不過用右腦思唯, 字寫得不知幾靚, 畫畫得不知幾有創意, 佢而家study一年級, 有時D畫可以拿90分, 好難嫁...所以不耍為小朋友用左手而好似有殘障錦嗱!!!


男爵府

積分: 5896


7#
發表於 07-3-26 23:21 |只看該作者

Re: 請用左手寫字小朋友媽咪入黎幫幫忙

weima
佢都有大半年用右手連線..真正寫字都係


男爵府

積分: 5896


8#
發表於 07-3-26 23:30 |只看該作者

Re: 請用左手寫字小朋友媽咪入黎幫幫忙

reego
咁你囝囝幼稚園果陣点教佢寫字
bossmum
我呀仔佢令願畫畫都唔肯寫字


複式洋房

積分: 174


9#
發表於 07-3-26 23:54 |只看該作者

Re: 請用左手寫字小朋友媽咪入黎幫幫忙

我個仔都係用左手.
職業治療師話: 左或右手學寫字嘅筆序都係一樣.
唔會話左手特別難教.


公爵府

積分: 26701

畀面勳章


10#
發表於 07-3-27 00:17 |只看該作者

Re: 請用左手寫字小朋友媽咪入黎幫幫忙

如果老師為左方便自己而要求小朋友就佢, 我覺得有d過份, 而家又唔係佢用左手寫有問題


男爵府

積分: 5848

畀面勳章


11#
發表於 07-3-27 00:40 |只看該作者

Re: 請用左手寫字小朋友媽咪入黎幫幫忙

我囡囡讀幼稚園時d老師從來都冇迫佢用番右手,只係開學時問過我地想點,佢地會配合番我地,所以我囡囡一路都係用左手,佢而家已經二年班喇。 佢最近先話番俾我聽原來讀幼稚園時我老公試過靜鷄鷄要佢用番右手,佢話覺得好辛苦,有幾次仲喊添,後來我老公先冇再迫佢,佢話個時覺得爸爸好衰,所以你都唔好迫你仔仔喇,由得佢啦。


男爵府

積分: 9804

畀面勳章


12#
發表於 07-3-27 02:35 |只看該作者

Re: 請用左手寫字小朋友媽咪入黎幫幫忙

我都覺得應順其自然,我自己都係用左手寫字~到現在女兒都係用左手渣筆的~雖然她未開始寫字,只係普通做下連線~但我都由她,等佢自由發揮,我之前都試個叫佢不如試下用右手啦,但發覺真係兩回事咁...佢左手渣筆同運用技巧d力真係似樣好多~ 而老師都有同我說女兒是偏左手的,但就冇叫我同女兒轉番右手,所以學之前果位樓主話如果老師為左方便自己而要求小朋友就佢,就真係唔駛理會 ~
(只要筆順同右手一樣就可以了)^^~


男爵府

積分: 5896


13#
發表於 07-3-27 09:20 |只看該作者

Re: 請用左手寫字小朋友媽咪入黎幫幫忙

好多謝各位比我意見..今日放學會比佢試下用
番左手寫睇下會唔會好d..如果佢自己都覺得左手舒服,我一定唔會迫佢,到時會再同老師反映


伯爵府

積分: 15203

好媽媽勳章 醒目開學勳章


14#
發表於 07-3-27 10:24 |只看該作者

Re: 請用左手寫字小朋友媽咪入黎幫幫忙


我女自細都係用左手, 寫字畫畫都係, 幼稚園老師都話順其自然, 唔洗轉右手. 筆順都係照跟大隊.

寫啲字都過得去, K3寫 "動物", "環保", "公園", "溫暖" 都可以, 當然唔會好靓啦. 寫英文時, 自己隻手會遮住左手邊寫咗嗰啲字, 但係問題唔大, 反而我好注意燈光, 要肯定燈光唔會比隻手遮住.

用右手阿女跟本無力. 刷牙, 食飯都係用左手為主.


