Re: 請問元朗有冇好的婦產科介紹
馮樹明我之前聽人講都話幾好, 所以上年我去睇過黎, 但睇左一次就後就以後都唔再睇!!
果次我已經打左電話去問, d14可唔可以照到有冇排卵, 姑娘覆返我話醫生話可以, 我先去排隊睇
入到去, 我再問多一次醫生同一問題, 佢就話照黎都冇乜用, 但我都可以照既!! (我心諗, 咁頭先又答我照到?!)
跟住佢叫我自己諗下照唔照, 就唔再理我
其間佢一直係度寫緊野, 但寫既唔係我既病歷表(我從頭到尾都唔見有我張病歷表), 只係寫緊一本簿, 係文具鋪有得賣果d單行簿!
之後我問佢照一次幾錢, 佢話3百, 我諗諗下話我都係唔照啦, 跟住佢就話出去記得比錢!!!!
出到去, 姑娘叫我比百2蚊, 我照比, 但我覺得好唔忿氣, 我入左去5分鐘, 佢從來都冇抬頭睇我一眼, 剩係掛住寫自己野, 一開始電話問佢, 佢就話可以照到, 到黎到, 佢就話未必得, 叫我自己考慮, 然後我話唔照, 佢都要收返我百2蚊, 5分鐘百2蚊, 佢都幾好賺喎!!!
我覺得佢第一, 一開始冇講明可能照唔到, 搞到我白行一次不突止, 仲無端端要比百2蚊!
第二, 一個醫生睇症, 點解從頭都尾都冇望過個病人一眼呢, 即使係同朋友傾計, 都唔會啦!!
第三, 我係病人, 點解會唔須要寫病歷呢?! 難道佢一開始已經知我唔會照u/s, 所以連病歷都唔使攞出黎寫??
第四, 我比得錢, 果5分鐘係咪應該只係睇我症呢? 點可能一邊寫佢自己既野, 一邊同我睇症呢? 即使我係度考慮緊, 作為醫生, 係咪應該提供多d info比病人考慮呢? 我剩係得知2樣野, 一就係即使照都未必照到野, 二就係要3百蚊一次, 咁我點樣考慮呀!! 好正常梗係唔照啦!!!
我係網上都冇乜聽過佢有問題, 所以可能係我唔好彩, 撞岩佢心情唔靚, 或者咁岩佢超忙超多野做, 所以就冇理我掛!!!
當作參考!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
