吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 請問係點解？有啲咩意思？

夫婦情感今日: 2|主題: 42794

收藏本版

發帖

返回列表

跳至頁

查看: 1232 | 回覆: 12

請問係點解？有啲咩意思？ [複製鏈接]

Cheng62512

大宅

積分: 1320

1^#

發表於 13-11-14 22:03 |只看該作者 |倒序瀏覽 |打印

無意間見到老公電話同個fd既對話，話佢好攰，覺得好辛苦，因為早排同佢為左個囡嘈，老公同我係澳門住，99佢地係香港，老公佢自己應承99話會帶個囡返去同佢地食飯，但我果日已經約左人，唔諗住同佢地去而且前一晚都唔返99到訓，老公就話佢地好耐無見喎，其實係一個月咋嘛，但我婆婆有成3個幾月無見咯（婆婆住香港），輪輩份邊個大啲先？已經唔係第一次為呢啲嘢嘈，每次淨係幫晒佢自己既屋企人，究竟有無諗過個囡同我都會覺得攰架？個囡2歲未夠就已經來來回回咁兩邊走，今次仲要俾我發現佢同個fd話唔知點解會同我一齊？想問下咁即係咩意思？之前俾我既感覺已經係唔想離開香港，黎到澳門好似好唔開心咁，依家仲要俾我見到咁既對話，真係好想知係咩意思？

0 1 0

私人傳訊

回頭浪子

大宅

積分: 1376

2^#

發表於 13-11-14 22:18 |只看該作者

引用：無意間見到老公電話同個fd既對話，話佢好攰

原帖由 Cheng62512 於 13-11-14 發表
無意間見到老公電話同個fd既對話，話佢好攰，覺得好辛苦，因為早排同佢為左個囡嘈，老公同我係澳門住，99佢 ...

可能夾係自己阿媽同老婆之間難做人，心情唔靚呻下遮。大事化小，小事化無啦！

點評

fafacat 十分同意! 發表於 13-11-16 01:10

從前你倆為什麼執手起誓
難捱的關口請你記住原委
努力保衛

私人傳訊

shpfamily

伯爵府

積分: 16757

3^#

發表於 13-11-15 10:13 |只看該作者

"好耐" - 觀點角度唔同, 你又唔可以用自己的標準套落去C6度
如你約左人, 佢可以自己帶個女去探99丫, 唔駛嘈丫?

私人傳訊

chu_peipei

子爵府

積分: 10721

4^#

發表於 13-11-15 10:15 |只看該作者

輪輩份邊個大啲先？ --> 唔明, 邊個同邊個比較?

私人傳訊

Froggy_joe

珍珠宮

積分: 48865

5^#

發表於 13-11-15 10:17 |只看該作者

夫妻之間結咗婚，唔好再分「老公的家人」和「我自己的家人」

結咗婚，老公的家人即係自己家人、自己家人亦都係老公家人

如果成日攞個秤去稱，就失感情

多些體諒老公和家人的諗法，慢慢佢都體諒你多一點

加油!

私人傳訊

mummy0910

別墅

積分: 932

6^#

發表於 13-11-15 10:35 |只看該作者

正常黎講,一個月帶個兩歲既小朋友搭一個鐘都無既船程去hk探99食餐飯都唔會好辛苦,掉轉黎諗如果你同你老公喺hk住,你阿媽又係喺澳門,咁你帶個女一個月返一次澳門探阿媽同食飯,咁又會唔會覺得辛苦呢?

私人傳訊

mini1204

翡翠宮

積分: 79226

7^#

發表於 13-11-15 10:51 |只看該作者

我睇到你話佢搬左去澳門之後唔開心, 睇怕呢個先係背後最大既原因. 你不如拆左呢個彈先講其他, 無人可以長期係一個唔鐘意既地方生活; 終有一日爆出黎.

私人傳訊

Lovelovebear

珍珠宮

積分: 31496

8^#

發表於 13-11-15 10:57 |只看該作者

回覆：請問係點解？有啲咩意思？

佢都係掛住自己媽媽想帶個女見下佢啫，我又唔覺得佢錯晒嘅，你地應該好好分配時間，睇下點安排探自己父母

私人傳訊

子爵府

積分: 12169

9^#

發表於 13-11-15 11:05 |只看該作者

回覆 Cheng62512 的帖子

夫妻之間最重要是互讓互諒，你們為了去不去99家而嘈是很無謂的，你C6夾在父母和老婆當中，他會越來越覺得結錯婚了，他會覺得以前那個小鳥依人，對他很體貼的女人哪裡去了？當然你也會覺得以前那個愛自己，事事遷就自己的男人哪裡去了？吵架絕對傷感情，你C6這樣和朋友呻，明顯他心裡面是不滿的，男人不同女人，他們有不滿都要收在心裡，之後堆積起來，到他們覺得忍不下去時就會一次過爆發，也是讓其他女人乘虛而入的機會。

結婚後就不要老把對方和自己的家人都混在一起談，澳門距離香港不遠呀！你C6都沒有要求個個星期都回，只是一個月回一次，都情有可原，你約了朋友可以改期，為了家庭的和諧，你們兩邊都要有人願意先做一些事情，讓對方可以下得了台，今次你就他，下一次他就你，這才是夫妻相處之道，不要令到原本是一個小問題，越吵把小問題變成大問題。現在開始好好作出修補吧！

mc <()>

私人傳訊

saisai937

大宅

積分: 2793

10^#

發表於 13-11-15 11:23 |只看該作者

Cheng62512 發表於 13-11-14 22:03
無意間見到老公電話同個fd既對話，話佢好攰，覺得好辛苦，因為早排同佢為左個囡嘈，老公同我係澳門住，99佢 ...

其實問題都唔係好大啫,可唔可能平心啲同老公傾下,如果老公想帶個囡見下嫲嫲以你又唔得閒,咪叫老公自己帶個囡去嫲嫲度.佢都係想個阿媽見下孫女.
輪輩份邊個大啲先？我覺得你唔可以咁樣講,大家都係長輩,無話邊個輩份大就要見邊個先.

私人傳訊

Cheng62512

大宅

積分: 1320

11^#

發表於 13-11-15 18:57 |只看該作者

可能我講得唔清楚，其實佢地之前真係個個星期都問返唔返去，然後俾我拒絕左，跟住就兩個星期返去一次，每次有連假三日都同老公個囡返去探佢啲親戚，我自已都有親人係香港，又唔見佢陪我去探下佢地？而且有假放係未應該俾下我地一家三口呢？之後因為真係好攰同我係會暈船浪的，再加上個囡開始返托兒所，所以先一個月返去一次，今次係因為我表弟結婚，大陸啲丫姨都過左黎飲，諗住果晚可以傾下計、第二日人齊可以飲下茶啫，咁都話唔得，然後先同我講約左佢屋企人飲茶，講真，老爺奶奶佢地已經退左休，如果真係掛住個孫，佢地都可以坐船過黎探孫架咯，老爺之前陪朋友黎澳門賭錢都唔見下個孫，有幾掛呀？坐月果陣為左餵人奶，老公已經無幫自己，我差啲產後抑鬱咯，真係好難將佢家人當係自己人