夫婦情感今日: 1|主題: 42724

收藏本版

發帖

返回列表

跳至頁

查看: 1333 | 回覆: 2

父母冷戰左兩個幾月,拜"和合二仙"有用嗎? [複製鏈接]

gogogo~

男爵府

積分: 9847

1^#

發表於 07-5-6 00:10 |只看該作者

父母冷戰左兩個幾月,拜"和合二仙"有用嗎?

我阿爸不嬲都好小器,今次無聊到因為年初三我阿媽跟阿姨返大陸間屋玩左3日(事前有同佢講),點知返到黎我阿媽撩極佢都唔唔睬佢.
佢地兩個退左休近兩年,我地d女嫁晒唔同住.以前佢地會隔日一齊周圍行下/去圖書館,依家我阿媽撩佢出街佢就黑口黑面唔睬佢,令到我阿媽好激心.
我地明知係阿爸唔岩,話過佢好多次,佢話決定左係唔會改變(意思係唔同我阿媽講野/出街),我為呢件事好唔開心,有日初初冷戰同佢地飲茶我諗住做和事佬,捉住佢地隻手一人一杯茶碰杯話大家飲完杯茶之後就和好如初啦!點知我阿爸唔肯碰杯仲好硬頸咁自己飲晒杯茶去,激到我即場眼淚流.連我都咁激心更何況我阿媽睇在眼內?
依家每個禮拜同佢地飲茶都係貌合神離無講野,但各自就會同我講野,睇到佢地咁我好唔安樂,我阿媽話阿爸依家性格都變晒,好決絕.我阿媽就係因為屈住唔開心搞到血壓高番,個頭痛同麻痺,中醫話有中風先兆,佢睇完醫生返黎同我阿爸講,佢都仍然係黑口黑面不聞不問,我知道左覺得佢太過份, SMS去鬧鬼佢,話佢做咩要咁樣精神X待阿媽,係咪要激到佢爆血管中風先安樂?佢覆我話洗咩擔心丫,阿媽日日係屋企煲碟都不知幾精神!(嬉皮笑臉咁)
我好擔心佢地唔係要黎緊既時間都咁渡過呀?!
大家認為有咩方法可以幫到佢地呢?去見社工佢地實唔肯,成日要我地幾姊妹做中間人都唔係辦法咖!聽講係咪去拜下/恭奉和合二仙可以幫到夫妻和順?我諗住搵個好日同我阿媽去.

P.S. 我阿爸64歲 ; 阿媽58歲

私人傳訊

kenisyang

洋房

積分: 57

2^#

發表於 07-5-6 12:29 |只看該作者

Re: 父母冷戰左兩個幾月,拜"和合二仙"有用嗎?

Hi gogogo,

可能過多一陣沒事呢, 嬲得幾耐, 可能妳亞爸想你地個個咁緊張, 佢就開心, 睇佢嬉皮笑臉咁就知啦, 好似我老公咁成日同人唱反,成個細路咁, 可能亞爸都係咁, 我認為叫你亞媽唔好理佢一段時間, 當沒野,佢就會睬番佢, 有沒聽過" 聊當唔值錢"即主動睬佢即刻唔值錢, 係真嫁.

恭奉和合二仙 ~ 我有試過, 不過是係大陸, 有沒用? 本人認為個人安心的, 你可以試下的, 信則有不信則沒, 但不要過份迷信, 如果試左沒改善妳要懂得安慰你亞媽, 廢事佢胡思亂想。