今日搭巴士. 終於破戒同人嘈左兩句.
話說我平時如果搭呢架巴士. 係會響旺角落車, 咁我一定上上層.
不過今日我去好近, 約4個站. 一上車我就企響巴士入面.有位坐但自己無坐.
之後我後面係兩個關愛座, 當時有個年約40-50歲既女人(38). 坐左一個位. 仲有佢隔離果個位, 佢就用左黎放左一大袋野, 坐位前面佢又放多個旅行箱, 當時因為仲有好多位, 所以我無為意啦.
到左第2個站, 有個婆婆上左車. 佢係行路都震震下果D婆婆. 之後婆婆行到果個女人面前. 果女人扮睇佢唔到. 架巴士都準備開車. 咁我就出聲啦..
我: 太太, 不如你拎開個袋同個箱比個婆婆坐啦.
38: (扮聽唔到. 無反應)
我: (大聲既.) 太太. 你可唔可以拎開你D野呀!!!!
38: 入面咪大把位囉.!!
我: 咁你又唔坐入面.你坐緊果兩個位係關愛坐黎架.!!!
38: 我有需要坐.!!
我: 你有需要要坐姐. 你果兩舊野無喇掛!!!!!!!!!!! ((真係火都黎))
38: 你叫我放佢地響邊先!!!!
我: 個箱咪放響你前面, 個袋咪放響你腳上囉. 唔係咁都要個後生教你嘛.!!!!
38 : 真係麻鬼煩.!!! ((同時動手拎開D野.))
我: 我都覺得你麻煩呀!! 香港多得你D咁既人呀!!! 你唔會老既.
38: ((唔知佢講左D咩. 佢之後超細聲))
但個婆婆當時坐左係個位度時. 講左好多句唔該. 但係婆婆係望住我講.(我笑笑口望住個婆婆)
講真我依家好少響出面同D唔識既人嘈, 好驚比人影左擺上網. 但今次唔出聲唔得.
平時見關愛座比人坐我唔會出聲. 講真. 可能人地真係有需要. 但今次係個38一人霸兩個位. 其中一個仲要黎放野, 當時又真係有個好需要既人要坐. 我真係忍唔住要出聲喇!!!..
下次再遇到同一樣事件時, 我都會繼續出聲!!!
唔好用自己既諗法,夾硬套落人地身上囉~ 唔該!!!!
發表於 
返回列表