伯爵府

積分: 18035

育兒性格勳章 好媽媽勳章 醒目開學勳章 畀面勳章


15#
發表於 07-3-28 07:35 |只看該作者

Re: 請用左手寫字小朋友媽咪入黎幫幫忙

順其自然啦~~~佢用慣左手,要佢用番右手佢又唔開心,左手寫字畫線條和寫字係差D,老師緊係希望佢用右手統一教,果時幼稚園老師k1時見親我都叫我訓練佢用右手,果時阿仔搭校車,我少去學校接,我見阿仔都寫到字,都唔理佢,再大D寫字就無野,做功課都唔知幾快,你不如問個B意見,想用邊隻手寫字,唔好強迫佢,由佢自由發展!我估佢喜歡用左手多D,你愈迫佢用右手,佢會愈逃避可能會唔鍾意返學和寫字!
大帽山下某條村落黃色的小屋,住有羊爸爸ammy、羊媽媽sandy、羊哥哥reego、羊細佬ricky!


男爵府

積分: 9546


16#
發表於 07-3-28 09:58 |只看該作者

Re: 請用左手寫字小朋友媽咪入黎幫幫忙

catcatchong,
首先, 真係唔好再迫佢, 比佢自由發揮, even畫畫, 一定耍讚佢叻叻, 唔好令佢怕咗揸筆lee個動作. 老師方面, 直情同佢哋講:我作為家長, 巳經consult咗醫生既專業意見嫁喇, 唔該!!
catcatchong 寫道:
好多謝各位比我意見..今日放學會比佢試下用
番左手寫睇下會唔會好d..如果佢自己都覺得左手舒服,我一定唔會迫佢,到時會再同老師反映


珊瑚宮

積分: 119913

2024年龍年勳章 好媽媽勳章 畀面勳章


17#
發表於 07-3-28 10:11 |只看該作者

Re: 請用左手寫字小朋友媽咪入黎幫幫忙

catcatchong 寫道:
月希
我仔都係寫唔到直線..仲寫到要訓覺
你係点樣比佢用番左手架????


我一開始就冇迫過佢用右手丫...
佢一直都係左手寫字,畫畫,食飯
不過學校老師教寫字係教右手...我係屋企教佢寫都係右手...佢右手比我地捉住寫完,佢記得d筆順,同個字型..就自己再用左手寫囉
就係咁..每個字..我仔仔左右手都識寫...只係右邊冇咁有力同d線冇咁直囉...
不過有時得閒..我都會教下佢用右手寫字..我想佢2邊手都用到...


子爵府

積分: 10572


18#
發表於 07-3-28 10:22 |只看該作者

Re: 請用左手寫字小朋友媽咪入黎幫幫忙

等我又講下啦!
我自己係用左手寫字,任何事都係.
我諗我會比其他有子女係左手既媽媽更加明白,因為係我既親身經歷.
既然你仔仔天生係左手發力既,你就順其自然啦!因為好似一般人用右手一樣,佢用左手做野一樣會冇問題,至於佢寫字方面,佢都會自己慢慢識寫,唔識人教佢架啦!我細個都係冇人教,咪又係會識寫字,而且寫得好快添!
你可以自己試下用左手,就知係幾冇力,而你仔仔用右手,情況一樣.
我慶幸20,30年前,媽媽都冇迫我,由我自由發展.


男爵府

積分: 5896


19#
發表於 07-3-28 11:01 |只看該作者

Re: 請用左手寫字小朋友媽咪入黎幫幫忙

月希
唔知係咪佢用咗大半年右手寫.琴日咪叫佢試番左手
但最後佢選擇右手..佢而家食飯用筷子就用左手..又時右手
唯有等佢順其自然


男爵府

積分: 9898


20#
發表於 07-3-28 12:36 |只看該作者

Re: 請用左手寫字小朋友媽咪入黎幫幫忙

我個仔都係用左手寫字架!!! 開頭我叫佢用右手
wallacemama

首頁
12

尾頁

跳至
Presslogic Logo
Baby Kingdom Logo